نسائم نسيم

[نسيم]

مساء الخير جميعا.
كنت وما زلت متعلق الذهن بهذا المنزل مدونتي الجميلة،،،،،،،،،،

[النادر]

حيالله نسيم تبي الصدق انت فرضت اسلوبك علينا
ووجودك القوي مرحبا بعودتك .
اما تشكيل الحروف شي .
الله يحفظك ويوفقك لكل خير

[نسيم]

حيالله نسيم تبي الصدق انت فرضت اسلوبك علينا
ووجودك القوي مرحبا بعودتك .
اما تشكيل الحروف شي .
الله يحفظك ويوفقك لكل خير
ابقاك الله يالنادر ،وانت فرضت علي احترامك بكريم خلقك وتعاملك الراقي اللي غير مستغرب منك.وكنت اتمنى اني ماعرفتك لانك قيدتني اي والله ،وقمت احسب حساب كل كلمة تخرج من فمي !!!!!!!!!!!!
تشكيل الحروف شي مهم واتمنى اني اعرف الحركات في الكيبورد.
وفقك الله اخي النادر وعسى الله يجملنا فيكم ولايفشلنا هذا اللي انا اقوله.

[نسيم]

لاتتخيل كل الناس ملائكة ,, فتنهار أحلامك ,,
ولاتجعل ثقتك بهم عمياء,,لأنك ستبكي يوماً على سذاجتك
ولتكن فيك طبيعة الماء ,, الذي يحطم الصخرة ,, بينما ينساب قطرةً قطره ..

[نسيم]

مهما يجيك من الخطأ من رفيقك
،،،،،،،،،،،،،،،،،،،حاول تغاضي والخطأ لا يجي منك
ترى رفيقك لو وقف في طريقك
،،،،،،،،،،،،،،،،،،مثل الرصيد ان قل وان زاد بالبنك
وأعرف عدوك قبل تعرف صديقك
،،،،،،،،،،،،،،،،ومن لا يحس بضيقتك ما درى عنك
ولا تأيد المخطي لو أنه شقيقك
،،،،،،،،،،،،وش عذرك من اللي عن أيسرك وأيمنك

[نسيم]

ياقلب لا ساقك زمانك على الهم
،،،،،،،،،،،،،،،،غاير جروحك لا تبيًـح خفاهـا
مصيرها مـع مـرً الأيـام تلتـم
،،،،،،،،،،،،وإلا تموت .. ويحسن الله عزاها

[نسيم]

بعض الصداقه تختصر كل الاصحاب
نخلة تجدد كل موسم رطبها
بعض الصداقه حدها ضحكه الناب
تضيع في وقت الشدايد نسبها

[نسيم]

http://farm4.static.flickr.com/3254/5714708528_102f4cbb10_z.jpg
أســـيرالدرب والماضـــي ورايا،، ومال الدرب في عيني نهايه

[نسيم]

لا خطاوينــــــــــا وراهــا لقـى وان تلاقينــا انتلاقـى بشقـى
،،،،،،،،،،،،،،،،،،،،،،،،،،،،،،،،،،،،ولازم... واحـد فينا يضحي يقسى وينسى الذكرى ويمحي

مهمـــــا دمعـــــي ودمعــك هـــل بيدي وبيدك يبقـى
،،،،،،،،،،،،،،،،،،،،،،،،،،،،،،الحل امـــا بجرحـــك ولا بجرحـــي لازم واحـــد فينــا يضحـــي

[ولد العز]

لاتتخيل كل الناس ملائكة ,, فتنهار أحلامك ,,
ولاتجعل ثقتك بهم عمياء,,لأنك ستبكي يوماً على سذاجتك
ولتكن فيك طبيعة الماء ,, الذي يحطم الصخرة ,, بينما ينساب قطرةً قطره ..




في هذي صدقت يانسيم بعض الناس في ها الوقت ما ينفع معه الطيبه يا ما من الناس قدرناهم واحترمناهم ووثقنا فيهم ولاكن في الاخير تبخر كل شي وتندمنا على كل شي مضى معهم لانهم لابغيتا منهم الشي ما لقولك بال
وهذا المثل ينطبق على ناس واجد في ها الديره

[نسيم]

في هذي صدقت يانسيم بعض الناس في ها الوقت ما ينفع معه الطيبه يا ما من الناس قدرناهم واحترمناهم ووثقنا فيهم ولاكن في الاخير تبخر كل شي وتندمنا على كل شي مضى معهم لانهم لابغيتا منهم الشي ما لقولك بال


وهذا المثل ينطبق على ناس واجد في ها الديره

علمني وش اللي ماقد صدقت فيه؟
هلابك ولد العز ان شاء الله طيب.اتعجب لنظرتك التشائمية!!!!اللي انت انصدمت يعتبر شي طبيعي ومنتشر بين الناس انتشار النار في الهشيم.لكن الواضح ان تجربتك واختلاطك مع الناس توه جديد، او انك كنت منعزل وفجئة طلعت على العالم .
وبعدين الامر هذا في المجتمع بشكل عام وليس محصور على ديرتك فقط ،الناس تختلف فيهم طيب وفيهم ردي ،يعني الطيب والردي ماهوب لحد عن احد.
ياخوي ياما وياما شفنا وعرفنا وانصدمنا لكن خذنا مناعة واصبح الامر طبيعي ،وخذها مني يا مالك من الصدمات لكن خل ضلعك قوي لا تتاثر اجمد يابطل .
بس نصيحة لاتخلي الردا يجي منك ،افعل الطيب وابذل الجهد وارميه وراء ظهرك ومع ممر السنين تشوفه قدامك مايضيع معروفك، وخذ كلام مجرب ومعاصر خذا اليتم حقه منه وافي.
فيه ناس ياخوي يعطونك كلمة واذا اقفى غير كلامه!!!!!!!!
تشرفت بك ياولد العز.

[الدامياء]

حمداً لله على سلامتك يانسيم

ونشكر لك هذه الحكم التي لانجدها إلا عند من خبر هذه الدنيا ..

نسأل الله لك التوفيق دائماً ..

[نسيم]

حمداً لله على سلامتك يانسيم


ونشكر لك هذه الحكم التي لانجدها إلا عند من خبر هذه الدنيا ..


نسأل الله لك التوفيق دائماً ..

الله يسلمك من كل شر ويخليك .
حضورك والله شرف اتشرف به ويزيدني مثل الصدقه ،فما بالك اذا صاحب هذا الحضور الكبير اشادة.
اخوي الدامياء ميزان ووزن العضو في هذا المنتدى حضورك انت وامثالك من الاخيار.
وفقك الله اينما كنت.

[المهند]

ما شاء الله تبارك الله ...

بالله عليك ... هالكلام اللي قلته لولد العز من وين جبته ..

حرام يقعد أسير هالمدونة ..

[نسيم]

ما شاء الله تبارك الله ...

بالله عليك ... هالكلام اللي قلته لولد العز من وين جبته ..

حرام يقعد أسير هالمدونة ..
ياحبك حق التمهزي!!!!!!!!!!!!!!!!!!وش نوحك؟
جبته من طيب راسي يالمهند .

[نسيم]

ومن العداوة ماينالك نفعه

،،،،،،،،،،،،،،،ومن الصداقة ما يضر ويؤلم

[نسيم]

بعض الاحيان يصل الانسان الى حالة ملل ،او زهق وهذا يسمى الروتين!!!اذا استمر على سستم معين .
في هذه الحالة لابد من كسر الروتين!!!اي تغيير مسار الحياة من حالة الى حالة.
كثير من الناس بين حين وحين يغيير في اثاث منزله او تجده بين فترة وفترة عنده عماله تشتغل ويكسر ويصبغ وبيته جديده ودايم مزعج جيرانه بهذه الاعمال ،وتجده محل الانتقاد من هاللي يدوجون في الشوارع فلان مهبول والا دراهمه واجد كل يوم يشتغل في بيته!!المهبول واللي ماله قلب انتم ،بالعكس هذا انسان يعيش حياة صحية وتغيير مسار ومتعه وكسر الروتين اللي هو عايش فيه.بينما الاخرين حجر جامد ويعيش حياة صاخبة مايشعر بحالته ،تحصل كلامه دائما وشوله وش لزوم الخسائر،فرش بيته له عشرين سنه ماغيره.اهله يبون سراميك وبوية جديدة يبون يعيشون حياة جديدة يكحلون عيونهم بالمظاهر الجميلة لكن لاحياة لمن تنادي.
كثير نسمع بالستايل او تغيير الاستايل ليه؟
نبي نشوف تجديد نبي نغير لكي نعطي ونرتاح نفسيا.
الان في المنتدى من نصبح لين نمسي وحنا هل تشك،، وتعلمت ،وش انت ناوي،ويابحر .طقت كبدي .
غيروا في الحوار والنقاش يجي للكلام معنى ويجي مسار واسع.
خلاص يكفي يا ناس . جانا عقد نفسية وحالات الله اعلم يمكن تتطور ونحكي على انفسنا.

[نسيم]

من اجمل القصائد العدنية ،الشعر العدني يكون ادق وتفصيلي مافيه حوسه ،يعني يجيك مرصوص رص مافيه فراغات.
سافروا ماودعوني

سيبوني وراحوا
سيبوني للنوى

انكوي باجراحو
ياسلام ارسل سلام

للحبيب الغالي
خبره اني مانام

ولا شي يهنالي

[نسيم]

على الهاتف الدولي بعيدالمسافة،،،،،،،،يكلمني المجمول سيد البناتي

[نسيم]

[/QUOTE]







أقدِّرلك غيرتك وحرصك وأشكرلك جهودك الواضحة في خدمة المنتدى


والرقي به فأنت أحد أعمدته الراسخة بل وعمدتُه وصدقني استمتع وأستفيد من حكمك ودروسك التي ماتفتئ تنثرها بين جنبات المنتدى خصوصاً ما تقع عليه عيني مُصادفةً وإلا فأنا مُقصِّرٌ في متابعة اطروحاتك كثيراً لقلة حضوري وتواجدي في المنتدى


راجياً ألاتزعل على أخيك


وفقك ربي ودمت بخيرٍ وعافية



تقديري


[/QUOTE]
يعلم الله اني افخر بهذه التزكية والاشادة من اخي المرهف .
واعتبرها وسام من الدرجة الممتازة تشفع لي ووتدمح لي بعض تجاوزاتي ان حصل لاسمح الله ،
وفقك الله اخي المرهف
نسيم

[نسيم]

(ماذا افعل ان ضاق بي المنتدى)
من قائل هذه الجملة الجميلة؟استفهام لايخرج الا من رجل كبير وعلى قدر عالي من الثقافة وبعد النظر!
النجدي!!!!!!!لله درك .
الرجال مواقف ،الرجال عقول وبعد نظر،وصبر وتحمل وحلم.من لايحمل هذه الصفة يراجع مراجله !!!
نسيم

[نسيم]

احياً نكذب على انفسنا ونندفع ،ونتعب ونبذل جهد نفسي عظيم في اناء مثقوب،ثقب لا يستطيع الرافي معالجته!!!! لو سخرناهذا الجهد والحماس لبيوتنا واولادنا ومشاكلنا لكنا اسعد البشر!!ليه التسرع والاندفاع؟
سفينة في بحر والامواج تتلاطم وقادتها نائمون !!!وش مصيرها؟
اكيد مصيرها الهلاك والضياع.نتيجة طبيعية .
اضف اليها تحميل الاخطاء للاخرين !ارم حملك على الاخرين وفك نفسك.
القيادة فن وعقل .لاتقف عند صغائر الامور .
لاتاتي وتقول انا سأفعل ماعجز عنه الاخرون،بدري عليك الرجال يعجزون.
ماكل من يملك السلاح منتصر ،
النصر بعدالله يكون بالهمم والعزائم والاصرار والعمل ورسم الخطط.
كلام جاء في خاطري مجرد تعبير .
نسيم الاسود!!!
اسم جميل راق لي، ورقت له، وانا من بدع هذا الاسم وهذا حق من حقوقي اقوله بدون مدح الذات وبصمتي وضعتها، ووسمي طلع فوق الوسوم.
حضرت وابدعت ،وغيرت ونجحت.واقترحت فنعم الاقتراح وكان لي سبق لم يسبقني به احد.
ان اعترفوا به فنعم ،وان انكروا لايضيع المعروف بين الاجواد.

[أبـوحـمـد]

بالمناسبه يا نسيم كنت بالأمس مع اخوي النجدي وقد ارسل لك سلام وخصك قائلأ

ليتني التقي بهذا الرجل نسيم...

ويثني عليك الرجل وان شاء الله سيكون هناك جمعه بينكم..

نسيم الاسود >><<<ابو حمد الاسود

تصدق اشتقنا لذيك الايام الحلوه ..

تتوقع اننا نرجعل لها يا صديقي

عن نفسي انا ايقين اني راح اكووون يوم من الايام اسود وعن قريب ان شاء الله..

[نسيم]

بالمناسبه يا نسيم كنت بالأمس مع اخوي النجدي وقد ارسل لك سلام وخصك قائلأ

ليتني التقي بهذا الرجل نسيم...

ويثني عليك الرجل وان شاء الله سيكون هناك جمعه بينكم..

نسيم الاسود >><<<ابو حمد الاسود

تصدق اشتقنا لذيك الايام الحلوه ..

تتوقع اننا نرجعل لها يا صديقي

عن نفسي انا ايقين اني راح اكووون يوم من الايام اسود وعن قريب ان شاء الله..




تسلم والله يابوحمد على نقل رسالة النجدي الله يطول بعمرك انت واياه.
والله لا ااخفيك يابوحمد انني من المعجبين بهذا الرجل الكبير النجدي واحبه ومنه كانت بدايتي .وسبق ان ان ذكرتها كثير وراح اذكرها ،ويعلم الله ان اسمه لا يغيب عن مخيلتي لكن وش نسوي ؟؟؟هو ابخص بظروفه لكن حقه علينا الدعاء له بالتوفيق وان يعود لنا مرة ثانية.ولا عليك زود يابوحمد انت الاصل وانت الروح لنا.وانا مستعد في اي وقت اذا ان النجدي يبي يكشت اجي واتشرف اي والله .
الايام الخوالي ياصديقي راحت بخيرها وشرها،اليوم الوضع تغير ويجب ان نكيف انفسنا على هذا الجيل الجديد لاننا بحول الله باقين ومستمرين اذا ان الوضع والتعامل له نوع من الاحترام التاريخي ،والجهود التي لازالت مستمرة رغم تقدم السن والسنين.
بالنسبة للالوان تعتبر فرص في خدمة المنتدى ومن له القدرة على العمل يتقدم واللون لايقدم ولا يؤخر ،العضو هو من يعطي اللون تميز وليس اللون !!
فيه مثل يابوحمد او شعر من باب الدعابه (حنا اللي نزين اللون وليس اللون يزينا) ههههههههههه.
تحياتي لك
نسيم

[نسيم]

يعني اذا لم استطع ان اصل معك الى نتيجة مقنعة تصفني بالمريض المعتوة والمجنون!!!!!!!!!!عجبا ايها القائد!!!
عادتي ان لا اقف عاجز، او اضع يدي على خدي واصاب بحالة احباط، لا بد ان ابحث عن حلول اخرى .انت لك حدود في فكرك لاتستطيع ان تجتاز حالة غضبك!!!
لايندم من يمتلك الصبر والحلم،
الانتصار بالقوة لايكون نصر اذا لم يكن هناك ذكاء وخبرة ودهاء .
لاتندفع مع شخص اندفاع قوي لانك سوف تندم لان هذا الشخص لايدوم ،اجعل الجميع لك اصدقاء واحباب ،وغض الطرف .
لم يكن لدي ايها القائد حلول سوا رفع القضية الى السلطات العليا والمحاكم الدولية وكل هذا من اجلك!!!
لاتعتبرني عدو،لاتعتبرني خائن تحكم علي بها في لحظة زعل.انا لم اطلب لنفسي منصب او جاه او مكان اتقرب اليه.ضميري وخلقي جعلني اعينك على نفسك .
تحياتي لك
نسيم

[نسيم]

ماذا تريد؟؟
انت القاضي وانت الخصم ،احكم ونفذ الحكم.
بس عندي وصية لازم تقراها ،واذا قريتها نفذها.
ارحم الضعيف،وانصر المظلوم،ولاتستمع للكذاب ،ولاتقرب من ينقل الاخبار ،ولاتلتفت لما يقال .
من اهتم بكلام الناس ضاع .

[نسيم]

رشوا على قبري من دموع عينه
،،،،،،،،،،،،،،،،،،،،،،لابد يندم كامل الزين وينوح

[نسيم]

تعبت والله!!!!!!!!
يازين الحياة الهادية وراحة البال تسوي الدنيا ومافيها.
هل هذا عجز؟او بداية كبر سن؟او انهزامية؟او حالة احباط؟
او مشاكل الحياة وتراكماتها!!!
مدري؟؟؟؟؟؟؟؟؟؟؟؟

[نسيم]

والله اني اعيش الان في حالة لا احسد عليها اطلاقا!!!
فيه فراغ كبير ،فيه اكزيما مفرطه في ضيقة الصدر،العشوائية وكثر الكلام والخصام ليه؟؟؟؟؟؟؟
ليه الخصام ؟ليه الخصام؟
عيشوا الحياة كما هي ،السعادة شي جميل .والضحك والسوالف .
احتاج اسافر اي والله مرغم !!!!!!!!!!!!!!!

[نسيم]

حاولت ،وحاولت، لكن فشلت واعترف بالفشل!!!!!!!!!!!!!!!!!!!!!!
مافيه ادوات مساعدة،مافيه تعاون،مافيه مصداقية.
صاحب المبادي والقيم والصريح يتعب اي والله ،لايستطيع ان يعيش مع هالبشر.
والله اني احب الانسان الصادق والصريح مهما كان بالنسبة لي،حتى لو صراحته تقتلني لكن احبه واعرف كيف اتعامل معه،يعني نعلن الهجرة الى بلاد خالية من الاوادم،نعيش في غابة .
الصراحة والصدق في التعامل شي مريح ولو ان بعض المصارحات متعبه لكن تريح البال .
انا الان واعلنها صريحة انتهيت من جميع الطلايب ولا عاد لي فيها مثقال ذرة.

