نسائم نسيم

[» اِلـَوَفْآءْ بـِنْـتْ]

الوسم 4نجوم بداية الامطار والخيرات ان شاء الله يامسلفة الراجحي

وش دخل مسلفة الرآجحي بحكيك ِ ؟

[نسيم]

يا زين الجنوب تكفى ..

لا والله روحة صملنا عليها ولا من فكه .. الطيارة قد حجزت ...

عمّال ... هههههه


لقيت القات أطيب من العمال في الدراهم ...

امحق جنوب وامحق ديره.
اوّه طيارة مره وحده!!!!!!!!هذي الروحه الزينه .بس شف ترى سفرتكم معد هيب مثل منول قطه على 150ريال وتروح لجيزان، الكلام هذا معد يمشي في السفر الصحيح والطيارات يبي لك دراهم ويبي اتكيت وبدل ماهيب مثل سروالك اللي كنه شماله.خذ اقل شي عشرة الالف في يدك ووسع صدرك ،ماهوب بكره تجيب تقرير فيه لحمة بعير وبقرة،جب تقرير تقرير !!!!!!!!!وخل الدنفسه عنك.تروح تدور غرفة وحده، ودورة مياه وانتم 7،خذ سويت كامل وفلوها صحيح،واذا جاء في الليل كل واحد يروح لحاله ماهوب جميع كنكم رعية تروحون جميع وترجعون جميع .كل واحد ياخذ راحته صدقني ان تدعي لي !!!!!!!!
حرام والله ضيعت عمرك وشبابك في النماص وابها!

[نسيم]

وش دخل مسلفة الرآجحي بحكيك ِ ؟



هههههههه من وين جبتيها؟مسلفة الراجحي .هذي ايام الشباب والمراهقه مسلفة الراجحي .

[نسيم]

اللي ما معه كنكت موبايلي والا يروح يهش الذبان .
موبايلي شركة من افضل الشركات .

[نسيم]

توني اشوف هالوسام الله يسلم من اهداني اياه
http://m5awitumair.com/upload/uploaded/12_01295281710.gif

[المهند]

امحق جنوب وامحق ديره.
اوّه طيارة مره وحده!!!!!!!!هذي الروحه الزينه .بس شف ترى سفرتكم معد هيب مثل منول قطه على 150ريال وتروح لجيزان، الكلام هذا معد يمشي في السفر الصحيح والطيارات يبي لك دراهم ويبي اتكيت وبدل ماهيب مثل سروالك اللي كنه شماله.خذ اقل شي عشرة الالف في يدك ووسع صدرك ،ماهوب بكره تجيب تقرير فيه لحمة بعير وبقرة،جب تقرير تقرير !!!!!!!!!وخل الدنفسه عنك.تروح تدور غرفة وحده، ودورة مياه وانتم 7،خذ سويت كامل وفلوها صحيح،واذا جاء في الليل كل واحد يروح لحاله ماهوب جميع كنكم رعية تروحون جميع وترجعون جميع .كل واحد ياخذ راحته صدقني ان تدعي لي !!!!!!!!
حرام والله ضيعت عمرك وشبابك في النماص وابها!

هههههههههههه

تصدق أني زمل ... قمصاني وبدلاتي ... مهيب صالحة لهم .. يبي لي اتكيت جديد ..

150 ريال ... من يقوله .. لو أروح بـ 150 إن كان هونت .. روحت الجنوب أحسن مافيها أنها ماتكلفك إلا 78 ريال ..

هالمرة مخربينها مرررة ... والله يستر من تواليها ..
ويازين لحمة البقرة عند لحمهم ما تدري من خنزيره من شيء ذابحينه على غير الشريعة الاسلامية .

والمشكلة أنهم مروعينا ... يقولون يا ويل اللي يطلع عقب المغرب .. ترى مافيها إلا مساطيل أوادم .. الظاهر هالسالفة كنها سالفة أبو سلعامة والمقرصة الحامية ..

نبي نشوف هي تصلح مثل هالروحات ... أو نزبن وادي لجب ومقلع طميه ونبعد يم صلالة ..

[نسيم]

هههههههههههه

تصدق أني زمل ... قمصاني وبدلاتي ... مهيب صالحة لهم .. يبي لي اتكيت جديد ..

150 ريال ... من يقوله .. لو أروح بـ 150 إن كان هونت .. روحت الجنوب أحسن مافيها أنها ماتكلفك إلا 78 ريال ..

هالمرة مخربينها مرررة ... والله يستر من تواليها ..
ويازين لحمة البقرة عند لحمهم ما تدري من خنزيره من شيء ذابحينه على غير الشريعة الاسلامية .

والمشكلة أنهم مروعينا ... يقولون يا ويل اللي يطلع عقب المغرب .. ترى مافيها إلا مساطيل أوادم .. الظاهر هالسالفة كنها سالفة أبو سلعامة والمقرصة الحامية ..

نبي نشوف هي تصلح مثل هالروحات ... أو نزبن وادي لجب ومقلع طميه ونبعد يم صلالة ..
ههههههههههههههههههه
المهند شوري عليك احفظ دريهماتك وش حادك تروح وتخسر لاني داري وميقن انك اذا جيت تبي تحسف وتحسب خسايرك في هالسفرة!
امحق دريه اللي عقب المغرب ماتروح وتوسع صدرك.
عني اذا عرفت تتعامل مع نفسك في روحتك هذي تبي تصير ازين من وادي لجب ولا هوب الفرق شوي ،بس عط نفسك فرصة .
المهند تراي لك من الناصحين اذا انتم شويين تبي تنبسطون، لكن اذا انكم واجد عشان تخف القطه عليكم منتب منبسط ،يعني اربعة اشخاص حلو خلك تزيد القطة الف ريال وش يصير؟علما انكم منتم خسرين ابد لانكم مسافرين عشان تاكلون بس وهذي بسيطه .

الله يوفقكم ويسمح دربكم .

[المهند]

ههههههههههههههههههه
المهند شوري عليك احفظ دريهماتك وش حادك تروح وتخسر لاني داري وميقن انك اذا جيت تبي تحسف وتحسب خسايرك في هالسفرة!
امحق دريه اللي عقب المغرب ماتروح وتوسع صدرك.
عني اذا عرفت تتعامل مع نفسك في روحتك هذي تبي تصير ازين من وادي لجب ولا هوب الفرق شوي ،بس عط نفسك فرصة .
المهند تراي لك من الناصحين اذا انتم شويين تبي تنبسطون، لكن اذا انكم واجد عشان تخف القطه عليكم منتب منبسط ،يعني اربعة اشخاص حلو خلك تزيد القطة الف ريال وش يصير؟علما انكم منتم خسرين ابد لانكم مسافرين عشان تاكلون بس وهذي بسيطه .

الله يوفقكم ويسمح دربكم .

الله يجزاك خير ..

كنك تشوفنا عددنا أربعة .. وحجز تذاكر .. حتى الفنادق ما فيه إلا خمس نجوم .. نبي نجرب الرخاء ونشوف أيهم أزين وأطعم ..
قصرنا وملينا من التسدح في البرحات والكبسات اللي حدر الكوباري ..
نبي نغير جو .. حتى ملابسنا نبي نغيرها .. القمصان ننرسلها للصومال .. ونطق لنا ترنقات وبرمودات ..

ألف ريال .. أحوول ..

تخيل في كل رحلة أروح لها أدفع ألف ريال .. إن كان هالحين طفران ..

على طاري ألف ريال .. ما عندك تلف >>> قصدي سلف ..

وعلى طاري الفرصة .. ترى يمكن هالرحلة ما تتكرر .. وش أسوي .. علمني كل شيء على شان ما أتحسف ..

[نسيم]

الله يجزاك خير ..

كنك تشوفنا عددنا أربعة .. وحجز تذاكر .. حتى الفنادق ما فيه إلا خمس نجوم .. نبي نجرب الرخاء ونشوف أيهم أزين وأطعم ..
قصرنا وملينا من التسدح في البرحات والكبسات اللي حدر الكوباري ..
نبي نغير جو .. حتى ملابسنا نبي نغيرها .. القمصان ننرسلها للصومال .. ونطق لنا ترنقات وبرمودات ..

ألف ريال .. أحوول ..

تخيل في كل رحلة أروح لها أدفع ألف ريال .. إن كان هالحين طفران ..

على طاري ألف ريال .. ما عندك تلف >>> قصدي سلف ..

وعلى طاري الفرصة .. ترى يمكن هالرحلة ما تتكرر .. وش أسوي .. علمني كل شيء على شان ما أتحسف ..
هههههههههههههه
اقول هذا وجهي ان تكررت .انت مالك غير بحر العرب يصفق في جال الضلع وهذا مكانك الصحيح،صلاله امحق ديرة الله من الشين !
السياحة ياصديقي لها مقومات كما ذكرها اخي وصديقي ابوحمد صلاله تفتقد للوجه الحسن.والدين يُسر والحمدلله .
انت علمني وينك موجه وناوي وعلمك وش تسوي قسم ان تدعي لي .والا اقول شف عصي الدمع تراه رجل محترف وعنده خبره !!!

[نسيم]

قصيدة للشاعر الكبير عبدالله السياري.
يُقال انه في يوم من الايام طلع عند باب بيته توه مفطر الصبح ولاعنده شغل متقاعد،والناس في دواماتهم والشارع فاضي،
يقول وقفت اناظر في موتري كني حدره نقطة زيت ،انسان فاضي ماله شغل يدور شي يلهيه،المهم واجي حدر الموتر
وناظر وفتح الكبوت واشوى ماصار الزيت من موتره لانه يقول موتري جديد واستغربت.المهم يوم صك كبوت الموتر ورفعت راسي،لين
هالحرمة اللي ماخذة الشارع طول ومنظر ومعها ولدها يمشي وراها،يقول وانا اسج من موتري وناظر حلق الله في هالحرمة العجيبه.
وولدها ابيّض ومنترس ماشاء الله عليه وفيه زين،وهي تمشي الحرمة وولدها يتاخر عنها ثم توقف له وتصوت وتناديه ويجيها يركض ،المهم استمرت الحرمة على هالشغل لين غابت عن عيني وانا اطالع فيها!
يقول الشاعر وانا سامعها منه شخصياً سالفته ،يقول لو مر احد مع الشارع وشافني يبي يقول هذا اما مثبت مايتحرك والا مهبول ماسكة غلط معه واقف في نصف الشارع.
يقول وتجيني حسرة واتفكر في جمالها وحظ زوجها ماشاء الله عليها .
وكتب الابيات هذي وصف ماشافه بعينه .


يوم قفّت وصاح ا صغيرها عاودت له
،،،،،،،،،،،،،،،،،،،،،،،،عنز ريـمٍ تـدرج فالمسايـل ولدهـا

إن مشي بارته وإن كان وقف وقفت له
،،،،،،،،،،،،،،،،،،،،،،،وإن تعثر عن الطيحـه تعلـق بيدهـا

كل ماشافته وقف وصـد ارمعـت لـه
،،،،،،،،،،،،،،،،،،،،،،،،وأنحنت وهمست له لين يمشي بعدهـا

كبر حظ الصغير الي وقف ورجعت لـه
،،،،،،،،،،،،،،،،،،،،،،،،،،إن وقف حبته وإن صاح يرضع نهدها

ضاحكٍ له زمانه والليالي صفـت لـه
،،،،،،،،،،،،،،،،،،،،،،،مابعد شاف يـومٍ فـي حياتـه نكدهـا

وأسعد الخلق ابوه اللي ملكها وجت له
،،،،،،،،،،،،،،،،،،،،،،،،،غير شوفه بعينـه مستحـلٍ جسدهـا

شفتها غافله في موقفٍ مارمـت لـه
،،،،،،،،،،،،،،،،،،،،،،،،،،لو يشوف القمر ما شفت منها حسدها

[المهند]

هههههههههههههه
اقول هذا وجهي ان تكررت .انت مالك غير بحر العرب يصفق في جال الضلع وهذا مكانك الصحيح،صلاله امحق ديرة الله من الشين !
السياحة ياصديقي لها مقومات كما ذكرها اخي وصديقي ابوحمد صلاله تفتقد للوجه الحسن.والدين يُسر والحمدلله .
انت علمني وينك موجه وناوي وعلمك وش تسوي قسم ان تدعي لي .والا اقول شف عصي الدمع تراه رجل محترف وعنده خبره !!!
يا جعلها ما تكرر .. أنا أبروح عن قولة أني رحت .. وترى من هالحين أبقول ديرتك وبس ..

الوجه الحسن ... وش حاجته .. والله أن يتقطع قلبك ولا علم ولا خبر .. ترى هذي من ميزات صلالة ... ولو أن البويات بدت تشتغل عندهم من تالي الله يستر عليهم ..

شف يا نسيم .. أنا لو أبعلمك وين أبروح .. إن كان تقول خلك في صلالة .. أو ضلع جيزان أبرك لك .. خلها مستورة ..

عصي الدمع أنت خلنا نشوفه .. ونبي نحلبه حلب .. وإلا أن ردت لك أنت حدك البحرين وجاي ..

[المهند]

أيه ذكرت ..

على طاري القمصان ..

شكلي أباخذ الوزرة وألبسها عندهم ولا نيب فاسخها أبد .. لا عارف ولا معروف ..

