نسائم نسيم

[عصي الدمع]

السلام عليكم ..

.. ليلتي يا | قمرها | .. غار منها .. نهاري ..
حيث .. وصل المودة .. | همسة | .. في لياله ..

..

ياليت الردود .. خارج النص .. تحذف .. ولا نشوه تعب .. نسيم ..

بكلام لا يقدم ولا يأخر ..

[نسيم]

ياما حلا يا عبيد في وقت الا سحار
،،،،،،جذب الفراش وشب ضو المناره
مع دلـة تـجـذا على واهـــج الـنـار
،،،،،،ونـجــرالا حـرك تــزايد عبـــاره
في ربعة ما هيب تحجب عن الجار
،،،،،،لا من خطو اللاش ما شب نــاره
النـجــر دقــه وجــاوبه كـل مـــرار
،،،،،،ما لفه الملفــوف من دون جــاره
واخير منــها ركعــتين بالا سحـــار
،،،،،،لا طاب نوم اللي حيـاته خســاره
تلقاه في يـــوم يضـيــعن الا فـــكار
،،،،،،يوم على المخلوق ما اطول نهاره

[نسيم]

السلام عليكم ..

.. ليلتي يا | قمرها | .. غار منها .. نهاري ..
حيث .. وصل المودة .. | همسة | .. في لياله ..

..

ياليت الردود .. خارج النص .. تحذف .. ولا نشوه تعب .. نسيم ..

بكلام لا يقدم ولا يأخر ..
خل الشباب يوسعون الصدر وننبسط معهم ياعصي الدمع.
تسلم على شعورك الطيب

[المهند]

أفا يا عصي الدمع ..
نسيم فاتح مدونته للقاصي والداني .. وتبيه يطردنا ...

نسيم انتبه منه ترى كلها يومين وبيروح ويخليك ...
والله أن تهوهي فيذا لحالك ...

[نسيم]

المهند اسمع /


الله نشد يحمود عن معرفـة يــــــوم
،،،،،،،،،،،،،،،،،وحنا ثمان اسنين يحمود جيران
يحمود يظهرلك صديقن من القوم
،،،،،،،،،،،،،،ويضهر من الربع الموالين عدوان

[عصي الدمع]

السلام عليكم ..

تسلم يا نسيم ..

المهند .. انت حايقا السالفه حوووق .. مستقوي بلونك ؟؟ .. ترى الايام دواره .. و اسألني ..

.. الوقت لو زان لك يا صاح ما دامي .. يا سرع ما تعترض دربك بلاويها ..
... حتى وليفك و لو هام بك هيامي .. سيور الايام تجنح به عواديها ..

..

سؤال لكل من يمر صفحات نسيم العطره ..

- هل جربت الحب و الهوى في حياتك ؟ .. ان كان الجواب .. نعم .. سولف عن التجربه لو شوي ..

..

عسى ايامكم .. حب و غرااااام ..

[المهند]

والله الدعوة الشينة يالذهبي ..
أجل جعل أيامي حب وغرااام .. لا والله فكنا ..

نسيم الكبير ..
يبي لنا عهد كبير

[نسيم]

المهند كانك صامل على الهدنه يبي من يبرم بيننا وبينك موثق كبير لانك سريع الانقلابه.

[قالب ثلج]

وانا ابكون شاهد للهدنه بس كم تدفعون خخخ

[نسيم]

وانا ابكون شاهد للهدنه بس كم تدفعون خخخ
هلا ابو التماسيح .اكيد ماتام شي الا بحضورك .

[قالب ثلج]

صحيح اني قلت ابشهد بس يوم اقولها ماكنت في وعيي خخخخخ كنت طمعان في كم نقطه تعطيني اياها وحصلنا المقسوم لكن ابشوف لك واحد يشهد معك ويعزمك على عشوه في اي مطعم من مطاعم تمير تختار انت خخخخخخخخخخخخخ

[المهند]

وأنا على ذلك من الراضين .. بهدنة كبيرة ..
وعقد صلح .. بيني وبين الخبير الكبير ..

[النادر]

والله ماضنتي تصلحون
حتى لو اصلحتوا بتخرب من باكر

[نسيم]

وأنا على ذلك من الراضين .. بهدنة كبيرة ..
وعقد صلح .. بيني وبين الخبير الكبير ..
واللي يخون ؟

[نسيم]

والله ماضنتي تصلحون
حتى لو اصلحتوا بتخرب من باكر
وانت عندك شك ان حنا نبي نصلح يالنادر.

[المهند]

واللي يخون ؟

يطلع برا ..؛؛>>>>>

[نسيم]

يطلع برا ..؛؛>>>>>
الا هذي يالمهند.نبي نخون ولانطلع

[نسيم]

الحياة ،،،،وش الحياة؟
هل عرفنا معنى الحياة؟كيف نتعامل معها؟كيف نعيش حياة جميله سعيدة بعيدة عن القلق والملل؟
هل الحياة (المادة)؟
حياتنا اللي نعيشها الان (عمل وظيفة،البحث عن المادة والادخار،سيارة،زواج،التفكير في بناء منزل،مشاكل ومخاصمات)بغض النظر عن العبادة وهذا شي مفروغ منه وثابت.
هل هناك مدة زمنية يقف عنده الانسان ويقول الحمدلله الى هنا وكفى واكتفي بما قسم الله لي ؟
من الملاحظ ان الحياة بدت تضيق دائرتها عند الجميع .
وش الاسباب التي جعلت الحياة دائرة صغيرة لاتسع الا القليل القليل من الناس ؟
السبب الرئيسي كثر الانتقادات، وتصيد الزلات،ومحاربة النجاح والتقدم.

[نسيم]

المشكلة الاخرى اننا لاهين في هموم الاخرين وناسين انفسنا!!!!!!!!!!!الى متى؟

[نسيم]

بسم الله الرحم الرحيم
بعد غياب طويل عن هذا المكان نعود له وهذا حال الدنيا ،يجب ان يكون الانسان متكيف مع الظروف ويبحث عن البديل اخير من الانتظار او الوقوف عند مجتمع معين .
كما قال الشاعر
في معزل عن جميع الخلق وازعاجه
،،،،،،،،،،،،،،،،،،،،،مسمع من الناس لو تكثر لجالجها

[عصي الدمع]

السلام عليكم ..

حي من غاب و جاب الغنايم ..

العزلة - المؤقته - فيها راحة للنفس .. و تصفية للفكر و حتى للنفوس ..

و اللي مثلك .. فكره يتعبه .. و يحتاج .. كثيرا .. ان يكون مع نفسه ..

لانه من الصعب ان تجد احد يفهمك .. مثلك ..!!

[نسيم]

وعليكم السلام
هلا والله بعصي الدمع.ياخوي انا كني بعير همل ان كان اهله قاضبينه ومنتبهين له ماهوب رايح وان صدوا عنه راح.
ياخوي عجزت اصلح من بعض الاعضاء مدري ليه؟
هو البلا في والا منهم؟
انا لا اخفيك ماحب استخدام الصلاحيات اطلاقاً اطلاقاً لان استخدام الصلاحيات او القوى اللي في يد راعي الصلاحية يعتبر عجز ياعصي الدمع .لان الرسول صلي الله عليه وسلم في احنك الامور واصعبها لم يستخدم صلاحياته الربانية في الدعوة الى الله علما بما عاني من الصعاب والاذى والتشريد من بلده واحب الديار له مكة المكرمة كان في يده امر واحد ينهي كل الصعاب لكن النظرة البعيده عند الرسول صلي الله عليه وسلم والنظرة بروح الاستبشار بمستقبل جميل جعلت منه نموذج يقتدى به .
طيب، ليه نغفل هذا النموذج من قدوتنا وحبيبنا المصطفى صلى الله عليه وسلم وكيفية تعاملة مع الاحداث ؟
نحن عندما هاجم الدنمرك الانجاس الرسول صلي الله عليه وسلم ثرنا له وزعلنا وقاطعنا وهذا واجب لكن ليه مانحاول ان نطبق تعامله ومعاملته على من حولة ؟ العفو والتسامح الستر حسن النية سعة الصدر تحمل الامور التغاضي حسن الخلق اشياء كثيرة وكثيرة.للاسف اننا لانطبق ولانحاول ان نستفيد من قدوتنا محمد صلي الله عليه وسلم .
اشياء غريبة ياعصي الدمع .

[عصي الدمع]

السلام عليكم ..

و الله اللي مثلك نستفيد منه .. و انت تعاملك مع الجميع بنفس الدرجة من المحبه و الاحترام .. و ان زادت للبعض فالقلب و ما يهوى ..

و طريقتك في التفاهم و الاخذ و العطاء من و الى الجميع .. حلوه و كلامك اعلاه يدل .. على سعة افق .. قد لاتوجد عند البعض سواء

في الحياة ولا حتى في المنتدى .. و ان جا اعضاء ما تركب موجتك موجتهم ..

فما عليك الا انك تتحمل .. و لكن السؤال .. الى متى ؟؟ ..

و ترى استغلال الصلاحيات يبرد على القلب احيانا ..

[نسيم]

فما عليك الا انك تتحمل .. و لكن السؤال .. الى متى ؟؟ ..

الى متى ؟الى ان يرث الله الارض وماعليها دام الوضع بهذه الطريقة وهذا التفكير ليش؟لان حنا ماعندنا شي اسمه اذكر محاسن اخيك سابقاً ،ماعندنا شي اسمه ادمح الزله،على قول الشاعر
يازين ماتدمح الزله
،،،،،،،،،،،ياما دمحنا خطياكم
والمشكله ايضا مافيه ربط بين الماضي والحاضر ياعصي الدمع.
و ترى استغلال الصلاحيات يبرد على القلب احيانا ..
نعم بعض المرات يلزم لزم الضرب بيد من حديد او فولاذ لكن متى؟ اذا بلغ السيل الزبا ولم يبق في قوس الصبر منزع
وكما قال الشاعر
سلي الرماح العوالي عن معالينا
،،،،،،،،،،،،،،،،،، استشهدي البيض هل خاب الرجا فينا
إنا لقوم أبت أخلاقنا شرفا
،،،،،،،،،،،،،،،،،،،،،،،،، أن نبتدي بالأذى من ليس يوذينا
بيض صنائعنا ، سود وقائعنا
،،،،،،،،،،،،،،،،،،،،،،،،،، خضر مرابعنا ، حمر مواضينا

[عصي الدمع]

السلام عليكم ..

.. الناس ما ترحم يا نسيم ..

و دواهم لا تلقي لهم بال .. خل بالك مع هواك و كيفك ..

اللي يوجع راسك .. ديور و ابعد عنه ..

الزم ما على الواحد .. راحته ..

[النادر]

صباح الخير يانسيم اخبارك
مدونتك مشاء الله تتحول بقدرت قادر الى
ماتريد دين (ثقافه ,هوش , رياضه )يعني كوكتيل

[نسيم]

السلام عليكم ..

.. الناس ما ترحم يا نسيم ..

و دواهم لا تلقي لهم بال .. خل بالك مع هواك و كيفك ..

اللي يوجع راسك .. ديور و ابعد عنه ..

الزم ما على الواحد .. راحته ..
وعليكم السلام
حنا من الناس ياعصي الدمع ولولا الناس ماجاء هناك فروقات عقلية تميزهم عن بعضهم.
الكيف!!!!!!!!!مافيه شي اسمه كيف، فيه على كيف الناس بس، تخالفهم ولو انك صح تعتبر غلطان.
لكن المشكلة ياعصي الدمع
ومن نكد الدنيا على الحر ان يرى
،،،،،،،،،،،،،،،،،عدون له مامن صداقته بدا
ترى سوالفنا هذي ياعصي الدمع تخصنا مال احد فيها تدخل او انا غلطان .

[نسيم]

صباح الخير يانسيم اخبارك
مدونتك مشاء الله تتحول بقدرت قادر الى
ماتريد دين (ثقافه ,هوش , رياضه )يعني كوكتيل
صباح النور يالنادر.
الحمدلله هذا من طيبكم وتقديركم .
لكن نقول الله يجملنا واياكم ويدلنا على الخير

[الأنيق]

أكتشفت أن هالمدونه أسمها الهواء العليل.

[نسيم]

ابومنيرة ترى لو يدرون عنك انك تبي تقلب المدونة سواليف ياويلك

[الأنيق]

من هم يانسيم

[نسيم]

من هم يانسيم


وش قصدك؟
ماعلي من احد ،ماعلي من احد فكني يابومنيرة .شوفوا ابومنيرة يثير الفتنه يدور شي ماغداله

[الأنيق]

وش قصدك؟
ماعلي من احد ،ماعلي من احد فكني يابومنيرة .شوفوا ابومنيرة يثير الفتنه يدور شي ماغداله
بسم الله عليك يخيي وش فيك.مانيب أخبرك كذا.
وش فتنته تري صادق منهم!!!

:t169:ياخواف؟

[نسيم]

بسم الله عليك يخيي وش فيك.مانيب أخبرك كذا.
وش فتنته تري صادق منهم!!!

:t169:ياخواف؟
وش دراك انهم يخوفون يابومنيرة؟

[الأنيق]

وش دراك انهم يخوفون يابومنيرة؟

منهم يانسيم ..ترك حيرتني؟

[نسيم]

منهم يانسيم ..ترك حيرتني؟
علينا يافلبين ؟
لاتسوي نفسك قوي وتقول كلام تندم عليه .دور العيشه يارجال .

[الأنيق]

علينا يافلبين ؟
لاتسوي نفسك قوي وتقول كلام تندم عليه .دور العيشه يارجال .
أسمع ياولد الصين
أنت تبيني أقول شي ..
والحمد لله أني ماني راعي دوران كان أفهم قصدك

ولاكن ما أقول إللى
أعجبني كل حرف كتب في هالمدونه.

[نسيم]

أسمع ياولد الصين
أنت تبيني أقول شي ..
والحمد لله أني ماني راعي دوران كان أفهم قصدك

ولاكن ما أقول إللى
أعجبني كل حرف كتب في هالمدونه.

افا، تتهمني بأني متثعلب وراعي توجهات مخالفة للانظمة والقوانين يابومنيرة.صحيح ماتجيك الاذية الا من القريب!!!!!!!!!!!!!!!!!!!
لاخاب ظنك بالرفيق الموالي
،،،،،،،،،،،،،،،،،،مالك مشاريهٍ على نايد الناس.
كلك خير وبركه يابومنيرة اللي فتحت لنا مجال حول هذا الموضوع اللي كثير من الناس تألم منه الا وهو خذلان القريب.
صدمه وكبيرة خذلان الاقربين ابناء العمومة .
لكن الشاعر العربي يطلب تحمل ذوي القربا وابناء العمومة يقول
بلادي وان جارت عليه عزيزة
،،،،،،،،،،،،،،،،،،،،،،،،، قومي وان شحوا عليه كرام

[نسيم]

حتى لو دخلوا جحر ضب لدخلتموه.
شي غريب وغريب جداَ اشياء تحصل عندنا صراحة توضح مدى التبعيه بدون قناعة لكن مثلهم مثلهم ويضايقون راعي التخصص والهواية .
افهموها على كيفكم .