[نسيم]

ياعـين هِـلِّي صَـافي الدمع هِـلِّـيـه … وإلْيَا انتهى صافِيْه هَاتي سِرِيـْبـِه
اللي يبــينا عــيت النفـس تبغيه … واللي نبي عـيا البخـت لايجـيبـه

كلنا نعرف هذه الأبيات أو هذه القصيدة
لكن القليل منا يعرف ماهو السبب
فإليكم القصة

كانت تعيش الشاعرة نورة الحوشان في بلدها بمنطقة القصيم مستورة مع زوجها عبود بن علي بن سويلم إلى أن وقع بينهما خلاف أدى إلى طلاقها طلاقاً لا رجعة فيه ، وبعد الطلاق تقدم لها الكثير طالب الزواج منها حيث أنها امرأة جميلة ومن عائلة معروفة ومحافظة ، وقد رفضت الزواج بعد زوجها عبود الذي كانت تحبه وترى فيه مواصفات الرجل المثالي ...
وذات يوم كانت تسير على طريقٍ يمر بمزرعته وبصحبتها أولادها منه، وعندما مرت بالمزرعة رأته فوقفت على ناحية المزرعة وانطلق الأولاد للسلام على أبيهم وبقيت تنتظرهم إلى أن رجعوا إليها فأخذتهم وأكملت مسيرها ، وقد تذكرت أيامها معه وتذكرت من تقدم لخطبتها بعد الطلاق ورفضُها لهم فقالت قصيدتها المشهورة التي يتداول الناس منها البيت الأخير الذي أصبح مثلا دارجا بين الناس ولكن أغلب مرددي هذا المثل لا يدركون قصة هذا البيت الذائع الصيت في منطقة الخليج كلها وإليك

قصيدتها الرائعة :


ياعـين هِـلِّي صَـافي الدمع هِـلِّـيـه
،،،،،،،،،،،،،،،،،،،،،،،، وإلْيَا انتهى صافِيْه هَاتي سِرِيـْبـِه
ياعـين شـوفي زرع خلك وراعيه
،،،،،،،،،،،،،،،،،،،،،، شـوفي معَاوِيْدِهْ وشـوفي قِليــــــــبِه
من أول .. دايـم لرايــه نماليه
،،،،،،،،،،،،،،،،،،،،،،،،، واليـوم جَـيَّتْهُـم عــلينا صعـيـبـه
وان مرني بالدرب ما اقدر أحاكيه
،،،،،،،،،،،،،،،،،،،،،،، مصــيـبـة ياكـــبرها من مصـيـبـه(ياحرام من عقب العشرة)
اللي يبــينا عــيت النفـس تبغيه
،،،،،،،،،،،،،،،،،،،،،،، واللي نبي عـيا البخت لا يجـيبـه

[نسيم]

بيت معبر وحساس جدا للانسان اللي عنده حس،شف كبر المعاناة ،مثل الاصدقاء اذا افترقوا وجاء بينهم خصام !!!!!
والله الحرمة تنرحم في هذه البيت ومبكيه:
وان مرني بالدرب ما اقدر أحاكيه
،،،،،،،،،،،،،،،،،،،،،،، مصــيـبـة ياكـــبرها من مصـيـبـه(ياحرام من عقب العشرة)

[الأنيق]

أبداع يانسيم
إللي في عمرك فاق أثمه مايدري وش يقول
وأنت هنا كنك والد ابو 20 سنه

[matab]

السلام عليكم يا نسيم

اعذرني على زيارة مدونتك بدون اذن منك

لكن هذه المدونه شدتني بما يخطه قلمك من حكم وامثال لها فوائد

كل الشكر لك يا نسيم على هذا المجهود الجبار

وتقبل مروري

[نسيم]

السلام عليكم يا نسيم

اعذرني على زيارة مدونتك بدون اذن منك

لكن هذه المدونه شدتني بما يخطه قلمك من حكم وامثال لها فوائد

كل الشكر لك يا نسيم على هذا المجهود الجبار

وتقبل مروري
وعليكم السلام اخوي متعب بن عبد الرحمن.
ولو،الله يحييك وش دعوى؟تمون.
شهادة اعتز بها ولك التقدير والاحترام.

[نسيم]

ياالله عسى صاروخ يقذف مساميره
،،،،،،،،،،،،،،،،،،،،،،،،علي منطقه مابين حديـن خابرهـا

يشكل سحب فالجو من قو تفجيـره
،،،،،،،،،،،،،،،،،،،،،،،،،،يهـز المدينـه والمنـازل يدمرهـا

ويسلم من الصاروخ بفعله وتدميره
،،،،،،،،،،،،،،،،،،،،،،خشوفن من الغزلان ماني بذاكرهـا

سبب علتي واسباب مابي من الحيره
،،،،،،،،،،،،،،،،،،،،،،،،نهار الثلاثا يـوم مريـت زايرهـا

بها الجادل اللي صابني من محاجيـره
،،،،،،،،،،،،،،،،،،،،،،تصرف بروحي كيف يديـه يعصرهـا

بامر الله الوالي وحسنـه وتيسيـره
،،،،،،،،،،،،،،،،،،،،عسى عيني اللي تنتظرها تناظرهـا

يطول العنا و النصر تبدي تباشيـره
،،،،،،،،،،،،،،،،،،،،يجيها رسول الخير عنـي يبشرهـا

الا وعذابي قطعـت قلبـي الحيـره
،،،،،،،،،،،،،،،،،،حروف القوافي قطعت قلب شاعرها

[نسيم]

أبداع يانسيم

إللي في عمرك فاق أثمه مايدري وش يقول
وأنت هنا كنك والد ابو 20 سنه


طيب ،طيب يالانيق.
مسموح في زلتك تمون !!!!
اهم شي الروح الشابه ولا تنظر للارقام وهذي نصيحة .
تحياتي لك

[نسيم]

الله اكبر يا زماني انا وش بيدي
،،،،،،،،،،،،،،،،،كلما عدلت واحد يميل الثاني

[عزوف]

. ••
متابعة لكــــــ.. *!

آلأجـﻣل ﺂن ﺗزرع » ذگر آللـّـِﮧ .. ﻋﻟى ﻟﺳآنكـــــــ
حتى يتسع صدركـــ.,



!

[نسيم]

ياناس فيه اشياء تحصل تستغرب منها كثير وتتعجب !!!
اليوم مع بعض وحلوين ،بعد بكرة ،لا،خلها بعد شهر عشان مايقال اني ابالغ ،تحصلهم متغيرين!
وشلون؟
نفرض حصل اختلاف وجهات نظر ،حصل مشادة،حصل اي شي، لكن الايام الجميلة اللي راحت مع بعض وينها؟خلاص تنتهي؟
ارجع للذكريات الجميلة ،تذكر وانت منسدح على ظهرك ورافع جليك على مركى ،اسبح في عبق الماضي،اذا ماتحس وتتحسف فأنت غير طبيعي.
الصداقة تحتاج تنازلات وخصوصا من طرف واحد ،لازم يكون هناك تنازل،وهذا الشي طبيعي .
صدقوني يا اخوان دام الامر كله كلام فهذا علاجه بسيط، يعالج بالكلام والتفاهم،لان كله كلام في كلام.
الحياة هذي تحتاج انسان لايسمع للاخرين ولا يلتفت لهم،ولايبعد بتفكيره الى امور تجعله في متاهات وامور لايحمد لها عواقب.ولا تفسر كل كلمة تمر من عند اذنك اتركها تذهب لكي ترتاح.
ختام الكلام،،، كله كلام ،،،وعلاجه بالكلام.

[نسيم]

. ••

متابعة لكــــــ.. *!

آلأجـﻣل ﺂن ﺗزرع » ذگر آللـّـِﮧ .. ﻋﻟى ﻟﺳآنكـــــــ
حتى يتسع صدركـــ.,



!




لا اله الا الله ،
نعم بالله ياعزوف.
اشكرك على هذه الهدية،
تراي ماعرفت اقرأ كلامك لين غيرت الخط مع احترامي لك .
تحياتي لك

[عزوف]

لا اله الا الله ،
نعم بالله ياعزوف.
اشكرك على هذه الهدية،
تراي ماعرفت اقرأ كلامك لين غيرت الخط مع احترامي لك .
تحياتي لك
ههههههه لونى كاتبة بالانجليز يانسيم..

[نسيم]

ههههههه لونى كاتبة بالانجليز يانسيم..
كان اهز راسي،، وقول اوكيه سستر عزوف ههههههههههههه

[نسيم]

ياعين لاتبكين والقلب مهموم
،،،،،،،،،،،،،،،،،،،،ترى جروج القلب يصلاه صالي
اطول على الهم وحاربت انا النوم
،،،،،،،،،،،،،،،،،،يلعبي الهاجوس في كل حالي

[نسيم]

نـــظري إلى الوجه الحبيب نــــــعيمُ
،،،،،،،،،،،، وبعاد من أهوى عليّ عظــــيمُ
أنا الذي كنت لم أرحم عاشقاً حتى بليت
،،،،،،،،،،،،،،، فصرت بالعشق للعاشقين رحيمُ
فيا زارع الريــحان حــــــول خيامنا
،،،،،،،،،،،،،،، لا تزرع الريحان لســــــــت تقيمُ

[نسيم]

قلنا وينه؟اشتقنا له،وليته على صده غايب!
لاتحب يابن ادم ولا تكره،اللي يجي الله يحيه، واللي يروح مايشوف شر.
صحيح ان بعض الشوق حلاته يبقى على شوقه، وشوقه في بعاده.
نصيحة للجميع من راح اتركوه على مرواحه، لان لو فيه خير ما راح .

[اسيل التميمي]

اهلين خيوووو

ياضايق الصدر بالله وسع الخاطر
************** دنياك يازين ماتستاهل الضيقة

[نسيم]

اهلين خيوووو

ياضايق الصدر بالله وسع الخاطر
************** دنياك يازين ماتستاهل الضيقة
هلا هلا.

خلوني اسج عن موضوعه احسلي،،،،،،،،، والا الغلا والله ان يبطي وهو غالي.

[نسيم]

لو طلبتك تجي ؟
تعال ابيك ،عندي لك حكي .بس لاتعلم احد.

[نسيم]

وراك استحيت هههههههههههه،ضحكتني وانا ماودي.
روح الله يوفقك ،روح لان منت كفو تقابلني وتوقف امامي ،خانتك اعصابك ،ادري !!!!!!!!!!!

[نسيم]

الصبر ياغايتي ماعاد ينفعني
،،،،،،،،،،،،،،،،، الى اصبحت رحلتي ماهيب مخلوفه

وش ينفع الصبر كان الوقت ضيعني
،،،،،،،،،،،،،،،واخطيت من يطعن الخفاق بسيوفه

[نسيم]

وانا ترى اللي على حبك يشجعنـي
،،،،،،،،،،،،،،،،،،وقتٍ مضا في خيالي دايـم اشوفـه

اراجع الحب والذكـرى تراجعنـي
،،،،،،،،،،،،،،،،،واقرا سجل الغلا واقبـل احروفـه

[نسيم]

ابيات من قصيدة مرشد البذال:

حاولت ابا كسب عرفهـا وحذفتنـي
،،،،،،،،،،،،،،حذفة حصاه مـن جبـالٍ نحاتيـت
افلست انا مـن عرفهـا وعرفتنـي
،،،،،،،،،،،،صابت بمرماها هدفها وانا خطيـت

http://www.arab-x.com/up/uploads/images/arab-x_com_84e407bdf5.jpg (http://www.arab-x.com/up)

[نسيم]

شايب الديمن والله ياهو شخصية.بس ماله عدد في الحكم،والصن اشوى،لكن تسعة الحكم صعب تطيح اذا صارت مردوفه بحكمين،وباقي الورق تكملة عدد.
بعض الاحيان يجي معك اربعمية تردفها مية عشرات اضف اليها كبوت من اول يد،على طول سوى مافيها طب ولا فيه مجال للفرنكه ،لكن متى تحصل يالله بمزايت ولف ودوران.
عسى الله يرزقنا.

[نسيم]

عاشت الذكرى بـقلبي له سنيـن
،،،،،،،،،،،،،،،،،،،،،،وأنت يالغدار مسرع مـا نسيـت



من غرامك عشت أنا عمري حزين
،،،،،،،،،،،،،،،،،،،،،وأنت سالي عن عذابي ما دريـت



في غيابك زاد شوقـي و الحنيـن
،،،،،،،،،،،،،،،،،،،،ما أظن انه مر يـومٍ مـا بكيـت



أفتكرت أنك على عهـدي أميـن
،،،،،،،،،،،،،،،،،،،الخيانـه منـك والله مـا هقيـت



انتظرتـك و أتمنـى لـو تجيـن
،،،،،،،،،،،،،،،،،يشهد الله في غيابـك مـا سليـت

[نسيم]

(ايش اسوي دمع سال ،وانحرق منديله)
انحرق المنديل ليه؟لان دمعه مثل النار دموع حارة من شدة الحزن والفراق.
الحب وما يعمل!!
بس الظاهر ان كله كلام في كلام،لكن يجي واحد توه طايح في الحب ويندمج مع هالشخصية ويعيش في حالة نفسية واضطرابات ،.
ليه الواحد يشغل عمره بالتفكير في شخص اخر؟ويبدء يتابعه ويهتم به!!!!
وش علاج الشي هذا؟
التعلق مشكلة كبيرة.
انتم لاتحسبون ان التعلق والحب كله عشق لا.
احيانا الانسان يحب له رجال فيه خير وراعي سوالف وهاب ريح ويتمنى ان يجالسه وياخذ ويعطي معه،وهذا شي طبيعي،وودك تتعرف عليه لان معرفته مكسب لانه طيب ،وتجد الناس يبحثون عنه.ويفقدونه.
وبعضهم يحب ابله يفكر فيها ويحب الناقة الفلانيه لو يجلس مع الناس ابله قدام عينه،لو يحط راسه يبي يرقد ما ينام لين يسج معهن ويفكر فيهن،
يعني الحب ليس محصور كما يفكر الاخرون .
يمكن اني احب ابلي وفكر فيها وش يدريكم؟وكل كلامي فيهن.

[نسيم]

تصبحون على خير ابرقد شوي قبل يذن.

[مُحال]

الغالي نسيم.. دائما يسبقنا الإعجاب بما يخطه قلمك
واصل الله يسعدك

[نسيم]

هلابك اخوي مُحال تشرفنا بحضورك .

[نسيم]

تبي تزعل ؟ازعل وعساك ما رضيت.
اذا نويت تزعل دور سبب مقنع يخلني احس بالذنب لكن كذا!!!والله لو انك اقرب اخواني ما نشدتك .
اجل ترسل رسالة وتقول انك زعلان !!يعني تبشرني ؟
جعلك بعيد وسعيد هذا حقك علي ،وحقي عليك اتركني ونساني .
وش شفت من قربك؟
لك ايام تدور على سبب وقول جعل ربي يقرب هاليوم .
لا عاد اشوفك مقرب ترى مالك عندي مكان .

[نسيم]

ياللي زعلت أزعل ولا ني مراضيك
،،،،،،،،،،،،،،،،،،،،، اشرب كدر ماي البحر كانه أرضاك

[نسيم]

ياسيدي روحي ترى عيني دمرها السهر
،،،،،،،،وريتني يالغضي بقعا وصكاتها

وان كان قصدك تغلي مر كم شهر
،،،،،،،وعشرتك يانور عيني ذقت علقاتها

[نسيم]

ومن يوم فارقتني وانا في ضيم قهر
،،،،،،،،،،حرمتني من حياتي وانت لذاتها

والله منسى غرامك لو يطول الدهر
،،،،،،،،،،ارتاح لاشفتك عينك وحجانها

[نسيم]

ارسلت لك مناديب ولا جا خبر
،،،،،،،،،،ومودتك ضعت انا داخل ملفاتها

والروح مني تراها يالغضي في خطر
،،،،،،،الله حسيب على الدنيا ولوعاتها

غصبتني بالظلام ورغبتي في السفر
،،،،،،،،،،، حطيتني وسط غرفة وشلت لمباتها

[نسيم]

ابيات رائعة ،فيها قوة وتعتبر تعجيزية.

عيدو كل الخلايق (http://www.3lkh.com/vb/t40623.html)بس انا
،،،،،،،،،،،،كيف اعيد والحبايب غايبين

غادرو احباب قلبي من سنا
،،،،،،،،،،،،،،،هم قالو اسبوع وعايدين


وسط قلبي شب نار وله سنا
،،،،،،،،،يارب صبر عنهم قلبي السقيم


كم عانينا لحضرته وما عنا
،،،،،،،،،،،،،،كم تحملنا كلام العاذلين

نار هجره ذاب قلبي وما عنا
،،،،،،،،،كل هذا واحنا لجله صابرين


شفت انا كل المصايب والعنا
،،،،،،بس اناطر رحمة العالي العليم


راحو عني وقلبي والله ماهتنا
،،،،،،،،ولا اهتنا جفني بنوم النايمين

ولا تطعم مرقدي في زاد وهنا
،،،،،،،،،يامصيبه بــأحوال العاشقين


مر عمري وانا ناطر للهنا
،،،،،ومابقي في حالتي عضواً سليم

[نسيم]

الظاهر ان حنا نبي نقلبها مواجع .بس ترى مافيه شي يحمل هم و خلاف لانهم مايستمرون مجموعة مرتزقه يمكن القضاء عليها .
لكن اللي استغربه ليه خيانة الضمير؟
انت شخص واحد مقسم على 10اشخاص التغير بس في الاسم ،بالطريقة هذي تكون انسان خائن لضميرك ونفسك تفقد الثقه مستقبلا معد تقدر تعيش الا بهذه المنشطات،
يطلق عليك مسمى خائن واذا خنت نفسك فا طبيعي تبي تخون اقرب الناس لك اللهم لك الحمد.
عارك الحياة وحدك ولو انه معد يمديك لكن جرب لعل الله يفتح على قلبك وتجد دعوة مستجاب لها من الله.
مصيرك بس لاتزعل علي واقولها بصدق (انسان فاشل لايملك حس ومشاعر)

[نسيم]

يجب على الانسان ان يكون واضح واذا اخطأ يقول اخطيت مافيها شي ،يافلان انا اخطيت في حقك لان كل شي سوف يتضح ،لذلك قولها قبل تقال عنك وارتح ،ريح ضميرك.
لكن خلاص لاتعيد الاخطاء مرة ثانية لان على قولهم طقتين في الراس توجع واحذر التمادي!!!
الشي الاخر بعض الناس ماله مبدء اطلاقا مرة زعلان على فلان ومرة راضي!!!!ليه يزعل منه لانه خالفه في توجهه لذلك زعل !!وبعد شهر تحصله معود ثانية راضي!
الزعل مايجي كذا ،الزعل له اسباب وله معنى اذا جاء في موضع الزعل الصحيح،لانك بعد هذا لاتتحسف ولا تتراجع لانك صبرت وصبرت حتى تمكنت.
لكن اختلاف في رد او في موضوع !!هذي خرابيط ولاتسوى من يتكلم فيها.
افرض فلان زعل او، او، المهم وش الضرر اللي يبي يحصل بعد زعله؟
يروح لكبر صبه ثم يضرب براسه فيها لين يطيح اللي في خاطره!!!!!!!!!!!
يده نلويها على ظهره وينتهي كل شي .

[عصي الدمع]

.
السلام عليكم .
.
مساء الورد .
.
كلامك حروفه من ذهب ..
الناس تعاني من .. أزمة ضيق الافق ..

[نسيم]

.
السلام عليكم .
.
مساء الورد .
.
كلامك حروفه من ذهب ..
الناس تعاني من .. أزمة ضيق الافق ..
وعليكم السلام.
مساء الورد ،مساء الوفاء والطيب كُله.وكُل شي جميل لك ياعصي الدمع.
حضورك يضيف لي اي والله،لاتحسب حضورك يمر مرور الكرام بالنسبة لي.
الناس تُعاني من ازمات دماغية، وفكر حيواني (الصراع من اجل البقاء)غابة للاسف الشديد ياعصي الددمع،الان السباع اذا جاعت تفترس صغارها!!!!
الحالة صعبة ومستعصية ،مافيه حل مافيه كل شي كل الامدادات التوعوية والارشادية مرفوضة فيه علامة مثل الخطر دنجرس اللي فيها رسمة جمجمة وعليها اكس .
لكن تقول ازمة ضيق افق !!!!!!!!!صدقني مايعرفونها.الحقيقة مرة ،بس لازم يقبلونها .
ليه ماتحضر معنا هناك وتشوف بعينك؟
خذ لك شوط وانت عجل ياعصي الدمع.
تحياتي لك

[نسيم]

ودي اتكلم لكن فيه ناس مقدر اقول شي لانهم يبي يحاسبوني !!!!من خاف سلم!!
والا فيه اشياء مضحكة شي ماتتخيلونه والله اني اضحك منها الان!
اجل امس ياشينها ،واليوم يقول والله حلوه!!!!!!!!طيب وحنا نصيح عليك من مبطي نقول زينه ههههههههههههههه .شي غريب.
ايه مشي ،وش نقول ؟؟؟؟؟؟؟؟؟؟
لكن الحياة صعبة وتبي كفاح وصبر وفيه مقولة زينه يقولون سلك له ،لكن سلك له هذي مقتنعت بها احس اني اذا قلتها اصير غشاش ولا اخاف الله.
لكن السعيد من ريح نفسه (عين ماتشوف ماتحزن).