وإلا القمصان .. تتشوفها مع فقراء الصومال ... يناقزون فوق الظهار .. ولا يدرون وش السالفة ..

[نسيم]

يا جعلها ما تكرر .. أنا أبروح عن قولة أني رحت .. وترى من هالحين أبقول ديرتك وبس ..

الوجه الحسن ... وش حاجته .. والله أن يتقطع قلبك ولا علم ولا خبر .. ترى هذي من ميزات صلالة ... ولو أن البويات بدت تشتغل عندهم من تالي الله يستر عليهم ..

شف يا نسيم .. أنا لو أبعلمك وين أبروح .. إن كان تقول خلك في صلالة .. أو ضلع جيزان أبرك لك .. خلها مستورة ..

عصي الدمع أنت خلنا نشوفه .. ونبي نحلبه حلب .. وإلا أن ردت لك أنت حدك البحرين وجاي ..
الوجه الحسن انا اقصد الناس واللي حولك بس ،تخيل وانتي تمشي وزر وسيقان سود !!!!!!عسى ماشر؟والله ماتسوى من يروح.
والله لو يحطون ستين بويه لو يحطون برو فايل ماينفع ابد .
عسى منتب تبي تروح سرلنكا ؟يا الله ان تخلف عليك يا الله.
عصي الدمع ياقربه يجيك هالحين ،كنه داب اذا طريته قرب لك عصا.

[قالب ثلج]

ان كانه بيروح لسيرلانكا عطه يانسيم فنيلتك العلاقي خله يشخص بها مع الوزره اللي يلبسها
وأنا مني اذا جا للسعوديه ابشتريه له سيكل وسطل خخخخخخخخخخخخخخخخ

[نسيم]

أيه ذكرت ..

على طاري القمصان ..

شكلي أباخذ الوزرة وألبسها عندهم ولا نيب فاسخها أبد .. لا عارف ولا معروف ..

وإلا القمصان .. تتشوفها مع فقراء الصومال ... يناقزون فوق الظهار .. ولا يدرون وش السالفة ..
انا ابفهم شي واحد يوم انكم مشقين انفسكم بالسفر وركبت طياره وراكم ماتروحون للديار اللي تفتح النفس،اقرب مثال صام دهر وافطر بصل.
علىالاقل الهند روحوا شمال شرق الهند شي شي ماتتخيله طبيعة وجو وووو مايخطر علىبالك .ورخيصة بعد .

[نسيم]

ان كانه بيروح لسيرلانكا عطه يانسيم فنيلتك العلاقي خله يشخص بها مع الوزره اللي يلبسها
وأنا مني اذا جا للسعوديه ابشتريه له سيكل وسطل خخخخخخخخخخخخخخخخ
ماعندي الافنيلة علاق شاريها من اليمن زرقا ، وسروال يماني اللي كنه كلوت بس اطول شوي ويجي لازق في الجسم ذاك اللي يجي اصفر وفي طرفه خط اسود .شف مظاهرات اليمن الان اذا قامو يركضون والا طاح منهم احد تشوف فخوذه وحالته قشرا .
هذي تبي تركب على ابومهند مره .لكن سيكل اسمحي غالي .

[المهند]

الوجه الحسن انا اقصد الناس واللي حولك بس ،تخيل وانتي تمشي وزر وسيقان سود !!!!!!عسى ماشر؟والله ماتسوى من يروح.
والله لو يحطون ستين بويه لو يحطون برو فايل ماينفع ابد .
عسى منتب تبي تروح سرلنكا ؟يا الله ان تخلف عليك يا الله.
عصي الدمع ياقربه يجيك هالحين ،كنه داب اذا طريته قرب لك عصا.

أبداً ماله حاجة .. يا جعلنا ما نشوف ولا مودماني ..
ههههههه بروفايل ... مزيناً البيوت .. مهوب عجزاً عن الآوادم ..

[المهند]

ان كانه بيروح لسيرلانكا عطه يانسيم فنيلتك العلاقي خله يشخص بها مع الوزره اللي يلبسها
وأنا مني اذا جا للسعوديه ابشتريه له سيكل وسطل خخخخخخخخخخخخخخخخ

ههههه

شر التماسيح ... كل شيء إلا الوزره .. تراها علامة فارقة .. وتصلح في كل محل ..

على طاري السيكل ..ذكرتني يبي من يتعود يسوقه قبل لا يروح لهم ..

[المهند]

انا ابفهم شي واحد يوم انكم مشقين انفسكم بالسفر وركبت طياره وراكم ماتروحون للديار اللي تفتح النفس،اقرب مثال صام دهر وافطر بصل.
علىالاقل الهند روحوا شمال شرق الهند شي شي ماتتخيله طبيعة وجو وووو مايخطر علىبالك .ورخيصة بعد .


يازين البصل يارجال .. تراه علاج .. وأخير من الطماط أبو الحرقان والحموضة ..

أحلى يا مقطع الهند ... بالروحات والجيات ..
الهند كانت النيه .. لكن الهنود يبون يتعيدون عند أهلهم ولا حصل لنا نخاويهم ..

[قالب ثلج]

ماعندي الافنيلة علاق شاريها من اليمن زرقا ، وسروال يماني اللي كنه كلوت بس اطول شوي ويجي لازق في الجسم ذاك اللي يجي اصفر وفي طرفه خط اسود .شف مظاهرات اليمن الان اذا قامو يركضون والا طاح منهم احد تشوف فخوذه وحالته قشرا .
هذي تبي تركب على ابومهند مره .لكن سيكل اسمحي غالي .
خلاص انا علي السيكل وانت عليك سطل البويه
بس انتبه يقرب سيارتك خخخخخخخخ

[نسيم]

خلاص انا علي السيكل وانت عليك سطل البويه
بس انتبه يقرب سيارتك خخخخخخخخ
تحسب ان السطول تنطل !
هالحين يتسابقون عليها حقين الحمام .مار ابروح ادور في العماير كودني احصل منّسي .
ان قرب من موتري شكيته .

[نسيم]

يازين البصل يارجال .. تراه علاج .. وأخير من الطماط أبو الحرقان والحموضة ..

أحلى يا مقطع الهند ... بالروحات والجيات ..
الهند كانت النيه .. لكن الهنود يبون يتعيدون عند أهلهم ولا حصل لنا نخاويهم ..
هههههههههه مقطع الهند،وش يدريك لو ان توني جاي منها

[نسيم]

ما علينا والعمر يومين
،،،،،،،،،،،، والوعد لأهل الفخر قدام

طبعنا من الاول وذالحين
،،،،،،،، نرد حوض الموت ورد حيام

[نسيم]

انا مدري انا غلطان والا على صح من جد مدري .
قبل يدخل شهر الخير والبركة تحصّل ائمة المساجد يجربون المكرفون ،اذا انتصف العصر شغله ثم (قام يقول اححح،والا 123)ثم ناخذ ايام لين يدخل رمضان وهم على هالحال !مدري وش عندهم؟
المكرفون يعني يبي يخرب اذا جاء رمضان؟كل هالسنة وهو يشتغل مابه خلاف ،وكلها رفع اذان وصلاة شي عادي.
ليش اذا جاء قبل رمضان يقعدون يشغلونها الضحى والا انتصافت العصر ويجربون (احد يقرأ قران واحد يقول 123،واحد يقول احح تسمعني !!!!!!!
حنا قمنا قلنا اما كاسفة شمس والا قمر يروعون الناس .

[نسيم]

هههههههه
اذا قمنا فجر العيد وصلينا في المسجد الفرض،نكون واعين كُل العائلة والقهوة زاهبه والحليب والشاهي مع بعض ،ثم نروح نصلي صلاة العيد.
واذا رجعنا قمنا نتحاب ونسلم،والله العظيم اني اضحك ولو اني غلطان .يعني وشوله المحاب والحب والعناق ،الظاهر يكفي اقول سلام عليكم من العايدين وبس .لكن حب ولقط خشوم .صراحة مالها داعي .يعني اذا ناوي مره نسلم باليد .
يعني البارح مع بعض ونايمين مع بعض وقايمين جميع ومفطرين وراكبين سيارة واحده ثم نتحاب !!!!!!!!!!!!
صراحة مدري.

[لميس]

هههههههه
اذا قمنا فجر العيد وصلينا في المسجد الفرض،نكون واعين كُل العائلة والقهوة زاهبه والحليب والشاهي مع بعض ،ثم نروح نصلي صلاة العيد.
واذا رجعنا قمنا نتحاب ونسلم،والله العظيم اني اضحك ولو اني غلطان .يعني وشوله المحاب والحب والعناق ،الظاهر يكفي اقول سلام عليكم من العايدين وبس .لكن حب ولقط خشوم .صراحة مالها داعي .يعني اذا ناوي مره نسلم باليد .
يعني البارح مع بعض ونايمين مع بعض وقايمين جميع ومفطرين وراكبين سيارة واحده ثم نتحاب !!!!!!!!!!!!
صراحة مدري.

ههههههههه من جد وشوله احمد ربكك الرجال اشوا من الحريم
الحرمه اذا بغت تسسلم علينا تعطيكك مليون بووسه لا وبعضهم تصقع بخدكك
ويورم والله للحين في قلبي وحدة سلمت علي وقسسم بالله بغيت افقد الذاكره
متحمسه وتسحبني وانا شوي واصيح من الوجع ياليته وحدة ولا ثنتين
مليت وخرت عنها ومسحت خدي الا كله روج من خششتها ههههههه
بسس بحد ياليت مافيه حب على قولتك سلام باليد وبس
ملينا والله اششيل هم العيد علشان هالششيء
ويروح الوقت وهم يسلمون ونفس الموال شلونكم شخباركم وش علومكم ويخلص العيد
اعذرني ع مداخلتي بس شفتكك تفضفض قلا اشااركك معاناتك
كلنا نعااني من هالمششكله ليت من يغييرها

[المهند]

أنت تشوف يا نسيم ..

تلقاهم اثنين جايين مع بعض في السيارة ... وإذا خلصوا مصلين .. جوك مرة أخرى يتحابون ..
أقرب مالها عادات وتقاليد ..

ولو أنها بتنفك إن كان قد انفكت مع انفلونزا الخنازير .. أما هالحين فتبطي عظم تروح هالعادة ..
لكن ولو تراها زينة ..!!

[عزوف]

ههههه مداخلة بسيطة

وش يضر عاد اذا سلمو راس مالة حبة اجل احنا عادتنا غيركم

كل صبح يوميا عندى ابوى لازم حبة خشم صباحية بالعكس تقرب وتخلق الاحترام

والله ضحكت عليك يانسيم اجل مالها داعى هع

مدرى حلات الدنيا كذا

[نسيم]

ههههههههه من جد وشوله احمد ربكك الرجال اشوا من الحريم
الحرمه اذا بغت تسسلم علينا تعطيكك مليون بووسه لا وبعضهم تصقع بخدكك
ويورم والله للحين في قلبي وحدة سلمت علي وقسسم بالله بغيت افقد الذاكره
متحمسه وتسحبني وانا شوي واصيح من الوجع ياليته وحدة ولا ثنتين
مليت وخرت عنها ومسحت خدي الا كله روج من خششتها ههههههه
بسس بحد ياليت مافيه حب على قولتك سلام باليد وبس
ملينا والله اششيل هم العيد علشان هالششيء
ويروح الوقت وهم يسلمون ونفس الموال شلونكم شخباركم وش علومكم ويخلص العيد
اعذرني ع مداخلتي بس شفتكك تفضفض قلا اشااركك معاناتك
كلنا نعااني من هالمششكله ليت من يغييرها


المداز والرجف والله خابره ،حتى يده اذا سلم عليك يجي متحمس كنه يبي يفك ماصورة .
تخيل تدخل في مجلس طوله 30متر ومليان!اما لو ان السلام دفعات وترتاح شوي ثم تواصل السلام.
وبعض الاحيان يوضح امد يدي وابعد صدري ووجهي واضح مابي حب ومحاب ومشاكل ثم يجرك ،اما تصافقنا بالوجيه والا السلام البايخ بالخشوم !!!!!!!!!هذي ما واطنها ابد،يسلم عليك بالخشم وهو يحكي ،والله ياواحد انه وهويسلم علي يقول من العايدين وكلام كثير ودُعاء ما اعرفه وحنا سلام مع الخشم المهم رديت عليه وهو يحكي وفمه وهو يتكلم يطلع منه تفال لينه في وجهي وخشمي اشوى اني مافتحت فمي كان في وسطه.
انا ماعرف الا كلمة من العايدين بس وباقي الدعاء ماعرفه وذولا يجيبون دعاء طويل وكلام والله ماحفظه.
من العايدين يالميس

[الجرح ارحم]

آججل من العادين ومن الفايزين , يَ نسيم
وكل عام وآنت بخخير يـآلطيب

[قالب ثلج]

احمد ربك يانسيم منتب باكستاني
يجي عيد الأضحى ماقضوا متلامين خخخخخخخخخخخخخخخخخ

[قالب ثلج]

وبعدين ذا اللي مسوين فيها ديكه ويحبون بالخشم وش يحسون فيه
يعنني خشمي طويل مثلا خخخخخخخخخخخخخ
والا تسلم عليه بخدك كنه فيه مغناطيس ماتقدر تلمس خده
كلما قربت انحاش منك
من زين خده اللي كنه مثور فيه خخخخخخخخخخخ

وتبي تفتك من السلام طلع اشاعه ان فيك عنقز ابن امه اللي يقربك خخخخخخخخخخخخخخخخ
وعيدك سعيد يانسيم

[نسيم]

أنت تشوف يا نسيم ..