[الأنيق]

أكيد أن قصدك خير!!

[نسيم]

ابومنيرة ،ترى الدعوى بساط احمدي اللي في خاطرك قوله .هنا حرية مطلقة تحت الحماية .

[نسيم]

امواج المحيطات تتلاطم، المركب قديم ،الركاب خوف وذعر،في ليل دامس،السماء امطار وبرق ورعد ،
الجميع يبحث عن النجاة.
يا الله متى ينتهي هذا الكرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نسسسسسسسسسيم

[نسيم]

المرقب اللي صاحبي قد وطابه
................. حق علي الى من جيته لعديه
والله لعدي فيه واروح ترابه
...........من حشمة اللي عقب العام راقيه

إن مت حطولي كفن من ثيابه
.................. وخلوا لطيف الروح فوقي يساويه

أظني أسلم باللحد من عذابه
............... وأروح بسمل الثوب من ريح راعيه

وإليا حضر قبري ولمس جنابه
............. حتى ولو قفى هاك اليوم أبرجيـــه

والموجب إنه خابرن وين أنابه
............. ماعاد ينشد عني أحدن يغـــــــــويه
هذي تعد من روائع الغزل فيها الاطلال والذكريات والتمنى والترجي.مساكين اهل الهوا حالتهم حاله .
يجي واحد ماله في الامور هذي سنع وينتقدهم وهذا خطا،هذي تعتبر بلاوي والسالم يحمد الله.

[عصي الدمع]

السلام عليكم ..

صباح الخير .. و الحب يا نسيم ..
..
..

حتى ولو قفى هاك اليوم أبرجيـــه


..

اوجعت قلبي يا نسيم ..

[نسيم]

عصي الدمع صباح الخير،،،،،،،،،
شف وش يقول الشاعر لانه خابر ان فيه ناس فيهم حسد وشر الله يكفينا شرهم
والموجب إنه خابرن وين أنابه
............. ماعاد ينشد عني أحدن يغـــــــــويه

[نسيم]

بسم الله على قلبك ياعصي الدمع.
انت لك سوابق ياعصي الدمع والا تسمع مثل الناس؟

[عصي الدمع]

..
الله يكفينا شر كل .. حاسد ..

لي .. سابقه وحده .. و الشوف ما هو بمثل السمع ..

..
سؤال يا نسيم .. ابيك تجاوب بكل صدق .. شي تتمناه الحين ؟ الحين ؟ ..
و مدونتك و محد له حق يتدخل في .. خصوصياتك و امنياتك ..
.
على طاري الامنية .. متى يوم ميلادك .. علمنا نحط لك حفلة ..

[نسيم]

..
الله يكفينا شر كل .. حاسد ..

لي .. سابقه وحده .. و الشوف ما هو بمثل السمع ..

..
سؤال يا نسيم .. ابيك تجاوب بكل صدق .. شي تتمناه الحين ؟ الحين ؟ ..
و مدونتك و محد له حق يتدخل في .. خصوصياتك و امنياتك ..
.
على طاري الامنية .. متى يوم ميلادك .. علمنا نحط لك حفلة ..
بس البين انك تجاوزت هالسابقة بروح عالية وايقنت ان لكل شخص نصيب وان الاقدار ليست تحت تصرفنا نصرفها كيف نشاء.
والله ياخي الاماني كثيرة ليس لها سقف محدد يعني انا اكذب لو قلت لك اني يعني يعني سالم من غثاء بعض الانفس اللي تبلاك وتورطك وتدهورك وتروح ترقد وحنا يطلع الصبح في رجا كلمة تعال ياعصي الدمع.
شف حنا في المنتدى والحمدلله ماتقدر تقول هذا مكاني ولي فيه حرية طرح او فكر او سالفة اطلاقاً ماتدري الا جايك واحد يقول انا شايف عصي الدمع ونسيم يسولفون!!!!!وش عندهم؟
ثم تروح في دوامة سكر المدونة انتم تسولفون وقلبتوها سوالف ومن هالكلام اللي يضيق الصدر.
تاريخ ميلادي صراحة محرج ياعصي الدمع لاني شفت بعض الاعضاء كبر عيالي اي والله .فأنت منتب مزوجني، وانا خلاص معد لي نظر في العروس، يكفي اللي عندي من الغثا والصجه.
تحياتي لك ياعصي الدمع

[المتميزة 26]

شف حنا في المنتدى والحمدلله ماتقدر تقول هذا مكاني ولي فيه حرية طرح او فكر او سالفة اطلاقاً ماتدري الا جايك واحد يقول انا شايف عصي الدمع ونسيم يسولفون!!!!!وش عندهم؟


من جد وش عندكم :t24:

[نسيم]

من جد وش عندكم :t24:
ابد سلامتك .سوالف وتقطيع وقت .وعصي الدمع الله يخليه سوالفه زينه و قلبه مشبي متخرق كنه بيت نمله وانا قد مضالي ما مضالي .يعني الدعوى وقوف على الاطلال .مشاكل الحياة ،التعامل مع الاخرين حسب ادراكهم ،الناس ماتخلي كل وادي ومجراه.
عصي الدمع عنده اجازة وفاضي ومسير ويحبني وانا والله احبه.وانتي خابره الله لايقطع رجا من ترجاه ومن سار على الدرب وصل يالمتميزة ولابد ان يستجيب القدر، وتلين القلوب، او تحس .يعني حنا هوينين يكفنا الكلمة الزينه نقعد اسبوع وحنا في سكرتها.وحنا في رجا كلمة تعال، على قول الشاعر/
وياوجودي كل مااغفيت ثم مال الظلال
،،،،،،،،،،،،،،،،،،،،، لاغفت عيني ولاذقت شيٍ مشتهيه
وجد من قفّى وهو في رجا كلمة تعال
،،،،،،،،،،،،،،،،،والتفت من عقب مااقفى ولحدن لدّ فيه
فرصة سعيد يالمتميزه

[نسيم]

الان الساعة 4،51عصراً درجة الحرارة46 ْمئوية. متغدين قرصان، ورز، وجريش وقاعدين نشرب شاهي .
وش رايكم؟هل هذي وجبة تتناسب مع هذه الاجواء؟
على العموم كلنا ماهوب انا لحالي اللي ياكل مثل هذه الانواع من الوجبات .
مشرب شاهي وننزف مياه ننزف مياه .يجي واحد يقول العرق صحة!!!!طيب والحر صحي؟
بعضهم من العرق والحر وعدم الاستحمام وتغيير الملابس يومي او بين فترة النهار والليل يجي ريحة كنه ريح تيس !!!وين الصحة معه؟
طيب شغل تكييف السيارة يقول لا. لا كبيرة .طيب ليه لا؟يقول يثر على صحته .

[عصي الدمع]

السلام عليكم ..

كفاني منك .. قولك : احبك ..
و من يحصله يكون له في .. قلبك يا نسيم .. مكانهـ ..

و فيه توافق فكري .. و ميول متشابهه ..
..

و حلفت .. لا .. ما اقولها لك .. و انا حي ..
الا اذا قلت : .. انسني .. قلت لك : .. لا ..
..
..
وياليته اذا قال لا .. قالها وهو مقتنع .. او يقولها مره و يسكت ..
لالالالالالا .. يهبلك .. وش فيه ؟؟ ..
واحد من الناس اللي استانس معه و احب سوالفه .. لاحظت فيه شي عجيب غريب ..
مثلا .. لو اقول رح يمين .. يقول : لالالالالا .. يمين ازين ...
هو معي في الراي .. لكنه متعود يقول .. لالالالا ..
..
فانت اذا قالوا لك : لا .. كانك ما سمعته .. لانه يقولها كذا وبس .. يعني لو تشغل التكييف هو بيستانس اكثر منك

.. يووووه يا نسيم .. لا تذكرني .. الايام هذي .. خذ انواع الروايح و المخلطات .. ( المخيسه )
يختلط ريح خراف مع .. و مع .. و مع ....
..
..
اعرف واحدا من زين ريحته تحسب بيتهم ما تجيه شمس ابد او عندهم مصنع حلويات و بساتيك ..
مرا يجي ريحه .. فانيلا .. و مرا .. شوكلاته .. و مرا .. فواكه ..
ودك تقوله : لمني ..
لكن الحن يا ويل من لميناه .. قبل نلمه نقول له : تشهد ..

اجل بالله عليك .. الفنيله ليه محطوط لونها ابيض ؟؟ ..
عشان ندري اذا توسخت نغيرها ..
فنيالنا .. خرااااااايط .. لو يلبسها احد بعدنا .. اجرب ..
..
و فيه ناس تحسب النظافة و التطهر و التطيب و الاهتمام بالجسم و المظهر .. للبنات
و و ...

يا اخي ما نبيك تحط .. لوشن ولا سبراي .. اسبح بــ فيري .. بس .. اسبح ..

ما اقدر اقول اكثر .. تعبت

..

مواضيعك يا نسيم .. تلامس حال الواقع اللي نعيشه ..

[نسيم]

ليه ماحبك ؟
ليه ما اعترف بكلمة احبك؟
مشاهدك جنة ومنطوقك عسل صافي
،،،،،،،،،،،،،،،،،،،،،،،،وين النصيب اللي يحوشك في العمرمره.ياعصي الدمع .
تراك ذكرت مصطلحات والله ماعرفها لكن اشمها في بعض الناس وقول في نفسي هذا قد مر علي اما عصير مشكله ابوثلاث نجوم او ريح عسكريم في محاريها.

..
و فيه ناس تحسب النظافة و التطهر و التطيب و الاهتمام بالجسم و المظهر .. للبنات
و و ...

يا اخي ما نبيك تحط .. لوشن ولا سبراي .. اسبح بــ فيري .. بس .. اسبح ..
وشو لوشن وسبراي؟
ياخوي منول انا واخوي نسبح بتايد اي والله ويشب علينا ولايجي فيه رغوة واذا تفوطنا تجي وجيهنا شهب ونحس بحكه رهيبة لين اكتشفنا انه للثياب وفكنا الله من الكلوركس كان معمينا.
المهم تطورنا وقمنا نستعمل الشمبو الاحمر القزازة ويضايقنا من جد ويحر العين.وهالحين الحمد لله جاء شمبو الاطفال نسبح به كلنا ومفتكين من وجع العيون .
شف نبي نكمل موضوع حول الحلاليق ياعصي الدمع الليلة.فيه ناس اشوفهم يطلعون من الحلاق ومعهم شناط صغار وقول ذولا وش عندهم؟كيمرات فيديو،او جوائز.
والمشكلة ان اللي شفتهم معهم الشناط !!!!!!!!!!!!!!!خايفين على الجمال الحاتمي والبشرة اللي تأثرها سريع ..............ياالله ان تخلف عليهم.
وين راح الموس ابو تمساح ؟نحلق في البيت.
الحلاق هذا مانيب احبه اذا دخلته لين كني داخل غرفة عمليات قطع منه .

[المتميزة 26]

ياخوي منول انا واخوي نسبح بتايد اي والله ويشب علينا ولايجي فيه رغوة واذا تفوطنا تجي وجيهنا شهب ونحس بحكه رهيبة لين اكتشفنا انه للثياب وفكنا الله من الكلوركس كان معمينا

ههههههههههه والله ضحكتني
الشنط اللي يطلعون بها من الحلاق هذي مكائن حلاقة خاصه بهم
عشان العدوى من الامراض الله يحفظنا .. أكيد أنت تعرف هالموضوع

[المهند]

طيب يانسيم ...
وينك من " اخشوشنوا فإن النعم لا تدوم "
تبينا ننافس الحريم بالتميع .. والتلميع ..
تلقى الواحد إلا جاءيسافر .. خذ معه مضاد الشموس .. ومضاد للكبوس ... حتى القمر حطوا له مضاد ..
يخلف الله ...

[نسيم]

ههههههههههه والله ضحكتني
الشنط اللي يطلعون بها من الحلاق هذي مكائن حلاقة خاصه بهم
عشان العدوى من الامراض الله يحفظنا .. أكيد أنت تعرف هالموضوع
عشان العدوى!!!!!!!!!!!!!!ليتهم ينشدون كان اقول احلقو بمحشات ولا جايكم الا العافية.
وبعدين يقعدون ساعة عند تحديد السكسوكه !!!!سبحان الله ولايحطها الا الشين.شي غريب .
انا كنت اظن ان فيه تحفيز لكي يعامل الحلاق .لكن العدوى هذي جديده صراحة .
ههههههههه وبعدين اللي اشوفهم يشيلونها اقل من ضعيف مادياً واهل الدراهم تلقاهم ياخذون اشهر معششين شوارب وشعر وحالتهم محيوسه شوي.

[نسيم]

طيب يانسيم ...
وينك من " اخشوشنوا فإن النعم لا تدوم "
تبينا ننافس الحريم بالتميع .. والتلميع ..
تلقى الواحد إلا جاءيسافر .. خذ معه مضاد الشموس .. ومضاد للكبوس ... حتى القمر حطوا له مضاد ..
يخلف الله ...
وش مضاد للكبوس؟اول مره اسمعها.
ياخوي الظاهر انك تسمع مع خشمك .انا ماقلت تنعموا وبعدين انت يالمهند مافيه امل تنعم حتى لو تنعم ماتركب عليك المساحيق لانك مطلي بزيت الضب الناعم .

[عصي الدمع]

السلام عليكم ..

صباح الليل ..

الحق علي يا نسيم .. متعشي .. حمام محشي .. و رز معمر .. و شوربة كوارع ..
من الساعه 10 للحين .. و انا في جو .. اشد من نهار الجريش و القرصان ..
..
..

الشنطه و الحلاق انا ضده و بقوه .. الا اذا ان خشك مميليحه و تسوى من يعدل فيها .. لكن واحدا مثلي
وش له بالحلاقين و صنفرتهم ..
فريحت نفسي .. خذت لي حلاقة كهرب سوا بها ما بدا لك .. اول النهار بسكسوكه .. و اخرهـ .. سلط ملط ..
حسب جوك هاك اليوم ..
..
..
و نرجع لموضوع النظافة .. تدري وش اهم شي في هالموضوع .. ؟!!
لاتنام بملابسك الداخلية ابد .. او اذا نمت بها .. غيرها ..
ولاتتروش و ترجع تلبسها نفسها ..
و يكفي .. لا تحط لا تايد ولا فيري ..
..
..
و الاسماء اللي قلتها .. هذي زود .. لكن مفعولها مثل السحر .. لنفسيتك .. و نفسية اللي حولك و نفسهم ..
..
ما نطالب بالميوعه يــ المهند .. و الريحة الزينه هي اول مفتاح لترتاح ..
..
..
نسيم .. لايهمونك ..