[ولد لندن]

اسجل اعجابي بمداد قلمك وروائع مدونتك النقيه اخي نسيم
متابع بصمت

[نسيم]

شخصيات عجيبة ،يجيك مشخص يعني متكلف على قدر جهده الثوب رصاصي والكوت اخضر والشراب ازرق كنه شراب كنادر الشرع اللي توزعها المدارس منول،والشماغ حق محطة العتش لونه عنابي ،اذا لبسته يصير وجهك باهت كنك سابح في بركه ومنبطح في شمس ،
وكنادرهم تجيك اللي نصف اللي لاهيب كندره ولا هيب نعلة تشوفها من قدام كندره ومن ورا مافيه شي يعني كشف،واذا جاء يمشي تقول يعرج لان الكندرة تقول تبي تطلع من رجله وهو يحاول يقرص لها بصابع رجله لانها تبي تروح لحالها يعني يجيهم معاناة ،ويموقون علينا توهم شاريها 25ريال !!!
المهم اذا جلست معه لازم تمدحه والا ماتنفع تعيش معه،واي سالفة تجيبها على طول يقول داري وهو مايدري لو تجيب كلام من راسك كذب قال داري!!!
عاد كلمة داري،ومعلمني رجال منتشره ،يقول معلمني واحد ويتبسم كنه به علم!!
ولازم يعارض مافيه استماع،متغطرس على جهل .
تعرفون الجاكيت حق السوريين اللي يبلطون اللي يجي من تحت مثل المغاط ومنتفش من فوق، ويديه مغاط لونه اسود بلاستك،هذا يلبسه عامل على بنطلون معليش،لكن على الثوب اسمح لي مايجي ،يعني من له مزاج يلبسه،يعني مافيه تناسق عضلي عصبي مع شوية فكر، وحس بمن حولك،ماعليك قاصر جعلك الفقر غير الاستايل وش بقي في عمرك؟
عاد ماعلينا من احد بصرهم وحظ عيالهم يجمعون الدراهم لهم.

[نسيم]

اسجل اعجابي بمداد قلمك وروائع مدونتك النقيه اخي نسيم

متابع بصمت

هلا بك اخوي ولد لندن.
الله يرفع من قدرك ويخليك ،شهادة اعتز بها.
موفق اخوي

[المهند]

صباح الخير ..

ما شاء الله عليك ...

لازلت تركض في مدونتك ...

أنا ما ذبحني إلا قولة يموقون ... من ماق يموق موقاً فهو مائق ... حتى مالها أي معنى ...

يا أخوك هالشخصيات غريبة في هالمجتمع ... ترى ذا الجنس يبي لهم بف باف .. أو أي مبيد حشري ينهييهم ..

تحياتي لك ..

[نسيم]

هلا بالمهند هلا والله .
ايه وين اروح في مدونتي؟
الموق يعني الزود ،ماتشوف هالحين بعض الناس الى من لبس ثوب الدفه وفكه من كرتونه ولبسه وهو ماكوي يجي يمشي على جنب تقول هتلر.بس الثوب متعرفط!!!
لا مانبيهم يروحون خلهم ننبسط عليهم ونوسع الصدر لانهم مثال ودافع للزهد في الحياة !!!!!!!!!

[نسيم]

تخلف وهمجيه مشاهدة امام الجميع للاسف الشديد وتخبطات يندى لها الجبين.
يعني وش الفرق بين هذولا، وهذولا؟؟؟؟؟؟؟؟؟؟؟
يعني جنب حلال وجنب حرام؟
نبي خطة طريق واضحة،نبي نظام يريح الجميع.
اذا طلب مني وضع هذه الخطة مستعد ،يعني الامر بسيط ولايحتاج تعقيد .
توأم الجود وينه تاخر ؟،يضع دراسات ثم يتركها!!!!!!!!!!!ليه؟
شي غريب!!!
الى الله المشتكى.

[» اِلـَوَفْآءْ بـِنْـتْ]

الى الله المشتكى.





هذآ اللي نقدرَ نقولة حالياً ,

[نسيم]

هذآ اللي نقدرَ نقولة حالياً ,
الحمدلله على كل حال،واحسن الناس من ريح ضميره.
تسلمين يالوفاء بنت على حضورك

[المهند]

تخلف وهمجيه مشاهدة امام الجميع للاسف الشديد وتخبطات يندى لها الجبين.
يعني وش الفرق بين هذولا، وهذولا؟؟؟؟؟؟؟؟؟؟؟
يعني جنب حلال وجنب حرام؟
نبي خطة طريق واضحة،نبي نظام يريح الجميع.
اذا طلب مني وضع هذه الخطة مستعد ،يعني الامر بسيط ولايحتاج تعقيد .
توأم الجود وينه تاخر ؟،يضع دراسات ثم يتركها!!!!!!!!!!!ليه؟
شي غريب!!!
الى الله المشتكى.



إلى الله المشتكى وبس ..

تصدق يا نسيم أنه فيه ناس عندهم قلّ دبره .. تلقاه يعيزر ويبيزر .. معه مفاتيح قصر كامل .. لكن مفاتيح الغرف مهيب معه ... مدري هو مضيعها أو معطيها أحد يفتح ويصك فيها ..
ولو جاء أحد ودخل الغرفة .. جاء له راعي القصر .. وأعوذ بالله انطلق عليه انطلاقة .. الله لايوريك .. ويدعي عليه ..
والمشكلة أن راعي القصر مادرى أن باب الغرفة مصكوك .. مع أن الغرفة في الوجه وكل من دخل القصر مر جنبها ..!!

مدري وش السواة معهم ..

[نسيم]

إلى الله المشتكى وبس ..

تصدق يا نسيم أنه فيه ناس عندهم قلّ دبره .. تلقاه يعيزر ويبيزر .. معه مفاتيح قصر كامل .. لكن مفاتيح الغرف مهيب معه ... مدري هو مضيعها أو معطيها أحد يفتح ويصك فيها ..
ولو جاء أحد ودخل الغرفة .. جاء له راعي القصر .. وأعوذ بالله انطلق عليه انطلاقة .. الله لايوريك .. ويدعي عليه ..
والمشكلة أن راعي القصر مادرى أن باب الغرفة مصكوك .. مع أن الغرفة في الوجه وكل من دخل القصر مر جنبها ..!!

مدري وش السواة معهم ..
خطير المهند!!من علمك؟ من غششك بالمعلومات هذي؟
النادر الله يسلمه مسلم المفاتيح لناس اخيار وفيهم خير او انت يالمهند لك وجهة نظر؟حتى انت معك مفايتح مستر كي!!
راعي القصر موجود 24ساعة ولايغفل صغيرة ولا كبيرة بس انه يقول من شان لحية تكرم قبيلة!وراعي القصر له وجه واحد، وكلمة واحدة، وصادق مع نفسه قبل يصدق مع غيره يالمهند.
راعي القصر اذا اعطى كلمة مايغيرها اذا جاء في محل محد يدري عنه ، يعني مش نذل راعي القصر!!!!عيب الرجل يغير كلمته !!
اذا صارت السوَاة عندك سوَها انت يابطل .
انت ماتدري عن شي سمعت طرف كلمة وجيت تعدي،انشد النادر ويعطيك العلم اليقين ياذكي ،يالمهند.
القصر مفتوح لاصحاب المفاتيح بس تعال وانت محترم نفسك ونقول انت صاحب القصر ونحن الضيوف.
الكلام قاسي شوي صح بس لابد انك تسمعه .
روح يم اللي علمك وقله ليه علمك؟
تحياتي لك

[المهند]

خطير المهند!!من علمك؟ من غششك بالمعلومات هذي؟
النادر الله يسلمه مسلم المفاتيح لناس اخيار وفيهم خير او انت يالمهند لك وجهة نظر؟حتى انت معك مفايتح مستر كي!!
راعي القصر موجود 24ساعة ولايغفل صغيرة ولا كبيرة بس انه يقول من شان لحية تكرم قبيلة!وراعي القصر له وجه واحد، وكلمة واحدة، وصادق مع نفسه قبل يصدق مع غيره يالمهند.
راعي القصر اذا اعطى كلمة مايغيرها اذا جاء في محل محد يدري عنه ، يعني مش نذل راعي القصر!!!!عيب الرجل يغير كلمته !!
اذا صارت السوَاة عندك سوَها انت يابطل .
انت ماتدري عن شي سمعت طرف كلمة وجيت تعدي،انشد النادر ويعطيك العلم اليقين ياذكي ،يالمهند.
القصر مفتوح لاصحاب المفاتيح بس تعال وانت محترم نفسك ونقول انت صاحب القصر ونحن الضيوف.
الكلام قاسي شوي صح بس لابد انك تسمعه .
روح يم اللي علمك وقله ليه علمك؟
تحياتي لك

غريبة ... وش جاب النادر للقصر ..!!!
أو تبيه يجي يطفي نور القصر ..!!!
ويعطي راعيه إنذار جديد ..

أنت مفزع النادر معك ..

[نسيم]

غريبة ... وش جاب النادر للقصر ..!!!
أو تبيه يجي يطفي نور القصر ..!!!
ويعطي راعيه إنذار جديد ..

أنت مفزع النادر معك ..
ان طفى نور القصر طفى نور الحارة !!!!!!!!
ترانا اهل خبرة ونعرف لكن تجي يالمهند بس في لحظة تبي تمعط الاسلاك وين حنا فيه ؟مملكة غادية؟

ولو لقيتك سطحي ولا تقدر تغطي كلامك .
كلمة مني باح خافيك وتلخبطت يالمهند.
اترك النادر وترك انذاراته.

[المهند]

دائرة مفرغة ..!!!!

[نسيم]

ماشفت الا هذي؟
ياكثر الدوائر المفرغة،لكن حاولنا نعبي الفراغ ومع الوقت يمكن نطلع بدائرة لو نعبيها اي شي.
فرصة سعيدة يالمهند

[نسيم]

الانسان مبتلى ،وهذا حاله.مافيه شي غريب.
يعني نكشف عن صدورنا ونوريكم ؟نحلف؟
نثبت مايفيد ، يجي ويقول ولو!!!!!

[اسيل التميمي]

شكلكم تهاوشتوووو

بس مدري ليه

الله يقويكم

هاه يانسيم شكلي بديت افهم

[نسيم]

شكلكم تهاوشتوووو

بس مدري ليه

الله يقويكم

هاه يانسيم شكلي بديت افهم

لا شاطرة وذكية.
هذا اسمه مصاقل حصن ماهوب هوش.والمهند لايمكن مهما كان اتهاوش معه او اختلف، لاني اعرف من اكلم.
وكلامنا هذا يعتبر قمة واحب اكون كذا دايم .
وبعدين شكلك جاي تتشمت ليه؟

[نسيم]

ماجتني الدنيا على ماتمنيت
،،،،،،،،،،،،،،،،،،،واللي طواه الهم ياعزتي له

[نسيم]

نقول الايام القادمة ان شاء الله يكون هناك حالة استقرار والسماء صافية،وتستقر الاوضاع .
ويكون هناك تبادل مراكز لكي يساعد على استقرار عمليات المضاربات الحامية لان كل ارتفاع يعقبه هبوط وهكذا،والسوق يكون دائما من حظ المستثمر طويل الاجل بعكس المضارب.

[نسيم]

بداية المشاكل تكون اختلاف في وجهات النظر ولاتتطور ابد ولاتصنف مشكلة الا بالتدخلات الخارجية والجمهور!!!!
دائما يحصل نوع من الفهم الخاطيء وتمشي الامور لكن تكون مشكلة اذا علمنا فلان وفلان بعدها تبدء القوى الخارجية في تطوير هذا الخلاف الى مشكلة ثم تبدء عاد مراحل كثيرة وتصير كنها قضية 11سبتمبر والا قضية لو كربي ،ثم تبدء عزة النفس ثم يحس اي طرف انه مهم وانه موجود،ثم يشغل عمره ويشغل غيره.
حدث بينك وبين اي شخص خلاف اسكت واتركه،لاتسوي نفسك بطل انك فعلت كذا وكذا!!!!
وبعدين دخول اطراف خارجية تراه يزيد الجفاء لانهم غير صادقين كذابين يحبون الفتنه ،لاتثق في احد نصيحة لاتثق في احد.
مش نفسك مع العالم وضحك كلها سوالف وهواش،محناب في شارع والا في حارة !!!
مشكلة بعض الموجودين يتكلم عن عزة النفس واللي يشوفه يقول هذا وين؟ راس عرب!!!وهو ضعيف غلبان محد يسلم عليه ولا باليسار،يعني انسان مدري وش اقول يعني يمكن نشوفه ونقول هذا وشو؟
لايغركم بعض الكلام من بعض الاشخاص تراهم والله العظيم ولا شي،اذا جاء في المجلس يجلس هناك عند النعال اعزكم الله،مايقابل الرجال !!
ترفقوا على انفسكم واعرفوا ان وضعنا كله كلام في كلام ولا لعزة النفس دخل ،ولا للمشاكل مكان،ولا للاهانة مكان،ولا للشجاعة مكان،

[نسيم]

صحيح اللعب يجب ان تعطيه حقه،والغبن شين لكن في حدود المكان والوقت وغيره ينتهي كُل شي.
نجي لنقطة مهمة وحاصلة اللي هي وش يقصد فلان بهذا الكلام؟؟؟؟؟؟جعله يقصد اللي يقصد طالما انه ماقال يافلان وخصك بعينك!
نقول معك انه يقصد من كلامه فلان وش الضرر؟انت رد عليه،وينتهي الوضع.
وسع خاطرك، وزين اللي تلقى واحد يعاندك ويحارشك ،ويعطيك جو ويفتح نفسك للكلام.لكن مدح ومجاملات الى متى؟نمل من بعض!
حتى الكلام الزين يقضي.
بعض الناس ماعليه الا من مخباته لايجيها شي بس والباقي في قلايع واد رين!لانه جشع مايهمه الا قول حلال دراهمي اعوذ بالله منه بخيل.
لو تجيه بطاقة شحن فيها 25ريال شب في الادارة لين ياخذها.جعله الفقر.
وبعضهم ما يشارك الا في الدوام لان فيه ديسي ال مجاني .

[نسيم]

ابيات جميلة جدا وتعتبر سامرية


ياسيدي روحي ترى عيني دمرها السهر
،،،،،،،،وريتني يالغضي بقعا وصكاتها

وان كان قصدك تغلي مر كم شهر
،،،،،،،وعشرتك يانور عيني ذقت علقاتها



ومن يوم فارقتني وانا في ضيم قهر
،،،،،،،،،،حرمتني من حياتي وانت لذاتها

والله منسى غرامك لو يطول الدهر
،،،،،،،،،،ارتاح لاشفتك عينك وحجانها



ارسلت لك مناديب ولا جا خبر

،،،،،،،،،،ومودتك ضعت انا داخل ملفاتها


والروح مني تراها يالغضي في خطر
،،،،،،،الله حسيب على الدنيا ولوعاتها


غصبتني بالظلام ورغبتي في السفر
،،،،،،،،،،، حطيتني وسط غرفة وشلت لمباتها

[مُحال]

الله يوفقك يانسيم .. قبلك تكتب مثل مانبي تقل كن واحد يملي عليك وش في قلوبنا .. ولاهوب قبل

وانت سولف وناظر وابتسم و لايهمك رضاء احد مدامك ماخطيت ... واللي زعل من ماش يرضى على ماش

وعلى قولتك بعض العالم عند القريشات تقصر وانت تحكي .. تلقاه يساّلك بكم شريت ذا ووشوله تقول هو اللي سايق الدراهم.. ولو تناظر تلقاه الله يعزكم لابسن كنادر كلهن يسار ارخص

من المتابعين لـ هذه المدونه ولي عوده لقراءة مافاتني من حكم ودرر تكتب بماء الذهب ...

[نسيم]

الله يوفقك يانسيم .. قبلك تكتب مثل مانبي تقل كن واحد يملي عليك وش في قلوبنا .. ولاهوب قبل

وانت سولف وناظر وابتسم و لايهمك رضاء احد مدامك ماخطيت ... واللي زعل من ماش يرضى على ماش

وعلى قولتك بعض العالم عند القريشات تقصر وانت تحكي .. تلقاه يساّلك بكم شريت ذا ووشوله تقول هو اللي سايق الدراهم.. ولو تناظر تلقاه الله يعزكم لابسن كنادر كلهن يسار ارخص

من المتابعين لـ هذه المدونه ولي عوده لقراءة مافاتني من حكم ودرر تكتب بماء الذهب ...




واياك وكل مسلم ،فعلا ماهوب قبل كلامي يصلح وهذا الصحيح!احترم رايك.
تصدق وقسم بالله اني ابمشي للرياض ومعلم الاهل ومن الساعة 1الظهر وحنا نتولم للروحة مابعد خلصوا!!!طفيت الجهاز على ان حنا نبي نقضي!!والى الان وحنا في اللبس ،وين نعال فلان وفلانه وثياب وحالة.قلت ابشغل الجهاز الدعوى مطولة!
انتم مثلي من جد حريمكم كذا ؟والله مذكر ان حنا نوينا نروح في السيارة الا ونجلس ساعتين ما ركبنا.
الحريم مشاكلهن مشاكل حتى في المنتدى ورانا!
مُحال انت امس اشوفك كاتب في ساحة الاعضاء احتري الاتحاد يهف الهلال ؟صح.
تحياتي لك

[ولد لندن]

تعليق على قصة الحريم مع اي روحة للرياض او اي مشوار بدون تحديد
تصدق يا نسيم انا مثلا انزل من السياره ازود موية الاديتر مويه اخاف ينقص من كثر ما اقعد والسياره تشتغل تنتظر الحريم
تحمى السياره وترتفع الحراره والبزوره على قولتك وين نعلتي وين فنيلتي وين فرشتي

واصل واصل اخوك طاق خيمته في مدونتك الذهبيه

[المهند]

وبعضهم ما يشارك الا في الدوام لان فيه ديسي ال مجاني .

نسيم ...

هذي وين جبتها منه ..
أنت تدري وش مشكلته ..

يوم نوو يشتركون في الدي سل قالوا مالنا حاجة به ... ويوم اشتركوا الربع .. قام يوصوص في أذن خويه .. كم الرقم السري ..!!

هالأيام .. أشوف واحداً مرتكز عند باب واحد من الربع .. وش سالفته .. معه لاب توب ومتحمس .. أثر الرجال .. لاقي له شبكة مفتوحة ..!!!
هالعينات .. تهقاها عايشه مثل عيشة المسلمين .. !!
عندي لك سالفة .. عن مثل هالعينات .. ووش الفائدة اللي جنوها من شغلهم ..!!

أبشرك اليوم ما قدرنا نتغدى .. يوم نكبناه في السوده روح علينا ... والله الفرق .. ذكرت الأعصل إذا نكبنا الغداء جانا عاصوف ..
بخاخات تبخ .. سبحان الله العظيم

http://www.up-tumaer.net/up//uploads/images/tumaer-5d4bfbda48.jpg

[نسيم]

تعليق على قصة الحريم مع اي روحة للرياض او اي مشوار بدون تحديد

تصدق يا نسيم انا مثلا انزل من السياره ازود موية الاديتر مويه اخاف ينقص من كثر ما اقعد والسياره تشتغل تنتظر الحريم
تحمى السياره وترتفع الحراره والبزوره على قولتك وين نعلتي وين فنيلتي وين فرشتي

واصل واصل اخوك طاق خيمته في مدونتك الذهبيه

اشوى اللي ماهوب انا لحالي.
فيه نقطة ثانية البزور يتطاقون في الموتر !!!ذبحوني ،اذا ناظرت وهشت عليهم سكتوا،واذا صديت تهاوشوا ثانية،وعلى هالمنوال لين ناصل!!!!!!!
والله عجزت!
وكلن يبي يركب جنب الباب،
مشاكل ماتقضي ابد.