تلقاهم اثنين جايين مع بعض في السيارة ... وإذا خلصوا مصلين .. جوك مرة أخرى يتحابون ..
هذا اللي صراحة اذا ذكرته قمت اضحك.
أقرب مالها عادات وتقاليد ..

ولو أنها بتنفك إن كان قد انفكت مع انفلونزا الخنازير .. أما هالحين فتبطي عظم تروح هالعادة ..
لكن ولو تراها زينة ..!!
اقول نبي نتدهن بدهن الهنود حتى محد يسلم ونفتك

[نسيم]

ههههه مداخلة بسيطة

وش يضر عاد اذا سلمو راس مالة حبة اجل احنا عادتنا غيركم

كل صبح يوميا عندى ابوى لازم حبة خشم صباحية بالعكس تقرب وتخلق الاحترام

والله ضحكت عليك يانسيم اجل مالها داعى هع

مدرى حلات الدنيا كذا
يعني حنا اشوام سلام من بعيد !!!!!!!!،انا ماقمت اشكي الا من كثر السلام ،الصبح حبة خشم، وعقب الدوام حبة خشم .
واذا رحت للرياض وجيت خم وحب وسلام!!!!!!!!!
لكن بكره ان الله عطنا عمر كن حنا في مظاهرات ماتدري من انت قي يده.
اقول الله يعين بكره!!!!!وكلن من شفته ابحبه راسه ارحم من صفق الخدود وحب الخشوم.
من العايدين ياعزوف واشوى ان معايدنا في المنتدى كتابه والا والله مدخل .

[نسيم]

آججل من العادين ومن الفايزين , يَ نسيم
وكل عام وآنت بخخير يـآلطيب
كل عام وانتي طيبه يالوفاء بنت .وعساكم من عواده.

[نسيم]

احمد ربك يانسيم منتب باكستاني
يجي عيد الأضحى ماقضوا متلامين خخخخخخخخخخخخخخخخخ
صار مطارح معد هوب سلام.

[نسيم]

وبعدين ذا اللي مسوين فيها ديكه ويحبون بالخشم وش يحسون فيه
يعنني خشمي طويل مثلا خخخخخخخخخخخخخ
والا تسلم عليه بخدك كنه فيه مغناطيس ماتقدر تلمس خده
كلما قربت انحاش منك
من زين خده اللي كنه مثور فيه خخخخخخخخخخخ

وتبي تفتك من السلام طلع اشاعه ان فيك عنقز ابن امه اللي يقربك خخخخخخخخخخخخخخخخ
وعيدك سعيد يانسيم
هذولا احل الجنوب ،ههههههههه كل مامني قربت منه يبعد يعمل تمويه!!!!!!!!
وبعضهم يرسل رسالة معايده،والصبح يسلم عليك.
دواهم نكشت ونصيد دخل وبس .

[نسيم]

الحمدلله ،الحمدلله اللي قضى العيد،والله كني داخل حرب.
الله من الزمل جاني عقب صلاة العيد مار هانت ،ولقيت اللي يجي الاول ويجلس في المجلس يهون عليه السلام .

[نسيم]

والله الفرق اليوم عن امس,الايام سريعه وتركض .
امس نقول الشهر مبارك واليوم نقول من العايدين!!!!!!!!!!!!
العمر يمشي .

[نسيم]

مالي بغيرك فالحياة اي قيمة،،،،،،،،،،،،،وان مت من حر الفراق اعذريني

[نسيم]

والله مدري وش اقول ؟ضاع الحكي.
لكن بسيطه .

[المهند]

نسيم ...

كل عام وأنت بخير .. وأحب أن تكون أول من أعايد ...

أعوذ بالله .. لنا 30 يوم ما شفنا الساعة تسع الصبح .. أثر الشمس حاااارة ...

أزين .. كود الصيادة يخفون .. ويجفلون من البر ...

توصي على شيء من هاك الديرة .. وصل الرحيل .. والله يعين .. واحتمال مايصير عندي نت في هاك الأرض ...!!

[نسيم]

نسيم ...

كل عام وأنت بخير .. وأحب أن تكون أول من أعايد ...

أعوذ بالله .. لنا 30 يوم ما شفنا الساعة تسع الصبح .. أثر الشمس حاااارة ...

أزين .. كود الصيادة يخفون .. ويجفلون من البر ...

توصي على شيء من هاك الديرة .. وصل الرحيل .. والله يعين .. واحتمال مايصير عندي نت في هاك الأرض ...!!
وانت طيب وسالم هالعام وكل عام وتقبل الله منا ومنكم صالح الاعمال يالمهند.
ابرك الساعات والله حضورك .
ماعلينا من الشمس دام الماء بارد الحمدلله ،الموت والله امس !!!!!!!مار اليوم مسخيها ومرخيها من فضل الله.
تصدق اني مانمت من امس ،واذا انسدحت طار النوم .مدري من الاناسه !!!!!!!
ماتشوف شر وتروح وتجي بالسلامة او صيك ونفسي بتقوى الله ،وانت ماتوصى لكن شي في الخاطر.عسى منتب بتبطي؟
الله يحفظك في حلك وترحالك .

[المهند]

الله يجزاك خير .. وييسر الأمر ..

لا تخلصون الدخل ..

وإن شاء الله هالعشرة أيام وراجعين بحول الله وقوته ..
أستودعكم الله الذي لا تضيع ودائعه ..

في أمان الله ..

[المهند]

في المطار ...

إلى اللقاء ...

http://www.up-tumaer.net/tumaer/download.php?img=1205

[نسيم]

الله يجزاك خير .. وييسر الأمر ..

لا تخلصون الدخل ..

وإن شاء الله هالعشرة أيام وراجعين بحول الله وقوته ..
أستودعكم الله الذي لا تضيع ودائعه ..

في أمان الله ..
الله يحفظكم ويامن خطركم وييسر امركم .
ابد الدخل محفوظ وبعدين انتم في ديرة الدخل والصفاري وكل الطيور .
بمان الله

[نسيم]

في المطار ...



إلى اللقاء ...


http://www.up-tumaer.net/tumaer/download.php?img=1205

ذكرتني بهذه الابيات وانت في المطار
فـي سـلـم الـطـايرة ...... بـكيـت غـصبـاً بكـيـت
عـلـى محـبيـن قـلبـي ..... عــنــدمـا ودعـونـي

[الدامياء]

كل عام وأنت بخير يانسيم ..
تقبل منا ومنك ومن الجميع صالح العمل ..
أسأل الله أن يعيد هذا العيد على الجميع وهم بصحة وعافية وسلامة ..

[نسيم]

كل عام وأنت بخير يانسيم ..


تقبل منا ومنك ومن الجميع صالح العمل ..

أسأل الله أن يعيد هذا العيد على الجميع وهم بصحة وعافية وسلامة ..

وانت طيب وسالم يالدامياء
الله يجعله عايد علينا وعليكم وانتم في صحة وعافية.
تقبل الله منا ومنكم صالح الاعمال .
والله مقصرين في حقك جعل من جابك للجنة.
لاهنت على حضورك يالغالي وهذا يدل على خف نفسك وتواضعك .

وفقك الله الى كل خير

[نسيم]

لا تحكم علىالاخرين بحكم القرابه.
صعب ان توصل الفكرة مباشرة،وصعب اني افهمك.عش حياة طبيعية كما كُنت، بعدها يتضح مايدور في مخك من استفسارات واوهام.
لاتتخيل ان الجميع على قلب واحد.خُذها مني بكل صراحة.
لاتكون عاطفي تخيب امالك وطموحاتك.
اضحك ووسع صدرك وربك يفرجها ان شاء الله .

[نسيم]

لابد ان تحن النفس لذكريات الامس لابد .
لاتقطع الحبال في لحظة زعل !!!!!!!!!!!!!!!!!!!!!!!

[نسيم]

قصيدة خفيفة دم !!!!!!!!!

كانك مسافر سمح الله مسيـرك
،،،،،،،،،،وان كنت بالديره لزومن تجينـا

يكفيك لاناظرت صورة عشيـرك
،،،،،،،،،،،،وانته تنقل بيـن مينـا ومينـا

اذكر ليالينا وحاسـب ضميـرك
،،،،،،،،،،ماهوب حقن تشعل النـار فينـا

الحال من بعدك عسى الله يجيرك
،،،،،،،،،،،،عندك خبـر ياسيـد العارفينـا

اذكر ليالي كنت اجيك استشيرك
،،،،،،،،،،بالخير نذكر ماضيـات السنينـا

واليوم لاتبعد ونجهل مصيـرك
،،،،،،،،،،،اقل حال ارسـل كتابـك علينـا

[نسيم]

هههههههههه ابيات جميلة
اذكر ليالي كنت اجيك استشيرك
،،،،،،،،،،بالخير نذكر ماضيـات السنينـا

واليوم لاتبعد ونجهل مصيـرك
،،،،،،،،،،،اقل حال ارسـل كتابـك علينـا

[نسيم]

اذكر ليالينا وحاسـب ضميـرك
،،،،،،،،،،ماهوب حقن تشعل النـار فينـا

الحال من بعدك عسى الله يجيرك
،،،،،،،،،،،،عندك خبـر ياسيـد العارفينـا

ماهوب طبيعي صاحب الابيات ،يعني وش يبي؟
خلاص افهمها وروح هههههههه

[نسيم]

عسى الله يرد الاحباب عاجلا غير اجل .

[نسيم]

اليوم طلعت لكن مافيه شي يذكر لكن فيه صفاري في الديرة بس ماياقع حذر .
اليوم ثالث ايام العيد وهذي صور لكن مافيه شي يسوى من يصوره بس ياالله صفارة مجوخه ومنظرها زين وتعض !!!!
http://im9.gulfup.com/2011-09-01/1314878595282.jpg

http://im9.gulfup.com/2011-09-01/1314878595361.jpg

http://im9.gulfup.com/2011-09-01/1314878595773.jpg

[عزوف]

نسيم اعذرنى ساضع هالبيت في مدونتك

لان كلامك ذكرنى بة

كنا حبايب نقهر ظروف الايام

واليوم تسعى ظروفنا في قهرنا

[نسيم]

نسيم اعذرنى ساضع هالبيت في مدونتك

لان كلامك ذكرنى بة

كنا حبايب نقهر ظروف الايام

واليوم تسعى ظروفنا في قهرنا
تمون وخذ راحتك ياعزوف .
تحياتي لك .

[نسيم]

اذكر ليالينا وحاسـب ضميـرك

،،،،،،،،،،ماهوب حقن تشعل النـار فينـا

[نسيم]

هههههههه من انت ؟شي مضحك!!!!!!
وش المؤهلات اللي تخليك تقول هذا افضل من هذا؟اصلا انت وش انت؟
فكرت كثير، وفكرت، ولقيت ان الامر هو مثل الخانة لازم مع نزول الراتب نضع فيها جسم ،او بشكل ابسط نعبي الفراغ ونخلص.
حتى الجسم هذا مايدري انه موجود .بس كذا ضرب حظه او افتح ورقه وجاء من نصيبه.
!!!!!استغفر الله

[نسيم]

معاناة، كل واحد يُعاني وانت ماشي.
/
/

عيدو كل الخلايق (http://www.3lkh.com/vb/t40623.html)بس انا
كيف اعيد والحبايب غايبين
غادرو احباب قلبي من سنا
هم قالو اسبوع وعايدين

وسط قلبي شب نار وله سنا
يارب صبر عنهم قلبي السقيم

[نسيم]

قلب الاسد اسم ارتبط بالعصر الذهبي الجميل ،زمن الرجال الاوفياء .
صدقني مانسيتك ابد ،وش اقول ؟اللي في الخاطر عجز الكلام يترجمه،لذا اقول انت وافي ،وتبقى عزيز ،وانا جيتك ونشدتك عنك .وقالوا كان هنا،لكن اليوم ماندري وين نوّخ ركابه؟لكن ان شاء الله نبي نسير عليك ان شاء الله.
تحياتي لك
اخوك نسيم

[نسيم]

صيد اليوم الجمعة رابع ايام العيد وكان العدد يتجاوز الميتين دخله .

عبيدات من تفخر انواع الدخل .

http://im9.gulfup.com/2011-09-02/1314950295791.jpg

http://im9.gulfup.com/2011-09-02/1314950295202.jpg


هذي العبيدات مثل الخلع دسم
http://im9.gulfup.com/2011-09-02/1314950295113.jpg

http://im9.gulfup.com/2011-09-02/1314950295584.jpg

دسمه بالحيل تقاطر مشحمه من حظ ابوحمد !!!!!!!!!!!
http://im9.gulfup.com/2011-09-02/1314950296885.jpg

http://im9.gulfup.com/2011-09-02/1314950296477.jpg


http://im9.gulfup.com/2011-09-02/1314950296549.jpg



http://im9.gulfup.com/2011-09-02/13149502965610.jpg


مرحلة الفرز والعدد
http://im9.gulfup.com/2011-09-02/1314950408131.jpg


http://im9.gulfup.com/2011-09-02/1314950408172.jpg



http://im9.gulfup.com/2011-09-02/1314950408863.jpg

اتمنى ان تنال علىاعجابكم.وان شاء الله مستمرين على هذه التقارير.
التصوير مش طيب لانه بجوال والجوال قديم، لكن اللي حببني له سهولة نقل الصور بواسطة البلوتوث .