بحط لك قائمة بالاشياء اللي تشريها و شلون تستخدمها و انواعها .. يا اخي عش باقي ايامك في دلع ..
احس انك حارم نفسك من اشياء واجد ودك بها ..
ابعد عن المهند .. و شوره ..
..
..

تصبحون على خير .. بحط لوشن فانيلا .. و انام ..

[نسيم]

عصي الدمع،وشلو الحق علي؟
المهم جعل مهابيطه العافية.ياخوي حنا اذا تكلفنا وبغينا نفسق ذاك اليوم ونخربها طلبنا برستد من مطعم التنهاة اللي جنب محل المهند حق الصياد،ثم ضربنا فيه انا والعيلان مع غرشتين ببسي العائلة ولانخلي احد مانعلمه الصبح .بس المشكلة ان حنا واجد مايسدنا الشوي لكن المخشور مبروك والله ياواحد من العييل يقعد يعرم عظم فخذ الدجاجة لين يميع العظم تصدق ما ننطل الا الكرتون بس .
لاتخلين من الروائح الزينة تكفا ترانا ياربعك من جنبها عطني قائمة بلاسماء حقتها ولاتجيب مصطلحات صعبة .تراي مابعد عرفت الاشياء من حولي مابعد اكتشفت وين مكاني الى الان .نحتاج تثقيف الله يرحم والديك.
تسلم ياعصي

[عصي الدمع]

السلام عليكم ..

و الله ناويا انام وشفت ردك وقلت لازم ارد .. ولا عاد فيه وقت .. بيأذن ..

الله يخليك لعييلك .. و يخليهم لك .. و يصلحهم .. و بالعافية .. اهم شي تاكلون و انتم بخير

و صحة و الضحكة من الوناسة شاقتا و جيهكم .. ان كانه بروستد .. او .. غيره ..

و يا حظهم يا كلون و انتم حولهم .. من وصفك شكله ما يبقى لك الا .. الجناح ههههههه و الباقي للعييل ..

..
..
والله يا نسيم .. ان فيه اشياء لو تدري عنها ان ما تصدق انها موجودة عندنا .. برسل رابط ع الخاص ..

على فكرة .. هدفنا من الموضوع و النقاش و التفصيل فيه .. او حتى في موضوع اخر .. الفائدة ..

لا يجي في بال .. احد ما .. انه نستعرض .. او لنا اهداف اخرى ..

يعني يا نسيم .. انت الحين بتنام بقشك اللي عليك .. و الصبح تلبس عليه ثوب و للدوام .. و الثوب تطامر به لك شهر ..

تكشت به .. و تاكل جح و يقطر عليه .. و تتشوف للخراف و هو عليك .. و ان كان حواليك بهم تتشوف لها .. و شموس و قوايل

وش تتوقع اخر اليوم .. النتيجة .. ؟؟ اكيد .. النتيجة فتاكة .. تفتك بك و باللي حواليك ..

فيه رجاجيل تنقد على حراميها .. ما تحط ولا تتزين ولا ولا ولا ولا .. طيب انت تزين لها .. يا اخي اقشع هالخياس اللي انت فيه

قسم بالله يا بعضهم انك تحسب اباطه .. ثيل .. كبير ابو عيلان .. ما تدري انه ينظف ؟؟؟ ...

و ترى الامور ميسره و فيها لا تكليف و لا تبذير ..

مر الصيدلية .. قل يعطيك .. معجون اسنان سواك بـ 6 ريال مع فرشاته .. غسول وجه نيتروجين بـ 21 ريال .. لا تاخذ شامبو .. الشعر ازين له بدون شامبو
و شاور جيل بـ 12 ريال .. ان بغيته فراوله ولا بردقان ولا فانيلا حسب .. الموسم ..
و قل له .. لوشن ( كريم ) للجسم خفيف .. بـ 18 ريال .. وخذ بريحة نفس الشاور جيل .. و خذ معطر جسم بخاخ من نفس الريحة بـ 14 ريال ..

71 ريال .. و تحس بطعومة السباحه هاك اليوم ..
..
..

و فيه اشياء غير هذا كله .. و الله واجدين اللي لهم فن و خبرة في هالامور .. اكثر مني ..

انا مهما سويت ولا حطيت .. ما يبين .. !!

[المهند]

وش خليت وش خليت ...
وش لك بالبرستد ... دامك عاني عاني لهاك العمارة ...
مر الصياد .. وخذ لك كاتم ... واضبط لك مكرونة .. تكفيك أنت واللي يعرم فخذ الدجاجة ..

نسيم أنا يوم بغيت أعرس ...
وداني واحد من الشباب لمحل في الرياض حق عطورات .. لاهوب نعومي ... لكنه حوله ...
وشرينا من هاك الروائح الزينة والمكعبات اللي تحط فيه الدواليب ... وشفتك ولا شفتها ..
حنا عايشين في نجد ... عايشين على الجفاسة واليباسة ..

[عصي الدمع]

..

السلام عليكم ..

نسيم انا .. قصرت من المهند ..

شكلي بوقفه .. ما جاز لي شغله ..

ابنشب له في المنتدى .. و في دوامه ..

[نسيم]

والله ياخي كلامك طيب ومن زود التمعن وانا اقرأ ماتكتبه اتخيل اني اروح للصيدلية واطلب اللي تقول لكن فيه مشكلة اني اسبح وانا واقف اللي عندي دش. ماعندي بانيو.يصلح بدون بانيو؟
اما نيتروجين هذي مالها داعي صراحة.وشو حقه النيتروجين؟
طيب اذا سويت اللي انت تقوله يبطي والا اكررها قبل .ان كانها على طول فهذي متعبه صدق .
حنا سباحتنا وقفه بس ونقعد نشاهق من الماء مانحبه صدق والله مانسبح الا مكرهين ياعصي الدمع.

[المهند]

معليش ياعصي ... الدمع ...
نسيم ما يصلح .. جد ..


و شاور جيل بـ 12 ريال .. ان بغيته فراوله ولا بردقان ولا فانيلا حسب .. الموسم ..
و قل له .. لوشن ( كريم ) للجسم خفيف .. بـ 18 ريال .. وخذ بريحة نفس الشاور جيل .. و خذ معطر جسم بخاخ من نفس الريحة بـ 14 ريال ..

لا تتوثم في الرجال يا عصي الدمع ...
نصف هالكريمات يبي يأكلها ...

والرجال انتهاء زمانه .. وريحته ..... وكالة وشد بلد .. فخله على حاله ..

والله إن سواها ...إن تدور حوله الشكوك والظنون ..
فكرنا كذا تربينا عليه .. وتربى عليه اللي داخل البيت ..

[نسيم]

وش خليت وش خليت ...
وش لك بالبرستد ... دامك عاني عاني لهاك العمارة ...
مر الصياد .. وخذ لك كاتم ... واضبط لك مكرونة .. تكفيك أنت واللي يعرم فخذ الدجاجة ..

نسيم أنا يوم بغيت أعرس ...
وداني واحد من الشباب لمحل في الرياض حق عطورات .. لاهوب نعومي ... لكنه حوله ...
وشرينا من هاك الروائح الزينة والمكعبات اللي تحط فيه الدواليب ... وشفتك ولا شفتها ..
حنا عايشين في نجد ... عايشين على الجفاسة واليباسة ..
دريت وش انت شاري ،انت شاري سفنيك حق الارضه عشان ماتحرق صمط خلاقينك.
ياخوي السفنيك هذا جابه ابوي جعله فالجنة وحنا ندرع فيه انا واخواني نحسبه يوكل قسم بالله يالمهند.
المهند خذلك مكعب سفنيك وحطه في اباطك ههههههههههههههه

[عصي الدمع]

:

يصلح بدون بانيو .. يكفي منك كل جمعه .. موب لازم كل يوم .. شي اهون من لا شي ..
لو تعود نفسك الحزات الزود اللي ما فيها لا شغل ولا طلعات .. مغير تهوهي في البيت
اسبح و خذها وناسه .. موب فرض ..
و انت من اول مره بتصير تحب السباحه لانك تطعم بها ..
يا اخي لك اجر تدري ولالا ؟؟ .. ما توذي المسلمين

[نسيم]

..

السلام عليكم ..

نسيم انا .. قصرت من المهند ..

شكلي بوقفه .. ما جاز لي شغله ..

ابنشب له في المنتدى .. و في دوامه ..
المهند مايقاله شي ياعصي الدمع.
يخطي واذا شكيته قالوا المهند هذا من حمام مكه انت اللي تخطي .يعني ريح عمرك لا هوب موقف ولا احد مهاوشه .الطفل المدلل عند الحمران

[عصي الدمع]

ههههههههههههههههههههههه

حرام عليك يالمهند ..

خل الرجال يشوف حياته و يبدا من جديد .. دامه حي و بصحة فالعمر توه ..

ما اعرف نسيم .. شخصيا .. و عمره يمكن في عمري او اكبر .. لكن اشوفه كتفكير .. و حب للحياة

اصغر مني و منك .. رجال لين .. و يحب اللين في كل شي .. ما يبي الا الوناسه وبس

[عصي الدمع]

المهند مايقاله شي ياعصي الدمع.
يخطي واذا شكيته قالوا المهند هذا من حمام مكه انت اللي تخطي .يعني ريح عمرك لا هوب موقف ولا احد مهاوشه .الطفل المدلل عند الحمران


لا يهمك .. و قسم بالله اني معطي الادارة تنبيه عنه .. و بناء عليه يتخذ القرار ..

ترى هالمنتدى .. دروبه .. عندي .. لاتهمك هالالوان ..

[نسيم]

معليش ياعصي ... الدمع ...
نسيم ما يصلح .. جد ..


لا تتوثم في الرجال يا عصي الدمع ...
نصف هالكريمات يبي يأكلها ...

والرجال انتهاء زمانه .. وريحته ..... وكالة وشد بلد .. فخله على حاله ..

والله إن سواها ...إن تدور حوله الشكوك والظنون ..
فكرنا كذا تربينا عليه .. وتربى عليه اللي داخل البيت ..
والله الحسود،
هو وده يقفل ويشطب بس ماله درب علينا ياعصي الدمع لذا جاء يحاول يخرب ويقطع كلامنا الزين اللي ماقد سمعت مثله ولا استفدت من المنتدى الا هالحزة.
رح ياخوي شف القرود والمطر فكنا يالمهند

[المهند]

ياعصي الدمع .. يا عصي الدمع ..

أنا أبتخيل نسيم يدخل للصيدلية .. أول شيء لازم يصير مافيها أحد .. حتى المحاسب مهوب فيه .. على شان يطلب ذا القائمة ..
ثانياً مهوب تحطيم للرجال .. بس القطو الكبير ما ينتربى ..
هذا أن سبح سباحة واجبة .. ولا ما سبح إلا في برتسه نصفها غرب ..

[نسيم]

وين راح عصي الدمع؟
الله يشغلك يالمهند كانك خربت علينا.

[عصي الدمع]

حولك يا نسيم ..

المهند .. ما همني حسيه ابد .. و عندي قناعة انك انسان تبحث عن التغيير قبل هالموضوع ..

ما تحب الملل ولا الروتين في اي شي ..

لكنك ضحية مجتمع فيه مثل المهند و اعوانه ..

[نسيم]

ياعصي الدمع .. يا عصي الدمع ..

أنا أبتخيل نسيم يدخل للصيدلية .. أول شيء لازم يصير مافيها أحد .. حتى المحاسب مهوب فيه .. على شان يطلب ذا القائمة ..
ثانياً مهوب تحطيم للرجال .. بس القطو الكبير ما ينتربى ..
هذا أن سبح سباحة واجبة .. ولا ما سبح إلا في برتسه نصفها غرب ..
ههههههههههههههههههههه
ياخوي هذا اللي يعيقنا للاسف الشديد.فيه ناس تدخل الصيدلية او المحل ويقعد يسولف مع البائع!!!!!!
واذا جيت سكت وقعد يناظر فيك!!!
طيب وشلون اطلب الخصوصية اللي انا جاي على شانها ...والله ننحرج وكثير تمر علينا.
هذي ملاحظة ذكرتنيها يالمهند الله يرحم والديك.
فعلا ناس واجد تقف وتناظر وش تطلب ...والله عيب ياخي لك لزوم خذه وفكنا من شفاحتك لان فيه امور خاصة ولاتبي احد يدري عنها.

[عصي الدمع]

ههههههههههههههههههههه
ياخوي هذا اللي يعيقنا للاسف الشديد.فيه ناس تدخل الصيدلية او المحل ويقعد يسولف مع البائع!!!!!!
واذا جيت سكت وقعد يناظر فيك!!!
طيب وشلون اطلب الخصوصية اللي انا جاي على شانها ...والله ننحرج وكثير تمر علينا.
هذي ملاحظة ذكرتنيها يالمهند الله يرحم والديك.
فعلا ناس واجد تقف وتناظر وش تطلب ...والله عيب ياخي لك لزوم خذه وفكنا من شفاحتك لان فيه امور خاصة ولاتبي احد يدري عنها.


لا يهمك اكتب له كل شي في ورقه .. و قل جهز هالطلبات ..
وجبها للسياره و خلصنا ..

ههههههههههههه والله انه موقف بايخ .. ودك بشي ولاتقدر تقوله حتى للصيدلي كود تغمض عيونك

[نسيم]

لا يهمك اكتب له كل شي في ورقه .. و قل جهز هالطلبات ..
وجبها للسياره و خلصنا ..

ههههههههههههه والله انه موقف بايخ .. ودك بشي ولاتقدر تقوله حتى للصيدلي كود تغمض عيونك
فعلا انت رجل محنك ياعصي الدمع وتعرف تدبر امورك فعلا ورقة صغيره ونخلص من وجع الراس.
بس اخاف الى من رحت ينشد راعي الصيدلية وش عطيته؟وش يبي ؟
ايه مالنا الا البحر الرياض نروح لنا نصف نهار والشكوى لله

[عصي الدمع]

وليه .. اروحهن لك باكر .. مع اقرب واحدا يجي لتمير

و يا دار ما دخلك شر ..

[المهند]

طيب ياعصي الدمع ..
أرى ما تشير عليه بنعومي أو مكياجي .. دامه رايح رايح للرياض ...

[عصي الدمع]

..
السلام عليكم ..

نعومي و مكياجي و زهور الريف و بودي شوب .. مرحلة متقدمة من التجديد .. الامور خطوه خطوه ..

ادري انت تبيه يهون من اول شي ..

و مدري ليه عندي احساس .. انك تغار منه ..

هل خايف يجي يوم و يصير مكانك .. مراقب ؟؟ ..