[نسيم]

نسيم ...

هذي وين جبتها منه ..
أنت تدري وش مشكلته ..

يوم نوو يشتركون في الدي سل قالوا مالنا حاجة به ... ويوم اشتركوا الربع .. قام يوصوص في أذن خويه .. كم الرقم السري ..!!

هالأيام .. أشوف واحداً مرتكز عند باب واحد من الربع .. وش سالفته .. معه لاب توب ومتحمس .. أثر الرجال .. لاقي له شبكة مفتوحة ..!!!
هالعينات .. تهقاها عايشه مثل عيشة المسلمين .. !!
عندي لك سالفة .. عن مثل هالعينات .. ووش الفائدة اللي جنوها من شغلهم ..!!

أبشرك اليوم ما قدرنا نتغدى .. يوم نكبناه في السوده روح علينا ... والله الفرق .. ذكرت الأعصل إذا نكبنا الغداء جانا عاصوف ..
بخاخات تبخ .. سبحان الله العظيم

http://www.up-tumaer.net/up//uploads/images/tumaer-5d4bfbda48.jpg
ايه هذولا فيئة وشوله وش تبيبه نسميهم مصاصين الدماء او الاستغلاليين او الموبده!
هذولا اذا ماحصلوا شي انتقدوا ،المعطله!!
شوي ابروح للبيت وعلمك عنهم .

[نسيم]

اكبر غلط ارتكبته اني اعرست !!
تو وانا امشي في شوارع الرياض ومعي صديق لي ونتذكر ذيك الايام والارصفة اللي نجلس فيها!!
جاني نوع من الحسوفة !
منول ماندري عن شي ،والشوي يسدنا ويكفينا ،لو اني جامع لي ميتن الف وعزوبي كان اصير كني الراجحي،واسكن في ملحق عند اخوي واذا قمت من النوم طلعت ووسعت!
لكن اليوم حالتي حالة غادي كني اخطبوط منّا بزور ومنا حريم ومنا فواتير كهرب وتلفون وشغالة ونكد على بشر !!معد اقدر وش ابد عليه!
يعني ليه مانصير مثل الغرب يعرس ويقعد له 15سنة هو وزوجته ويوسعون الصدر حتى اذا جو يبي يدخلون مطعم ياخذون اثنين نفر،والنوم غرفة وحدة،ثم الى من هذا فكروا ينجبون لهم طفل!!
لكن حنا غير ما نقدر لو بغينا نوسع الصدر حتى المطعم ما يشيلنا زحمة!!!
والموتر الواحد مايسد!
نصيحة للشباب الان لايفكر في الزواج ابد لين يجي عمر 45سنة وسع صدرك ،وش انت عجل عليه؟والا اعرس بس لاتنجب نصيحة.
يازين العزوبية .والحرية.
تخيل راتبك 10الاف وانت براسك!
ايه ليت العمر يعود 15سنة كان معرس .
اجل يقولون اعرس بكره يخاويك ولدك!الا اذا كبر مايبي الا فراقك ويبي يمشي مع ربعه !وش يبيبك؟انت وجهك؟
اه ياعمر اللي راح كذا!!!!!!

[نسيم]

وش هالعمر !!!20سنة دراسة وهم وقلة حيا.
و40سنةوظيفة وبزور وحالة الله اعلم بها.
بعد ستين سنة كان من الحيين وش يمديك عليه؟
هذا ان كان منتب سالم من الامراض سكر وضغط وهذا اقل شي يعني تشوفه.
خذوا دروس ياشباب من اللي قبلكم.
اجل من يوم يتوظف وهو قامز يخطب !خير ان شاء الله؟
البيت اجار والعرس دين!والراتب خمسة الاف ريال!يعني حالتك صعبة والله.
النفس اللي ورطتها معك (الزوجة)وش ذنبها؟
تبي سوق تبي سفر تبي ترفيه!ماهيب اعرس وبس!
شي غريب والله.
ثم يجيك ابوه يعزم الولد يبي يعرس!!
ورطه هالعود بالعرس وبس،لو يجي ولده يبي الف ريال محتاج طرده.

[المهند]

ههههههههههههه

أستغفر الله ... وش هالحالة ...!!!

طيب يانسيم ... بكرة من يحرر القدس إذا صارت الدعوة أعرس واسكت ولا تجيب بزور ..

احمد ربك وأشكره .. ناس تتمنى واحد يجي ويكب البيالة على الفرشة .. أو يكسر له كأس قزازه ..

طيب تخيل أن حرمتك تسوق .. تهقاها ما تفكك من شيء واجد ...

[نسيم]

المهند اولا انا ابشكيك لانك دخلت موضوع مغلق !!!!!!!!!
خل يجيك انذار هههههههههههههههه.

[نسيم]

ههههههههههههه

أستغفر الله ... وش هالحالة ...!!!

طيب يانسيم ... بكرة من يحرر القدس إذا صارت الدعوة أعرس واسكت ولا تجيب بزور ..

احمد ربك وأشكره .. ناس تتمنى واحد يجي ويكب البيالة على الفرشة .. أو يكسر له كأس قزازه ..

طيب تخيل أن حرمتك تسوق .. تهقاها ما تفكك من شيء واجد ...
من يحرر القدس؟
اصلا القدس معلمنا به الرسول اللهم صلي وسلم عليه يعني ريح عمرك ولاتبني على بزورنا احلام وامال .
ابشر والله بلاذى وتفحيط ،وين راح؟ما درس،والا دشر .
عاد انا اقول ماهوب نحرم من الاطفال، لكن تقتسط شوي نعرف نربيهم نلبي مطالبهم ،لكن كل 9شهور واحد!وين ياعمي؟ثم اطلقهم في سوق الشوارع وهملهم.
انا تو اقول السّوق ماقلت تسوق.لكن افرض ان الحرمة تسوق ماهيب تاركتك في حالك حتى لو انها عجوز ونويت تزوج عليها وتشبب وتشوف حالك جتك تبي ليلة وهي مافيه ولا دقيقة ،ماتقوى تمشي!!
الحرمة يالمهند !!!جعلها تسلط عليك وتشوف !!!!!!!!!
شوري عليك خف شوي من الانتاج نصيحة اخويه.

[المهند]

المهند اولا انا ابشكيك لانك دخلت موضوع مغلق !!!!!!!!!
خل يجيك انذار هههههههههههههههه.













وأنت ما شكيتني ..

جاني لفت انتباه بالتلفون من المدير العام ..


الظاهر أنك مداوم في المحكمة ... كل شوي رايح تشكي ..

ههههههههههههههه

[المهند]

من يحرر القدس؟
اصلا القدس معلمنا به الرسول اللهم صلي وسلم عليه يعني ريح عمرك ولاتبني على بزورنا احلام وامال .
ابشر والله بلاذى وتفحيط ،وين راح؟ما درس،والا دشر .
عاد انا اقول ماهوب نحرم من الاطفال، لكن تقتسط شوي نعرف نربيهم نلبي مطالبهم ،لكن كل 9شهور واحد!وين ياعمي؟ثم اطلقهم في سوق الشوارع وهملهم.
انا تو اقول السّوق ماقلت تسوق.لكن افرض ان الحرمة تسوق ماهيب تاركتك في حالك حتى لو انها عجوز ونويت تزوج عليها وتشبب وتشوف حالك جتك تبي ليلة وهي مافيه ولا دقيقة ،ماتقوى تمشي!!
الحرمة يالمهند !!!جعلها تسلط عليك وتشوف !!!!!!!!!
شوري عليك خف شوي من الانتاج نصيحة اخويه.
يارجال .. الله الهادي ..
وكّل ربك وأرقد وآمن ...
أنا دراي أنك تقول السوق ...
وأنا أقول لو يسوقن .. ما يفكننا من رح ود .. وتعال جب ..!!
الله لا يسلطخن علينا ..

خلنا في البزور .. وخل عنا الحريم ..

[نسيم]

وأنت ما شكيتني ..

جاني لفت انتباه بالتلفون من المدير العام ..


الظاهر أنك مداوم في المحكمة ... كل شوي رايح تشكي ..

ههههههههههههههه
مخاوي تمير يدور عذر عشان يكلمك !!!!!!من قدك ؟ماتشوف وشلون تدخل المواضيع المغلقه مايقال شي!!!!!!!!!عاد مخاوي تمير مايقول مخطين ،يدلي يجيب قانون من راسه عشان يسكتني !!!وانا حافظ قانون المنتدى حفظ.
فيه مثل يقول ليت من له مع القوم بني عم.
الله يشغلك كانك اشغلتني!!
ايه الشكاوي!!والله لقيت الشكوى زينه ،منول مسوي نفسي رجال واسكت واحترم ولالقيتها توكل عيش،اليوم على طول اشك وخذ حقك ،ويخافون منك !ويحترمونك بعد.
منول طايحين في شكاوي !!!!!!!!نسيم حليو مايقول شي يحوسوني ويمشون وليتهم يقولون والله انه ونعم ومن طيب خاطر يالمهند ،لا ،يقولون غصب!وش رايك؟
المهند انا خابرك ماتحب الشر !!!!!

[نسيم]

يارجال .. الله الهادي ..
وكّل ربك وأرقد وآمن ...
أنا دراي أنك تقول السوق ...
وأنا أقول لو يسوقن .. ما يفكننا من رح ود .. وتعال جب ..!!
الله لا يسلطخن علينا ..

خلنا في البزور .. وخل عنا الحريم ..
خلنا من الحريم!!!!!!!!!!!
اثرك خواف ههههههههههه.
تبي حكي في البزور الضعوف اللي مالهم ذنب ،
المشاكل في الحريم تقولون والا ماتقولون،ولا لنا شغل حتى في المنتدى الا مشاكل الحريم،نبي ثورة ضد الحريم نطردهن من المنتدى يالمهند وش رايك؟
هالحين اذا حطوا وزيرة في الدولة انهبلتوا وقومتواالدنيا ولا قعدتوها،والمنتدى لا!!!يالله العجب!
تناقض عجيب.

[» اِلـَوَفْآءْ بـِنْـتْ]

نطردهن من المنتدى


المنتدىَ بدونآ ولـآشئ هذآ أولاً ,
وثآني شئ أنتَ قدَ كلمتكَ يـ نسيم ؟؟؟؟؟؟؟؟؟؟؟؟؟؟

[- مُـتـغـطـرسَـهه ™]

خخخ قول قدههآَ خلككَ عند كلمتككَ ههههههههههه
ليهه ي الوفآَء بتطلعينَ !!

[» اِلـَوَفْآءْ بـِنْـتْ]

ليهه ي الوفآَء بتطلعينَ !!

ههههههههههههههههههههه
بعدينْ أقوللتسْ

[- مُـتـغـطـرسَـهه ™]

يلآَ آَحتريتسَ ض1 ،

[نسيم]

المنتدىَ بدونآ ولـآشئ هذآ أولاً ,
وثآني شئ أنتَ قدَ كلمتكَ يـ نسيم ؟؟؟؟؟؟؟؟؟؟؟؟؟؟
المنتدى بدونكم ولا شي!!!!
من اللي لاعب عليكم؟ولو لقيتكم تصدقون هقاويكم.
اذا مااخليكم صف واحد عند باب المنتدى كنكم عند باب جمعية فانا ماجيب العلم.
بس يبي لي وقت.

[نسيم]

ههههههههههههههههههههه
بعدينْ أقوللتسْ
ماهوب نافعك الضحك،شفتي ،فيني ،ويمكن،وذكرتك، تبي تمنينها ولاهيب حاصله.
هين اوريكم

[نسيم]

يلآَ آَحتريتسَ ض1 ،
ولموا قشكم ومشاركاتكم تراها لكم مانبي منهن شي،ماناكل حلال ضعوف!!!!!!!!!

[» اِلـَوَفْآءْ بـِنْـتْ]

ههههههههههههههههههههههههههههههههههههههه ,

هذآكَ أول يـ بآبآ ,
الحين مآفي فرق بين الرجآل والحرمة ويمكن الحرمة أرجل ؟؟
وبعدين مآحد لـآعب علينآ هـ الشئ وآضح قدآم عييونكم , وانتظر هـ اليوم اللي نوقف فيه عند الجمعية !!!

[نسيم]

ههههههههههههههههههههههههههههههههههههههه ,

هذآكَ أول يـ بآبآ ,
الحين مآفي فرق بين الرجآل والحرمة ويمكن الحرمة أرجل ؟؟
وبعدين مآحد لـآعب علينآ هـ الشئ وآضح قدآم عييونكم , وانتظر هـ اليوم اللي نوقف فيه عند الجمعية !!!
والله اللي نشبنا مع هالملوسنه!!
اقول بلاش من الكلام الاستفزازي رجاء خاص.
هذي فكرة فقط يعني مابعد صار شي ،الله ينشبك يالمهند وين انشبتني ؟

[» اِلـَوَفْآءْ بـِنْـتْ]

حلمَ أبليسَ بـ الجنة تنفذَ هـ الفكرة ,
وبعدين ليش كلامي آستفزآزي ,, خبري فييك لسآنك أطول من لسآني !!

[نسيم]

الوفاء بنت ،انا اخشى من المثل العربي اللي يقول(الضربة اللي ماتقتلك تقويك).
فأنا راح اسكت سكوت مؤقت فقط لاني ابيك تبقى كما انت لكي لاتتقوي .ثم اعودك عليك كني حنش .والتهمكم جميعا .

[» اِلـَوَفْآءْ بـِنْـتْ]

:tongue:

[» اِلـَوَفْآءْ بـِنْـتْ]

يلآَ آَحتريتسَ ض1 ،

وديّ أطلعْ بس تخببرينْ مآودي أقطع رزقْ المنتدىّ لـآنهمَ بيطلعون ورآيْ > كف

[نسيم]

:tongue:
صدقيني راح تندمين وتتسببين بهجرة جماعية للمعرفات النسائية وانتي السبب،خلي هالصورة اللي انتي حاطة تنفعك.
الوعد ماتورنه لا ماتسمعونه والايام بيننا.

[نسيم]

وديّ أطلعْ بس تخببرينْ مآودي أقطع رزقْ المنتدىّ لـآنهمَ بيطلعون ورآيْ > كف
هههههههه عرفتي خطتي !!!!

[» اِلـَوَفْآءْ بـِنْـتْ]

صدقيني راح تندمين وتتسببين بهرجة جماعية للمعرفات النسائية وانتي السبب،خلي هالصورة اللي انتي حاطة تنفعك.
الوعد ماتورنه لا ماتسمعونه والايام بيننا.


هههههههههههههههههههههههههههههههههههههه

متآكد أني بندم!

[» اِلـَوَفْآءْ بـِنْـتْ]

هههههههه عرفتي خطتي !!!!


فآهمتك أنا http://www.tumaer.com/vb/images/icons/icon12.gif

[نسيم]

هههههههههههههههههههههههههههههههههههههه

متآكد أني بندم!
يابنت انتي قدام نسيم!!!!!!!!!!!!!!
تخر لنا الجبابرة ساجدين!!!!!!

[» اِلـَوَفْآءْ بـِنْـتْ]

بس أنا الوفآء بنت ؟!

[نسيم]

بس أنا الوفآء بنت ؟!
اها،
جمعتي الالوان كُلها !!!!!!!!!!!.اقول فكيني وفك.
وان جنحوا للسلم فجنح وانا ابي العافية.وش رايك؟

[» اِلـَوَفْآءْ بـِنْـتْ]

الشورَ شوركَ , والرأي منكمَ نشتريه بملايينْ , لأنكَ حكيم َوكل درب ٍ تدلّه, ولأنك لنا عينَ ومكانتكَ بـ العينْ ,
:t24:

[نسيم]

الشورَ شوركَ , والرأي منكمَ نشتريه بملايينْ , لأنكَ حكيم َوكل درب ٍ تدلّه, ولأنك لنا عينَ ومكانتكَ بـ العينْ ,
:t24:
يكفي ،يكفي,
اشهد بالله انك انسان راقي وتستاهل كل خير،بس تبين اعلمك بشي يالوفاء بنت !
انتي شجرة مثمرة،تتساقط ثمار ،اصبري على حجارة الصبية والغلمان والمجانين والسفهاء!!!!!!!!
تحياتي واشواقي

[المهند]

الله يجعل حيلهم بينهم ..

نسيم ..
تراي معك في الحملة ... وأنا معك على الحلوة والمره ...

نسيت الأيام الحلوة يوم أني أخليك زعيم المنتدى ..

[نسيم]

الله يجعل حيلهم بينهم ..

نسيم ..
تراي معك في الحملة ... وأنا معك على الحلوة والمره ...

نسيت الأيام الحلوة يوم أني أخليك زعيم المنتدى ..
المهند وشلونك اليوم.
شف ابعلمك بشي انا مزعل ابد لو يجي قصف صاروخي،لكن لايصير مثل البزران يروح يشكي ويزعل ويحقد اي والله.
فيه موضوع نتهاوش فيه ونختلف وينتهي يعتبر صفحة نطوبها وننطلها في الزباله.
الايام الحلوة لاتفارق مخيلتي ابدا يالمهند!وهذا اللي يعذبني الذكرى والماضي الجميل،ماتشوفني معد اقبل اي جديد مره،الممري عندي او الذاكرة او القيقا عندي ضيق جدامعد اقبل اكثر من عشر اسماء مخزنه ،بعض الاسماء نتعامل معها بس في لحظة الاتصال ثم ينحذف تلقائي.
عجزت والله اقبلهم ماش، مدري وشو منه؟
مانسيتك والله ولا نيب ناسيك ولانيب شاره عليك لانك مخزن في الذاكرة ،
الحملة ضد الحريم اليوم اشوفها اصعب من الوصول لزعامة المنتدى.كثرن الحريم الله لايكثرهن في المنتدى.
شف الوفاء بنت جت وحاستني حوس معد قويت اقول شي!!!!!!!!!!!

[نسيم]

معد لي نفس ،في قل شهية.
هذي وهي سفرة اجل لو تجي قطيعة!!وش ابسوي؟
كان اقول مالوم فلان وفلان وياكثرهم،عساني ماصف جمبهم من ضمن الضحيا!!!
ايه الموت حق وكل نفس تذوقه،،،،،،،مار البلا من ذاق موته ولامات.
احس اني مثل اللي ينتظر دوره !
وش عاد؟اصير مثل ابو كوت اذا صار فيه سوق دراهم قال مالي نفس ،ممنوع من الاكل .وهو ميت من الجوع ،حنكه يطقق،مافيه شي يجي مجاني لازم تضغط على نفسك وتغمض ماتقول اهـ.

[نسيم]

ان كان حدك في السفر خمسة أيام
... سافر وباصبر عنك غصب عليه

حظي معك ياصاحبي مابعد قام
... وامر الولي يملك جميع البليه

لاغبت فاذكر صاحب صابه أوهام
... اذكرني يالمحبوب صبح وعشيه

تراك في بالي ولاني بمنلام
... في حبكم يابو العيون الطريه

سيف المحبه ياريش العين صرام
... والاياك تذبحني بليا خطيه

باعطيك قرطاس مع اظروف واقلام
... ارسل لنا لاغبت منكم تحيه

[نسيم]

لو البكى عالج من الناس وجعان
،،،،،،،،،،،،،،،،،قضيت وقتي ماتوقف دموعي

كلن نهار العيد سالي وفرحان
،،،،،،،،،،،،،،،،،،،وانا حزين طافيتن شموعي

الناس تلبس ماغلت فيه الاثمان
،،،،،،،،،،،،،وانا من الفرقى تصافق ضلوعي

[» اِلـَوَفْآءْ بـِنْـتْ]

نسيم أبيك ضروري ,

[نسيم]

نسيم أبيك ضروري ,
سم،
العلم ؟
ماتخلون الواحد في خلوته،
قسم بالله روعتني .