[نسيم]

مدري وش اللي يحدنا على المطامر في البر وحر وتعب ؟واخرتها دخله!!!!
من فجر وحنا قايمين !
والى من جاء في الليل ووقت الجلسه وسعة الصدر نمنا من صلاة العشا.واذ قمنا من النوم لين رقبتك توجعك ،وجسمك منهمد،ووجهك اسود،وحالتك حاله.

[نسيم]

يازين النوم.تنسى كل شي ،وترتاح،وتعيش في عالم بعيد .
سبحان الله تنوم لك 10ساعات وكنها 10دقائق يمر الوقت سريع ،بعكس لو كنت جالس 5ساعات تمل من المكان اللي انت قاعد فيه مره تقوم مره تطلع ومره تنسدح .النوم هذا نعمة من الله .

[نسيم]

على قدر ما تستطيع نوم ،ارقدوا ،النوم هذا يطيل العمر وايضا علاج .

[نسيم]

تخيل انك نايم الساعة 2 الظهر ويجي واحد ينكد عليك نومك ويقومك الساعه 4الفجر .
ازعاج.
ودك الواحد يحط له يوم في الاسبوع ويسميه يوم النوم ،مكان خالي من الازعاج يرقد لين يصفي راسه.

[نسيم]

ابكي وليفي غدى بالروح قايدها
،،،،،،،،،،،،،،، كني اصفق وقلبي حارق عاني

والعين هلت من الدمعه غزايرها
،،،،،،،،،،،،،،،،،، من صد خلي وحبه قد تبلاني

لا جيت حالي عقب فراقاك تناظرها
،،،،،،،،،،،،،،، كني صويب بسهم العين يقواني

من واجب العاشق أدواره يجاهدها
،،،،،،،،،،،،،،،، اثنين نبقى ولأحد يشتري الثاني

اقفى لطيف خفيف في مسايرها
،،،،،،،،،،،، مادري يقول الوداع والا تناساني

والله لولا الغلي مجبور اوادعها
،،،،،،،،،،،،،، لو كان حبه من العامين أرواني

كنى على علم ريم في ضهايرها
،،،،،،،،،،،،، ترقى الحزوم توطي داعج إضغاني

قال المثل في قوي البأس قاتلها
،،،،،،،،،،،،،، نفس عزيزه على نفس تحداني

[طفولة تمير]

كل عام وانت بخير نسيم

مدونه رااااااااااااائعه يا نسيم،،

وش حادكم على هاالتعب وليتها تشبع الواحد ،،ماتسوى هالتعب والله

شكلها غريب ،،بس وش اللي يؤكل منها

[نسيم]

كل عام وانت بخير نسيم

مدونه رااااااااااااائعه يا نسيم،،

وش حادكم على هاالتعب وليتها تشبع الواحد ،،ماتسوى هالتعب والله

شكلها غريب ،،بس وش اللي يؤكل منها
وانتي طيبه وسالمه وعساه عايد علينا وعليكم بخير ياطفولة تمير.

فعلا الصيد تعب لكن متعه وولع خصوصا الدخل ،الدخل هذا شي نستمتع فيه اكثر من غيره وتعودنا انا وصديقي ابوحمد من سن الطفولة الى الان .
الدخل كله يوكل ماينطل منه شي .
تحياتي لك

[نسيم]

اليوم غير هدوء وراحة نفسية ولله الحمد من يوم راحوا اهل ذيك الديار .الشوارع فاضية والحركة قليله والجو جميل فيه نسيم بارد .
حقيقة الشعور والاحساس في غاية الروقان الله يديمه على الجميع.
الفكر خالي من الازعاج وصقع البيبان ،كنّا في الفترة الماضيه نعيش حالة هروب من الواقع ،نبحث عن انفسنا في ظل احتلال الاقارب والاجتمعات الدائمة الغير مبرره ،في حالة رمي الاثقال والهموم على الاخرين ،وكلها ضريبة زواج البنات وزواج بنت البنت وانت ماشي .
حقيقة رجال هذا الوقت للاسف الشديد غير مؤهلين لتحمل المسئوليات ،وتجد الاهل حريصين على تزويجه ليش؟
عشان يرث بزور وينطلهم على اهل الزوجه.
مشكلة كبيرة .
وللحديث بقية .

[نسيم]

مفهوم الوصل او صلة الرحم السلام والتلاحم الدائم .لكن لايكون بالتطفيش ،تخيل يجي واحد من رجال هذا الوقت يقول ابودي عيالي لهلهم يتعيدون معهم!!!!!!متى جابهم ؟من خمسة وعشرين رمضان الى اليوم!!!!!!!
طبعا كل بيت ماشاء الله اقل شي ثلاث بنات متزوجات وكل وحده منهن على اقل تقدير معها اربع اطفال !تبي حسبه اضرب خمسة في ثلاثة يطلع 15راس،والام او الوالده عمرها فوق خمسين سنة وهي لاتزال تنجب وعندها اكثر من عيال بناتها!
العدد هذا او الكم الهائل وين يرقدون فيه؟
كيف اهل البيت ينامون؟
شي فضيع .

[نسيم]

لحد ينقد علينا شي واقعي وملموس والقصد منه تهذيب السلوك وتحمل المسئولية .اجل تنطل بزورك وتروح توسع صدرك وتسافر وحنا قاعدين نرصدك ذرك ماهيب معقوله.
يجلسون يوم يومين ثلاثه لكن اسبوعين .

[نسيم]

عاد وش علينا من الناس يصلحون من دونا.والا والله لحد ضيق علي ولا شكيت شخصيا من اي من الامور هذي لكن انقل معاناة يمر بها ناس اعرفهم ويهربون من بيوتهم ،يرجعون الى بيوتهم تالي الليل مثل الحرامية لين يرقدون هالذر اللي عنده.يتكلم مع زوجته واولاده برسائل الجوال اذا بغوا شي لان مافيه فرصة يتكلمون بامورهم الخاصة من هالثّوار اللي عنده.

[نسيم]

عجايب يا دنيا كل شخصٍ برآسه شيء
................................... يفكّـر على كيفه ويصـدر قراراتــه !


وش العـذر ياللي تــزعم ان لك ضميرٍِ حــي ؟
...............................تغاضى عن الواجب وتقـطـع عــلاقاتـــه

[نسيم]

عيني تطالع في السماء فـوق والشمـس
................................ما غيرها يمّــلاء عيوني بياضــه


ياللي تصيح وتصـّفـق الخمـس بالخمـس
................................ ودّع وباقيٍ لـك طواف الإفــاضه

[نسيم]

يامعذبنى .. مآ عاد لك فـّي حاجة ...

... مآنى علي خبرك سواليف ومزوح ..!

[نسيم]

رسالتي تذكار ياأغلى المحبين
عبيرها نفح الوفاوالموده
تثبتلك أن الغلا مابيننا للحين
باقي
ودوم أشواقنا مستجده
ماهي مقامك وأنت محفوظ بالعين
لكنها تذكار للي أوده

[نسيم]

‏‏أبتعدنا
ويشهد الله إن قلبي
لك قريب‏
وفي خيالي صورتك‏
ماتغيب‏
وشوقي لك حاضر‏
ودايم يزيد‏
والبعد بين الحبايب‏
ماهو بعيد‏
وللقاء لازم نعيد

[نسيم]

ياصاحبي لا تحسب أني مجافيك
أشتقت وأشواق قلبي تناديك

[نسيم]

ابيات موجهه وهذي ظروف الوقت، وحان وقت المصارحه

‏‏أبعتذروأرسل مع الشوق عذري
يلي مكانك بين عيني وقلبي

أنا مقصروالظروف أجبرتني
وأبيك تقبل أعتذاري بظرفي

والله ماني مهملك في حياتي
لكن حياتي صدق صدق أتعبتني

[نسيم]

‏‏‏إذا قصـرت في وصـلك
وجاك في يوم جفا مني
ياليت تكف عني اللـوووم
وإذا أحسنت سـامحني

[نسيم]

‏‏ان كان انا من حبه طحت مشلول
خذو الدواء من ،،،،،، وادهنوني
وإن كان انا من حبه صرت مقتول
وصيتي في ثوبه
كفنوني
وإن جاكم لاتدفنوني على طول
قولوله انت السبب وادفنوني

[نسيم]

‏غاااالي بقلبي مثل ذاك القمر فوووق
وأسقيك من عذب المشاعر وأزيدك
هذا قليل من اااالغلا جاك منطوق
و الله يعلم بقلبي رصيدك

[نسيم]

هلا بالمهند والحمد لله على السلامة.
لاتنقد علي في الابيات المكتوبه تراها مثل سكرات النهاية او الانفاس الاخيره من هذا المجال ،لاني طويت شراعي وانتهيت يوم كثروا العابثين ،فن وانتهينا منه .

[نسيم]

عيدوا كل الخلايق بس أنا
،،،،،،،،،،،،كيف اعيد والحبايب غايبين

[المهند]

اخي المهند لاتعد ولاشي لاحظ كل 13يوم يتغير الجو سبحان الله العظيم وهذا يدل على دخول نجم.جرب عد من امس 13يوم وشف.


عز الله أنك حولها يانسيم ..

دخل النجم الثاني من سهيل يوم الخميس على ما أعتقد .. لأنه هو اليوم اللي جاء فيه عج ..

24 / 8
25 / 8
26/ 8
27 / 8
28 / 8
29 / 8
30 / 8
31 / 8
1 / 9
2 / 9
3 / 9
4 / 9
5/ 9 الاثنين 13 ليلة
6 / 9
7 / 9
8 / 9 الخميس 16 ليلة


هلا بالمهند والحمد لله على السلامة.
لاتنقد علي في الابيات المكتوبه تراها مثل سكرات النهاية او الانفاس الاخيره من هذا المجال ،لاني طويت شراعي وانتهيت يوم كثروا العابثين ،فن وانتهينا منه .


هلا بك أكثر ... والله يسلمك من كل شر ...

جينا من ديرةً تعتصر فيها الأعاصير وتكلخ فيها المنخفضات ..

منيب ناقد عليك في شيء لأني أدري أن قلبك مجاز .. ولا بعد خلصت إجازته ..

[نسيم]

عز الله أنك حولها يانسيم ..

دخل النجم الثاني من سهيل يوم الخميس على ما أعتقد .. لأنه هو اليوم اللي جاء فيه عج ..

24 / 8
25 / 8
26/ 8
27 / 8
28 / 8
29 / 8
30 / 8
31 / 8
1 / 9
2 / 9
3 / 9
4 / 9
5/ 9 الاثنين 13 ليلة
6 / 9
7 / 9
8 / 9 الخميس 16 ليلة





..
هلابك المهند .
دائما بمشيئة الله تعالي يكون هناك اشارات بدخول النجوم ويكون بعض الاحيان ونادر جدا تكون الاشارة في اليوم الرابع عشر من حساب النجم،لكن اذا راح منه يومين ثلاثة يتغير الجو وهذا امر طبيعي من خلال المتابعة .
لكن اللي ما ادري عنه نجم سهيل هل شيف في منطقتنا؟
تحياتي لك

[نسيم]

هلا بك أكثر ... والله يسلمك من كل شر ...

جينا من ديرةً تعتصر فيها الأعاصير وتكلخ فيها المنخفضات ..

منيب ناقد عليك في شيء لأني أدري أن قلبك مجاز .. ولا بعد خلصت إجازته ..
الله يحييك بين اهلك وربعك .
وش خليت يالمهند بلد استوائي !وش عذره ؟
بس ماتلاحظ ان المناطق الاستوائية ممله ،ولافيها متعه .
خلاص قلبي معد له اجازة مره انتهى، حتى الاضطراريه مايستحقها .صدقني خلصت من سواليف الطلايب .انا اليوم شايب وبعد تقسيم المنتدى الى منتديات شبابيه عزّلت منها ،لاني والله العظيم مادريت الا من خمس ايام عن التقسيم هذا وان فيه شي اسمه منتديات شبابيه !قلت في نفسي خلاص يالمهند .

[نسيم]

لحظة التوديع فيها ويش اقول
،،،،،،،،،،،،،،،،كل مابالقلب قالته الدموع

[نسيم]

أعذرن يازين لو صمتي يطول
لاتلومن حسرة الفرقى تلوع

كلمة التوديع من حزنن يهـول
وقفت بشفاي للعبره خضوع

ودي اوادعك والعبره تحــــول
موقفي صعبن وفرقاكم تروع

أنتصر حزني وضاعن الحلـــــول
وأنطفت من لوعتي كل الشموع

في خفا قلبي تعابيرن تجـــول
في وداعك وانتهت بين الضلوع

لحظة التوديع فيه ويش أقول
كل مابالقلب قالته الدمـــوع

[نسيم]

أنتصر حزني وضاعن الحلـــــول
وأنطفت من لوعتي كل الشموع

في خفا قلبي تعابيرن تجـــول
في وداعك وانتهت بين الضلوع

[نسيم]

فراغ كبير ،حياة خالية من الروح.
صعب الانسان يفقد شخص عزيز على قلبه ،يضيق الكون بسباب غالي ،دائما نسمع فلان هاجر او راح او غاب او معد له شوف !!!!!!!
اسأل نفسك ليه؟
اكيد السبب فقدان انسان تحبه وتغليه، نسمع بكلمة حب المكان من اهله يعني تحب من يسكن هذا المكان لكن اذا لم يكن فيه من تحبه وتغليه يضيق بك الفضاء وتحس بالغربة والوحشه.
لو تجلس على حصاة مع شخص تحبه ويحبك ويغليك وتغليه تحس انك جالس في افخم القصور تعيش مبسوط.
الله لايقطع عيني من شوف احبابها.
وبعض الامكان لو انها جنان خضر تبغضها من سكانها .
وين الايام الخوالي ؟؟؟؟؟؟؟؟؟؟؟
ايام راحت ،ادري انها لايمكن تعود لكن يكفيني منها ذكرها وطاريها .