[المهند]

عصي الدمع الرجال طفى النور .. والظاهر أنه قد أذن في تمير ... يوم العلم .. وأنا مبطي عن هاك الديرة ...

شف وش أنا كاتب لك في التقييم ... وانتبه تعلم الرجال ...

[المهند]

..
السلام عليكم ..

نعومي و مكياجي و زهور الريف و بودي شوب .. مرحلة متقدمة من التجديد .. الامور خطوه خطوه ..

ادري انت تبيه يهون من اول شي ..

و مدري ليه عندي احساس .. انك تغار منه ..

هل خايف يجي يوم و يصير مكانك .. مراقب ؟؟ ..
وعليك السلام ..

الرجال يقول أبسبح واجد ... كودي أشبي وأصير أخضر ويحطوني مراقب.. قصر من اللون الأزرق ..
لا تنصح واجد فيه ... تلقاه باتسر لابس النظارة الشمسية والجاكيت ويتمشى في السوق ..

[عصي الدمع]

عصي الدمع الرجال طفى النور .. والظاهر أنه قد أذن في تمير ... يوم العلم .. وأنا مبطي عن هاك الديرة ...

شف وش أنا كاتب لك في التقييم ... وانتبه تعلم الرجال ...


الرجال .. راح يصلي و يطلب ما عند الله ..

انت وين تراسل منه ؟ ..

لو ودي اعلمه ما علمت ..

[المهند]

محاكيك من عروس المصايف .. من أعلى قمة في الشفاء ...

جايز لي البراد .. في هالبرحة ..
على الأقل يسلم الواحد من الحر والعرقات ...

[نسيم]

عصي الدمع الرجال طفى النور .. والظاهر أنه قد أذن في تمير ... يوم العلم .. وأنا مبطي عن هاك الديرة ...

شف وش أنا كاتب لك في التقييم ... وانتبه تعلم الرجال ...
ذهبنا لأداء الفريضة يالمهند.
وش انت كاتب علمنا والا ترى عصي الدمع يبي يعلمني

[المهند]

أقول له ... هالرجال كفوه فلاش وشامبوا أحمر ..
وعساه ينفع فيه ..

تقبل الله ...

[نسيم]

وين راح عصي الدمع.
تراه من الاصحاب اليوم .

[نسيم]

أقول له ... هالرجال كفوه فلاش وشامبوا أحمر ..
وعساه ينفع فيه ..

تقبل الله ...
المهند ،ترانا قاعدين نسولف من قناة ثانية سوالف يحبها قلبك وانت احترنا فيذا لين نخلص هههههههههههههههههههههه

[المهند]

يالله يبي يقيم عندنا ..
نشوفك في القيالية ...
تصبح على خير ..

[المهند]

أشوفه يشاهد لوحة تحكم العضو ..
لاتقعدون تحش حشون فيني ...

يالله بدوا يقيمون ..

[نسيم]

يالله يبي يقيم عندنا ..
نشوفك في القيالية ...
تصبح على خير ..
بس تراك قلبت المدونة سوالف ودردشة يالمهند.ان جاء شي تراها منك.

[عصي الدمع]

المدونه و راعيها .. ما عليهم خوف ..

الخوف على المهند .. صدقني يا نسيم .. لو ابي طردته الحين طردته ..

و اتحدى احد يسوي لك شي او حتى مدونتك .. او يلمح لها تلميح ..

..

تصبح على خير

و احلام سعيده ..

[نسيم]

تسلم وانت من اهل الخير ياعصي الدمع.

[المهند]

تسلم وانت من اهل الخير ياعصي الدمع.
إيه ... ناس وأنت من أهل الخير ... وناس لا تخرب مدونتي ..
ما تنلام ... يبي يعلمك فضائل الترويشه ... وتغدي كنك سمكه كل اسبوع تسبح مرة ...

[الأنيق]

تدخل متصفح حروف هذه المونه
وسجلت دخولي فقط.

[نسيم]

الله يحييك يابومنيرة.

[نسيم]

متى موعد هبوط الطائرة بعد ان حلقت في السماء ؟
كل طائر لابد ان يقع!!!!!!!!!!!
هل هناك هبوط اضطراري ؟الله اعلم ،،،،،،،،،،،،،،،
،،،
،،،
،،،
دنيا بحر والناس فيها سبابيح
،،،،،،،،،،،،،،،،،،،ومن طاح ماهم ابن عمه مطيحه
،،،اللهم اجعل خير اعمالنا خواتيمها،،،

[نسيم]

اصبحنا واصبح الملك لله والحمد لله ، لا الة الا الله وحده لاشريك له ، له الملك وله الحمد ، وهو على كل شيئ قدير ، ربي اسألك خير مافي هذا اليوم وخير مابعده ، أعوذ بك من شر مافي هذا اليوم وشر مابعده ، ربي اعوذ بك من الكسل وسوء الكبر ، ربي اعوذ بك من عذاب في النار وعذاب في القبر .

[نسيم]

أيامنــا والليالــي كــم نعاتبهـا
،،،،،،،،،،،،،،،،،شبنـا وشابت وعفنـا بعض الأحوالـي
تاعد مواعيــد والجاهـل مكذبهـا
،،،،،،،،،،،،،،،،،واللي عرف حدهـا من همهـا سالـي
إن أقبلـت يوم ما تصفـى مشاربهـا
،،،،،،،،،،،،،،،،،تقفـي وتقبـل وما دامـت على حالي
في كــل يوم تورينـا عجايبهـا
،،،،،،،،،،،،،،واليوم الأول تراه احسـن من التالـي
أيـام فـي غلبهـا وايـام نغلبهـا
،،،،،،،،،،،،،،،،وايام فيهـا ســوا والدهـر ميالـي

[نسيم]

العفو ما واحدٍ فــي الناس يا والي
،،،،،،،،،،،،،،،،،،،،،قومٍ الـى جيتهـم رفـت شواربهـا

بالضحك واقلوبها فيها الردا كالـي
،،،،،،،،،،،،،،،،،،،وقومٍ الى جيتها صكـت حواجبهـا

وابدات لي البغض في مقفاي واقبالي
،،،،،،،،،،،،،،،،،،،،،،،،ما كنــي إلا حــال مغضبهــا

والكل في عشرتـه ماكر ودجالـي
،،،،،،،،،،،،،،،،يا حيف تخفي أموراً كنت حاسبهـا

[نسيم]

واللي على بالهـم كلـه على بالـي
،،،،،،،،،،،،،،،،،،،الجار جافـي وكـم قومٍ محاربهـا

والأهل وأصحابنا والدون والعالــي
،،،،،،،،،،،،،والروح ويش عذرها في ترك واجبها ،،،،،،،نعم،،،،،،

راح الحسب والنسب في جمع الأموالي
،،،،،،،،،،،،،،نفسي تبى العز والحاجات تغصبهـا

ترمي بها بيـن أجاويـد وانذالــي
،،،،،،،،،،،،،،،،،المال يحــي رجالاً لا حيـاة ابها

كالسيل يحي الهشيـم الدمدم البالــي
،،،،،،،،،،،،عفت المنازل وروحـي يوم اجنبها

[نسيم]

منها غنيمـه وعنها البعـد أولا لـي
،،،،،،،،،،،،،،،،،،،،،لا خير في ديرةٍ يشقـى العزيز ابها

يمشي مع الناس في هـمٍ وإذلالـي
،،،،،،،،،،،،،،،،،،،،،دارٍ بها الخــوف دومٍ ما يغايبهـا

والجوع فيها ومعها بعض الاحوالي
،،،،،،،،،،،،،،،،،،،جوعى سراحينها شبعـى ثعالبهـا

الكلـب والهـر يقـدم كل ريبالـي
،،،،،،،،،،،،،،،،عز الفتى راس ماله من مكاسبهـا

يا مرتضي الهون لا عزٍّ ولا مالي
،،،،،،،،،،،،،،،دللت بالروح لين ارخصت جانبهـا

[نسيم]

بيع الردي بالخساره واشتر الغالـي
،،،،،،،،،،،،،،،،،،،،،،،،،،،ما ضاقت الأرض وانسدت مذاهبها

[نسيم]

فيها السعــه والمراجــل والتفتالِ
،،،،،،،،،،،،،،،،،،دارٍ بدار وجيــرانٍ نقاربهــا

وارضٍ بأرض وأطلالٍ بأطلالـي
،،،،،،،،،،،والناس اجانيب لين إنك تصاحبهـا

تكون منهــم كما قالوا بالأمثالـي
،،،،،،،،،،،،الارض لله نمشــي فـي مناكبهـا

والله قدر لنـا أرزاق وآجالـــي
،،،،،،،،،،،حث المطايـا وشرِّقهـا وغرِّبهــا

[طير شلوى]

تجيب العلم ياعصي الدمع
وعز الله انك منصح لنسيم ومالك الا الاجر ،
وان طعتني يانسيم حسن الراس ،، الهامه أحلت والصوابر بقني

[نسيم]

تجيب العلم ياعصي الدمع
وعز الله انك منصح لنسيم ومالك الا الاجر ،
وان طعتني يانسيم حسن الراس ،، الهامه أحلت والصوابر بقني

يا مجري السفن في لجات الأهوالي
،،،،،،،،،،،،،،،،،،،،ضاقت بنا الأرض واشتبت شبايبهـا

طير شلوى سلام ،،،،،،،،سلام

[نسيم]

وارضٍ بأرض وأطلالٍ بأطلالـي
،،،،،،،،،،،،،،والناس اجانيب لين إنك تصاحبهـا

تكون منهــم كما قالوا بالأمثالـي
،،،،،،،،،،،،،،الارض لله نمشــي فـي مناكبهـا

ابيات جميلة فيها من الحكمة والنصح من واقع تجربة .

[نسيم]

احزن للمظلوم ،،،،،،،،احزن للمظلوم الذي لايصل صوته .
،،،،،،،،،،مهما تقدم من البراهين وتنادي لايسمع لك،،،،،،،،كتب عليك تعيش مظلوم.
ايها المعتدي والظالم الذي اخذ حقوق الاخرين وظلمهم ،، هناك واحد احد لايظلم احد،،،،،،،
هناك قاضي السماء يعلم بمافي القلوب وما تخفيه،،،،،،،،،،،
استبشر ايها المظلوم فيه منصف .

[نسيم]

ليه حنا نفتقد فن الاستماع؟
شي غريب والله.
كيف تصدر حكم وانت ماتسمع مني ؟
كيف تخليني اتكلم واتعب والصك في يدك مميز ومنتهي ؟نفذ ما كتب في هذه الورقة؟
ليه الحكم عندنا مسبق ؟؟؟؟؟؟؟؟؟؟؟؟؟؟؟
ليه نحكم بالعاطفة ؟ نقول هذا مسكين وحرام وواضح انه مظلوم!!!ليه واضح؟
يبكي ؟سبقنا ودموعه اربع اربع ؟
شي والله محزن ومضحك ...........
إنما أشكو بثي وحزني إلى الله

[نسيم]

وينك يابوحمد؟

[نسيم]

حتى الصوت مبحوح !!!!!!!!!!!اعوذ بالله.....
مثل اللي يشر على خط كل من مر من عنده هد السرعة وناظر فيه وراح وخلاه .طيب منتب موقف خلك على ممشاك ولاتكسر خاطري وتحطمني يعني انت جايزلك وضعي .
بعض الناس الله لايبلانا يفرح بمصائب الاخرين والعياذ بالله .

[نسيم]

اشر في هالقوايل على الخط ولا احد يبي ياقف عندك .امش شوي وبعدها ريح وهكذا الى ان تصل او تموت من العطش.

[الأنيق]

أهم شي أن الواحد يصل
ولاينظر له كيف وصل

[نسيم]

وين ياصل معه يابومنيرة شموس ورجلي ولابه ماء ولاظلال!!!علمني وشلون ياصل؟

[نسيم]

من هذه الاية الكريمة يجب علينا التثبت وعدم النظر فيما يقال الا بالدليل القاطع حتى تتضح الحقيقة.

( وإن كان قميصه قد من دبر فكذبت وهو من الصادقين (http://islamweb.net/newlibrary/display_book.php?idfrom=771&idto=771&bk_no=51&ID=766#docu)( 27 ) فلما رأى قميصه قد من دبر قال إنه من كيدكن إن كيدكن عظيم (http://islamweb.net/newlibrary/display_book.php?idfrom=771&idto=771&bk_no=51&ID=766#docu)( 28 ) يوسف أعرض عن هذا واستغفري لذنبك إنك كنت من الخاطئين (http://islamweb.net/newlibrary/display_book.php?idfrom=771&idto=771&bk_no=51&ID=766#docu)( 29 ) .

{وَجَآؤُوا عَلَى قَمِيصِهِ بِدَمٍ كَذِبٍ قَالَ بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللّهُ الْمُسْتَعَانُ عَلَى مَا تَصِفُونَ} ...
بكا يعقوب عليه السلام وعرف انه من اخوته.ارادوا التخلص من يوسف غيرة منه وكرها .

[قالب ثلج]

ذكرتني بعجيز تشر وقفت عندها قالت لي سعودي قلت لها مشبها قالت الا بلا سعودي قلت لها ايه سعودي قالت اشوا احسبك سعودي

[عصي الدمع]

السلام عليكم ..

يا ضايق الصدر بالله وسع الخاطر
دنياك يا زين ما تستاهل الضيقه ..
.
.

ماش يا نسيم .. صدرك فيه تكه .. يا عسى خير ..
و كل ضيقة بعدها فرج
..
مرور للسلام ..

[نسيم]

ذكرتني بعجيز تشر وقفت عندها قالت لي سعودي قلت لها مشبها قالت الا بلا سعودي قلت لها ايه سعودي قالت اشوا احسبك سعودي
ياحبك للعجايز يابوتمساح. انحش عن العجز ويرزقك الله .تراهن من اللي ينقصن العمر

[نسيم]

السلام عليكم ..

يا ضايق الصدر بالله وسع الخاطر
دنياك يا زين ما تستاهل الضيقه ..
.
.

ماش يا نسيم .. صدرك فيه تكه .. يا عسى خير ..
و كل ضيقة بعدها فرج
..
مرور للسلام ..
يا اهل الفريقين ماكنا عرفناكم
،،،،،،،،،،،،،،،،،،،حتى سلام الشريعة ماتردونه.
ياقو التكه ياعصي الدمع.

[نسيم]

تكفو يا اهل الحبيب لا تحسونه
،،،،،،،،،،،،،،،،،،،،ولا تلحقونه مشاريه على شاني
يحتاس قلبي الى قمتوا تحسونه
،،،،،،،،،،،،،،،،،،،،حست عراقيب هجن حيلها واني

[نسيم]

اشوا لقيتها .