[نسيم]

وش الفوضى هذي؟
ساج ،ومندج، ومحلق في السماء، اعانق النجوم وتجي تخلفني.
ولو حياتكم مزعجه وعايشين علىفتح الباب كذا بدون اشعار مسبق ،يعني طق الباب برفق!قل يا فلان بهمس!
لكن تدفش الباب برجلك والله ارتعت وتلخبطت.

[» اِلـَوَفْآءْ بـِنْـتْ]

هههههههههههههههههههههههههههههههه

خلـآص كنتَ بسآلكَ عنَ الشهرَ , وسآلتَ غيركَ وعلمنيّ ,

[نسيم]

هههههههههههههههههههههههههههههههه

خلـآص كنتَ بسآلكَ عنَ الشهرَ , وسآلتَ غيركَ وعلمنيّ ,
وانا التقويم القطري؟
عاد تنشديني عن الشهر!
انا غير شهر رمضان لاتنشديني لاني احسب له من يوم يدخل لين يطلع!!!

[نسيم]

والله ياتو اني مستمر ووضعي زين وماشي صح لين دخلت الوفاء بنت تنشد عن الشهرَ!
رجاء خاص اذا استمريت اكتب لحد يقربني .
ياساتر انسدت نفسي.
كنت ابكتب عن حال شخص مسئول واخذ فكرة عن موظف غلبان ،وقام يراقبه في كل صغيرة وكبيرة.ولا عاد يشوف من الموظفين الا هذا المسكين!
الموظف الغلبان غلبان بالعربي مسكين!والمسئول هذا طيب وحبيب بس جاه ناس يثق فيه وقاموا يقولون ترى فلان فيه كذا وشفه امس وش سوّى!
والموظف الغلبان راعي شغل وعملي،والثقات اللي عند المسئول شغلهم يتبطحون ويشربون الشاهي معه وينمون وينقلون حكي بس!
عاد المسئول هذا يدور الزين لكن ما وفق !
وضع غريب!
الموظف الغلبان يقول انا لو استقيل وروح اكد لموزين افضل من هالشغل ,على الاقل ابعد عنه ،
ويقول ما ودي اخسره .
الارزاق واجد وفرص العمل متوفرة في كُل مكان.
والتقاعد خلاص قريب،مابيني وبينه الا ورقه وعيش حر والراتب يمشي.
عاد المسئول ابدعي عليه مانيب مخليه وبقول الله يسامحك ويوفقك ،بس خل نيتك تجاهي سليمه لاني عجزت وحلفت له ان عندي بزور واكد عليهم ،وعندي ايتام اذا تركتهم يبي يدجون ،
اقول بصره خله على عمياه مع النمامه ونقالين الحكي لين يطيح طيحة دلو في بير.
وش الحل؟
ابعطيه فرصة بس مش عشان شي ثاني، بس الايتام لهم حق.

[نسيم]

يعني خلاص تقوم الدنيا وتقعد عشان ايش يعني علمني والا مالقيت الا انا؟
الكلام هذا يقوله الفقير !ليش ؟
لان الاغنياء سبحان الله عند انفسهم انه يحق لهم ولايحق لغيرهم.يعني يسوي اللي يبي،يا يا يا وذولا ،عمال من الفيئة الكادحة .
طيب انت يالغني تنزل وحط نفسك محلهم لو لحظة بسيطة يعني مجرد خيال ،وشف وشلون النتيجة علما انهم مافيه امل يطلعون بنتيجة تغير فكرهم لانهم خلاص معد يشعرون بمن حولهم،
هم صح وبس، وشوله نقعد نوجع روسنا؟
هم اللي لهم قلوب ومشاعر وحنا لا مافيه قلوب مجرد قلب يغذي الجسم لكي يعمل فقط ،يقولون اسكت وشتغل تفهم!كذا باللهجة القوية.
والمستشارين فالينها ،لاحسيب ولا رقيب.
اجل من تطلع الشمس لين تغيب وحنا بالمساحي وفي وسط هالخصرة ونشتغل واذا جاء الجح الزين السيدلان جاك هالغني يتخير فيه وياكل وحنا تقاطر سعابيلنا !!
يعني علىالاقل انطل علينا لو جحة متعديه نذوقها ياخي،والله نتعب !!!الجح المتعدي هي اللي ناضجة وابطت واقبلت على نهايتها، يعني التجار والكبار وعيال النعمة والمترفين ماياكلونها.
ولو المجتمع طبقات وانا مؤمن بهذا الشي لكن ابي يعني مثل التشجيع وتغض الطرف شوي،لاني متقضب في المسحاة شغال في عز القيض،كود الماء يقضي حتى نرتاح من الخضرة لان الخضرة تبي ماء ماهوب لعب وسواليف!!!!!!!!ولا يلقى له درب ياالله يارب .

[» اِلـَوَفْآءْ بـِنْـتْ]

ياساتر انسدت نفسي.



أفآ ,
آنسدتَ نفسكَ مني , سؤالَ وسآلنآ وشَ صآرْ , مآقولْ غيرَ جعلهآ تنسدَ ولـآتنفتحَ أبدَ
قطع!

[نسيم]

أفآ ,
آنسدتَ نفسكَ مني , سؤالَ وسآلنآ وشَ صآرْ , مآقولْ غيرَ جعلهآ تنسدَ ولـآتنفتحَ أبدَ
قطع!
لا والله وش تنسد نفسي منك ؟،بس اقول طبتك صراحة مالها سنع !!
اجل كم الشهر؟ مدري كم التاريخ؟؟؟؟؟؟؟؟؟حتى لو يدق واحد بالجوال وينشدني صكيته في وجهه.
لانك تقول امر ضروري!!!
طيب علمينا وش استفدتي من هالتاريخ والشهر تالي الليل؟
ناس فارغة.

[» اِلـَوَفْآءْ بـِنْـتْ]

والله مآدريتَ آنكَ غآفلَ ودآخلَ جوَ معَ مدونتكَ ,
والـآتسآنَ مآدخلتَ , بس لـآني اسوي ّ موضوعَ مهمَ ونسيتَ حنآ بـآي شهر , َ ومآلقيت عندي الـآ انت وقلت أساله ,
ولو عآرفه أن نفسك بتنسد وتروع مني ,
مآقبلت عليك أبد
قطعَ منكَ كلتنيّ بقشوووريّ

[نسيم]

والله مآدريتَ آنكَ غآفلَ ودآخلَ جوَ معَ مدونتكَ ,
والـآتسآنَ مآدخلتَ , بس لـآني اسوي ّ موضوعَ مهمَ ونسيتَ حنآ بـآي شهر , َ ومآلقيت عندي الـآ انت وقلت أساله ,
ولو عآرفه أن نفسك بتنسد وتروع مني ,
مآقبلت عليك أبد
قطعَ منكَ كلتنيّ بقشوووريّ
يعني واضح مايحتاج اقول اني غافل ومنهمك !
انا اللي خلاني انفجع وخاف ؟قلت ان الساحة لاسمح الله شابه،فيها حادث تسبب فيه احد المتهورين او جاء احد مايخاف الله يبي يخرب الساحة ويشب فيها ويروح يسوي بلاغات كاذبة ويتهم له مسلم غافل في حاله!
شوفي عمري الان 32سنة محد نشدني وش الشهر؟ولا اعرف اسامي الاشهر بعد.
وانا وش دخلني في الموضوع المهم؟؟؟؟؟؟؟؟؟؟؟؟؟؟
يعني لي فيه سنع؟حتى اعلمك وروح انشد؟
دام الدعوى مالي فيها شي! رجاء خاص دعني في حالي !او لك انتي شخصيا مصلحة مستعد افزع معك بعيوني !
ثاني مرة اذا سويتيها بالطريقة هذي تراي ابشكيك !!!!!!!
تحياتي لك

[نسيم]

الحب والعشق والغرام شي ماتقدر تصفه،شي فضيع يعني مدري وشلون؟
انا مالي تجربة من جد مالي تجربة بس كنه جاني شي ونشدت واحد صديق لي وقال انت يعني فيك يعني؟
قلت وشلون وضح؟
قال يعني ودك؟
قلت وش ودي به؟
قال انت ماتفهم؟
صراحة روعني ،وانا واياه لحالنا!!ويتبسم!وقلت ياربي وش اللي حادني انشده؟
المهم بغيت ارقعها بالضحك ،قال لاتضحك، المهم فشلت وقلت انت وش عندك؟
قال انت عاشق لك احد؟قلت اشوى ،هونك الله من امر.لان نظراته تروع!
قلت لا والله بس فيه بعض الناس اذا شفته قمت اتبسم، ولا عاد اعرف احكي اذا شفته ،يجني خوف، مدري ارتبك،المهم له هيبة اصير ضعيف،حتى الضحك اذا قال أ،قمت اضحك.المهم اني معه اقول صح لو انه مخطي!
ولا اجسر اقعد معه لحالي استحي منه،علما اني مستحي ولا يهمني اطلق شنب ،بس قدامه تضيع روابعي!
واذا جاء طاريه يجني مثل القشعريره واذا ذكرت انه قايل سلام عليكم قعدت لي شهر مبسوط،
يعني وش تعتقد ياصديقي؟
قال انت باديك شي الله يكفيك شره مار شوري عليك،تماكن عمرك لايجي بكره تمشي وتحاكي نفسك.
عادهي على كيفي؟

مار الشكوى لله.

[نسيم]

عندي قصة جميلة جدا عن العشق ،
بس تبي واحد يعرف يقرأ،وفاهم شوي ،لكن الشخص العادي والسطحي ترى ماهوب فاهم لان عقلك محدود وفكره بعد مايدرك بعض الكلام.
انتظروني ان شاء الله اليوم.
تحياتي لكم
نسيم

[عصي الدمع]

.
.
السلام عليكم ..
.
.
ليس للعشق دواءٌ .. فـ احتسب عقلاً و نفساً
.
.

[نسيم]

.
.
السلام عليكم ..
.
.
ليس للعشق دواءٌ .. فـ احتسب عقلاً و نفساً
.
.
وعليكم السلام
مرة مافيه امل ؟
ولو تحطيم ياعصي الدمع،قل لعل وعسى!
يعين الله ..عليهم.

[نسيم]

عندي قصة جميلة جدا عن العشق ،
بس تبي واحد يعرف يقرأ،وفاهم شوي ،لكن الشخص العادي والسطحي ترى ماهوب فاهم لان عقلك محدود وفكره بعد مايدرك بعض الكلام.
انتظروني ان شاء الله اليوم.
تحياتي لكم
نسيم
هذي قصة الاصمعي مع الشاب العاشق ،
الشاب هذا ماسمع نصيحة الاصمعي تسرع وكانت النتيجة هلاكه !!!
الشاعر هو الاصمعى اسمع ماذا يقول:

يقول بينما كنت اسير فى البادية فمررت بحجر مكتوب عليه هذا البيت:-
((أيا معشر العشاق بالله خبروا ...اذا حل عشق بالفتى ماذا يصنع))

فكتب الاصمعى تحت هذا البيت:-
((يدارى هواة ثم يكتم سرة...ويخشع فى كل الامور ويخضع))

يقول عدت فى اليوم التانى وجدت هذا البيت مكتوب:-
((وكيف يدارى والهوى قاتل الفتى...وفى كل يوم قلبه يتقطع))

فكتب الاصمعى تحته البيت التالى:-
((اذا لم يجد صبران لكتمان سرة...فليس له سوى الموت ينفع))

فيقول الاصمعى عدت فى اليوم التالى فوجدت شاب ملقى تحت هذا الحجر ميتا

ومكتوب تحته هذان البيتين:-
((سمعنا اطعنا ثم متنا...فبلغوا سلامى لكل من كان بالوصل يمنع))
((هنيأ لارباب النعيم نعيمهم...وللعاشق المسكين ما يتجرع))
وكان هذا الحجر فى الصحراء بعيد عن الناس

فبعد ان عرف الاصمعى الحكاية
ان هذ الفتى كان يحب ولكنه يخاف ان يصارح
وعندما نصحة الاصمعى بالكتمان ولم يقدر
فذهب ليصارحها ولكنها منعت الوصال
فقتل نفسه

وعندها قال الاصمعى
((مساكين اهل العشق حتى قبورهم،،،،،، عليها تراب الذل بين المقابر))

[نسيم]

أنا قلبي "اليك" ميّال
وما فيش غيرك عالبال
انت وبس "اللي" حبيبي
مهما يقولوا العزال

وبحبك "قد" عيني
حتى أكثر منها شوية
واسألها انت وحلفها
على طول ح تقولك هيه....

[أبـوحـمـد]

أنا قلبي "اليك" ميّال
وما فيش غيرك عالبال
انت وبس "اللي" حبيبي
مهما يقولوا العزال

وبحبك "قد" عيني
حتى أكثر منها شوية
واسألها انت وحلفها
على طول ح تقولك هيه....



وش فيك يا نسيم هاليومين ما عجبتني ابد

الي ماخذ عقلك يتهنااابه

ههههههههههههه:t24::t24:

[نسيم]

وش فيك يا نسيم هاليومين ما عجبتني ابد

الي ماخذ عقلك يتهنااابه

ههههههههههههه:t24::t24:
وش في؟
أهـ،يابوحمد أهـ،
وش اقول ؟خذا القلب من بين المعاليق واقفى به!!!!
يعني وش اسوي؟
حي في جلد ميت.

[نسيم]

الهنوف اللي سرت من نجد وامست في الحوية
،،،،،،،،،،،،،،،،،،ضيقت صدر الرياض وسافر الطائف وجاها

وانثنى غيم الحجاز لخد نجد النرجسية
،،،،،،،،،،،،،،،،،،،،،،،،يوم جاته من زعلها كنها تقصر خطاها

زعلوها وارحلت واخلت قصورالخالدية
،،،،،،،،،،،،،،،،،،والحقتني شرهة الزعلان واخطاني رضاها

سافرت والله ماخبر اللي يزعلها عليه
،،،،،،،،،،،،،،،،،،،،،واستباحت لله الخيرة سهر عيني وماها

[نسيم]

ويــا مــا حــلا لامـــن قـريـنـا حروفــك
..... لأن والله مافيهم ولا واحد ملا عيني ...

[نسيم]

من فارق الخلان ربي يعينه

....... والله يعين اللي على الغبن صبار

يقوله اللي فارق أحباب عينه

....... فارقتهم والقلب كنه على نار

فارقت من فاق العذارى بزينة

....... غصب علي أفراقهم غير مختار

[نسيم]

ان كان يسبح ترانا نغوص!!!!!!!!!
كنت في يوم من الايام انظر بنظرة ان هناك عقول متساوية،ليه؟
لان مافيه اهداف!
وش الهدف اللي نسعى للوصول له او خط النهاية اللي نقف عنده والمتقدم يرفع يده؟
مافيه والله خط نهاية!
الوضع الحاصل مثل اللي يدور بين اربعة جدران نمشي وراء بعض يجي منعطف نتزاحم عنده ويطيح اللي يطيح ويجلس اللي يبي يجلس!
شي غريب!
يقول مخاوي تمير قف!
اقف ليه لا.بس عطني سبب؟
عطاني السبب وقلت كلامك صح وواقعي لكن عطني اثبت لي ان هناك عقول تدرك نظرتك!
سكت،بس قال ولو!انت غالي عندي.
قلت وانت بعد غالي.
قبل تعطي توجيه انظر للواقع اللي تعيش فيه وحط المقترح،تغير الوضع يامخاوي تمير!!!!
الان فيه جيل جديد وفيه تغير جذري بركة منّا اللي الى الان وحنا صامدين.
مخاوي تمير ارفع القزاز وتلطم ولبس مناظر شمسية يمكن تشوف وتشاهد افضل !!!

[نسيم]

الانسان السوي طبيعي يخطي،وطبيعي يندم على الاخطاءلان عنده ضمير حي يأنبه.
خاصم سو اللي تبي لكن اذا عرض عليك امانة وطلب منك الانصاف تجرد من عاطفتك وهواك واحكم بالعدل لانك سوف تحاسب ،جهد انسان تهضمه لانك مختلف معه!!
يعني اخذ حق فلان واعطيه فلان والله انها كبيرة!
نعم انت صديق واخ وحبيب واحبك لكن حقوق الاخرين يجب حفظها ،والمسئول ايضا يجب ان لايغفل هذا الشي !ويحط دوائر على هذا وذاك!لانه فقد المصداقية وخان الامانة ويجب ان لا يثق فيه.
الوضوح شي طيب سواء كنت سيء او طيب ،لاتكون متقلب !
بس الواضح ان الدعوى متساوية .

[نسيم]

لاتشكو للناس جرحاً أنت صاحبه *** لايؤلم الجرح إلا من به ألمُ

[نسيم]

الحب بئر عميق اشرب منها فقط، واحترس من أن تقع بها

[نسيم]

الايام سريعة،لكن علىالمنتظر لا والف لا.
من يعد الايام لاتتحرك ،
الاجازة اسمها مبعدة الاحباب ،ومفرقة الاوطان.

[نسيم]

الشمس كنها،كاسفة من امس!!!!
وش العلم؟

[نسيم]

وحسرتي ياخوي كان اهلهم شدوا،،،،،وراحت مواترهم بهم ،،،،

[نسيم]

يازين راح الوقت وانا ترجاك ،،،،،،واعد ساعات مضت بالدقيقة

[نسيم]

مالي بغيرك شف لو هو يبينا
،،،،،،،،،،،،،،،من عادتي في الحب ما احب انا اثنين

والله لو طال الجفا مانسينا
،،،،،،،،،،،،،،،،،،،،،انا على رجواك ياكامل الزين

[نسيم]

يجب ان يكون الانسان ثابت وعنده مبدء وقيم مايتخلى عنها ابد.
بعض الناس الان يتكلم معك ويضحك ،وذا راح يم ربعه اللي هو خابرهم قال لعبت عليه!!!!!!
شي مضحك!
وشلون تلعب عليه؟
تجيه مسير وتوسع صدرك وتنبسط معه ياحقير وبعدين تقول لعبت عليه!هذا قليل تربية ماتربى.
ليه يقول الكلام هذا لانه مفلس ماعنده شي يقدمه لذا تجده ضايع كل يوم عند واحد !بس تراه غير محترم احذروا منه!!!!
اي شخص يجي ويقول الكلام هذا عندكم احذروا منه!!الحذر واجب.
هذا النوع اسمه او يطلق عليه لئيم ،وحقير.

[نسيم]

ابيات قديمة وجميلة وتعتبر سامريه


مريت بيت للمحبين مقفول"
................................. وجابتني القــدره على حــد بابــه..
ونشدت جيرانه عسى البيت منزول؟؟
................................. قالو : حبيبك راح لا واسفابـه!!
وله مدة بالسوق ما شيف له زول..
................................. وبابه عليــه مــن السوافي ترابــه"
وهلت دموع العين والقلب مشغول
................................. وعند الفراق اللي حصل في غيابه
واقفيت واللي بين الاضلاع مجهوول؟؟؟
................................. حـــــب درسته غيب ماهو كتابـه...