[نسيم]

وش في يدي ؟وش في يدك؟
اصبر ،وانا مثلك ابصبر والله يعين الصابرين.
ضاعت كل الحلول ولافيه حل كود ،،،،،،،،،،،،شي كتبه الله علينا وغصب نرضابه .
لاتحسبني قوي وكلي شجاعه بس الواقع كذا ،ولازم اضحك واسلي خاطري لو ضحكي مجامل .

[نسيم]

مرحوم ياقلب قضى طاوي الشوق

[نسيم]

ابكي وحطيت البكا سهمة لى
،،،،،،،،،،،، هافت غصون القلب واصفت ركاياه

ابكي خفا واضحك بيان مع اللي
،،،،،،،،،،،،،،،،، القلب ما يدرون عن غاية اقصاه

قالو لي العذال ما اخبلك ياللي
،،،،،،،،،،،،،،،،،،، تبكي ولد نـاس تفارقـت ويـاه

قلت آه ما انسا اللي حديثه يسلي
،،،،،،،،،،،،،،، والله ما انسا اللي تواجهت ويـاه

اللي ليا منه نوى ذبحه لي
،،،،،،،،،،،، ارخـا المليثـم ليـن تبـدى شفايـاه

يضحك بحجرالعين كله رضا لي
،،،،،،،،،،،،، من خوفته يدري حد من دناياه

[نسيم]

انهيتـهـا ويــاه والـجــو صـافــي
،،،،،،،،،،،،،لانيـب عبـدآ لـه ولا هــو ب سلـطـان

[المهند]

هلابك المهند .
دائما بمشيئة الله تعالي يكون هناك اشارات بدخول النجوم ويكون بعض الاحيان ونادر جدا تكون الاشارة في اليوم الرابع عشر من حساب النجم،لكن اذا راح منه يومين ثلاثة يتغير الجو وهذا امر طبيعي من خلال المتابعة .
لكن اللي ما ادري عنه نجم سهيل هل شيف في منطقتنا؟
تحياتي لك

الناس انشغلت بالهلال ... ونسيت سهيل ... والله ما تشوفنا له ... لكن وين يجي بالضبط .. وهل يبي ناس تقز أو مش حالك ...

[المهند]

الله يحييك بين اهلك وربعك .
وش خليت يالمهند بلد استوائي !وش عذره ؟
بس ماتلاحظ ان المناطق الاستوائية ممله ،ولافيها متعه .
خلاص قلبي معد له اجازة مره انتهى، حتى الاضطراريه مايستحقها .صدقني خلصت من سواليف الطلايب .انا اليوم شايب وبعد تقسيم المنتدى الى منتديات شبابيه عزّلت منها ،لاني والله العظيم مادريت الا من خمس ايام عن التقسيم هذا وان فيه شي اسمه منتديات شبابيه !قلت في نفسي خلاص يالمهند .
أن تقول بلد استوائي ... بصراحة كانت فكرتي غير عن المناطق الاستوائية كما هو الحال في جنوب أفريقيا .. يعني ما فيه إلا الحر والسواد .. وهذولا يقول لنا تسع شهور وهذا حالنا .. هالمراويح تروح .. والسحاب يهل ..
ممله ... يارجال ما غير ديرتك تمير .. احمد ربك وإن مليت منها خت لك يومين لحدى هالديار على شان تدري عن قيمتها وتشتاق لها .. لكن أهل الاستواء يملون ولا يجي لهم خاطر يغيرون ديارهم ..

منتديات شبابية .. هالتقسيم بيّن أنه يبي يطلعك آوت .. لكن أنت روحك شبابية .. وتحب الشباب والحيوية ..

[نسيم]

انتصر ياس حبي وانتهى من رجايا
وابتدى الشك يظهر في خوافي ظنوني

الله يسامحك ماظنيت هذا جزايا
ليه تبكي عيوني يامضنت عيوني

صار حبي وحبك ياحبيبي روايه
مثلوه العواذل عن لقاك ابعدوني

دايم ارعي خيالك في صباح ومسايا
واذكر اسمك وانا اللي في هواك مغبوني

عط حنانك لغيري لاتسئل عن عنايا
خل ذكراك ليا وانتوا لاتذكروني

ياقمر وين نورك غاب واظلم سمايا
ليه سود الليالي تحول دونك ودوني

[نسيم]

والله انه مصيبه من بيجبر عزايا
مير في عز نفسي كل شي يهوني


ليتني مادريت ولا عرفت النهايا
مير هذا مقدر لازم انه يكوني

[نسيم]

الابتعاد هو الحل الوحيد او الاعتزال ،وخل خواطرنا قريبه ،وكل حرف نقوله يبي من العذال تفسير، وخل الصراحة في قلوبنا عنهم بعيده.

صار حبي وحبك ياحبيبي روايه
،،،،،،،،،،مثلوه العواذل عن لقاك ابعدوني

[نسيم]

الناس انشغلت بالهلال ... ونسيت سهيل ... والله ما تشوفنا له ... لكن وين يجي بالضبط .. وهل يبي ناس تقز أو مش حالك ...
الهلال له عشاق يالمهند وانا ابشرك اعتنقت المذهب الهلالي وتركنا المذهب النصراوي.
سهيل مايبي جهد وكلافه وش تحسبه هلال شوال .ابد اذا صليت الفجر تعيّن له جنوب طامن ويلمع.

[نسيم]

أن تقول بلد استوائي ... بصراحة كانت فكرتي غير عن المناطق الاستوائية كما هو الحال في جنوب أفريقيا .. يعني ما فيه إلا الحر والسواد .. وهذولا يقول لنا تسع شهور وهذا حالنا .. هالمراويح تروح .. والسحاب يهل ..
ممله ... يارجال ما غير ديرتك تمير .. احمد ربك وإن مليت منها خت لك يومين لحدى هالديار على شان تدري عن قيمتها وتشتاق لها .. لكن أهل الاستواء يملون ولا يجي لهم خاطر يغيرون ديارهم ..

منتديات شبابية .. هالتقسيم بيّن أنه يبي يطلعك آوت .. لكن أنت روحك شبابية .. وتحب الشباب والحيوية ..
نصيحة الديار السود هذي انحش عنها لو انها تقسم سبايك ذهب .
اما كليت شي متسمم والا جاك بلاء انت في سعة منه ،ومناظرهم قشر (وبلد مدري عنه وش ديانته).تمير مثله شي مار ماتفهمون ،وروحاتكم كلها عشان التصوير بس.اما لو انكم مطانيخ والدراهم واجد كان نقول معقول لكن قطه وتكسّف اذا تغديتوا ما تعشيتوا وش هذا؟حياة مرمطه.
اي والله منتديات شبابيه!!!!!!!!معد لنا فيها سنع،ولا ادري على اي اساس هالتصنيف؟لكن مخاوي تمير عبره،وهو اللي يعرف ويفهم والباقين جهال !
لذا معد نبي نضايق الشباب في شبابهم وممارستهم يالمهند.
صراحة ملتقيات شبابيه هذي تبي لها وقفه .والا خلوها عشان مانجيها.

[نسيم]

فاقد لي سلعة ماهيب تشرى ولا تنباعي !!!!!!!!!!!!
عسى الله يجيبه .
يارب

[نسيم]

صور صيد الصفاري اليوم الاحد 13/10/1432هـ
http://im10.gulfup.com/2011-09-11/1315748562461.jpg

http://im10.gulfup.com/2011-09-11/1315748562672.jpg

http://im10.gulfup.com/2011-09-11/1315748562273.jpg

[نسيم]

http://im10.gulfup.com/2011-09-11/1315748562273.jpg


لا تتوقع ان حزني ينهيه او يلغيه صيد الصفاري.
كل ماسجيت والا رفعت بندقي جاء خياله قدام عيني !وقالت وينك؟اروح مع عالم ثاني .ثم اصحي وقول خير ان شاء الله .
خويي يقول قدام عينك الصفاره وش فيك؟وقول هاه ،ايه ماشفتها!واخذ اشوي وجلس وقول ياحلوم الليل مدري ياحلوم الخيال والهوجاس كفّي عن ناظر المهموم.
اسج شوي وساعة اسبح في خيال يوديني يمّه.

[ملامح صادقه]

مدونه رائعه واصل في أبداعتك

متابعه لك بصمت

[نسيم]

مدونه رائعه واصل في أبداعتك

متابعه لك بصمت
هلا بك ملامح صادقه .
زارتنا البركه والله ،ايه امدحوني بس، وابشروا بكثر الحكي .

تحياتي لك

[نسيم]

وصيت قلبي (http://forum.kuwaitup.com/t60365.html)عليك (http://forum.kuwaitup.com/t60365.html)وفكري (http://forum.kuwaitup.com/t60365.html)وظنـي
،،،،،،،،،،،،،،ان غبت عنهم عليك (http://forum.kuwaitup.com/t60365.html)عتابهم هـادي
ماودي تجرح شعورك كلمـةٍ منـي
،،،،،،،،،،،،،،،وانته حياتي وعمري ومهجة فؤادي
ودي تعيش العمر راضي ومتهنـي
،،،،،،،،،،،،،،،،،مرفوع راسك عليك (http://forum.kuwaitup.com/t60365.html)العـز متبـادي

[نسيم]

انا اهتني يوم اشوفك انـت متهنـي
،،،،،،،،،،،،،،،،،،،واشوف نور الهناء في طلتك بـادي
مايختلف فيك ظنـي ياحسـن ظنـي
،،،،،،،،،،،،،،،،،،دايم وفـيٍ معـي يـاوردة ابـلادي
من كثر خوفي عليك الخوف يمحنـي
،،،،،،،،،،،،،،،،،،،،،،وافقد شعوري واشوفك غاية امرادي

[نسيم]

وصيت قلبي عليـك وقـال متجنـي
،،،،،،،،،،،،،،،،احذر غيابك على قلبي مهو بعـادي
لاتوصي القلب ليه بالشوق متعنـي
،،،،،،،،،،،،،،،،،،مادمت احبـك عتابـه ماهوبعـادي
عتاب قلبـك علـى حبـك يطمنـي
،،،،،،،،،،،،،،خله يعاتـب انـا سلمتـه فـؤادي

[نسيم]

وصيت قلبي عليك وفكري وظني
،،،،،،،،،،،،،،،،،،،، ان غبت عنهم عليك عتابهم هادي

ماودي تجرح شعورك كلمة مني
،،،،،،،،،،،،،،،،،،،وانت حياتي وعمري ومهجة فوادي

ودي تعيش العمر راضي ومتهني
،،،،،،،،،،،،،،،،،،،مرفوع راسك عليك العز متبادي

ياتاج راسي وانت ومني وعني
،،،،،،،،،،،،،،،، تامر وتنهي وامرك اول البادي



من كثر خوفي عليك الخوفي يمحني
،،،،،،،،،،،،،،،،،،،،،، وفقد شعوري وشوفك غايت مرادي

ان غاب صوتك اناجي الليل وووني
،،،،،،،،،،،،،،،،،،،،،،،،، واتخيلك واتذكر هامة ابلادي

مديونك بالغلا والحب مشكني
،،،،،،،،،،،،،،،،،،،، يا مستحل الفواج العاشق الغادي

من يشبهك في البشر يا ذوقي وفني
،،،،،،،،،،،،،،،،،،،، ياراحتي وبسمتي وموتي وبلادي



وصيت قلبي عليك وقال متجني
،،،،،،،،،،،،،،،،،،،،احذر غيابيك على قلبك موهبعادي

وصيت قلبي عليك وفكري وظني
،،،،،،،،،،،،،،،،،، ان غبت عنهم عليك عتابهم هادي

ماودي تجرح شعورك كلمة مني
،،،،،،،،،،،،،،،،،وانت حياتي وعمري ومهجة فوادي

ودي تعيش العمر راضي ومتهني
،،،،،،،،،،،،،،، مرفوع راسك عليك العز متبادي

[نسيم]

ادري انك تشوف لكن وش اسوي بك ؟
دامك تغليت ،وكابرت ،ولا ادري يمكن انك كذبت،وتالي الوقت خفت،ماعلي منك ان جيت والا رحت .

[نسيم]

ترى عصر الجهل ماله مكان ،وان كان تشوف قدامك جاهل تراه بكيفه ورايه صار جاهل كله على شانك!!!!!!!!
اللي يحب من عادته لايسمع ولايشوف ولايصدق كلام يقولونه لانه تولع .