[نسيم]

ياهل الفريقين (http://forum.kuwaitup.com/t527641.html)ماكنا عرفناكم
،،،،،،،،،،،،،،،،،،،حتى سلام الشريعه ماتردونه

اول الى جيتكم في البيت نلقاكم
،،،،،،،،،،،،،،،،،واليوم باب الحوي عني تصكونه(،،،،،،،،،،)

وياهل الفريقين (http://forum.kuwaitup.com/t527641.html)انا والله ماانساكم
،،،،،،،،،،،،،،،،،لو كان قلبي على النيران تصلونه

يفز قلبي الى من حل طرياكم
،،،،،،،،،،،،،،،،والعين بمشاهدك يازين مفتونه
هذي الدنيا ماتدوم ابد .

[نسيم]

واللي ذبحني ابو حجان مقرونه
،،،،،،،،،،،،،،،،،،،انااشهد انه توثم بي على الخالي
وتفقدو اصحته بالله وشلونه
،،،،،،،،،،،،،،،،،،،،عساه في نعمة وعساه متشالي
وان ماعطاكم جواب لاتغصبونه
،،،،،،،،،،،،،،،،ابغى جواب الغضي من خاطرسالي

[نسيم]

ترى الواحد الى من كبر تكثر مشاكله ويكثر حكيه .

[نسيم]

http://www.waraqat.net/2008/10/mat7af_a7ssa23.jpg

ههههههههههههههه
شوفوا المطرحة هذي هي اللي الى من جاء رطوبة بقعت في جنوبك ومتونك خصوصا اللي الى الان وهو يستخدم الفنيلة العلاق وتبقع في السيقان.
والشرشف ،،،،،،،،،هذا تراه شرشف نجس احرش ثقيل وتجي فيه ريحة بوية لانه مصبغ.

[عصي الدمع]

السلام عليكم ..

صباح جميل .. برائحة قهوة د.كيف ..
..
..

اللي دراني بين في كلامك .. و اسلوبك .. و لا بايدينا الا ندعي لك

بزوال .. التكة .. ولا نقول الا .. عسى خير ..

حتى انك قمت تخذرف و تسولف على روحك .. و لا ادري هو لسالفتنا الاوله دخل ..

ولا جاي من .. محوم سبدك ..
..
..

[نسيم]

صباح النور ياعصي الدمع
كل طقه بتعلومه ،
سوالفنا توسع الصدر لكن يجيك من يبلاك في نفسك ويغثك وانت ماحسبت له حساب...والا المشاكل متعودين عليها لكن اللي ماله سبب هو اللي يدبل الكبد ياعصي الدمع.
ابروح اصلي سسسلام

[نسيم]

عليك ياللي بقلبي كن وهاجه
،،،،،،،،،،،،وهاج نار هوا الغربي يسارجها

[نسيم]

هذا رد لي على موضوع شخصيتك من ردودك/
موضوع جميل يا انكسار انثى.
لكن المشكلة فيه بعض الردود مادخلت ضمن القائمة التي ذكريتها مثل الرد بنية سيئة يعني تدخل في باب(وش قصدك) تصير مسائل حسابية معقده .بعدها تتطور الى الصعود في منصات الصواريخ الاستراتيجية سريعة الرد او الهجوم المباغت وبعد الدمار والخراب تجي هيئة الصليب الاحمر والهيئات الدولية رفيعت المستوى تنظر في الامر .وش السبب؟ ليه ؟
وبعدها ماسلمنا ولا غدا الشر نصير متهمين مع سبق الاصرار والترصد.

[نسيم]

طيب البيت اللي انهدم ؟
مين يصلحه؟وش البديل انام في الشارع في العراء حر وشموس بعد التكييف والماء البارد.بعد مقبل الشتاء والبرد القارص.
اللي هدمه او تسبب في مؤامرت قصفه في الشوارع يتمشى وفالها ويشرب سفن اب.

[طير شلوى]

السلام عليكم ،
مساء الخير يانسيم ،
ماش لك يومين منتب أخو شماء الي نعرفه يانسيم ،
وبعدين تعقيب على ماقلت في الرد الي قبل ،
ترى السفن آب الواحد يتطعم به حزتها وهو مبسوط ولايدري انه مخلص مخلص هالسفن ، ونفس الحكايه مع راعي الببسي والمرندا . ولايبقى منهن الا الجرم فقط .

[نسيم]

ابداً طبيعي وكل الامور تسير في الطريق المستقيم ياطير شلوى لكن لابد من مطبات وعيون قطط نحاسب عندها لكن هالمره وطينها بسرعة بدون مانشعر لان صوت عيون القطط يوم وطيتها بسرعه قال(قرررررر)حقيقة ماشعرت به.
والحمدلله كان فيه سفاتي تشر وعواكس هي اللي اشعرتني بالمطب والمطب هذا صغير لكن المشكلة حوله سياج فولاذي مثل الماصورة الحمراء اللي كانت في الدوار كانك تذكرها. فكنا الله منها ياطير شلوى.
لكن تبقى الروعة وشلون نتخلص منها؟
ياخي انا انسان لي مشاعر مثل غيري يجب ان تراعا ويحافظ عليها روح انسان بريء .

طير شلوى بالله توضح لي توظيفك في الميرندا والبيبسي كيف جرم ومثل السفن اب؟اذا مافيه اشكال عليك .

[قالب ثلج]

تبيني اشرح لك تراني فاضي وجرم في نفس الوقت خخخخخخخخخخ

[نسيم]

تبيني اشرح لك تراني فاضي وجرم في نفس الوقت خخخخخخخخخخ
لا لا ،انت انتبه لدربك بس وعسا الله يكفيك شر سرعتك لاتطب لك في جرف معد تطلع منه.
مشكور على المساعدة واصل طريقك الله يوفقك بمان الله اخوي.

[طير شلوى]

مالمسؤول بأعلم من السائل يانسيم ،
والكن للتوضيح للأخوان اقصد كل شي في هالدنيا زائل ، والجرم هو الذكر الطيب
واعذرني الاتصال عندي يقطع وحاالتي حاله ولا سواليفك ماتنمل ،
كن بخير

[مخاوي تمير]

طيب البيت اللي انهدم ؟
مين يصلحه؟وش البديل انام في الشارع في العراء حر وشموس بعد التكييف والماء البارد.بعد مقبل الشتاء والبرد القارص.
اللي هدمه او تسبب في مؤامرت قصفه في الشوارع يتمشى وفالها ويشرب سفن اب.

ان شاء الله ان البيت عامر وما فيه الا كل خير بس انت توسوس ..

واحمد ربك ان عندك ربع وجماعة وقرايب .. ما راح يخلونك تنام بالعراء

واذا تبي تفلها صح رمضان مقبل واشرب تووووووووت اطعم والذ من السفن

[نسيم]

الفتى اليتيم
يتميم ظلموه ،وتهموه،وضربوه،،،،،،،،،،،،،،،،،،بجرم لم يرتكبه.
قلوب قاسية .
شردوه،،،،،،،،سجنوه،،،،،،،،،،،،،
عن ابن عمر أن رسول اللّه صلى اللّه عليه وسلم قال:

(إن اليتيم إذا بكى اهتز لبكائه عرش الرحمن، فيقول اللّه تعالى لملائكته:

يا ملائكتي، من ذا الذي أبكى هذا اليتيم الذي غيبت أباه في التراب،

فتقول الملائكة ربنا أنت أعلم، فيقول اللّه تعالى لملائكته: يا ملائكتي،

اشهدوا أن من أسكته وأرضاه؟ أنا أرضيه يوم القيامة (اليتيم هو من فقد أحد والديه فلم يجد أباً يحنو عليه لم

يجد أبا يلاعبه ويحمله على كتفه ويأخذ بيده .. يشجعه ..

يعلمه الوقوف والمشي.أو أماً تعطف عليه، وتسقيه مع لبنها الحنان

والأمان وافتقد دفئ حضنها وبرد قبلاتها ولذة تدليلها لهو غاية الحرمان..

يتغافل كثير من الناس عنهم، شغلتهم أموالهم وبنوهم ، في الوقت الذي أمر به

القرآن الكريم بإكرامهم وتخفيف معاناتهم وتعريف الناس بمصيبتهم ، وبالظروف

العابسة التي أحاطت بهم وأطفأت الابتسامة من على هذه الوجوه الصغيرة
قال رسول اللّه صلى اللّه عليه وسلم:
(من ضم يتيما فكان في نفقته، وكفاه مؤونته،كان له حجابا من النار يوم القيامة،
ومن مسح برأس يتيم كان له بكل شعرة حسنة)

[نسيم]

ان شاء الله ان البيت عامر وما فيه الا كل خير بس انت توسوس ..


واحمد ربك ان عندك ربع وجماعة وقرايب .. ما راح يخلونك تنام بالعراء


واذا تبي تفلها صح رمضان مقبل واشرب تووووووووت اطعم والذ من السفن

ايه هذا شغلكم مع الضعوف تقولون لهم قم بس مافيك شي مغير تدلع .
من يشري لي التوت ؟اذا شفته في البقالة تفطر كبدي، لكن جاب الله وجبات الافطار على الخطوط والمساجد.
حتى التمر مايجينا الا اللي مايبونه لو انه خلاص والا برحي كان يسبقونا عليه .

[نسيم]

اسمع يامخاوي تمير
عن أبي الدرداء رضي الله عنه قال: أتى النبي صلى الله عليه وسلم رجل يشكو قسوة قلبه فقال صلى الله عليه وسلم ( أتحب أن يلين قلبك وتدرك حاجتك ؟ ارحم اليتيم وامسح رأسه وأطعمه من طعامك يلن قلبك وتدرك حاجتك )

[نسيم]

حتى التنبيه بدخول وقت الصلاة ضايقوني عنده!!!!!!!!!!اعوذ بالله هذي حرب واقصاء .
وين نروح؟
نهاجر ؟نسكت؟
صراحة مضايقات رهيبه .
الى الله اشكي همي وضعفي وقل حيلتي .

[نسيم]

اللي يبيني تراني في مدونة اخي وحبيبي عصي الدمع الجديدة .

[» اِلـَوَفْآءْ بـِنْـتْ]

اسمع يامخاوي تمير
عن أبي الدرداء رضي الله عنه قال: أتى النبي صلى الله عليه وسلم رجل يشكو قسوة قلبه فقال صلى الله عليه وسلم ( أتحب أن يلين قلبك وتدرك حاجتك ؟ ارحم اليتيم وامسح رأسه وأطعمه من طعامك يلن قلبك وتدرك حاجتك )


جزاك َالله خيراً أخيّ نسيمُ
آتمنى آنْ لاتتوقفَ حروفك ||الذهبية || َ منْ هـ المدونة المتنوعة الجميلة

http://www.5foq.com/vb/smail/119.gif

[الأنيق]

واللي ذبحني ابو حجان مقرونه
،،،،،،،،،،،،،،،،،،،انااشهد انه توثم بي على الخالي
وتفقدو اصحته بالله وشلونه
،،،،،،،،،،،،،،،،،،،،عساه في نعمة وعساه متشالي

تصدق يانسيم أن فيه كثير مما تكتب ودك أن الواحد يجمعه.
لأنه بيكون زي الأرث ...

[نسيم]

جزاك َالله خيراً أخيّ نسيمُ

آتمنى آنْ لاتتوقفَ حروفك ||الذهبية || َ منْ هـ المدونة المتنوعة الجميلة

http://www.5foq.com/vb/smail/119.gif

الله يجزاك الجنة ويرحم والديك عن النار وكل مسلم يالوفاء.
حضورك له وقع كبير في نفسي .
الله يدوم المحبة بين الجميع

[نسيم]

تصدق يانسيم أن فيه كثير مما تكتب ودك أن الواحد يجمعه.
لأنه بيكون زي الأرث ...
هذا من حسن ذاتك يابومنيرة واعتبرها تشجيع منك الله يطول في عمرك.
حقوق الطبع محفوظه !!!!!!!!!!!!!!!!!!!!!!!!

[قالب ثلج]

ابقول لك شئ ونسيت خخخخخخخخخخخ

[نسيم]

ابقول لك شئ ونسيت خخخخخخخخخخخ
قلت هين وطيب وكل هوين صار كايد
،،،،،،،،،،،،،،،،،،،،،،،،ومن وقع بالهوا والحب ضيع دليله

[نسيم]

سلام للجميع من محب كان هنا نسيم.
الاخ العزيز مشرفنا ابوحمد قفل المدونة
السبت 13/8/1431للهجرة الساعة 1،44من بعد منتصف الليل.

[طير شلوى]

ماتشوف شر يانسيم ،
بس على وين رايح الله يعافيك ، ونبيك تستبدل كلمه كان هنا بأحد أخوات كان / مازال ومادام وما نفك،
وماسألنا لقافه بس مثلك عزيز وغالي ونبي نتطمن عليه .

[الأنيق]

أفا وين تبي يالغالي وين تبي تروح
معاد إللى خير على رمضان يالله يمديك تشتري مقاضيه..

[أبـوحـمـد]

كان ولا زال هنا ..

راح ننتظرك وراح تشتاق اليك مدونتك يا صديقي..

[نسيم]

مشكور ياصديقي على التعاون وبيض الله وجهك .ياخوي مليت من التسدح عند الناس

[نسيم]

حياة مليئة بالضجيج والازعاج الفكري.
غريب الفرح مثل الحلم يمر سريع واذا اندمجت معه وفرحت وهو حلم جاك من يزعجك وانت في احلا نومه........
دائـــــــــــــــــــــــــــــــــــــــــــــــ ـرة كبيـــــــــــــــــــــــــــــــــــــــرة هموم في هموم.وين التأثير؟
مافيه مافيه .
نجمع هموم نجمع هموم لين يمشي الواحد وهو يصيح منهبل

[نسيم]

للاسف الشديد غلبني النعاس .
تصبحون على خير

[نسيم]

ليه الدنيا كذا؟ اذا حبينا وعرفنا بعض تفرقنا،،،،،،،،،،،
منول ننتظر ونقول جاء يبي يجي وهالحين انقطع الرجاء فيهم.

[الأنيق]

ياني كاتب لك حكي وش كثره
بس الأتصال الزفت ماوصل لك.

[الأنيق]

يمشي الفقير وكل شيئ ضدهُ
والناس تقفلُ دونهُ أبوابها

............

أتقِ شر من أحسنت إليه

[نسيم]

ياني كاتب لك حكي وش كثره

بس الأتصال الزفت ماوصل لك.

هههههههههههههههه ابومنيرة الله لايخيب التعب .
ياخوي شوفتك بس ادري وش في خاطرك هههههههههههه ياخوي انت وهالسيكل عجزت انساها اي والله.
تمت البيعه والا ماتمت .

[نسيم]

يمشي الفقير وكل شيئ ضدهُ

والناس تقفلُ دونهُ أبوابها

............