[نسيم]

ماهمنا هرج الضعوف الملاقيف
،،،،،،،،،،،،،،،،،،،،،،،لو شذب هراج .. القفا ماشذبنا



طب الجهل عند الرجال العواريف
،،،،،،،،،،،،،،،،،،،،،،،،،،،،ولولا العوارف والمعرفه نشبنا



ويلي معاملكم .. على الكذب والزيف
،،،،،،،،،،،،،،،،،،،،،،،،،،،،والى نشدناكم تقولون !! تبنا



تبا ًً لكم والي يعاملكم ضعيف
،،،،،،،،،،،،،،،،،،،،،،،،من دونكم ’’ عشنا وشفنا طربنا

[نسيم]

ابيات رائعة قمة وحكمة وكُل الزين فيها



يا بحر غدرك واضح بضحك الأمواج
ويضيق الخاطر دمـوع التماسيـح



قاعك حبيس الصمت والموج هراج
في الغبه كنوزك وعنـدي مفاتيـح



شفني على شاطيك في يدي سـراج
والليل قمرا غير انا آقـوم وآطيـح



أخاف يكشف سري الموج لا هـاج
مفروض تفهم حالتـي دون تلميـح



مافيه هـم إلا وسـط خافقـي لاج
ومافيه حـزن إلا بكتـه التباريـح



ما يبرح الخفـاق والظلـع منعـاج
والأورده لأثقل همومـي مراجيـح



تبرق صدوف الدهر والدمع ثجـاج
والحظ ينبت يـوم وتهبـه الريـح



يا بحر نا جيتك ولو طعتنـي نـاج
ناج السواحل وأسأل الورد والشيـح



يا بحر مافي الأرض لـول وديبـاج
ولا سقى الضامي مزون مراويـح



يا بحر جلت الأرض وآدور عـلاج
والحال متردي ومحتـاج تصحيـح



لعل في غبتـك مالضيقـه أفـراج
وأصبر على موجك ولو فيه تجريح



يا بحر شحت الأرض ويمن هـداج
وأنا عزيز ما أبـي منـة شحيـح



وقفت كريم فزع لي قبل ما أحتـاج
ولا بخيل ما فزع لي وانـا آصيـح

[نسيم]

كنت ناوي اكتم الجرح ودروبي طوال
،،،،،،،،،،،،،،،مير جرحي ضيق الكون كله بأوسعه

كل ماقلت( اتناساه) يطريلي مقـــــال
،،،،،،،،،،،،كل شخص يروح راضي رضاه يرجعه

[مزاجية تمير]

مآشآء عليك يآ نسيم وش هـالمدونه الرائعه ..http://www.bb4arab.com/vb/images/smilies/12793983388.png
متآبعه بصمت ..http://www.bb4arab.com/vb/images/smilies/12793983667.png

[نسيم]

ياقلب لو دمّك من الوقـت محـروق
لاتقول انا مالي على الصبـر طاقـه

لو شب في صدري براكين وبـروق
ولو كان طعم الصبـر مـرٍ مذاقـه

بدرا..زعل من له مشاريه وحقـوق
مـن نايـد الأجنـاب ولاّ الرفـاقـه

وإن جاك ابو وجهين في علم ماثـوق
من شـان حاقـد لاتبيـع الصداقـه

بعض العرب عايش على الشم والذوق
وإن شح كـف الوقـت ماسـد فاقـه

الآدمي مظهـر ومخبـر ومنطـوق
وعن غيـب مكنونـه يدلّـك نطاقـه

والطيب له منهج وله ساس وعـروق
والعـود الازرق ميزتـه باحتراقـه

ولاّ الردي كنّه على الوجه مصفـوق
يبـور بالميقـاف ..خطـو العلاقـه

راس الردى في حبل الأيام مشنـوق
ولا .. للردي مع ذود الأجـواد ناقـه

وترى الكمأ يلقاه من شاف رقـروق
والحسـد داب لـه ملامـس رقاقـه

ولاهو صحيح إن كل مطرود ملحوق
ولاكـل منهـو صـد قطّـاع ساقـه

كم واحـدٍ قلبـه مـن الهـم مفتـوق
وسره عـن الحسـاد محكـم وثاقـه

والناس في تفكيرهـا بينهـا فـروق
ويبقـى التشابـه بالإسـم والبطاقـه

[نسيم]

http://dc09.arabsh.com/i/02814/eacdnocv658d.bmp

[نسيم]

تقهويتك. سنين ولا نويـت أهـز ّ فنجالـي..
عليك الله وامآآنه لا تجيـب العيـد واهـزّه..

[نسيم]

.

ماكل من شافك قوي يفــرح ليا جيته ذليل
،،،،،،،،،،،،،،،،،،،،،الناس ليا من حست بضعف الشجاع استنذلت

[نسيم]

دنـيـاك فيـهـا مـيـلـة وانـحـرافـي
,,,,,,,,,,,,,,,,,,,,تفـرق الخـلان فــي كــل الاوطــان

قالـوا مريـض الحـب مـا لـه مشافـي
،،،،،،،،،،،،،،،،،مـن قـال هـذا القـول غلطـان غلطـان

اسـأل مجـرب عـن حيـاتـي وكـافـي

[» اِلـَوَفْآءْ بـِنْـتْ]

مسآء الخير نسيم ,
أول مآدخل المنتدى على طول لمدونتك الرآئعة ,
حبيت آسلم عليك , وآسال عن الـآحوال ===> أن شآء الله مآغرفت قلبك ؟

[نسيم]

مسآء الخير نسيم ,
أول مآدخل المنتدى على طول لمدونتك الرآئعة ,
حبيت آسلم عليك , وآسال عن الـآحوال ===> أن شآء الله مآغرفت قلبك ؟
انا وش بلا عيني ونفسي الا من اللي يداريها!!!!مثلك.
الله يحييك وابرك الساعات ،ولو ادري كان ارقد في المدونة!
لاتنشد عن حالي شفني قدامك ماغير ادوج تقول مضيع حاجة،تبيني اقولها بالصوت الرفيع ؟قُلتها!!!!
اغرفي قلبي ،يا ابرك من يغرفه ويروعه!!!

[نسيم]

(ان كان قربك على القلب بلوى، انزل وسط قلبي،فأنت ابرك بلاويه)

[نسيم]

يعني وش نبي نقول؟
معد به شي نقوله!
ايه هذا اللي يقيد نفسه بشخاص وراحوا عنه يضيع يغدي كنه مهبول يهوهي!
نا اصلا معلمكم من مبطي !
هاه جاكم علمي ،صيحوا لين تقطع بطونكم ،بس مافيه احد ياخذ العلم.
والا اللي يروح جعله مايشوف شر،وش نقعد نصيح ونتهبد وشو عشانه؟

[نسيم]

يروح كل الليل وهو يصوت يافلان ويافلانه!!!!!!!!!
تعوذوا من الشيطان وارقدوا لعل الله يفرج لكم ويفرج لنا بعد!!!!!!!!!!

[نسيم]

عصي الدمع يقول (ابد)يعني مافيه حل .
الشكوى لله ،نبيها طبه وصارت طيحه!!!!!!!!!!

[نسيم]

هذي قلوب لايمكن تشتريها بالفلوس!او تسوي وسايط،او يمكن او لعل وعسى،
القلب مهبول الى منه عصى والا هوا ماترده ولا بمشاعيب.
قال ايش ،قال حاول !!!
وبعدين وش يحدك تلاحق شي ماهوب لك،؟ ولاهوب حاصل لك؟
ناس طبعها غريب!!!
والمشكلة يجي ناس بس كذا شفاحة !
وين حنا فيه؟في سوق غنم تسعر وتسوم؟وتناظر!
لو كل واحد مشى في طريقه ولا عليه من احد كان نعيش حياة سعيدة.
يعني في يدينا نعيش ،صح بس مانخلي هالطبايع.
الان فيه مواضيع مالنا فيها هواية ،مانعرف نتعامل معها نتركها للي يعرفونها ويحبونها،
مثل التصوير ،مثل الصوتيات مثل كثير !نتركها للي يرغبونها عشان مانخربهاعليهم ،لان خراب المشاريع والتجارة وامثلة كثيرة والاسهم من دخول ناس ليسوا بأهل لها،يجب على الواحد ان يحدد هدفه ورغبته وهوايته ويطورها ويبدع فيها،لكن تبي تصير كل شي تعرف له !مشكلة.
افرض فرض انك حاولت ولا نجحت رح مثل ماجيت لاتخرب ولاتعبث.
والشي الاخر لاتجي مندفع تركد وشف ،وحاول محاولة بسيطة جدا ان شفت انك يعني فيه بداية تحرك المؤشر الداخلي عندك لازم ينبهك ويحسسك اما ببداية موفقه والا فاشلة،لان كل انسان صاحي وواعي عنده مؤشرات مثل الحساسات داخلية هذا بالنسبة للانسان اللي عنده ضمير حي يشعر بها، لكن اللي ضميره نائم ماله عندي حكم.

[نسيم]

فرض ان جاك واحد وقال وش تبي ؟العلم؟انا مابيك ممكن توخر عني ابروح لبيتنا؟
تجي تمسك بجيبه وتقول ليه تروح؟
ياخي يبي يروح مل من مقابلك ،خلاص يبي يروح، قل شف الدرب قدامك والله يسهل طريقك.
الدنيا ماهيب على الكيف، يوم صافيه، ويوم متكدره!
من عاش يفكر في الناس ويهوجس بفلان وين راح وفلان وش قال عز الله ماهوب في عيشة راضية!
احسن الناس من ريح ضميره
،،،،،لويشوف العجايب ملتفت

[نسيم]

والى لقاءات وحلقات قادمة ومتجددة بأذن الله تعالى.وندعو الله العلي القدير ان يكتب لنا ولكم الاجر .

والسلام عليكم ورحمة الله وبركاته

محدثكم نسيم

[نسيم]

نبدء بهذه الابيات حكمة للشاعر سليمان بن شريم رحمه الله

وان كان عدوانك على الضيق حدوك
،،،،،،،فاخصم طلابتهم بعجفاك وقداك

وان كان هم لمشرف الحق ما شوك
،،،،،،،،،،ناظر مطاليع الفرج قبل مبداك

واحلم على الجاهل ترى الحلم مبروك
،،،،،،وقم للضعيف اللي من الضيم ينخاك

وادمح خطا جيران بيتك الى اوذوك
،،،،،،،،ترى القصير وحرمة الجار بحماك

وقم للضيوف اللي لفولك وضافوك
،،،،،،،،،،،،اغلا كرامتهم حجاجك وبشراك

[نسيم]

فاصل بسيط:

مشتاق للي عذب القلب.. واشقاه

،،،،،،،،،،،،،،،،،،،،،،،،،،،،،،،،الصاحب اللي! لا جرحني يداوي..



مدري احبه؟ مدري القلب.. يهواه
،،،،،،،،،،،،،،،،،،،،،،،،،،،،،،،،،بس الاكيد انه.. عيوني.. يساوي

[اسيل التميمي]

مشتاق للي عذب القلب.. واشقاه


،،،،،،،،،،،،،،،،،،،،،،،،،،،،،،،،الصاحب اللي! لا جرحني يداوي..




مدري احبه؟ مدري القلب.. يهواه
،،،،،،،،،،،،،،،،،،،،،،،،،،،،،،،،،بس الاكيد انه.. عيوني.. يساوي
صح لساااان من قال وردد

مبدع خيووو نسيم في الأختيار

[نسيم]

http://www.albdoo.info/uploaded2007/7/01187995059.jpg

[نسيم]

تو ،كني لمحت برق لاح!!!!!!!!!
اوريح النفل والخزاما،فتحت عيني من عقب غشاوة!
وينها جعل البيض فدوة لها؟

[نسيم]

مشتاق للي عذب القلب.. واشقاه




،،،،،،،،،،،،،،،،،،،،،،،،،،،،،،،،الصاحب اللي! لا جرحني يداوي..




مدري احبه؟ مدري القلب.. يهواه
،،،،،،،،،،،،،،،،،،،،،،،،،،،،،،،،،بس الاكيد انه.. عيوني.. يساوي
صح لساااان من قال وردد

مبدع خيووو نسيم في الأختيار

صح بدنك يا اسيل التميمي ،وهذا من ذوقك الله يسلمك.
فكنا الله امس من موضوع بغينا نتهاوش عنده!!!!

[نسيم]

قصيدة جميلة جدا

يا صاحبي لا تزعجك دمعة العين

بعض الدموع تعقّب القلب راحه


اليا نزلت من ضيقةٍ فالشراييـن


يعود للقلب الحزيـن انشراحـه


بلاك من دمعٍ محدّر على ويـن


ماله بساحات الرجولـه مساحـه


اما نزل لعيون سـاره وداريـن


والا بعد فوز الهـلال ونجاحـه


ما يطرح دموع الرجل غير ثنتين


ثنتيـن فيهـن دمعتـه مستباحـه


الاوله لا من غـدا الليـل ليليـن


في ساعةٍ كلٍ هجع في مراحـه


لا فز من نومه زبـون الامرّيـن


واعلن مع الرحمن ساعة صراحه


عدّه سجين وقصّته عقب يوميـن


لكن سبقْه العفو واطلِق سراحـه


والثانيه لا فارق القلـب غاليـن


فرقا مهي فرقا السفر والسياحـه


فرقا الكفن والمقبـرة والمعزيـن


فرقا سؤال المغفـرة والاباحـه


في غيرهن يا صاحبي ريّح العين


واستنقص الدنيا وتـزداد راحـه

[نسيم]

السعيد اللي ليا راح يذكر بالجميل
،،،،،،،،،،،،،،،http://www.albdoo.com/vb/clear.gifhttp://www.albdoo.com/vb/clear.gifالليالي ما حسب نقصها من زودها

يامراسيل الوفا عجّلي قبل الرحيل
،،،،،،،،،،،،،،،،http://www.albdoo.com/vb/clear.gifhttp://www.albdoo.com/vb/clear.gifباديٍ لي نظرةٍ و العشم بردودها

[نسيم]

هذي قصيدة للعشاق المتخاصمين واللي بينهم وقفات نفس ،وبينهم مشاريه وزعل،الله يبعد الزعل !!!!

يعني توسع الصدر اللي يبي يروح للرجم والبحر ويفضفض هناك لاباس ياخذ من الابيات لعل الله يجمع الشمل ههههههههه
لاتحسبني يوم انا اطريـك مغليـك
يمكن مع سير السوالـف طريتـك

العام تنساني وانـا اليـوم ناسيـك
كلك على بعضك ترانـي نسيتـك

ماني على رجواك يازين ناصيـك
اموت في عـزي وانـا مارجيتـك

كل المشاعـر فيضهـا ماتدانيـك
دامك تشكل في غـرورك وطيتـك

كنت اتحاشى غلطتـي ماتباريـك
حتى وانا مجرووح جيت وعطيتك

اعطيتك افراح العمـر والتباريـك
وان داربك همك رحلـت ولقيتـك

واليا طلبت احلى القصايد تسليـك
جبت القصايـد كلهـا وارتضيتـك

اكتب علشـان المعانـي معانيـك
واقرا حروفي واعرف اني قريتـك

واداعب احلامك واناجـي لياليـك
وان مرني طيفك مشيت وسريتـك

واليوم بدلـت المشاعـر تماتيـك
وأقصى ضلوعي عن هواها قصيتك

يحرم علي اليـوم بسمـك اناديـك
وش عاد لو قلتـي ترانـي فديتـك

[اسيل التميمي]

لا والله يانسيم لا نتهاوش ولا شي انا تميميه وتحتمي حصاتي

قلت ان الرجاال كفو ...لاغبار ما اقدر اقول شي ونعم

ولكن هناك من هو مناسب وكفووو افضل من ...

[نسيم]

لا والله يانسيم لا نتهاوش ولا شي انا تميميه وتحتمي حصاتي

قلت ان الرجاال كفو ...لاغبار ما اقدر اقول شي ونعم

ولكن هناك من هو مناسب وكفووو افضل من ...
طيب طيب يالتميميه وكفو ونعم وانتم اهل الدار وحنا ضيوف يرضيك هالشي.
بس انا والله العظيم عندي رجال شرواك،واكتب وانا مستعجل،لكن ابرجع لك ان شاء الله زين.اذا اردتي خبريني.
يا اسيل التميمي.

[اسيل التميمي]

ننتظر يالأصيل

[نسيم]

لا تشتكي حالك على كل من جاك
بعض البشر يفرح الى قلت مهموم


يخفي سمومه بين همك وشكـواك
يشمت بحالك والحصيله شقا ولوم


واحذر من اللي ينقل الهرج لعداك
يظهر لك الطيب وهو منه معـدوم


قلبه مريض ويخلط السم بـدواك
يعرض عليك الرأي والرأي مسموم


وابعد عن اللي يستغلك الى جـاك
تلقاه دايم بين الأخيار مذمـوم

احسب حسابك في كلامك ومعناك
وسط المجالس كل ما ادليت بعلوم


خل سمعك اكثر من كلامك وفتواك
تلقى القدر يمك من الناس ملـزوم


ولا تذكر افعالك بما تجود يمنـاك
عنك الولي يدري ولك الخير مقسوم


وخلك مع اللي يشتكي لك وينخاك
بك ينتخي من ضيم الأيام وهموم


خذها وصايا تسعـدك دوم دنيـاك
واحفظ معانيها تحفظك من اللـوم

[نسيم]

لا تشتكي للــناس لاضاق بالـــــــك ,,
،،،،،،،،،،،،،،،،الناس ماتملك مســـــــــره ولايـــــاس ,,

الناس مثلك حالهم مثل حالــــــــك ,,
،،،،،،،،،،،،،،والكل من مر الليــــــالي شرب كاس ,,

ولا تحسبنك بالتعاســـــه لحــــــــــالك ,,
،،،،،،،،،،،،،،،،،،إعرف ترى عايش معك بالشقا ناس

[نسيم]

http://saudi9999.googlepages.com/Bedouin1.JPG


http://www.albdoo.info/p/2010/d139fe2fe4ffd57ae75d6910c9873a84.jpg


http://www.albdoo.info/p/2010/6f83b720843ca43839f27f9a4a230e28.jpg

[نسيم]

باقي من الذكـرى رسـوم للاطـلال
،،،،،،،،،،،،،،،،،،هوج الريـاح العاتيـة مـا محتهـا

اظنهـا تبقـى علـى مـر الاجيـال
،،،،،،،،،،،،،،،،،،،تفيـد عـن قـدرة يديـن بنتـهـا

ارض نشا فيها مـن الخلـق نـزال
،،،،،،،،،،،،،،وشخص عشقته عاش في ناحيتهـا

ان غبت عنها شفت من ضيقة البال
،،،،،،،،،،،،،،،،،ما يلحـق النفـس العليـة عنتهـا

وان جيتها عقب التباطي والامهـال
،،،،،،،،،،،،،،،فرجلي تسير اليـن تاصـل جهتهـا

واقف عليها وارسل الطرف يجتـال
،،،،،،،،،،،،،،،،،والرجـل ماكـن البسيطـة تحتهـا

تموج كنـي واقـف فـوق زلـزال
،،،،،،،،،،،،،،،،وعينـي تضيـق بعبـرة حابستهـا

اخاف يـدري بـي حسـود وعـذال
،،،،،،،،،،،،،،،حيث العيون دموعهـا هـي لغتهـا

[نسيم]

الله يرحمك ياعبدالله السلوم التميمي شاعر من الطراز الاول:
واقف عليها وارسل الطرف يجتـال
،،،،،،،،،،،،،،،،،والرجـل ماكـن البسيطـة تحتهـا

تموج كنـي واقـف فـوق زلـزال
،،،،،،،،،،،،،،،،وعينـي تضيـق بعبـرة حابستهـا

اخاف يـدري بـي حسـود وعـذال
،،،،،،،،،،،،،،،حيث العيون دموعهـا هـي لغتهـا
تصوير جميل ورائع وفيه دقة،الان الواحد اذا شاف احد يحبه ويغليك يجي فيه ربكة وتخالف علومه،وكن خلق الله دارين عنه،يجي عنده شد عصبي ويحس ان كل حركة منه محسوبة عليه.واي كلمة تصدر او يسمعها يحس انها موجهه له!
هذا شي طبيعي للي عنده يعني !واللي مجرب، لكن اللي مايعرف الامور هذي يكذبها لانه يعشق شي ثاني اما سيارات او بيع ومشترى او حرفي يفك ويربط،يعني لاهي الرجال في امور ثانية الله يوفقه.