[نسيم]

ماكل شخص(ن) يحفظ السـد ويكنّـه
،،،،،،،،،،،،،،،،،،،،خطو الرجل يكشف المستور بلسانـه



خوفك من اللي بوجهك يضحك بسنّـه
،،،،،،،،،،،،،،،،،ومن حين تقفي رماك وصرت نيشانـه



وخويك اللي من اول محسن(ن) ظنّـه
،،،،،،،،،،،،،،،،،،،،،،،،،،،وعديته اخوٍ وهو عدك مـن اخوانـه



لاجـار وقتـك جفـاك وصـد ماكنّـه
،،،،،،،،،،،،،،،،،،،،،،،كانت لك بوسط قلبـه منـزل وخانـه

[نسيم]

وعزي لمن يعشق وهو خالي الجيب
،،،،،،،،،،،،،،،،،،،،،،،،يموت حبـه والسبـب قـل مالـه

[نسيم]

جاني النوم ،
تصبحون على خير

[نسيم]

دائما نقدوتقليل من عمل الاخرين ليه؟
بعص الناس اذا حس بعجز وقصور عن عمل مايعمله الاخرون بدء ينتقدهم ويسخر منهم،ويحارب اي عمل غير مشارك فيه.وايضا يحطم طموحاتك لتحقيق اهدافه الخاصة.
النوعية هذي ليس مصاب بمرض نفسي او يطلق عليه مرض بل يسمّى اضطرابات في المشاعر والاحاسيس وهو احسس بالتهميش ويحتاج الى رعاية مستمرة لانه يفقد الثقة في النفس وتجده يحتاج مسانده ويحاول احتواء من يراهم في نظره كبار ،لكن هذه الشخصية عنيده ومكابره لايعترف بقصوره وتجده مقلد دائما ، فقط كوبي لاعمال الاخرين غير مبدع.
الثقة في النفس شي ضروري.

[المهند]

نصيحة الديار السود هذي انحش عنها لو انها تقسم سبايك ذهب .
اما كليت شي متسمم والا جاك بلاء انت في سعة منه ،ومناظرهم قشر (وبلد مدري عنه وش ديانته).تمير مثله شي مار ماتفهمون ،وروحاتكم كلها عشان التصوير بس.اما لو انكم مطانيخ والدراهم واجد كان نقول معقول لكن قطه وتكسّف اذا تغديتوا ما تعشيتوا وش هذا؟حياة مرمطه.
اي والله منتديات شبابيه!!!!!!!!معد لنا فيها سنع،ولا ادري على اي اساس هالتصنيف؟لكن مخاوي تمير عبره،وهو اللي يعرف ويفهم والباقين جهال !
لذا معد نبي نضايق الشباب في شبابهم وممارستهم يالمهند.
صراحة ملتقيات شبابيه هذي تبي لها وقفه .والا خلوها عشان مانجيها.

هههه ..

خلنا في السواد ... على شان نتمتع بمناظر الطبيعة ... لو لقينا غير السواد .. إن كان ما ناظرنا الطبيعة وناظرنا شيء ما نقدر نوصله .. أما الطبيعة فنقدر نوصلها..

أما التصوير .. عز الله أنك صدقت .. لو تخرب الكاميرا إن كان رجعنا ..

إلا على طاري التسمم .. وراء ما تنفّس عن قريشاتك اللي حاجرها عندك وتطلع وتشوف الطبيعة وغير الطبيعة .. ترى ما يضرك يالمطنوخ تدفع لو عشرة آلاف .. وتوسع بها صدرك .. وتخلي عنك الدخل والصفاري ..

مخاوي تمير هذا علّه .. إن اهتوى للشيء سواه ... عليك به .. ترى هو اللي مقترح اسم ملتقيات شبابية .. يبي يطلعك منها ..

[نسيم]

هههه ..




مخاوي تمير هذا علّه .. إن اهتوى للشيء سواه ... عليك به .. ترى هو اللي مقترح اسم ملتقيات شبابية .. يبي يطلعك منها ..
عله!!!!!!!!!شويه عله.
مخاوي تمير هالحين اذا نشدته عن شي والا علمته بشي وهو مايدري ولا عنده علم قال داري وهو مايدري.
تحصله وهو يتكلم معك يجلس شوي ما يرد لانه مايدري ثم يجيب كلمة خابرها نشوف، وفي الاجتماع القادم!وش اجتماع؟
بس مخاوي تمير ماذبحه الا النادر يقوم الصبح قبله ويجلس على لوحة التحكم .ويصدر القرارات ومخاوي تمير نام .

[المهند]

عله!!!!!!!!!شويه عله.
مخاوي تمير هالحين اذا نشدته عن شي والا علمته بشي وهو مايدري ولا عنده علم قال داري وهو مايدري.
تحصله وهو يتكلم معك يجلس شوي ما يرد لانه مايدري ثم يجيب كلمة خابرها نشوف، وفي الاجتماع القادم!وش اجتماع؟
بس مخاوي تمير ماذبحه الا النادر يقوم الصبح قبله ويجلس على لوحة التحكم .ويصدر القرارات ومخاوي تمير نام .

ههههههههههههههههه

وين جبتها منه هذي ... النادر يقوم من صبح .. ويضبط لوحة التحكم ... ومخاوي تمير خيشة نوم ... خل السهر ينفعه ... وأنت تراقب كل شيء .. ما تجوز عن طبعك ..

[نسيم]

ههههههههههههههههه

وين جبتها منه هذي ... النادر يقوم من صبح .. ويضبط لوحة التحكم ... ومخاوي تمير خيشة نوم ... خل السهر ينفعه ... وأنت تراقب كل شيء .. ما تجوز عن طبعك ..
ههههههههههههه وشلون جبتها معروف النادر يرقد في السطح من عقب صلاة العشاء ويقوم الفجر ويحضر للمنتدى ويقول مافيه احد!!!
هيّن مخاوي تمير خابره على هاك السروال المقوصر وفنيلة علاق ويسهر والى من رقد طاح علىبطنه يا الله يقومونه بونش يسحبونه سحب ،ويقعد يتقلب ويقول خلاص قمت ويجي له دحوسه على ذيك المطرحه .
مره من المرات يالمهند كشت انا واياه نبي نصيد وقلت يامخاوي تمير شف انت رجال تبي تصفّر والحمام يبي من نصلي وحنا ماشين قال زين ،المهم رقدنا وقومه للصلاة ويقول شوي اصبر ،قمت ،قلت ياخوي قم صيفنا ،وابيه ويقعد يتقلب ماعليه الا سروال وفنيلة كنه من صيادين السمك،فنيلة علاق وحالته حاله،المهم يطلع السفر وتظهر الشمس وهو يدخل حدر الموتر وابيه واجره برجله ويقعد يرافس ،قلت لعنبوا بليسك خلصنا نبي نروح للديرة طقتنا الشمس وهو حدر الموتر وكل شوي يروح زياده لين طق راسه في الدفرنس وهو يرقد
لين جت تسع،وانا اناظر فيه،المهم وهو يطلع من حدر الموتر ،قلت بدري ،قال اركب صيفنا، قلت زين بس اللبس ثوبك ونستر وغير هالمنظر سرواله وحالته تروع خفت منه.ونركب ولا اوقف الا في الديره .

[نسيم]

بعض الناس ما ودك تشوف شكله وهو توه قايم من النوم يصير كنه وحش يروع ويجي صوته ابح وخشن وعيونه طايره ،ويناظر فيك بنظرات كنه مختل عقليا والا من اهل المشاكل ،وبعض الناس ماشاء الله اذا قام من النوم لين خلقه زين ووجهه منور ومعنوياته مرتفعه ومطامنه الله بسمه.

[المهند]

ههههههههههههه وشلون جبتها معروف النادر يرقد في السطح من عقب صلاة العشاء ويقوم الفجر ويحضر للمنتدى ويقول مافيه احد!!!
هيّن مخاوي تمير خابره على هاك السروال المقوصر وفنيلة علاق ويسهر والى من رقد طاح علىبطنه يا الله يقومونه بونش يسحبونه سحب ،ويقعد يتقلب ويقول خلاص قمت ويجي له دحوسه على ذيك المطرحه .
مره من المرات يالمهند كشت انا واياه نبي نصيد وقلت يامخاوي تمير شف انت رجال تبي تصفّر والحمام يبي من نصلي وحنا ماشين قال زين ،المهم رقدنا وقومه للصلاة ويقول شوي اصبر ،قمت ،قلت ياخوي قم صيفنا ،وابيه ويقعد يتقلب ماعليه الا سروال وفنيلة كنه من صيادين السمك،فنيلة علاق وحالته حاله،المهم يطلع السفر وتظهر الشمس وهو يدخل حدر الموتر وابيه واجره برجله ويقعد يرافس ،قلت لعنبوا بليسك خلصنا نبي نروح للديرة طقتنا الشمس وهو حدر الموتر وكل شوي يروح زياده لين طق راسه في الدفرنس وهو يرقد
لين جت تسع،وانا اناظر فيه،المهم وهو يطلع من حدر الموتر ،قلت بدري ،قال اركب صيفنا، قلت زين بس اللبس ثوبك ونستر وغير هالمنظر سرواله وحالته تروع خفت منه.ونركب ولا اوقف الا في الديره .

ههههههه

يا حبك تحش في مخاوي تمير ... ما تصدق خبر يجي طاريه ..

بركة منه أنه طلع معك يصيد ... حنا نحلم نبيه يطلع معنا عجزنا عنه .. لكن ما دام هذي سواياه الفكه منه غنيمة .. خله على فاله ..

والله أني تخيلت شكله وهو نايم في البر ويتدسس حدر الدفرنس ... لكن عجزت تركب ..

[نسيم]

ههههههه

يا حبك تحش في مخاوي تمير ... ما تصدق خبر يجي طاريه ..

بركة منه أنه طلع معك يصيد ... حنا نحلم نبيه يطلع معنا عجزنا عنه .. لكن ما دام هذي سواياه الفكه منه غنيمة .. خله على فاله ..

والله أني تخيلت شكله وهو نايم في البر ويتدسس حدر الدفرنس ... لكن عجزت تركب ..


انت تخيل شكله وهو يزحف حدر الموتر يبي الظلال .
لا ويبي فطور ذابحه الجوع!!!!!!!
مخاوي تمير يشجعنا على الحكي ورفيقنا ونمون عليه مال احد دخل فيه،اذا حكينا في غيره يالمهند يجون ويحاسبونا او انا غلطان؟
ابد تخيله وهذا اللي حاصل وتخيل الفنيلة العلاق وهالسروال القصير واحد اطول من واحد وكله شعر يروع والله يالمهند،انتبه تروح معه.

[المهند]

انت تخيل شكله وهو يزحف حدر الموتر يبي الظلال .
لا ويبي فطور ذابحه الجوع!!!!!!!
مخاوي تمير يشجعنا على الحكي ورفيقنا ونمون عليه مال احد دخل فيه،اذا حكينا في غيره يالمهند يجون ويحاسبونا او انا غلطان؟
ابد تخيله وهذا اللي حاصل وتخيل الفنيلة العلاق وهالسروال القصير واحد اطول من واحد وكله شعر يروع والله يالمهند،انتبه تروح معه.

يا أخوك أنت وش جاءك على الرجال .. أنا ورطت بك .. أنت وإياه ...

أجل تقول يزحف يبي اللقمه .. ليتك والله عطيته جبن كرافت تراه يقدره ...

كله شعر.. الله يقطع شيطانك بس .. وهـ

[نسيم]

يا أخوك أنت وش جاءك على الرجال .. أنا ورطت بك .. أنت وإياه ...

أجل تقول يزحف يبي اللقمه .. ليتك والله عطيته جبن كرافت تراه يقدره ...


كله شعر.. الله يقطع شيطانك بس .. وهـ

الله وكبر ورطت بنا!!!!!!الا هذا اللي انت تدور يا لخب،،،،،،،.
اما جبن كرفت !!!!!!وين حنا فيه ؟مافيه الا شاهي وخبز شابور ،ويعصبه راسه لين اذان العصر.اللي يبي الجبن وفلة الحجاج يقعد في بيتهم.وانا داري انه ماهوب يبي الصيد والتعب لكن قالي وقلت كود الله يفتح على قلبه ويتعود الصيد ويشري لنا فشق ،ما دريت انه كذا .
شف انت تحسب اني اكذب جرب اطلع انت واياه يوم الربوع وشف الهوايل والمنظر الجميل على الصبح .شفت نعومته وتشخيصته في الديره تروح ،يغدي كنه راعي بريشم اللي يحفرون قلبان ويدحرون يروع يالمهند.