أتقِ شر من أحسنت إليه

صدقني ان اسعد الناس الفقير واسعد الناس اللي الله يعافيه وغيره يابومنيرة لايهمك.
الفلوس ماتوسع الصدر الفلوس زودها نار وعذاب وفتنه الا اللي الله يقدره علىالعلم الطيب .
دائما الاساءة تاتي مع من تحسن له وهذا شي طبيعي .

[نسيم]

يالله ياللي تسجـد النـاس لرضـاه
ياوامـر خلقـه علـى حـج بيتـه
تفرج لمن سده على الناس ما ابـداه
راضي على مقسومك اللي عطيتـه
من شن يسل الحال والجسم يبـراه
والنـاس مايشفونـه إن ماشفيـتـه
قلت آه واجرحـاه مـن خلتـي آه
وإن حملوني حمـل غـي قويتـه
قالوا سفا بالحال ويش اللي أغـواه
قلت آه ويش المنكر اللي وطيتـه؟
قالوا جهلت وبـان علمـك لمنهـاه
قلت آه علمـي يامـلا مـا كميتـه
قالوا طلبنـا لـك مـن الله معافـاه
قلـت آه وحدتـه وعفـوه رجيتـه
قالوا هله وأحباب عينـه نصحنـاه
قلـت آه هـذا واردٍ مـا بغيـتـه
قالوا ندور لك من البيـض حليـاه
قلت آه لـو غيـره بكفـي رميتـه
قالوا نشاش العـود مالـك بلامـاه
قلت آه عود الموز بإيـدي لويتـه
قالوا تـزوج كـود تدلـه وتنسـاه
قلت آه لو خذت أربـع مـا نسيتـه
قالوا من أقصى الناس وين أنت وياه
قلت آه ما أنسى يوم جاني وجيتـه
قالوا نشوفـه عنـد هـذا وهـذاه
قلت آه عمره ماعقب حجـر بيتـه
قالـوا عليـلٍ ناقلـن داه بــرداه
قلت آه بأقرابـي وروحـي فديتـه
قالـوا نشيـر ولا نفـع ماحكينـاه
قلـت آه هـراج النمايـم عصيتـه
قالوا كثر شيبـك وقلبـك بعميـاه
قلت آه لـو قلبـي غريـر نهيتـه
مطـاوعٍ قلبـي بعجفـاه وإقــداه
وإلى عطى منهـاج دربٍ عطيتـه
يانـاس خلـوا كـل وادٍ ومجـراه
قلتـوا كثيـر وقولكـم مالقيـتـه

[الأنيق]

هههههههههههههههه ابومنيرة الله لايخيب التعب .
ياخوي شوفتك بس ادري وش في خاطرك هههههههههههه ياخوي انت وهالسيكل عجزت انساها اي والله.
تمت البيعه والا ماتمت .
الله يقطع بليسك يانسيم
تصدق أن وأنا أكتب هالقصه أضحك كل ماذكرتها
بس يخيي مهوب أنا السواق..
وأضن أن البيعه ماتمت لأن صار في حزته ضحك +هواش ..يقول لاتضحكون يوم قال لا تضحكون تو الضحك مايجي.

[نسيم]

الله يقطع بليسك يانسيم
تصدق أن وأنا أكتب هالقصه أضحك كل ماذكرتها
بس يخيي مهوب أنا السواق..
وأضن أن البيعه ماتمت لأن صار في حزته ضحك +هواش ..يقول لاتضحكون يوم قال لا تضحكون تو الضحك مايجي.


ههههههههههههههه والله العظيم انا ميت من الضحك.الله يرجك .المشكلة اني اتخيل خويكم اللي طاح وانت ودك تبيع وحالتكم حالة كلن طامع في رفيقه

[الأنيق]

ههههههههههههههه والله العظيم انا ميت من الضحك.الله يرجك .المشكلة اني اتخيل خويكم اللي طاح وانت ودك تبيع وحالتكم حالة كلن طامع في رفيقه

أما كلن طامع في هذي معك حق
لأنه يبي يبيعه ويشري له سيكل جديد
وأكيد تبي تحصل دوره بحك أني
صديقه..

[نسيم]

الاختلاف ظاهرة صحية وتجديد ونقاء نفوس.
الانفس الخبيثة لاتتكلم بل تكتم خبثها ،هنا الفرق .

[نسيم]

أما كلن طامع في هذي معك حق
لأنه يبي يبيعه ويشري له سيكل جديد
وأكيد تبي تحصل دوره بحك أني
صديقه..


هههههههههههههههههههه عجزت والله من الضحك ياربيه هههههههههه.

[قالب ثلج]

ابفتح لي مدونه وتعال تسدح فيها زي ماانت عاوز
لازم تطلع من عشتك وتغير الجو والابيجيك النقرس

[نسيم]

متعودين على العشاش ياتمساح هههههههههههههههههههه

[نسيم]

،،الله من كلمة تطري على بالي وغنيبها،،

[نسيم]

ودك العطلة ماتجي في رمضان لان الواحد معد يقدر يسافر او يروح، صراحة عطلة ورمضان ماتجي .

[عصي الدمع]

.
.
و نهار طووويل .. اعظم للاجر يا نسيم ..
و لو عندك دوام .. قلت ما ينفع .. دوام و رمضان ..
.
.

[- فوق مستواك -]

فتحتهـاااا

[نسيم]

من شيم العرب

تقول القصة أن صياح (http://www.m-ro7e.com/vb/t59059.html)المرتعد (http://www.m-ro7e.com/vb/t59059.html)وجماعته من ولد سلمان من قبيله عنزة كانوا في سفر لهم ,



ومروا على بيوت رجال من قبيلة شمر ومن عادة البدو سابقا يتوزعون على بيوت العرب (http://www.m-ro7e.com/vb/t59059.html)اذا كانوا

كثيرين ليستطيع الضيف القيام بهم ولكي لايكونوا عبء عليه

وقد توزعوا وذهب صياح (http://www.m-ro7e.com/vb/t59059.html)ومعه كم قريب له الى بيت رجل يقال له مطير الحمزي السويدي ولسوء

الحظ كان رب البيت غائباً, فرحبت بهم زوجته وقدمت لهم القهوة , ومضت تبحث لهم عن طعام فلم

تجد ماتقدمه لضيوفها نهائيا وذلك بسبب الجوع

عند ذاك شعرت المرأة الأصيلة بالخجل من ضيوفها وصارت تبكي حياءً منهم ولما سمعها صياح (http://www.m-ro7e.com/vb/t59059.html)

سألها عن خبرها فأخبرته,

فطلب منها وعاء سمن(عكه) فقالت عندي ولكن مابها شيء نهائي قال اعطيني اياها بس

واخذها فصلاها على النار حتى خرج منها بعض السمن اليسير ووضع على فمه وعلى عصاه

هو ومن معه ورجعها لصاحبة البيت وعندما خرج من البيت خرج االباقين معه من البيوت الاخرى

فلما رأوه قالوا ماشاء الله منهو معزبكم هاللي مدسم شواربكم وذكر لهم اسم راعي البيت

ولما حظر الشمري لبيته اخبرته زوجته بما صار

فاختار ذبيحة اكراما للضيف ووسمها وشهد عليها من عنده من جماعته ان هذه لصياح المرتعد

وغاب صياح (http://www.m-ro7e.com/vb/t59059.html)لفتره طويله وكثرة الغنم وتناسلت من تلك الشاه

فوصى الشمري لصياح وطلب منه الحظور

وعندما حظر اخبره ان هذه الغنم الكثيره ملك له وانها تكثارة من الذبيحة التي وسمها له

فاخذ ثلثها صياح (http://www.m-ro7e.com/vb/t59059.html)وترك الثلين الباقيه

وقال الشمري هذه القصيدة عرفانا بجميل صياح (http://www.m-ro7e.com/vb/t59059.html)المرتعد



يالمرتعد واجبـك حـق وصايـب=حق على اللى يفهمون المواجيـب

وسمتها بحضـور كـل القرايـب=ذبيحتك يا منقع الجـود والطيـب


لـو مابغينـا ماعلينـا غصايـب=لاشك ضيف البيت له حق ومصيب


يفداك منهـو ضـاريٍ للسبايـب=ليا ضاف علق بالمعـزب كلاليـب


جمالةٍ ياشـوق ضافـي الذوايـب=وذي عادة الطيب بستر المعازيـب



ورد عليه صياح (http://www.m-ro7e.com/vb/t59059.html)بهذه الابيات





الطيب في وجه المشبب وهايـب=وطيب الفتى من عند ربه مواهيب


ثلث لنـا وثلـث لبيتـك حلايـب-مقسوم بين الضيف هو والمعازيب



ومعزبتنا يافتـى وأنـت غايـب=نشميةًٍ تسوى كثيـر المراعيـب


من جرب الدنيا يعـرف النوايـب=تراه مايشنـى ولا يذكـر العيـب


واللى يسب لشبعة البطن خايـب=أصل القرى البن هو والتراحيب

[قالب ثلج]

ودي اقلط انا واياك عند احفاد صياح المرتعد كانهم عايشين ونشوف سالفة السمنه

[نسيم]

ودي اقلط انا واياك عند احفاد صياح المرتعد كانهم عايشين ونشوف سالفة السمنه
بس نبي نقول لضراب يخاوينا .وش رايك يابوتمساح.؟؟؟؟؟؟؟؟؟؟؟؟؟

[نسيم]

الحياة صعبه يا اخوان ومشاكلها ماتنتهي لكن يا الله الحضيض من وسع صدره.

[النادر]

الله يوسع صدرك بالعافيه يانسيم
مدونه تشرح الصدر وتغير لك جو
واصل يالعمده

[نسيم]

الله يوسع صدرك بالعافيه يانسيم
مدونه تشرح الصدر وتغير لك جو
واصل يالعمده
تسلم والله على حضور يالنادر وتشجيعك.

[نسيم]

واللى يسب لشبعة البطن خايـب=أصل القرى البن هو والتراحيب

نعم ،الترحيب والابتسامة في وجه الزائر هي اصل الكرم والقرى هي الكرم في هذا البيت .وبعض الناس للاسف ينظر للصحن وش يحط فيه وهذا من اكبر الاخطاء والصحيح هو التراحيب والوجه الطلق والضحك والبشاشة تسوى مية قعود.

[نسيم]

ياعيال بعتوني بصفر العراقيب
صفر العراقيب هنا الحريم (النساء).لان كثير من الرجال او معظهم او كلهم يتبع حرمته وين ماتقول الحرمة يقول سم الى درجة انه يترك اهله والعياذ بالله ،والحرمة سليطه والرجال ضعفاء .
والحرمة تراها يا اخواني ماتعطى وجه لازم تكرب عليها والا تراك في خبر كان.
المهم مانبعدكم عن السالفة والقصيدة:
جحيش بن مهــــاوش الهشّال

الذي توفيت زوجته وأطفاله صغار السن فتفرغ لتربيتهم وكانت الحياه في ذلك الوقت شحيحه والمعيشه تكاد تكون منعدمه والطعام قليل وغيرمتوفر في بعض الايام .. وقيل أنه لقلة الزاد كان يعطيه أطفاله ويكتفي بالماء فقط وعندما كبرو أولاده وأشتد عودهم زوجهم كلهم ولكنهم بعد أن تزوجو أستغنو عنه ورحلو مع زوجاتهم وتركوه وحيداً بعد أن كبر سنه وشاخ وصار في حاجة لهم ولعطفهم تقديراً لشيبته ، وقد كان يبحث عنهم ولكنهم إذا سمعو به رحلوا من مكانهم وغيرو منزلهم فلا يصل إليهم ، وعندما علم بهذا التصرف منهم أخذ يدعو عليهم ثم قال فيهم هذه القصيده . وقد قيل أنهم أنقطعوا من دعائه عليهم فلم يكن لهم ترثيه ولم يبقى منهم أحد وكذلك لم ينجبو الله لايبلانا .







قـال الـذي يقـرا بلـيـا مكاتـيـب


يا للي تقـرُّون العمـى مـن عناكـم


يا عيال يا للـي تشرفـون المراقيـب


تريضوا لي واقصـروا مـن خْطاكـم


خذو كـلام جحيـش مابـه تكاذيـب


مثل السنـد مضمـون للـي وراكـم


ويا عيال وان صرتوا ضيوف ومعازيب


ترى الكـلام الزيـن مِلْحـت قراكـم


وترى البلاسة مـن كبـار العذاريـب


تـرى البلاسـه مـا تطـول لحاكـم


يصير بعيـون الرفاقـة تقـل شيـب


ليـا منَّـه اقبـل قيـل هـذا بلاكـم


المذهب المذهب ترى المذهب الطيـب


وتـرى ردى المذهـب يبـوّر نساكـم


ياعيـال مـا سرحتكـم للمعـازيـب


ياعيـال مـا عمـر المعـزب ولاكـم


يا عيـال مـا ضربتكـم بالمشاعيـب


ولاسمعـوا الجيـران لجَّـة بكـاكـم


ياما تسعـرت الخلايـق تقـل ذيـب


أريـد مـن صيـد البـراري غذاكـم


وياما قطعت من الفيـاض العباعيـب


من خوف لا يقصـر عليكـم عشاكـم


أحفيت رجلينـي بحامـي اللواهيـب


وخليت لحـم الريـم خالـط غداكـم


واليوم شوفوا لحيتـي كلهـا شيـب


وشوفوا محل تخوضعـي فـي ذراكـم


قمت اتوكّا فـوق عـوج المصاليـب


وقصرت خطايه يوم طالـت خْطاكـم


ياعيال يـا عيالـي عليكـم مطاليـب


عطوني القرضـه جـزا مـا وتاكـم


خوالكم ياعيـال هـم ماكـر الطيـب


ولـو تتبعـون الجـد ماحـدٍ شناكـم


ياعيال ياعيـال الخنـا كلكـم عيـب


ياعيال مادري هالـردى منيـن جاكـم


ياعلكـم فـي حاميـات الاصـاويـب


ياللـي علـى الوالـد خبيـث لغاكـم


قصيتكـم واسْنَـدْت وادي سلاحيـب


ولقيـت بالصبخـا مدافيـق مـاكـم


ياعيـال بعتونـي بصفـر العراقيـب


ماهـي حقيقـة ســوَّد الله قـراكـم


يالله عسى عَماركـم شمسهـا تغيـب


ويعتـم قمركـم ثـم يظلـم سماكـم


وعسى نساكم..لا تحمـل ولا تجيـب


ولا حْدٍ من الورعـان يمشـي وراكـم


شفت الجفا والحيف والغلب والريـب


باطلوعـكـم لابـيـض الله قـراكـم


لابد ما هـو عـاويٍ دونـي الذيـب


بالقبر مافْـرق طيبكـم مـن رداكـم


مانـي بفاضحكـم بوسـط الاجانيـب


باعمالكـم يـدرون كــل قْربـاكـم


لوكـان تـدرون الـردى والمعاييـب


صرتوا مع المخلـوق مثـل خْوياكـم

[ام منى]

قصة جحيش محزنه وحالته حاله الله يكون بالعون ..ربى وكبر وهذي النتيجه الله لاتبلانا ..
يعطيك العافيه ع المدونه المباركه ..
وربي يوفقك..