[نسيم]

ان غبت عنها شفت من ضيقة البال
،،،،،،،،،،،،،،،،،ما يلحـق النفـس العليـة عنتهـا

وان جيتها عقب التباطي والامهـال
،،،،،،،،،،،،،،،فرجلي تسير اليـن تاصـل جهتهـا

بداية المعاناة اذا انه ماشافها او ابطى عنها يجيه خفخاف ويروح يبي شوفها صامل لكن اذا وصل؟ يجيه شي يخليه يمنعه،يجيه خوف،
مايدري وش يواجه!
لانه باني افكار وحلوم يخاف ينصدم!
الناس يختلفون بعضهم يصير قوي ويتحمل ،وبعضهم ينهار مايتحمل الواقع.

[نسيم]

قصة عشق وحب قديمه لان كل الايام وحنا في قصيد الغزل اتمنى ان تنال اعجابكم.
لان افضل القصص والقصيد الغزل ثم الحكمة ثم شعر المتسولين المدح!


بطل هالقصة هو ( مسلم الوليعي )

اسمه الأول ((مسلّم)) بتشديد اللام

ويبدو أن اسم الوليعي جاء بعد أن مات متولعا بالحب وإلا فليس هو اسمه الحقيقي




في زمن بعيد وفي بدايات القرن الثاني عشر تقريبا


عاش مسلم الوليعي وهو شاب بدوي من سكان المنطقة الشمالية الغربية

وكان مسلم شابا طيب الأخلاق شهم ذو نخوة


و كغيره من الشباب يطمح لجمع المراجل بجمع المال وتكوين النفس

ولم يكن في ذلك الوقت من الأعمال التي يمتهنها الشباب إلا أعمالا محدودة ومن أبرزها الرعي
فاشتغل مسلم بالرعي وأصبح يتنقل بين القبائل حتى حط رحالة في الشمال
عند رجل من رجال إحدى القبائل المشهورة
وكان ذلك الرجل لديه حلال كثير وكان كريما فأكرم مسلم وأحبه مسلم الوليعي
واشتغل عنده سنوات عديدة

وكان لذلك الرجل بنت جميلة ألفت مسلم فأحبها وأحبته حب عفيف طاهر

وكان صاحب الحلال لديه ذودين من الإبل فكان مسلم يرعي ذود والبنت ترعى ذود

وفي أحد الأيام في مفلى الإبل قرصت مسلم حية


وكان ذلك أمام مرأى من جميع الرعيان

فلما بكا مسلم وتألم

هبت إليه الفتاة

وأمسكت بمكان القرصه وهو اصبعه الخنصر

وأرخت لثامها تمص اصبعه لتسحب منه السم

وسقط لثامها بالأرض ولم تأبه به


شفي مسلم و استمر عندهم والأمر كان طبيعياً

بعد ذلك عزبوا في الإبل وكانت الفتاة ترعى ذودها بقرب ذود مسلم

ولما أمساهم الليل ناموا بجانب بعض ولكنهم غير ملتصقين ببعض وكانا ملتحفين لحافا واحدا
ومن طهرهم فصلوا فيما بينهم بحبس صغير من التراب

وعندما استيقضوا في الصباح رأت البنت حول منامهم أثر حوافر فرس أبيها


فخافا أن يتهمهم بتهمة

ولخوف الفتاة على مسلم من والدها قالت له لا تدخل الفريق بل ابق بعيدًا وأنا سوف أذهب بالإبل وسأكتشف إن كان والدي قد ضن بنا سوءًا أم لا
فإن كان الأمر طبيعي ولم يشك فسأقرع الحوض للإبل وتأتي أنت
لأنني إن ذهبت لأناديك علموا أننا خائفين فيشكون في أمرنا

وإن كان هناك خطرًا عليك فسأصرخ باسمك فاهرب لأهلك
وهذا من حرصها عليه لأنها تحبه فضلت أن يبقى بعيدًا لكي لايطوله شر والدها

وكانت تمشي إلى الفريق بخطىً وجله ولم تكن مشكلتها أهلها بقدر ما هي مفارقة مسلم

ولما عادت وقابلت أبيها وجدته لم يشك بأي شيء لأنه يثق فيهما ويعلم طهرهما

وعلى قول ابن رشيد





مايستشك ياياحسين كود الرديين ،،،،،،،،،وإلا ترى الطيب وسيعٍ بطانه


ومن فرحة البنت وشوقها لمسلم بعد علمها بأنه لن يفارقها


نسيت فصاحت له تناديه باسمه


وعندما سمع نداءها علم أنه الموت فهرب

وكان متحسرا لفراقها وخائفًا عليها من أن يمسها والدها بسوء

فذهب لأهله خالي اليدين

وكان مهموما من فراق محبوبته والهم الأكبر خوفه عليها

فجلس عند أهله مريضا وانسلت حاله

فحاروا به أهله

عرضوه على أطباء شعبيين عدة فلم يجدوا به مرض

وقال أحدهم إن الذي فيه عشق


فخلوه يشرف بأعلى مكان واسمعوا ما يقول


فعلا نفذوا ما أوصاهم به الحكيم الشعبي



ولأن جبل رضوى قريب منهم جدا



صعدوا به قمة جبل رضوى


فأشرف منها أعلى مكان ووقف على الميهاف

وأنشد الأبيات التالية :





يقول الوليعي والوليعي مسلم
،،،،،،،،،،،،،،،من دامت أيام الصبا له دام

لو إن عجات الصبا يجبرنه
،،،،،،،،،،،،،كما يجبر الجابر كسير عظام

قارٍ قراني يوم قرصت خنصري
،،،،،،،،،،،،،،،،،،،،قارٍ قراني ماعليه لثام

إلى قرى القراى وأرخى لثامه
،،،،،،،،،،،،،،،،،،،،قلبي تزايد علة وهيام

قراني وهو يسبح من الدمع ناظره
،،،،،،،،،،،،،،،،،،ليته قراني والعيون نيام

رقيت في رضوى ورضوى
،،،،،،منيفه وأخيل في عيني جنوب وشام

أخيل بعيني طلحة ناعمية
،،،،،،،،،،،،،،،،، سلام يادار الحبيب سلام

أنا جيتكم من راس رضوى عشيه
،،،،،،،،،،،،،،،كما شن غرب باد منه وذام





وبعد أن أتم الأبيات سقط ميتًا وتدحرج من أعلى قمة رضوى



فأقسم أخوه أن يقتل من قتلت أخاه
فعندما حملوه لدفنه قام أخوه وقص قرونه
وبعد أن دفنه أخذ الجدايل (القرون) وعبائته
وذهب إلى منازل القبيلة التي كان مسلم يعمل فيها
و وضع عباءة مسلم على جنب الذلول والقرون ربطها على القربة
وعندما وصل منزل القبيلة وقف على العد
وكل من جائت تروي عطاها القربة تروي له فإذا ملأتها ولم تقل شيئًا
أخذها ونثر ماها
إلين جت بنت ومن أول ماشافت العباة على الذلول هرعت إليها
فباشرها بمد القربة إليها فرأت القرون
فقالت : ياولد أسألك بالله العظيم ربك اللي خلقك وأذرى نسمك وين راعي هالقرون والعباة؟
فقال والله ما جيتك إلا دافنه

فصعقت الفتاة وماتت في مكانها

رحمهم الله جميعا


وهذه القصة مثبته ومتواترة الروايات
وعليها شواهد من الشعر


مثل قول أحد الشعراء


والله فلا ألوم الوليعي ولو طاح
،،،،،،،،،،،،،،،،،،من رأس رضوى والعوض به عباته

مير اعذروني عند هبات الأرياح
،،،،،،،،،،،،،،،،،،،،،،،،،لأذب عمري ثم أسوي سواته


وكذلك قول الشاعر




قبلك جريٍ والمعنى وابن روق
،،،،،،،،،،،،،،،،،،ومسلم من رأس عيطا رمنه


وجري هو جري الجنوبي والمعنى هو محمد ويقال انه له قصة معروفة
وابن روق هو دخيل الله الدجيما
http://www.albdoo.info/up/2009/24604/01256858274.gif

[نسيم]

مآشآء عليك يآ نسيم وش هـالمدونه الرائعه ..http://www.bb4arab.com/vb/images/smilies/12793983388.png
متآبعه بصمت ..http://www.bb4arab.com/vb/images/smilies/12793983667.png
الله يحييك وابرك الساعات يامزاجية.
شاكر حضورك

[نسيم]

فعندما حملوه لدفنه قام أخوه وقص قرونه
وبعد أن دفنه أخذ الجدايل (القرون) وعبائته
http://www.albdoo.info/up/2009/24604/01256858274.gif


لتوضيح معنى القرون.

فقص قرونه/القرون هنا الشعر اي الجدايل،منول الرجال يجدلون شعرهم مثل جدايل الحرمة ويسمون الجديلة قرون

[نسيم]

بعض البشر لامن حشمته طمع فيك

،،،،،،،،،،،،،،،،،،،،،،،وبعض البشر لامن جفيته يودك


وبعض البشر يتعب على شان يرضيك

،،،،،،،،،،،،،،،،،،،،،،واغلى من اخوانه بقلبه يعـــــــــــــدك

[نسيم]

من قلبٍ عيوفٍ تولع في عيوف
،،،،،،،،،،،،،،لين صده بالهوى عن طريقه واحرفه


العيوف اللي عيوني لغيره ماتشوف
،،،،،،،،،،،،،،،،،جادلٍ مطغيه عقله وزينه واشرفه


العيوف اللي وداده يلوف القلب لوف
،،،،،،،،،،،،،،لوف عاصوف الهبايب لغصنٍ بشرفه


في محلٍ بين( ن ) للزوابع والشعوف
،،،،،،،،،،،،،،،كل ماهب الهوى قام يومي بطرفه


غادي عقب الورق حت عيدان( ن ) وقوف
،،،،،،،،،،،،،لو يجيه اللي يحاضيه ماعاد أعرفه

[نسيم]

الهمّ له في داخل الصدر ميعاد
،،،،،،،،،،،،،،،،،،،،،،والجرح من سبعة شهور متجدد

والقلب ماحوله تباشير واعياد
،،،،،،،،،،،،،،،،،،،،والحزن في وسط الضلوع متحدد

ياليل ياليل التعاسه والاسعاد
،،،،،،،،،،،،،،،،،،،،،،،،كيف ابتسم وانا حزين متردد

وين انت ياعيد ٍ مضى كيف ينعاد
،،،،،،،،،،،،،،،،،،،،،،،،،،يوم الغلاء بين الثنين متبدد

يوم الرجا مع سيّد البيض ينقاد
،،،،،،،،،،،،،،،،،،،،،،،،،،قبل الغضي بالابتعاد يتشدد

حاولت اهدّي من عناده ولا فاد
،،،،،،،،،،،،،،،،،،،،،،،،سَدد فواتير الغلاء قبل اسدِد

العام شوقه لي على طول يزتاد
،،،،،،،،،،،،،،،،،،،،،،،،،واليوم بالفرقى الاكيده يهدد

مايدري انه بالغلاء واصل الماد
،،،،،،،،،،،،،،،،،،،،،،،،،،،انا اتودد له وهو ما تودد

اعلنت له حبي على روس الاشهاد
،،،،،،،،،،،،،،،،،،،،،،،ومددت له حبل الغرام وتمدد

وجفيت من حولي .. جماعات وافراد
،،،،،،،،،،،،،،،،،،،،،،،وشريت حبه بس عني تصدد

صار إيتغلى .. واكثر فعوله عناد
،،،،،،،،،،،،،،،،،،واحترت فيه .. وجرح قلبي تجدد

[عصي الدمع]

.
السلام عليكم ..
.
مساك حب يا اعذب الحب ..

مدري وش اقول لك .. القصة اربكتني و اقراها و انا ما بيها تخلص ..
.
لكن زبدة الكلام .. الله يكون بعون كل العاشقين ..
.
سؤال نقازي : .. الاحظ ان حالة ذوبان القلب و انصهار الاحساسيس عندك زايدة هاليومين ..
ولو الحب و الهوى و العشق حياة ارواح لو فيها عذاب ..
.
اغرق يا نسيم في بحر هوى عساك ما تطلع منه .. قل امين ..

[نسيم]

.
اغرق يا نسيم في بحر هوى عساك ما تطلع منه .. قل امين ..
اغرق !!!!!!!
الا بحط ثقاله وربطها في رجلي عشان اغطس ولا عاد اظهر ابد الا كان بونش.

[نسيم]

.
السلام عليكم ..
.
مساك حب يا اعذب الحب ..

مدري وش اقول لك .. القصة اربكتني و اقراها و انا ما بيها تخلص ..
.
لكن زبدة الكلام .. الله يكون بعون كل العاشقين ..
.
سؤال نقازي : .. الاحظ ان حالة ذوبان القلب و انصهار الاحساسيس عندك زايدة هاليومين ..
ولو الحب و الهوى و العشق حياة ارواح لو فيها عذاب ..
.
اغرق يا نسيم في بحر هوى عساك ما تطلع منه .. قل امين ..
مساء الزين مساء الوفاء مساء كل شي.
القصة هذي خربتها البنت وهي اللي روعت رفيقها الله يرحمها!لو انها تركدت شوي لكن قامت تصيح بسمه وخاف !!والله لو اني مخرج للقصة ان تشوف شي يجوز لك لكن مافي اليد حيلة.
وش حالة ذوبان ونصهار ؟انا احب فيها شي؟
ومشتاق وولهان ،ذبحني السكوت ياخي.

[عصي الدمع]

.
السلام عليكم ..

هههههههههههه .. لا والله ما فيها شي ..
و هل فيه احد ما يحب ؟؟
.
يقول شاعر اليمن : و اهديها لمن سكن قلبك على لسان حالك ..
.
يالطيف و الِكبر فيك .. يالطيف و الهنجمه
كُلِ ما فكرتِ فيك .. خاف قلبي تُظلمه
.
لو تُباع لا ااشتريك .. و الثمن شـ أسلمه ؟
جود له و ارحم و بوح و الهوى لا تُكتمه ..
.
كن معه اكثر وضوح .. لا تفكر تحرمه ..
من هواك ما به يروح .. كيف يترك مغرمه ؟
.
ليش قلبك ما يلين ؟ .. للجفا من علمه ؟
فك للقلب السجين .. لا تزيد تأأأألمه ..
.
خاف ربك يا ظنين و اصل الخل ارحمه ..

[نسيم]

.
السلام عليكم ..

هههههههههههه .. لا والله ما فيها شي ..
و هل فيه احد ما يحب ؟؟
.



ايه مايحبون ابد!!!!بس نسيم لحاله والباقين مرة مالهم قلوب ياعصي الدمع.!!!!

وش رايك؟

[نسيم]

كن على حذر من الكريم إذا أهنته، ومن اللئيم إذا أكرمته ،ومن العاقل إذا أحرجته، ومن الأحمق إذا رحمته.

حكمة جميلة وواضحة،لكن ابوضح اللي مكتوبة بلازرق،من الاحمق اذا رحمته!
هذا الانسان اللي يقولون عنه ضعيف وهو ضعيف لكنه انسان غير محترم نذل يعني زود على ضعفه لسانه ياكله هذا الشخص اذا شفته في حالة ضعف قل جعلك من هذا واخس!ليه؟لانه لئيم ماينفع فيه المعروف واذا حس انه في موقف شوي قوة زمر ورفع راسه واذا طاح قام يتمسكن ويحبب يديك في حال حالته الراهنة واذا نفعته ماخلاك في حالك بالحكي والنمايم ويحرجك مع الناس اللي فيها.
ابد من اليوم ورايح اذا شفت الاحمق طايح حط فوق راسه حصاة عشان معد يقوم ابد.
الله لايكثر جنسه مع الناس.

[نسيم]

انا والله مدري وش الحاصل؟كل شي تغير!حتى الكلام الزين صار ميح!يالله تسمع كلمة زينه!
والانفس ضاقت،والمحلات صارت في العيون صغيرة!والاوادم تغيرت اشكالهم!
يعني في حالة اضطراب شديد وسرعة جنونية !في كُل شيء.اذا سمع كلام يرد بسرعه وهو مافكر،والنية السيئة مقدمة محطوطه قدام !
مدري وشو منه؟
اخر ماتوصلت له وفكرت فيه انه من نوع الغذاء يمكن يجي اكل من الخارج مغشوش مثل المعلبات والنواشف ورق عنب ،ورق العنب هذا سيىء يدمر المعدة ويسبب هيجان في القولون واكثر ماياكله الحريم!
وبعدين ورق العنب تراه مايصلح لنا في السعودية اصلا هو جاي من الشام ومطابق للبيئة اللي يعيشون فيها وينفعهم ويزين كلامهم!وحنا حريمنا ماينفع لهن ،يحسبون ان ورق العنب يخليهم يصيرون اشوام!وين خلق وفرق؟وهذي نتايجة قولون وامراض ،ونوم ،ولا منهن فائدة ابدا.
شف اللي لايزالون علىالقرصان والقرع والبيدجان والجريش كيف حياتهم واخلاقهم وبساطتهم!ونشاطهم تلقى الحرمة تلد 15بزر عادي عندها!
من كثرهم اذا اذن المغرب يجمعون عيالهم ويعدونهم من كثرهم لاينقص منهم احد!
حتى اذا ابطت عن اهلها قالوا اكيد انها والده!مايستغربون!
لكن الحريم اللي عايشين على ورق العنب والنواشف ماتلد الا بالحسرة وكلن يدري عنها !
فالحياة فيها خلل وتغير عجيب.
يجب محاربة الاكل الخارجي والرجوع للاكلات الشعبية المفيدة.

[نسيم]

طيب وش يضر الحرمة ماترتب وقتها في بيتها؟
الان لو تقول لها نبي قرصان الصبح قالت ووه من ياكله في الصبح؟
ولو تبي تسوي حلا والا كيك انبسطت!علما ان الحلا والكيك متعب ويبي جهد ووقفه ،والاتسوي فطاير وبيتزا والله متعب!
شي غريب.
لا وتقعد تتصل على فلانه وتكتب المقادير!وش اللي حادك لاحناب ناكله ولانبيه ولانشتاق له تحوم كبدي اذا شفت هالشغل!
مدري وش نبي نسوي؟
والاعصير يجيب الحموضه حرقان يقطع القلب مايطفيه ولا قوطيين حليب السعودية.
اكلنا سبب لنا خلل في خلايا المخ واكثر الناس الان بعض خلايا مخه ميته، عطلانه ماتعمل وهو مايدري بسبب الاكل.
لو تلاحظون بعض الاحيان تشوف واحد وتقول ماشاء الله عليك وجهك اليوم زين،وبعض الاحيان تشوفه وجهه شين!
ترى كله من الاكل ،يجي وجهه اصفر ومعبس .

[نسيم]

وهكذا تكون النهاية اذا اكتمل النصاب او العدد

[نسيم]

ايه نهاية وش عاد نبي ؟
خذينا حقنا وحق غيرنا.