[نسيم]

يانور عيني ما تفيد التحاسيف
،،،،،،،،،،،،،،،،،،لا صارت الفرقى طويل مداها

اللي انكتب في اللوح مافيه تحريف
،،،،،،،،،،،،،،،،،والعين جاها من السهر ما كفاها

بالعون ما قصرت يا غاية الكيف
،،،،،،،،،،،،،،،،،،،بس الليالي قصرت في وفاها

لا تحسب الدنيا تجيلك على الكيف
،،،،،،،،،،،،،،،،،،،كلن يموت وحاجته ما قضاها

[نسيم]

قل له تراه اخطا وانا مثبتٍ ماأخطيت
،،،،،،،،،،،،،،،،،،،،، واخطا علي يوم اقصرت بي المواجيبي

[محتاره فيك]

هههههههههههههه
صدق انكم توسعون الصدر

[نسيم]

الله عطاني مـن غـلاه وعطيتـه
،،،،،،،،،،،،،،،،،،،،،،وغيره بغى مني ولانيـب معطيـه


له منزل" في وسط روحـي بنيتـه
،،،،،،،،،،،،،،،،،،،،،،،جدرانه ضلوعي وهو ساكن" فيـه



ياجعـل يسقـى عادنـــــي لا بغيتـه
،،،،،،،،،،،،،،،،،،،،يغفى على ضلعين صدري وأصحيه

ما فيه شخص في حياتـي بكيتــــه
،،،،،،،،،،،،،،،،،الا الذي قد مـات مانيـب راجيــــه

لكـن هـو حــــــي ومـع ذا رثيتـه
،،،،،،،،،،،،،،،،،،،،،،،،من قلبي اللي أحسـن الله تعازيـه

حملـت قلبـي بالهمـــوم ورجيتـه
،،،،،،،،،،،،،،،،،،،،،،كني ما عرف الا غيابـه وأحاتيـه

أقـول بنسـى وأثرنـي مانسيتـه
،،،،،،،،،،،،،،،،،،الحب الأول صعب نسيان راعيـه

[نسيم]

هههههههههههههه


صدق انكم توسعون الصدر

المبروك اللي يوسع الصدر.
الله يوسع صدرك بالعافية اختي الكريمة

[نسيم]

ما فيه شخص في حياتـي بكيتــــه
،،،،،،،،،،،،،،،،،الا الذي قد مـات مانيـب راجيــــه

[نسيم]

العام رجلي بالطويله تعدي
،،،،،،،،،،،،واليوم كني مكتف الرجل تكتيف

[نسيم]

ولعتنـي فـي هـواك وصـرت بـك هـايــم
،،،،،،،،،،ما عاد لي شي غير أراضيك وأشعر بك

وخليـت قلبـي مـع حـوم السمـا حايـم
،،،،،،،،،،،مـــا قـلــت خـلــك ولا هنـيـتـه بـقـربــك

لا تحـطـنـي عـرضــة الـنـقــاد والــلايــم
،،،،،،،،،،،و أنـا علـى صافـي النيـات مبـحـر بــك

[نسيم]

سود آللياليَ علمتنيَ حآجتين
.............. إن الحيآة دروس والعيشَه كفاح

آن حآربونيَ بالنجآح السآقطين
.............. أقول حرب السآقطين أكبر نجآح

[نسيم]

الوقت يجبرني أجازف بفرقـاك
............ والا فراقك غصب عني مااطيقه

قبل الرجا ياصاحبي بطلب ارضاك
................. تتفهم اوضاعي بأية طريقه

لعل قلبي يزيدني صبر وانسـاك
............... وياكيف يقوى القلب ينسى صديقه

لا لا تقـول انـي أتسلـى بدنيـاك
.................... لا والله انك سلوتي و الحقيقه

أخاف أحبك يوم وتضييع ما القاك
............... تبقى دموعي وسط عيني غريقه

أودعك من قبل لحظات فرقاك
................. وابى ابتسم لك أبتسامـه رقيقـه

أذكر خيالي كل ما زار ذكراك
...................... ومرك مابين الثانيه الدقيقه

هذه مشاعر جات يمك وتنصاك
.................. والا فراقك غصب عني مااطيقه

[قالب ثلج]

انت تخيل شكله وهو يزحف حدر الموتر يبي الظلال .
لا ويبي فطور ذابحه الجوع!!!!!!!
مخاوي تمير يشجعنا على الحكي ورفيقنا ونمون عليه مال احد دخل فيه،اذا حكينا في غيره يالمهند يجون ويحاسبونا او انا غلطان؟
ابد تخيله وهذا اللي حاصل وتخيل الفنيلة العلاق وهالسروال القصير واحد اطول من واحد وكله شعر يروع والله يالمهند،انتبه تروح معه.

خخخخخخخخخخخخخخخخخخخخخخخخخخخخخخخخخ
الله يقطع شيطانك يانسسسسسسسسسسسسسسسيم
غشيت من الضحك
تخيلت شكله تحت الموتر ليتك فقعت تحته شرخ خخخخخخخخخخخخخخخخخ

[نسيم]

خخخخخخخخخخخخخخخخخخخخخخخخخخخخخخخخخ
الله يقطع شيطانك يانسسسسسسسسسسسسسسسيم
غشيت من الضحك
تخيلت شكله تحت الموتر ليتك فقعت تحته شرخ خخخخخخخخخخخخخخخخخ

تصدق عاد ان هالقصة حصالة علي لكن حطيتها في مخاوي تمير .ومخاوي تمير اسمه يزّين السوالف الله يسلمه ومعطيني الضوء الاخضر.
تحياتي لك

[الأنيق]

نسيم الطيبه
نسيم الكرم والجود
بشرني عنك

[نسيم]

شر التماسيح انتبه معي شوي !
بعض الناس ينطبق عليه المثل المشهور (أمارة العبد)
هذولا قوم غازين وقالوا نبي نخلي فلان امير علينا وهو عبد،المهم من يوم مشوا للمغزا ،وهو مرة يقول نوخوا ياقوم يعني اجلسوا ،والى من جلسوا وارتاحوا جاهم يركض ثوروا ياقوم يعني امشوا،وهو يمتحنهم العبد مرة ثوروا ومرة نوخوا،ويوم دبل كبودهم ،قالوا القوم انت وش جاك علينا مرة نوخوا مرة ثوروا ،قال عشان تدرون اني امير!!!!!
قالوا القوم هذا قصدك؟قال العبد ايه. قالوا القوم الخلا لعنبو اللي انت عبده عاقبتنا كل يوم ،الخلا لابوك لابوك امارتك يالعبد .

هذي قصة قديمه فقط .

[نسيم]

نسيم الطيبه

نسيم الكرم والجود

بشرني عنك

هلا والله بصديقي الانيق .
ابشرك طيب دامك طيب

[نسيم]

ودعـت مــا ضــي حبـنـا وانتهيـنـا
،،،،،،،،،،،،،،،،،،،،،وقـلـب نسيـتـه يــوم لابــد ينـسـاك


من سكرة الحب الصناعي صحينـا
،،،،،،،،،،،،،،،،،،،،حتى المجالس عفتها خوف ذكراك


حــب جـديـد غـيــر حـبــك لقـيـنـا
،،،،،،،،،،،،،،،،،،حديتـنـي جـعـل اللـيـالـي تـحــداك

[نسيم]

منك انتهينا يا مخيب رجـــــانا
،،،،،،،،،،،،،،،،،،،،الصبر طال وعذبتنا المشــاوير

في موت حبك يجبر الله عزانا
،،،،،،،،،،،،،،،، بيدك رميته لا تقول المقـــــادير

لولاك حنا ما تبدل غلانــــــــا
،،،،،،،،،،،،،،،كل الوفاء منا ولا منك تقـــــدير

قلنا سحابة صيف تعبر سمانا
،،،،،،،،،،،،،وتزول ماله في سماء الحب تأثير

غدرك على نسيان حبك حدانا
،،،،،،،،،،،،،،هذي سواتك ماتفيد المعــــــاذير

عفناك واللي عالمٍ في خفـــانا
،،،،،،،،،،،،البعد عنك أرحم وقلبك مع الـغير

تبيعنا واليوم تبكي هـــــــوانا
،،،،،،،،،،،،،لا يا عديم القلب فرقاك لي خـير

[قالب ثلج]

شر التماسيح انتبه معي شوي !
بعض الناس ينطبق عليه المثل المشهور (أمارة العبد)
هذولا قوم غازين وقالوا نبي نخلي فلان امير علينا وهو عبد،المهم من يوم مشوا للمغزا ،وهو مرة يقول نوخوا ياقوم يعني اجلسوا ،والى من جلسوا وارتاحوا جاهم يركض ثوروا ياقوم يعني امشوا،وهو يمتحنهم العبد مرة ثوروا ومرة نوخوا،ويوم دبل كبودهم ،قالوا القوم انت وش جاك علينا مرة نوخوا مرة ثوروا ،قال عشان تدرون اني امير!!!!!
قالوا القوم هذا قصدك؟قال العبد ايه. قالوا القوم الخلا لعنبو اللي انت عبده عاقبتنا كل يوم ،الخلا لابوك لابوك امارتك يالعبد .

هذي قصة قديمه فقط .

هذي المناصب وماتسوي يانسسسسسسسسسسسسيم
تخلي الواحد ينسى اهله

[نسيم]

هذي المناصب وماتسوي يانسسسسسسسسسسسسيم
تخلي الواحد ينسى اهله
الله اقوى ،راح العمر وحنا نراكض ، ويا الله على بند الحكي ، بوظيفة عضو مع اشراف مؤقت على وجه تقاعد!!!!!!!!

[نسيم]

خايف عليك ومنك بالحيـل خايـــف
،،،،،،،،،،،،،،،،،،،عزي لقلبي يجمع الحب والخــــوف

خليت قلبي والشقـاء بـك ولايـــــف
،،،،،،،،،،،،،،،،،،قلبي عمى وش عاد لو عيني تشوف

عمري قضى ماقلت لك واحسايـف
،،،،،،،،،،،،،،،،،،،،عندي نهايه درب الاشواق معروف

جرحت قلبـي يا عديـم الوصايـــف
،،،،،،،،،،،،،،،،،،،،ماظن تشرح ما بقلبي لـك حـــروف

قلبي لغيـرك لـو تغليـت عـــــايـف
،،،،،،،،،،،،،،،،،،،،حبك ملك قلبي ونسانـي الخــــــوف

[نسيم]

لو طال صبري يا هوى البال له حد
،،،،،،،،،،،،،،،،،،،،،،ماودي إنك توصل الصبر حده

لا تجرح المشتاق في قاسي الـــرد
،،،،،،،،،،،،،،،،،،،قلبي عن الفرحه معك لا تـــــلده


قلبي معك والله ماخنت لك عـــــهد
،،،،،،،،،،،،،،،،،ليت الحنان اللي مضى لي ترده

[قالب ثلج]

الله اقوى ،راح العمر وحنا نراكض ، ويا الله على بند الحكي ، بوظيفة عضو مع اشراف مؤقت على وجه تقاعد!!!!!!!!

انت الرابح
بس منصبك الجديد اشراف متقاعد متميز ناقصه خان
ويطلع باكستاني خياط خخخخخخخخخخخخخخخ

[نسيم]

نحن الان في مرحلة المنعطف الاخير ،ودائما المرحلة الاخيرة تكون صعبه وخطيرة لان فيها تحديد مصير!
الثقة الزائدة في النفس تخون صاحبها،وكثير كثير من الناس راح ضحية ثقته في نفسه لانه افرط الثقه ،وقدراته اقل من ثقته في نفسه،لانه لم يضع نفسه في اختبار حقيقي ويجرب كيف يمشي وحيد ويعتمد على قدراته الذاتيه.وسائل المساعده همشّها .
النجاح يعتمد بعد توفيق الله على امور اساسية منها/
الاعتماد على الله سبحانه .
تصفية النفس من الاحقاد والمنافسات الغير شريفه.
حب الخير للجميع .
الابتسامة والحضور المستمر.
عدم التنكر والحرص على ارضاء الجميع بقدر المستطاع.
ابداء حسن النية .
الابتعاد عن مايثر حفيظتك .
لاتستمع لكل مايقال .
الصدق والصبر وهذا اهم شي.

[نسيم]

انت الرابح
بس منصبك الجديد اشراف متقاعد متميز ناقصه خان
ويطلع باكستاني خياط خخخخخخخخخخخخخخخ
اقول ماجاء من الاجواد مبروك .
والله اني معلمهم من مبطي لكن حي فالها نشخص بها وعساها تصير مثل الحصانه الدبلوماسية .

[نسيم]

بعض البنات بعقلها عقل رجال
،،،،،،،،،،،،وبعض الرجال يسّيرنه خوآته

[نسيم]

صعب الكلام هذا بس نجرب كود نقراه والا التطبيق مافيه امل لان العقول ما راح تستوعبه بهذه البساطه

يارب ان أعطيتني نجاحا فلا تأخذ مني تواضعي
وان أعطيتني تواضعًا فلا تأخذ إعتزازي بكرامتي

وان أسأت إلى الناس فامنحني شجاعة الإعتذار
وان أساء الناس إلي فامنحني شجاعة العفو

[نسيم]

تحاشي معي الأسئلة كي لا تجبريني على الكذب .
يبدأ الكذب حقاً عندما نكون مرغمين على الجواب
ما عدا هذا فكل ما سأقوله لك من تلقاء نفسي هو صادق ..

[نسيم]

أي علم هذا الذي لم يستطع حتى الآن أن يضع أصوات من نحب في أقراص ،
أو زجاجة دواء نتناولها سرًّا ،
عندما نصاب بوعكة عاطفية بدون أن يدري صاحبها كم نحن نحتاجه ..