[نسيم]

قصة جحيش محزنه وحالته حاله الله يكون بالعون ..ربى وكبر وهذي النتيجه الله لاتبلانا ..
يعطيك العافيه ع المدونه المباركه ..
وربي يوفقك..
تسلمين يا ام منى على حضورك اللي حقيقة له وقع في النفس وشرف .
موفقه ان شاء الله.

[قالب ثلج]

مبروك يانسيم مسحوا قزازتك وصار اسمك يلق لق خخخخخخخخ

[نسيم]

مبروك يانسيم مسحوا قزازتك وصار اسمك يلق لق خخخخخخخخ
انت وش عندك كل كلمة والثانية تحط خخخخخخخخخخخخ ؟ارفق على نفسك شوي والمزح له وقت وانا خوك

[قالب ثلج]

عاد مالقيت الاتضيق علي
خلاص ماراح اقول خخخخخخخخخخ ولاعاد امزح معك

[نسيم]

عاد مالقيت الاتضيق علي
خلاص ماراح اقول خخخخخخخخخخ ولاعاد امزح معك
لاعليك ولا علي غيرك نضيق ياشرالتماسيح لكن فيه اماكن يجب ان الواحد يصير اكثر التزام لان حذف الرد بكل امانة بمثابة اهانة ويكفي ماحذف لنا .
والعاقل خصيم نفسه وانت بكيفك .

[نسيم]

اعوذ بالله من الشيطان.

[نسيم]

تحذير من الردي والنذل من الناس وحقران الاخرين يقول الشاعر:

لا تنحدر دلوك بليا مدالي
.........ترى المحوص من ازرق الجم ترويك
حذراك تحدرها بهمل الحبالي
.........ترى الردي من كل شي يخليك
وادر الكلام ولا تحقر الرجالي
.........ترى الرجال بكل ما جاء تجازيك

[نسيم]

قصيدة جميلة فيها من الحكم الرائعة وسوف نعرضها لكم على اجزاء:


معوّض خير ياحيٍ تهقوى في الزمـان ومـال
،،،،،،،،،،،،،،،،،،،،،،،،،،،سنينك لو رقيـت بعدلهـا يطرحـكمايلهـا


تعلّم وإعرف إن الدرب قدامك سهـل وجبـال
،،،،،،،،،،،،،،،،،،،،،،،،،،،جبـال تطولهـا وجبـال بعيونـك تخايلـهـا


ومعوّض خير ياحيٍ وردت الماء بدون حبـال
،،،،،،،،،،،،،،،،،،،،،،،يطول بك الوقوف وشربة المـاء ماتحصّلهـا


وقوفك عند راس البير مايسقيك لـو فنجـال
،،،،،،،،،،،،،،،،،،،،،،ولاينفعك شوف الجمـه اللـيمنـت طايلهـا

[نسيم]

ومعوّض خير ياحيٍ خدعك من الرجال أشكـال
،،،،،،،،،،،،،،،،،،،،،،،،،،،،،،،تشوف أشكالها وتحطها أرفـع مـن منازلهـا


تعلّم من زمانك لاتصير مـن أجهـل الجهـال
،،،،،،،،،،،،،،،،،،،،،،،،،،،ترى في كل يـوم تجيـك عبـره لاتجاهلهـا

[نسيم]

إذا ربي وهب لك عقل تلقى في الرجال رجـال
،،،،،،،،،،،،،،،،،،،،،،،،،،،،،،،،،تعرف اللـي يطلّـع قيمتـك واللـي ينزلهـا


ترى من بعض مايندي الجبين ويحرج الرجال
،،،،،،،،،،،،،،،،،،،،،،،،،،،،،،،،لياسـاق الميانـه فـي نفـوسٍ ماتقبّلـهـا

[نسيم]

كلام واقعي وحاصل:
ترى من بعض مايندي الجبين ويحرج الرجال
،،،،،،،،،،،،،،،،،،،،،،،،،،،،،،،،لياسـاق الميانـه فـي نفـوسٍماتقبّلـهـا

[نسيم]

الان واللي حاصل في المجتمع ان الالحاح يخلي الانسان يعيف من الطيب وفعل الخير والنخوة مثل مانسمع كل يوم يقال فلان غثيث فلان يشغلك ويكرهك من مكانك .
لذا يجب علينا ان نكون خفيفين نقدر شعور الاخرين وان لهم طاقات يستوعبونها وما زاد عن طاقته يكسر ظهره ويتعبه.
ومهما شفت في صاحبك من نخوه وطيبة فال
،،،،،،،،،،،،،،،،،،،،،،،،،،،،،،،،،،،،،،،ترى بعض السجايـا كثـرة الإلحـاح يقتلهـا

[نسيم]

استمع لهذا البيت
معاريف الرجال ديون وديون الرجـال ثقـال
،،،،،،،،،،،،،،،،،،،،،،لياصرت متعافي ليش تغـرق فـي جمايلهـا


رصيدك في حياتك سمعتك مع طيبيـن الفـال
،،،،،،،،،،،،،،،،،،،،رجال الطيب والمعروف بالمعـروف عاملهـا

[نسيم]

رسالة خاصة لواحة الشوق مليئة بالحب والتقدير والاحترام وحضوره ومشاهدته اكبر تشجيع .

[عصي الدمع]

السلام عليكم
.
.
كل كلمة قلتها يا نسيم .. ذات معنى و زادها جمال ابيات الشعر و اللي فيها حكمة ..
و الناس للناس .. و لكن .. لو حبيبك عسل .. بق فيه شوي ..
.
.
لك كل المحبة و التقدير ..

[نسيم]

السلام عليكم
.
.
كل كلمة قلتها يا نسيم .. ذات معنى و زادها جمال ابيات الشعر و اللي فيها حكمة ..
و الناس للناس .. و لكن .. لو حبيبك عسل .. بق فيه شوي ..
.
.
لك كل المحبة و التقدير ..
هذا من ذوقك الله يخليك ياعصي.
مافيه وسطيه عندنا ناكله كله لين نكره ويكرهنا وهذي مشكلتنا مثل المحلات اللي توها مفتوحة ناخذ اسبوع نتزاحم عليها وبعدها بسبوع يقفل من قل الزبائن .ليش؟لان حضورنا وتزاحمنا نبحث عن نقد ،وندور عيوب، عشان نعمل له كم لغم ويتفجر وينهدم بيته.

[نسيم]

ولاتبدي بجاهـك فـي مقـامٍ مايسـر الحـال
،،،،،،،،،،،،،،،،،،،،،،،،،،ولاتشفـع لنـاسٍ ماتنومـسـك بفعايلـهـا


لياجاتك تعذّرهـا مـدام العـذر لـه مدخـال
،،،،،،،،،،،،،،،،،،،،ووقت الجد قول لهـا الصحيـح ولاتجاملهـا

[نسيم]

وخذ منـي نصيحـه لاتصـدق كـل ماينقـال
،،،،،،،،،،،،،،،،،،،،،،،،،يجـرك للنميمـه ليـن يطرحـك بحبايلـهـا

وهذي للاسف الشديد منتشره انتشار عظيم

[نسيم]

يجيلك ناقـل النمّـات بهـروجٍ تغـث البـال
،،،،،،،،،،،،،،،،،،،،،،،،،،سوالف في قفاك وحظك أطيب يـومتجهلهـا


يبـرر بالحميـه والصداقـه شينـة الأفعـال
،،،،،،،،،،،،،،،،،،،،،،،،،،،،،،،يجمّـل صورتـه بعلومـه اللـي ماتجمّلـهـا


ولو كانت حميه فيك رد المخطيه فـي الحـال
،،،،،،،،،،،،،،،،،،،،،،،،،،،،،،ولاكان إستمعها فـي قفـاك وجـاك شايلهـا


ترى من جاب لك ودّى وهذي عـادة النقـال
،،،،،،،،،،،،،،،،،،،،،،،،،،،،يحاول يقتنص من فمك كلمـه لأجـل ينقلهـا


ومثل ماقال عندك راح عنك وعند غيرك قـال
،،،،،،،،،،،،،،،،،،،،،،،،،،،،،،وزوّد عشر فوق الكلمه اللـي كنـت قايلهـا


تجنّب مجلسه لاتجلس إلا مع كريـم خصـال
،،،،،،،،،،،،،،،،،،،،،،،،،،،،تحمّـل ميلتـه وإن ملـت ميلتـك يتحمّلهـا

[نسيم]

ولاتصبر على الجار الردي لوهي ثلاث ليـال
،،،،،،،،،،،،،،،،،،،،،،،،،،،،،،،،،،تضـرك جيرتـه لوكـان بيبانـك تقفلـهـا


وبيع الدار بأول سومةٍ تعرض علـى الـدلال
،،،،،،،،،،،،،،،،،،،،،،،،،،،ورزقـك عنـد ربٍ كاتـب اللقمـه وكافلهـا

[نسيم]

وبنتك لاتزوجها الردي لوهـو كثيـر المـال
،،،،،،،،،،،،،،،،،،،،،،تربيهـا علـى الطـالات وتشـوّه سلايلهـا


وكم من لاش يرمي خيبة إبنه فوق راس الخال
،،،،،،،،،،،،،،،،،،لوإن الخال من روسالرجال ومـن دلايلهـا


ليامنك عرفـت تميّـز الطيّـب مـن البطـال
،،،،،،،،،،،،،،،،وفادتك التجارب في الحيـاة وفـي مسايلهـا


وكشفت الفرق مابين الصحيح وحيلة المحتـال
،،،،،،،،،،،،،،،،وتعلمت الفراسه في الوجيـه اللـي تقابلهـا


بعد هذي ترى مالك غنى عن صحبة العقّـال
،،،،،،،،،،،،،،،،،،،،،،يدلونـك بـرايٍ ينقـضالدعـوه ويفتلهـا


يقولون الرجال اللي سوالفهـم حِكـم وأمثـال
،،،،،،،،،،،،،،،،،،ليامن ضاعت الحيلـه يـدل القـوم عاقلهـا


نصيحة واحدٍ جرّب وشاف من الزمان اهـوال
،،،،،،،،،،،،،،،،،يقدّم لـك خلاصـة هجـرةٍ جـرّب هوايلهـا

[نسيم]

قد يصيبك الملل، لكن معه احباط ،وخيبة امل، هذي اللي مالها طب .

[نسيم]

لا شفت ضول الناس بالك تعسه
،،،،،،،،،،،،،،،و ان جنبك شر المخاليق خله

[نسيم]

ياقلبي اصبر لو تحدتك الاقدار

[نسيم]

قال تعالي

(( إن الله لايغير مابقوم حتى يغيروا ما بأنفسهم ))

[ظلمت ولحبي نسيت]

مدووونه رااائعه
اتمنى لك التوووفيق
اخي نسيم
لي عوووده

[طير شلوى]

اذا ماعليك كلافه الله يعافيك وش تفسير الأيه ، ولو حصل تضرب لنا مثال .

[نسيم]

مدووونه رااائعه
اتمنى لك التوووفيق
اخي نسيم
لي عوووده
اصبر ياخوي .دامك تبي تسوي كذا فكنا من العودة مرة ثانية .
شف وش طول خطك.خربت الصفحة

[نسيم]

اذا ماعليك كلافه الله يعافيك وش تفسير الأيه ، ولو حصل تضرب لنا مثال .
مصمم ياطير شلوى؟
ياشين الاحراج غدينا مثل اللي يختبر.

[طير شلوى]

لا مانيب مصمم ،
بس الي مثلك ودنا ناخذ من الي عنده وحنا الي ندرس عندك وانت تختبرنا .

[نسيم]

لا مانيب مصمم ،
بس الي مثلك ودنا ناخذ من الي عنده وحنا الي ندرس عندك وانت تختبرنا .
من جد عاد ياطير شلوى انت تعرف تفسير الاية والا تلكع علي؟

[نسيم]

ناس تدور الحكي والمشاكل وحنا في حالنا منحاشين نبي العافية .

[نسيم]

ياشين الواحد اذا نام وصارغارق في النوم وجاه احد يقومه يقول تغد والا افطر،،،،ياه شي مفزع.
تلقاك ماخذ وضع الانبطاح المائل، والبطانية عشوائية ،وماسك المخده بيد فوق ويد تحت وبراد....
ابنام مابي شي خلوني ارقد.
والا دق الجوال وبعدين يدق خمس مرات ورا بعض والمشكلة ماعنده ذاك العلم المهم كلام زي وجهه.خلاص مارديت وانت لك لزوم ارسل رسالة وفكنا واكتب اللي تبي فيها لكن من صبح رن رن رن العلم وش عندك؟يقول صباح الخير انت نايم؟
ايه وش تتوقع هالحزة اسوي ؟نايم شمس وحر وعج وين اروح؟
ازعاج مستمر على مدار الساعة.

[نسيم]

على العموم قدرنا الازعاج.
اذا جاء الليل والبراد وزانة الاخلاق معد تشوف احد.

[طير شلوى]

الصده زينه ترى خطو المرات يانسيم ، وش لك بالناس ماغير قيل وقال وكثره سؤال .

[نسيم]

الصده زينه ترى خطو المرات يانسيم ، وش لك بالناس ماغير قيل وقال وكثره سؤال .
تقريبا كلامك واقعي .لكن بحدود وتحديد وقت معين .
حنا من الناس وملزومين ببعض .
اشكر دخولك ياطير شلوى

[نسيم]

أثر الليالي عادها بخير
،،،،،،،،،،،،،، يوم سمح وقتك بالوصال


(عادها)يعني لاتزال الدنيا بخير وان فيه امل مستقبلا لما تريد بس يحتاج صبر ومحاولات حتى تتمكن من هدفك.ولاتقف عاجز امام المعوقات والمحاربين والحاسدين والحاقدين.لاتعطيهم فرصة لكي يتمكنوا من معرفةهدفك وانشد مجرب يا اخي المتابع .وان حصل لاتعلم احد بما تريد القيام به عشان ما يطلعون العذال والوجيه القشر الله يقلعهم عنا .

[نسيم]

انسان صاد في حاله، وجالس هناك بعيد ،يبي يرتاح يبي يخلو بنفسه خلوة مع الذات تجون تناظرون فيه وتمرون من عنده !!!وش تبون به ؟خلوه.
يعني مافيه حرية .مافيه خل الناس في حالها وفي غفلاتها.

[نسيم]

مخاوي تمير،يقولون اذا حل الثقيل بدار قوم ،،،فليس لأهلها إلاالرحيلُ .
الله يستر يامخاوي تمير لا يرحلونا من المنتدى كله.