[نسيم]

فيه اسماء يجب المحافظة عليها!!!!!!!!!!!!!!!!!!
وفيه اسماء تكملة عدد، لهم اهمية بس ماتفقدهم مثل المعاوني اللي يشيل القش واللي يفرش مرقدك ويصف العدة ،وكل الامور اللي يسويها يسويها اي واحد.
الحذر الحذر !!!!
احذر تسلم ،ولا تتسرع !انتبه كانك تبي البيت مشدود وواقف .

[نسيم]

ابيات موجهه وفيها نصح:


ماكل من يضحك بوجهك يودك
،،،،،،،،،،،،،،،،،ولا كل من يبكي بكى صدق واحساس

،احدن بكى في غيبتك يوم صدك !
،،،،،،،،،،،،،،،،،،واحدن ضحك يومك عليل ومحتاس !

عش في حقيقة واقعك واعرف اللي يحبك
،،،،،،،،،،،،،،،،واعرف قدر من هو يحبك من الناس

[نسيم]

ماكل مـن يضحـك بوجهـك يحبـك
،،،،،،،،،،،،،،،،،،،تضحك اوجيه اقوام وقلوبهـا سـود
كم ضاحكٍ قدمك اليـا غبـت سبـك
،،،،،،،،،،،،،،،،لو يعجبك هرجه اليا صرت موجـود

[نسيم]

الابيات واضحة،لو الرفقه بالضحك والكلام الزين كان الحريم ابرك من الرجال.لكن الرفقه تبي رجال !!ومناصحة ووقفات


لوكل من يضحك لي بسنه رفيقي
،،،،،،،،،،،،،،،،،،،،،،،،،،،،،،،كان الحريم اكثر هروج وتمازيح
رفيقي اللي ماشي في طريقـي
،،،،،،،،،،،،،،،،،،،،،،،،،،،،اللي يعضدلي اليا جيت اباطيـح

[نسيم]

مشكلتي / إن قلبـي يحبـك ويغليـك
ومشكلتك / انك شخص عايش حياتـه(هههه)

كثر الجفا .. نار .. وحطبها تغليييـك
خف الحطب .. لا تزيد نار الشماتـه

إن ما احزنك جرح ٍ برجواه يدعيـك
ما عاد تفرق .. عيشته مـن مماتـه

قلبي وعمري .. كلهـا بيـن اياديـك
العمر فدوه .. لكـن القلـب هاتـه

وإن ما بغيت ترد قلبي مـا اوصيـك
احسن عزاه .. الـى دريـت بوفاتـه

[نسيم]

ابيات جميلة مؤثرة وفيها نوع من العتب مع ذكر المحاسن لكن فيه خلل حاصل وزهد فيها ،كذا انتهى يعني شاف ماعاف منها!
ماكـل حـب يدخل (http://www.tumaer.com/vb/showthread.php?t=5180)القلــب سكـان (http://www.tumaer.com/vb/showthread.php?t=5180)
بعض الغلا لامن خذى ايام راحي

يــروح كـنه ماتــصـور ولا كــان
ويمحاه من لوعات الايام مـاحـي

والله لو ان الحب يشرى بالاثمان
لاشريه من خبل واحطه بصاحـي


خل التغلي عنك يامـطـرق البـان
هواك طارت به هبوب الرياحـي

والله لو تلـبس عـقــود ومرجــان
وتغضى بسود كن فيها الرماحي

اني عليك ابعد من النجم لابـــان
او برق صيف في دجى الليل لاحي

[نسيم]

هذا نفسه شامت وانتهى، وباعها بيعة سروق !رجل عزيز نفس .
والله لو تلـبس عـقــود ومرجــان
،،،،،،،،،،،،،،،،،،،،،،،،،،وتغضى بسود كن فيها الرماحي

اني عليك ابعد من النجم لابـــان
،،،،،،،،،،،،،،،،،،،،،او برق صيف في دجى الليل لاحي

[نسيم]

خذوا بدمي ذات الوشاح فإنني-
،،،،،،،،،،،،،،،،،رأيتُ بعيني في أناملها دمي


أغار عليها من أبيها وأمها-
،،،،،،،،ومن خطوة المسواك إن دار في الفم ِ


أغار على أعطافها من ثيابها
،،،،،،،،،،،،،،،إذا ألبستها فوق جسم منعم ِ


وأحسد أقداحا تقبلُ ثغرها
،،،،،،،،،،،إذا أوضعتها موضع المزج ِفي الفم ِ


خذوا بدمي منها فإني قتيلها
،،،،،،،،،،،،،،،،فلا مقصدي ألا تجود وتنعمي


ولا تقتلوها إن ظفرتم بقتلها
،،،،،،،،،،،ولكن سلوها كيف حل لها دمي


وقولوا لها يا منية النفس إنني
،،،،،،،،قتيل الهوى والعشق لو كنتِ تعلمي


ولا تحسبوا أني قتلت بصارم
،،،،،،،،،،،،ولكن رمتني من رباها بأسهم ِ

[نسيم]

ياناس من يعرف الابيات هذي ويجيبها كاملة ،اللي يعرفها تراي شايف معروفه.


اقبل الليل ياعيني وطال السهر
،،،،،،،،،،،،،،، وعذاب المعنا ليا غشاه الضلام

من يجيب الخبر ولايودي الخبر
،،،،،،،،،،،،،،،،، كل ليلل وحنا بين حب وغرام.

[نسيم]

ذاك أمس تزعلني وأجيك أطلب رضاك..
،،،،،،،،،،،،،،،،،،،،،،أزعل جميع الناس يازين وأرضيك..



ذاك أمس تجفاني وأنا مقْدر أجفاك..
،،،،،،،،،،،،،،،،،،،،،،،،لو هي دقيقة خاطري مايجافيك..



يومك حنون صادقاتٍ نواياك..
،،،،،،،،،،،،،،،،،،،،،،،حُبي لك أكبر من محبّة أهاليك..



واليوم يوم الغير غيّرك وأغواك..
،،،،،،،،،،،،،،،،،،أقربلك نجوم السما من محاكيك..



كان الثريّا تاصله كف يمناك..
،،،،،،،،،،،،،،،،،،،،قلبي لك أبعد ماتطوله أياديك..



نهيت قلبي عن غرامك وطرياك..
،،،،،،،،،،،،،،،،،،،لاعاد تطر يني ولاني بمطريك..

[نسيم]

على كف الغلا شلتك وحطيتك وسط عيني
0000000 وصيت الرمش تصير حراس لأجل عينك

أداري خاطرك وأكسر خواطر ناس تغلينـي
0000000 كسرت قلوبهم مابي حواجز بيني وبينـك

[نسيم]

لو يشتكي المظلوم وش في يدينه

،،،،،،،،،،،،،،،،من يرحمه لاهلت عيونه ادموع

[نسيم]

امحق ليل وامحق امحق من ليل!
راح كذا هباءً منثوراً،ماشفنا احد!يقولون ياطول ليل المنتظر، وانا اقول ماهوب صحيح.
ايه مالك الا الصبر !

[نسيم]

ياغدار سبني في حالي،سبني ياغدار!!!انا مش أد اللي يقرالي ياغدار!!
وانا مش ناقصه حيرة ياغدار!!!

[نسيم]

كلمات جميلة ههههههههههه بس تبي انسان مثقف وراقي!وعنده حس!
يا غدار سيبني ف حالي يا غدار
انا مش قد اللي بيجرى لي يا غدار
منك حبه ومن عزالي
وانا مش ناقصه حيره وغيره ونار
اهجر بس اهجر على طول
وماترجعش بعد يومين
حبيبي.. ماتبقاش يا حبيبي عزول (عزول يعني عذول)

وماتبقاش برضه بقلبين
يا تهنيني.. يا تخليني
انسى هوانا واطوي حنيني
انا مش عاوزه تاني معاك احتار
يا غدار
ازاي احتار كده يرضيك ازاي
وانت بايدك تتعبني
وبتقدر تتغير كده يا حبيبي ازاي
وازاي قادر تعاندني
يا تفرحني يا تريحني
ليه تتسلى وتجرحني
هو انا يعني بيني وبينك تار؟ (تار يقصد ثار)
يا غدار

[نسيم]

الله رماني بين اجـاويد و انذال
،،،،،،،،،،،،،،،،،،،،،،،،،،،،،،،،وناس تجاهل قيمتي من جهلها



وناس ترز نفوسها بين الازوال

،،،،،،،،،،،،،،،،،،،،،،،،،،،،،،،،عجزت اميز دفشها من خبلها!!

[نسيم]

عيني يللي كل ماتصبح حزينه

،،،،،،،،،،،،،،،،،،،،،،،،،،،،،،طول يومها ماتشوف الا البلاوي

[نسيم]

قلب ماحن لوصالى ...... مانى بحاجة لحنينه .......

[نسيم]

إما يجيب الله مطر تالي وخير...وإلا السلامه ماش مامن سلامه .

[نسيم]

فــوق بـحـر الـهـوى تـجــري مراكـبـنـا
،،،،،،،،،،،،،،،،،،،،،،،،،،،،،نقـضـي اللـيـل كـلــه فـــوق مـوجـاتـه

نــرضــي احـبـابـنــا نــوفـــي بـواجـبـنــا
،،،،،،،،،،،،،،،،،،،،،،،،،،،،،،،،مـن نقـض عهـدنـا نقـطـع علاقـاتـه

مــــا لــنـــا غــيـــر خـالـقـنــا يـحـاسـبـنـا
،،،،،،،،،،،،،،،،،،،،،نــبــلـــغ اهــدافــنـــا والــنــفـــس مـــواتــــه

با الصراحة نخاطـب مـن يخاطبنـا
،،،،،،،،،،،،،،،،،،،،،،،،،،،لـيــن يـظـهـر لـنــا قــصــده وغـايـاتــه

الــردي لا حـشــى مـــا هوبصاحـبـنـا
،،،،،،،،،،،،،،،،،،،،،،،،،،حـيــث عـاداتـنـا مــــا هــــي بـعـاداتــه
ا
الـــوفـــاء عـــنـــد جـاهــلــنــا وشـايــبــنــا
،،،،،،،،،،،،،،،،،،،،،،،،،،،،،،راعي الطيـب مـا يحسـب خساراتـه

نـعــرف الـلــي مـــن الـغـيـرة يـحـاربـنـا
،،،،،،،،،،،،،،،،،،،،،،لــغــلــط حـيـلــتــه والــغــيـــض قـــواتــــه

انــتــهــيـــنـــا وصـــفـــيـــنـــا تـــجـــاربـــنـــا
،،،،،،،،،،،،،،،،،،،،،،،،،،،،،نعرف الهرج الى من جاء مجلاته

[نسيم]

هذا شخص يحب والظاهر انها وصلت معه وزعل وطاب خاطرة!يمكن ماعطي وجه!ويمكن انه مل من كثر الحكي والنقنقه!او انه عجز يرضيهم!
المهم يعتبر شخص عاجز للاسف الشديد في كلا الحالات جاي لأمور يجهلها مايعرف كيف يتصرف .وقام يسب ويشتم رفيقه!
الدنيا تبي سعة صدر،حتى مع الاهل والاصدقاء،طول البال الزين،والسكوت زين،المهم الصبر والحلم مطلوب .

لابوك لابو من ترجى حنانك
،،،،،،،،،،،،لابو قلووب بالهوى تشكي الضيم...

واطي وانا بالحب عليت شانك
،،،،،،،،،،، ومثلك فلا يستهال بالحب تعظيم...

كلمة احبك لا تجي بلسانك
،،،،،،،،،،،شوهت باسم الحب كل المفاهيم...

ما زلزلت روح الطهاره كيانك
،،،،،،،،،،،،جاهل ولا ينفع بك اليوم تعليم...


ما اهين نفسي والكرامه عشانك
،،،،،،،،،،،شيئ طبيعي ما يبي اي تفهيم ...


خلي التغلي ينفعك في زمانك
،،،،،،،،وروحي مراح الريح ولا روح الغيم...

[نسيم]

.

لابوك لابو من ترجى حنانك
،،،،،،،،،،،،لابو قلووب بالهوى تشكي الضيم...

واطي وانا بالحب عليت شانك
،،،،،،،،،،، ومثلك فلا يستهال بالحب تعظيم...

...
تشتم ليه!وتقول لابو قلوب بالهوى تشكي الظيم!
من غصبك وخلاك تجرب الحب او مشفوح؟الحب وش يعني لهذا الشخص اللي قاعد يشتم؟ابد شاف الناس ويبي يسوي مثلهم.انسان فاشل،اما حبوني والا بزعل،الا فارق وفرقاك عيد.
طيب يقول واطي !!!!!!!!!!طيب ليه صار واطي؟وش بغيت منه و اتضح لك انه واطي؟اكيد الخلل فيك مع احترامي الشديد!
وش عطيته وصار عظيم؟ولو فيك خلل كبير ايها الشاعر!

[نسيم]

كلمة احبك لا تجي بلسانك
،،،،،،،،،،،شوهت باسم الحب كل المفاهيم...

ما زلزلت روح الطهاره كيانك
،،،،،،،،،،،،جاهل ولا ينفع بك اليوم تعليم...


...
طيب وش يضرك لو قال احبك؟ وش يبي يتغير في ملامحك ؟او صورتك اللي اتضحت من كلامك!
وش مفاهيم الحب ؟وش وش؟
متناقض!جاهل ولا ينفع بك اليوم تعليم!!!وش معلمه عليه؟على تجويد القرءان الكريم !

[نسيم]

خلي التغلي ينفعك في زمانك
،،،،،،،،وروحي مراح الريح ولا روح الغيم...
اها،ههههههههههه بان انها طاردته .
يعني كل هالكلام يبي كود الله يهديها وتحسف وترجع له.
حركات بايخه!!!

[نسيم]

يا مركب النار، دخانك علينا عود

اللطف بحال اللي يودك يا مزريف عود

ان كان اصلك زكي، وانت من اهل العود

عاود علينا بساعه، ما نريدك سنه

وحنا رفاقه وطرادة هوى بالسنا

نفعك لغيري وهمك شايله بس انا

عند الشدايد يبين لك صحيبك عود

[نسيم]

من يوم فرقاك ما لذ جفوني سنا

اضحكتني ساعة بكيت عيوني سنا

يا ترف ما حد مبتلي بهواك بس انا


ما أعرف التكملة من يعرفها يكمل

[نسيم]

في غياهب نـار فرقـاك يالظبـي اللعـوب
،،،،،،،،،،،،،،،،،،،،،،،ينجض فـوادي ولحـدٍ درا عـن غايتـه
تهت في سيات ظنـك وضيعـت الـدروب
،،،،،،،،،،،،،،،،،،،،،،،،،مثـل مـن فاجتـه ملامـحـه بمرايـتـه

[نسيم]

في غياهب نار فرقـاك يالظبـي اللعـوب

،،،،،،،،،،،،،،،،،،،،،،،،،،،،،ينجض فـوادي ولاحـدٍ درا عـن غايتـه
تهت في سيات ظنـك وضيعـت الـدروب

،،،،،،،،،،،،،،،،،،،،،،،،،،،،،،،مثـل مـن فاجتـه ملامـحـه بمرايـتـه
أتحاشا هرجـة النـاس وظنـون القلـوب

،،،،،،،،،،،،،،،،،،،،،،،،،،،من علـوك فـي شعـور السنيـن الفايتـه
شف ملامح وجهي اللي بدأ فيـه الشحـوب

،،،،،،،،،،،،،،،،،،،،،،،،،ما أستغابت شمس حبـك ترفـرف رايتـه
أتجرع مر غيك وصـدك كـوب.. كـوب

،،،،،،،،،،،،،،،،،،،،،،،،،،،،،،،وأتعلقـم كـاس حبـك وأزيـد درايـتـه
عاطفـة ودي تلقـاك مـع نفـح الهبـوب

،،،،،،،،،،،،،،،،،،،،،،،،،،،،،وتستثير ألطـف شعـورٍ صـدح بولايتـه
لو تقسم لهفتي لـك كفـت كـل الشعـوب

،،،،،،،،،،،،،،،،،،،،،،،،،،،يا بعد من لاهرج مـا أستمعـت حكايتـه
ياسعادة قلب لو جـرت لا يمكـن يتـوب

،،،،،،،،،،،،،،،،،،،،،،،،،،،،مثل من وصـاه عـوده ولـزم وصايتـه
أسعد الله كل لحظـات عمـرك يالطـروب

،،،،،،،،،،،،،،،،،،،،،،،،،تنتعش بي لا طريـت العـروش المايتـه
وجهك الفاتن كما البرق في عرض النصوب

،،،،،،،،،،،،،،،،،،،،،،،،وعودك الميـاس فـي هزعتـه ورخايتـه
عاد عيدك لو نار الوصـل شبـت شبـوب

،،،،،،،،،،،،،،،،،،،،،،،،،،،،مـن مـودٍ جـور صـدك لبـس عبايتـه
الولايف فـي تفاريـح حـبٍ مـا يشـوب

،،،،،،،،،،،،،،،،،،،،،،،،،،،تبتهـج فـي شـوق مـا دورت مبرايتـه
جيت أبهرب منك وجهت يمك في الهـروب

،،،،،،،،،،،،،،،،،،،،،،،،،،،مثل أسيـرٍ مـا يغـادر محيـط حمايتـه
أنتي أنفاس المسامات وأكلـي والشـروب

،،،،،،،،،،،،،،،،،،،،،،،،،،،،وأنتـي نهايـات مغليـك قـبـل بدايـتـه
ماتهـوّن لهفتـي لـك دكاتـرة الحبـوب

،،،،،،،،،،،،،،،،،،،،،،،،،،من غنم بـك فـي زمانـه ينـال كفايتـه

[نسيم]

الا وا عـذابي ياهـلي كـل ما ونـيـت
،،،،،،،،،،،،،،،،،،،،،،،،،،خطـيرٍ على قلبي من فراق خلاني

اناالبارحه سـهران ياعـاذلي مامسيت
،،،،،،،،،،،،،،،،،،،،،،،،،، سبايب حبيبي يوم عزّم بهجراني

إلي حـل بي هاجــوس من مرقدي فـزّيت
،،،،،،،،،،،،،،،،،،،،،،، هواجـيس جابتني وهاجوس وداني

حـبيبي بعـد ولعـتني وش بلاك اقـفيت
،،،،،،،،،،،،،،،،،،،،،،،،،،، عـسى ما تعلق قلبك واحدٍ ثاني

خطأ من حبيبي والا انا مثبتٍ ما خطيت
،،،،،،،،،،،،،،،،،،،،،،،،،، هواللي مولعني ورايح ولا جاني

[نسيم]

صحيح من يلفي بليّا عزيمه
،،،،،،،،،،،،،،،،،،،،،، الي من ضواه الليل يمسي بلا فراش

من باع قلبه وطلب فيه قيمه
،،،،،،،،،،،،،،،،،،،،،،، غلطان ياللي ترخص النفس ببلاش

[نسيم]

اليوم وفي هذه الساعة تمام 2000مشاركة !


http://www.tumaer.com/vb/tum/rating/rating_5.gif شموخ أنثى .ღ.}

999 (http://www.tumaer.com/vb/misc.php?do=whoposted&t=40173)33,728
دايما الانسان الناجح ينظر للافضل ،والاخت شموخ انثى بدون منازع هي الافضل على الاطلاق .مشاركاتها 999والمشاهدات 33،728.
الله يذكرها بالخير وكنت اتمنى اني اعرفها عندما كنت شاباً في بداياتي بالمنتدى لكن لحقنا على جزء بسيط لايذكر.
بالتوفيق ان شاء الله للجميع