[نسيم]

وش رايكم في الجملة هذي؟
كلما ابتعدت عن محبوبتك ستبقى
حزين
راح استرسل واتكلم عنها لكن اللي يمر من هنا ودي اعرف وجهة نظره حتى لو ماكتبها يكفني انه شافها وتمعن فيها شوي وبينه وبين نفسه ناقشها او كتب اللي في خاطره مايمنع ذلك.

[نسيم]

مشاكل الحياة كثيرة ،ومن المشاكل الحب الله يكفينا واياكم شره لانه يدهور ابتلاء الله لايبلانا.
العاشق يعيش في قلق وحزن نفسي عظيم من فراق محبوبته لانه يصبح ضعيف ولايستطيع التعبير عن شعوره والمشكله هنا في عدم التعبير عن مايجول في نفسه ليه؟خوفا من الواقع المحتمل لان محبوبه لايبادله نفس الشعور.او ان من يحبه لا يحبه فتكون صاعقة ومقتل فيعيش على قول الشاعر
كتبنالك من الاشعار بدم مـن دمـوع العيـن ***** رسمنا لك على قلب ا لعنى صوره لاجل ذكراك



وهذي حيلة المشتاق الى طاول عليه ا لبيـن ***** ابذل جوده ومجهوده على شانك وشان رضاك



نا اللي عاثر حظي معك ذا له ثـلاث سنيـن ***** قضيت ا لعمر في روحه وجيه ماشيٍ بحمـاك



سبحت وهمت في بحر الهوايل وانتي ماتدرين ***** رسا قلبي على ساحل غرامك يوم هو لاقـاك



اعالج قلبي برجواك واكفكف دمعـة العينيـن ***** عليك اللوم عمري راح من همك ومن بلواك



انا بين الرجا واليـاس تـرى والله مايشفيـن ***** سوى جمع ا لشمل في ليلة غدرا أنـا وإيـاك



نبيع ونشتري باسرار ولايدري بنـا الواشيـن ***** أذوق ا لراحة يوم ألقى حنانك وانستر بهـداك

[عصي الدمع]

اولا .. كل عام و انت بخير يا نسيم ..

رابعا .. تركتني .. حيران .. صبا هائما ..
أرعى النجوم .. و انت في عيش هني ..

الموضوع كبير ان نخوض فيه يا نسيم .. فلكل حالة مقالها .. فالتعميم هنا غير مفيد

و التخصيص .. غير ممكن ..

ولكن الحب لذة من ملذات الدنيا .. الحب يجمع الاحترام و الرحمة و التقدير و التضحية و الصدق ..

و البعد .. يا يقتل الحب .. او يزيدهـ .. اذا كان في رجا عودة من يحب ..

والاشر .. ان يكون من طرف واحد .. مجهول النهاية .. ان صرحت به ما تدري وش تواليها

و ان سكت .. جاك سكته ..
.
.
موضوعك في غير وقته يا نسيم .. بالنسبة لحالي و للوقت ..

ولكن لازم لنا عودة عشان .. نمزمز براحتنا ..

[نسيم]

حياة الوهم والامل وعدم قبول الواقع او عدم تحمل الحقيقة تكون عند العاشق دائما بين الرجاء والياس بعكس الانسان المادي اللي يبحث عن الفلوس على فكرة الانسان المادي تراه فاقد للعاطفة والاحساس خالي على قولهم من المراجل ولاحظوا في الواقع وتشوفون حتى اشكالهم اللهم لك الحمد ولبسهم وتعاملهم خالي من المرونه والتعاون ونظرته نظرة وحش مفترس يبي ياكل من حوله استغلالي مافي وجهه حياء او مروه لايعرف التعاون .
لكن اهل العشق ناس طيبين يملكون العطاء البذل التعاون.

[نسيم]

كل سنة وانت طيب ياعصي الدمع والشهر مبارك.
اعرف ان الوقت غير مناسب لكن هذي مفاتيح وان شاء الله بعد هذا الشهر الفضيل لنا وقفات .
تحية لك خاصة ياعصي الدمع ولكل زائر

[عصي الدمع]

والله انك صدقت .. و اذكر هالكلام قلته لواحد من سنه تقريبا .. بالنص ..

العشاق .. فيهم عطف و لين جانب .. ابتسامة بروح العطاء .. لا يشك ولا يسئ الظن

رقة في الكلام و التعامل .. لا قيود .. لايهتم بقضايا الاخرين و يتدخل في وينهم ؟ وش سووا ؟

اييييييييييييه يا نسيم ..

ولي فؤاد اذا طال العذاب به .. هام اشتياقا الى لقيا معذبه

[نسيم]

عصي الدمع ،،،،
مايدرون ،،،الناس ماتدري اذا قالوا ماخلق غيرها ،،،،،كثر التراب يدور غيرها.
كلن به جروح وبعض الشوق يضنيني
،،،،،،،،،،،،،،،،،،،،،،،،ياويش أسوي بقلب يصعب علاجه
غير أشتكي من هوى يبعد و يدنيني
،،،،،،،،،،،،،،،،،،،،،وأشكي من الليل لا منه غطى داجه
لأقعد على درب خلي وأنتظر حيني
،،،،،،،،،،،،،،،،،،،،،حتى يجيني القدر والدنيا غناجه
يا قمرا نورك يذكرني ويبكيني
،،،،،،،،،،،،،،،وياشمس قلبي على المزيون وهاجه
أوصيت منهو يحفر القبر ويذريني
،،،،،،،،،،،،يكتب على النصب مات وله بكم حاجه
الكلام هذا ماهوب مايقوله الانسان المادي اللي مايعرف الا كم سيمت او حدها ،والالة الحاسبة في مخباه يجمع ويكسر كم مربحه .

[نسيم]

الناس في شهر عبادة وحريمنا كل يوم تعطينا اوراق نبي ونبي .
بيوتنا مليناه من النعمة لكن حنا للاسف الشديد ارض خصبه للي يدور الدراهم حنا مجتمع استهلاكي .
مقاضي رمضان!!!!!هههههههههه والله شي مضحك ،،مقاضي رمضان...طيب رمضان وش فرقه عن شعبان وشوال ؟
والمشكله الكبيرة انك ماتصل للحاجات المكتوبه لك من قبل الحريم الا بشق الانفس من الزحام الشديد.
مافيه امل نتطور ونتقدم ابد .

[المهند]

نسيم ..
استغلونا العثيم وبنده والدانوب ..
صرنا نروح للرياض والمجمعة على شان نوفر ستة وثلاثين ريال .. ونخسر ستمائة وثلاثين ريال في أشياء ماكنا ناوين نشريها ..

كل سنة وأنت طيب .. ورمضان مبارك ..

[نسيم]

نسيم ..
استغلونا العثيم وبنده والدانوب ..
صرنا نروح للرياض والمجمعة على شان نوفر ستة وثلاثين ريال .. ونخسر ستمائة وثلاثين ريال في أشياء ماكنا ناوين نشريها ..

كل سنة وأنت طيب .. ورمضان مبارك ..
هلا بالمهند كل سنة وانت طيب والشهر مبارك.
استغلونا!!!!!!!!!!!!!!!!!!تكفى وش هالاكتشاف الخطير .استغلونا الا محتلينا وماهنينا مهن بتدبير هالمغفلات اللي ماترحم ابد ولاتقدر ظروف وغلا ومشاوير .ودي اسوق في غرشة التوت 15ريال ولا روح للرياض ولاغيره.
بقدونس بصل اخضر كراث سمبوسه توست وثوم وامش .ياالله مطايا وبس .

[قالب ثلج]

المشكله كل المقاضي تروح في بطونكم خخخخخخخخخخ

[» اِلـَوَفْآءْ بـِنْـتْ]

ودي اسوق في غرشة التوت 15ريال ولا روح للرياض ولاغيره.

هههههههههههههههههههههههه
الله يرجك ؛
ودي تشوف النآس وشلون تطآق على غرآش التوت ان جآءهآ تخفيضْ



المشكله كل المقاضي تروح في بطونكم خخخخخخخخخخ

وهذي المشكلة ياتمسآح

[عصي الدمع]

السلام عليكم ..

العوق يا نسيم .. من الطرفين .. و السبب الرئيسي عايشينها عبر .. و هي عبر

كلنا ما نعرف نشري ولا نتقضى .. دبره منزليه ما فيه .. ما نعرف ناخذ لحاجتنا .. لازم زود

و الكميات عندنا اهم من الكيف .. و حظك يا تاجر ..

[نسيم]

هههههههههههههههههههههههه
الله يرجك ؛
ودي تشوف النآس وشلون تطآق على غرآش التوت ان جآءهآ تخفيضْ





تصدقين اني من حوالي عشر سنوات او اكثر ماعرف التوت والمعجنات هذي ابد.
قهوة وتمر وزلطه وكاس ماء والى من جعنا قربنا الرز والا قرصان والا جريش بس .

[نسيم]

السلام عليكم ..

العوق يا نسيم .. من الطرفين .. و السبب الرئيسي عايشينها عبر .. و هي عبر

كلنا ما نعرف نشري ولا نتقضى .. دبره منزليه ما فيه .. ما نعرف ناخذ لحاجتنا .. لازم زود

و الكميات عندنا اهم من الكيف .. و حظك يا تاجر ..
والله اذا نظرت نظرة فرح بهذا الشهر .واذا نظرت للعييل الصغار يحسبون لرمضان عشان التوت والسمبوسة نقول ياالله نبي نسوي ونشتري.والحريم بعد مثل الصغار يبون مواعين وكيسان جدد وكلن جايب جهده لكن الحمدلله ميسره وحنا نكتب ونفرغ بس والا ترانا نقول سمع وطاعة راغمين غصب .

[نسيم]

الحمد لله ما حسينا بتعب اليوم .

[نسيم]

اثري مبطي عن المدونة؟
ياالله ليقتها من الزحام وكثرت السكان،،،تذكرت سوق الاسهم والاكتتابات .
شي طيب تشوف تفاعل وحركة خصوصا المدونات لانها بمثابة الهوية، الصورة الشخصيه الحقيقية لك ايها العضو .اذا بغيت اعرفك او اعرف اسلوبك اتجه للمدونة .لكن اذا كانت مزوره؟مشكلة كبيرة .

[معانق هم]

نسيم بقولك سر

[نسيم]

نسيم بقولك سر
هلابك يامعانق هم.مبروك عليك الشهر .
تفضل انا اسمعك

[معانق هم]

علينا وعليك يتبارك
(http://www.4mukla.com/vb/t24652.html)
سر حبي فيك غامض سر حبي ماانكشف
ايش لي خلاني أعشق فيك والعشقه تلف
وايش أوقعني في الشبكة وانا عيني تشوف :t46:

[نسيم]

علينا وعليك يتبارك

سر حبي فيك غامض سر حبي ماانكشف
ايش لي خلاني أعشق فيك والعشقه تلف
وايش أوقعني في الشبكة وانا عيني تشوف :t46:
كل واحـــــــــــد مننا ماسك من السكه طـــــــــرف

,,,,,,,,,,,,,,,,,,,,,,,,,,,لا هدف لي فيك يظهرلي ولا لك شي هـــــــــــــدف

انتهــــــى المشـــــــــوار كلـــــــه مــــــا تلامسنا الكتــــــوف


،،،،،،،،،،،،،،،،،،،،،،،،،،،،،،،،لا تعذبني وإلا سرت وتركت المنتدى لك إذا ما فيك معروف

[حـلآي مـعـذب غـيـري]

مدووونـهـ جميله

[نسيم]

مدووونـهـ جميله

جعل من قاربنا يربح ،على موقوف يامعتز.
والله الحظ الاقشر

[نسيم]

ممداك تشارك يامعتز ،لكن احتسب الاجر وانا اخوك

[المهند]

هذا أحد ضحايا زوار هذه المدونة ..
للأسف أصبحت هذه المدونة شبكة موقوفين ..
عقبال لصاحبها ... خخخخخخخخخخخ >>> ضحكة شر التماسيح

[نسيم]

هذا أحد ضحايا زوار هذه المدونة ..
للأسف أصبحت هذه المدونة شبكة موقوفين ..
عقبال لصاحبها ... خخخخخخخخخخخ >>> ضحكة شر التماسيح
المكان هذا هادي ومريح لكن الايام هذي صاير فيه ازعاج ولف ودوران فيه حركة وزحام غريب .
لايزال البعض يبحث عن نفسه .
المهند عقبال مايجيك قرار اداري مفخخ براس نووي يفرقعك فرقعه ،ياالله ياكريم.
فكني من خخخخخخخخ هذي ترى والله مالي خلق عليها ابد.

[قالب ثلج]

خخخخخخخخخخخخخخ خخخخخخخخخ
الله يعز حكومة النادر وحلف الناتو تبعه وانتبه يانسيم ترا العين عليك خخخخخخخخخ

[قالب ثلج]

وش ذا المدونه صارت بيت اشبااح خخخخخخ

[نسيم]

خخخخخخخخخخخخخخ خخخخخخخخخ
الله يعز حكومة النادر وحلف الناتو تبعه وانتبه يانسيم ترا العين عليك خخخخخخخخخ
اخاف تكخ علي وانا غالف ثم تهبلني.
ابشرك العيون معد ودها تناظر في

[نسيم]

وش ذا المدونه صارت بيت اشبااح خخخخخخ
ماجاز لك؟

[معانق هم]

[QUOTE=نسيم;961553]كل واحـــــــــــد مننا ماسك من السكه طـــــــــرف

,,,,,,,,,,,,,,,,,,,,,,,,,,,لا هدف لي فيك يظهرلي ولا لك شي هـــــــــــــدف

انتهــــــى المشـــــــــوار كلـــــــه مــــــا تلامسنا الكتــــــوف


،،،،،،،،،،،،،،،،،،،،،،،،،،،،،،،،لا تعذبني وإلا سرت وتركت المنتدى لك إذا ما فيك معروف

كثير الناس حولك يانسيم .. ليتك تحاول تشوفني واحد من الناس

[نسيم]

[QUOTE=نسيم;961553]كل واحـــــــــــد مننا ماسك من السكه طـــــــــرف

,,,,,,,,,,,,,,,,,,,,,,,,,,,لا هدف لي فيك يظهرلي ولا لك شي هـــــــــــــدف

انتهــــــى المشـــــــــوار كلـــــــه مــــــا تلامسنا الكتــــــوف


،،،،،،،،،،،،،،،،،،،،،،،،،،،،،،،،لا تعذبني وإلا سرت وتركت المنتدى لك إذا ما فيك معروف

كثير الناس حولك يانسيم .. ليتك تحاول تشوفني واحد من الناس
احبك لو تكون حاضر ،،،،،،،،،،،
،،،،،،،،،،،،،،،،،،،،احبك لو تكون هاجر.