نتمّنى ذلك ههههههههههه

[نسيم]

ارخصت نفسي لك واشوفك تحداني
،،،،،،،،،،،،،،،،،حبل الهوا والموده يابعد روحي

[النادر]

صباح الخير يانسيم اخبارك
وش هالحش انت والمهند
ترى تجينا الاخبار وش فيها
نومة السطح والله ترد الروح
جربها مره وشف
عافاك ربي على هالمدونه والتي
اشوفها متنفس لكثير من الاعضاء

[نسيم]

صباح الخير يانسيم اخبارك
وش هالحش انت والمهند
ترى تجينا الاخبار وش فيها
نومة السطح والله ترد الروح
جربها مره وشف
عافاك ربي على هالمدونه والتي
اشوفها متنفس لكثير من الاعضاء
صباح النور يالنادر.
ماهوب حش ،مار ميانه وغلا .والمهند سبب المشاكل كلها !!!!
السطح زين لكن معد في شدة رقيه ونزله ،الركبه شوي ماتساعد.
الله يعافيك يالنادر ويحيي الجميع في اي وقت

[نسيم]

ماودي تجرح شعورك كلمـةٍ منـي
،،،،،،،،،،،،،،،وانته حياتي وعمري ومهجة فؤادي
ودي تعيش العمر راضي ومتهنـي
،،،،،،،،،،،،،،،،،مرفوع راسك عليك (http://forum.kuwaitup.com/t60365.html)العـز متبـادي

[نسيم]

سود آللياليَ علمتنيَ حآجتين
.............. إن الحيآة دروس والعيشَه كفاح

آن حآربونيَ بالنجآح السآقطين
.............. أقول حرب السآقطين أكبر نجآح

[نسيم]

لاصار نك ../ الوليف ،، ماهو على النت
،،،،،،،،،،،،،،،ينعاف // نت ٍ دون ،، شوفـه ولقياه ~

[نسيم]

لك مني ابكي كل ماحل طاريك
،،،،،،،،،،،،،،لين البكاء يصبح مع الوقت عاده
مهما حصل يازين ماني بناسيك
،،،،،،،،،،،،،،،اسمك نقشته دمع فوق الوساده

[نسيم]

حبك بقلبي مثل وشم على كف .."
...................يموت راعي الكف "
.................................والوشم موجود

[نسيم]

ماني على فرقاك يازين قاوي ،،،،،،،،،
منهو عاد هالزين؟؟؟؟؟؟؟؟؟؟؟؟؟؟

[نسيم]

عودت نفسي على الصدمات و الفجعه !!
،،،،،،،،،،،،،،،،ولو دست جمر الزمن ما ينحني رأسي

[نسيم]

ابطى جوابه والرسايل قليله.."
،،،،،،،،،،،،،،،،،،،،،والشوق يدفعني على كل الأحوال..!
صحيح قلب المؤمن أصبح دليله.."
،،،،،،،،،،،،،،،،،،،،،،لكن قلبي ماعرف راحة البال..!
تحياتي
لك

[نسيم]

من أمس قلبي خفقته ماهي بخير..
،،،،،،،،،،،،،،،،،،من يوم غابت عن سمايه بروقك..

يومين وهمومي بقلبي طوابير..
،،،،،،،،،،،،،،،،،،،،،،،وأنت الوله عيا يبلل عروقك..

كانه بخل..؟حول علي الفواتير...!!
،،،،،،،،،،،،،،،،،،،،،،،،،،وكانه ثقل..يلين الله خفوقك..""

[نسيم]

تلف هالدنيا على الناس وتدور..
،،،،،،،،،،،،،،،،،والزمن عندك توقف ولا دار..!

أدري مقصر بس لاصرت مجبور..
،،،،،،،،،،،،،،،،ودي تسامحني على حكم الاقدار..

كني بدونك..عقد لاصار منثور..
،،،،،،،،،،،،،،وش يجمع المنثور دام الزمن جار..!!"

[نسيم]

من كثر حبي لك .. يقولون : مسحور !!
وإن كان حبك سحر .. فلا ابغى علاجه ..

خله يسلّي خافقن فيك مغرووور !!
مادام سحرك غايته وابتهاجه ..

قلبن يحبك لاتخليه مقهـور !!
أدخل على الله لاتكدر مز111جه

[نسيم]

الله من ليل سهرته
لحالي
يوم السماء غيمه يغطي
نجومه
نامت عيون اللي من الهم
خالي
ما هو بمثلي يحترق في
همومه . هم يهدم نايفات
الجبالي . الليل طول
وأزعجتني حلومه
مايسهر ألا من فقد شوف
غالي
يرعي خياله طول ليله
ويومه

[نسيم]

بدا الزعل مابين الاحباب عزاه
،،،،،،،،،واصبح يلوع صاحبه بالغرابيل

[نسيم]

فيه شي محير اللي هو الزعل!!!!!!!
وشلون يزعل الواحد ؟
وش الاسباب ؟
الى متى وانت زعلان؟
افرض انك زعلت وصملت علىالزعل وش تبي تسوي؟
طيب انت زعلت زين وخلاص اتخذت القرار اللي هو الزعل ،مرت الايام ومرت الايام لين هذا خويك اللي انت زعلت عليه يمشي قدامك!
وش موقفك؟
يعني تبي تمر من عنده منتب قايل سلام عليكم يا الله حي فلان وش علومك.
اتوقع ان الانسان السوي والسليم العاقل يبي يسلم، ويقول الدنيا مافيها خير، ويسامح رفيقه.لكن اللي يبي يمر كنه مايعرفه هذا قلبه حجر.
ترى الدنيا ماتسوى من يزعل فيها .وشي طبيعي اذا جاء زعل او اختلاف وجهات نظر لازم يكون واحد مخطي لكن التغاضي مبروك.
اذكر ايامك الجميلة مع خويك او رفيقك او صديقك اذا زعلت منه ، كل شي حلو مر بك معه تذكره وراجعه صدقني ان يطيح اللي في خاطرك ولا تستمع للنمام ونقالين الكلام لانهم يدهورونك ويزيدون الجفاء بينك وبين ربعك .

[نسيم]

سلام ياكاسب غلا كل مغليك...
يامالك زمان المراجل بيمانك...
الطيب ساسك والعرب عزها فيك...
لا ضاعت علوم الرجاجيل تنصاك...
ربعك تفاخر وتفتخر بطاريك...
لاهان ذاك اللي على الطيب رباك

[نسيم]

انــا...بــخــيروجــرحـك الــدااااامــي بــخــيــر...

.................................................. ......ابـشــــرك...طـبـت وخــفــووووقــي تـعــــافــى...

مـاقــلــت...لــك انـي عـن اهـل الـهــواءغــيــر...

.................................................. ......وانـي...الـيــاقــلــت اتـشـــاااافــى..اتــشــافـــى...

بـشــايــة...ولــي الـعـــرش راااااع الــتــدابـيــر...

.................................................. .....اللــي...جـعــــل بــين الـقــلـــوب إئــتــــلافــــى...

لااكــفـخ...بـجــنـحـان الـجــفـا كـفــخـةالـطـــيــر...

.................................................. .....ولا...اكـســر جـنــاااحـي لــويـســـتل خـــلافــــى...

مـاعـــدت...احــسب للــعـــناء والــمـخــاســــيــر...

.................................................. .... شــاااام...الــخــفوق وشــفـت فــيـه ارتــجـافـــى...

[نسيم]

ياليت ربي ما خلق حب وفـراق=والا خلق حبٍ على غيـر فرقـا
بيتن يخلي ضايق الصدر يشتـاق=لمعانق ايـام الصبـا لـو تبقّـا
ياليت حظي ما تعثـر ولا بـاق=ولا شفت وقتٍ فيه قمـت اتوقّـا
من عانقوا دربي قليلين الاوفـاق=وانا على ماقيـل حالـي تشقّـا

[نسيم]

نضـرب خطانـا بالعصـا لاخطيـنـا
حتى ولوكان الخطـا غيـر مقصـود

ومانزعل اصحـاب الجمايـل علينـا
هذا وحنـا نجـزي الجـود بالجـود

يكبـر غضبنـا لاتـعـزوي حديـنـا
نرضيه لو نبذل على ارضاه مجهـود

واليـا انتخـن المترفـات اعتزيـنـا
نفزع ولا نرضى على البنـت منقـود

[نسيم]

الظلم لو فازوا هله مـا يدومـون
،،،،،،،،،،،،،،،راع الظليمـه لاتباطـى مطيـحـه

[نسيم]

راعي الذكا والعقل وان صار ما صار
،،،،،،،،،،،،،،تسمع له الكلمه ويسمع له الشـور

واحفظ شرف نفسك عن الذل والعار
،،،،،،،،،،،اتبع رجال الحق واترك هل الجـور

حنا بوقـت فيـه اجاويـد واشـرار
،،،،،،،،،،،،،،،تالـي زمـان بالتواريـخ مذكـور

شفنا من العـادات تغييـر وانكـار
،،،،،،،،،،،،،اخر زمـان وكـل نـاس لهـم دور

اليوم كسب الرجل في غض الانظار
،،،،،،،،،،ماله ومال الناس عـاري ومستـور

[نسيم]

ورجلن تشوفه جسم وعيون ويدين
،،،،،،،،،،،،،،،،ولولا الشعر ما تفرقه من خواتـه

[نسيم]

يوم الزمـان بطربتـه موجهلـي


،،،،،،،،،،،،،،،،كنـي مـدور حاجتـن وأذكرولـه



واليوم طاري الحب خلـه يولـي


،،،،،،،،،،،،،،قلبي على المطراش ريـح ذلولـه



من يوم بان الشيب في عارضن لي


،،،،،،،،،،،،،،والكبر بانت في عظامـي افعولـه



اليوم جزت مـن الجهالـه لعلـي


،،،،،،،،،،،،،،،،مثل الذي فـي توبتـه باركولـه



أيامي اللي من قديم أضحكن لـي


،،،،،،،،،،،،،،،أقفت كما نشرن بعيـدن محولـه

[نسيم]

الابيات تحتاج توضيح او شرح لان الكثير مايعرف المفردات القديمة لذا انا مجبور اتعبي نفسي شوي حتى تعرفون قيمة القصيد وتستمتعون

[قالب ثلج]

نسيم صبحه بالخير
اليوم ماسكه معك على قصيد
ماحولك احد نمزمز عليه خخخخخخخخخخخخخخخخ

[قالب ثلج]

وش رأيك يانسيم نقلب الصفحه على القصيد الجديد لان قصيد الاولين معقد زي حياتهم يبي لك واحدن حارب مع الملك عبدالعزيز و لاحق عليهم يترجم لك وش يحضرمون خخخخخخخخخخخخخخ

[نسيم]

نسيم صبحه بالخير
اليوم ماسكه معك على قصيد
ماحولك احد نمزمز عليه خخخخخخخخخخخخخخخخ
صباح النور يابوتمساح.
اليوم الدش مفتر ،ولايمنع ان حنا نفره على ربع قريبين بس نبيها مشفره ،فيه واحد غبي تبي نوجه عليه؟

[نسيم]

وش رأيك يانسيم نقلب الصفحه على القصيد الجديد لان قصيد الاولين معقد زي حياتهم يبي لك واحدن حارب مع الملك عبدالعزيز و لاحق عليهم يترجم لك وش يحضرمون خخخخخخخخخخخخخخ
ودي والله لكن القصيد الجديد والله ماحبه .والقصيد الجديد ترانا نستخدمه بعض الاحيان اذا بغينا والا نوينا نتشبب !!!!!!!!!!ونشخص
قدام الربع .

[قالب ثلج]

وش رأيك نتكلم عن الوزره
ومنها نعرج على اللي بالي بالك خخخخخخخخخخخخخخخخ

[الأنيق]

حـمــام يـالـلـي عـلــى نـبـنــوب
فــــي شـيـلــه الــفــن بـيـطــاره

بالله علـيـك انـحــر الـرعـبـوب
واســجــع بــفـــنٍ عــلـــى داره

وان قال وش لك من المطلوب
قــلْ لـــه مـــن الـولــف زواره

الـــى تـبـسـم حـسـيـن الــــذوب
حـــصٍ فـلــق عــنــه مــحــاره

[نسيم]

اليوم جزت مـن الجهالـه لعلـي


،،،،،،،،،،،،،،،،مثل الذي فـي توبتـه باركولـه



أيامي اللي من قديم أضحكن لـي


،،،،،،،،،،،،،،،أقفت كما نشرن بعيـدن محولـه


يقول الشاعر ايامي اللي قديم اضحكن لي ،يقصد وقت الشباب والطرب والغزل،لكن اليوم يقول
اقفت كما نشرن بعيد محوله اي (شبه توبته او عزوفه عن ماكان يفعله في الماضي بالنشر والنشر هو ممشى الابل في الصباح الباكر ويقصد محوله بالمحوال اي الرحيل في اتجاه الشرق لان البدو لهم تنقلات محسوبه مثل الصيف والشتاء)
الصيف مسناد،والشتاء محوال ،مثل اذا قال حيلين بلابل .

[نسيم]

وش رأيك نتكلم عن الوزره
ومنها نعرج على اللي بالي بالك خخخخخخخخخخخخخخخخ
خلاص تفضل بس قبل نبدء في الوزره نبي نحدد لونها!!!!!عشان نقلع ونحلق في السماء .

[نسيم]

حـمــام يـالـلـي عـلــى نـبـنــوب

فــــي شـيـلــه الــفــن بـيـطــاره

بالله علـيـك انـحــر الـرعـبـوب
واســجــع بــفـــنٍ عــلـــى داره

وان قال وش لك من المطلوب
قــلْ لـــه مـــن الـولــف زواره

الـــى تـبـسـم حـسـيـن الــــذوب
حـــصٍ فـلــق عــنــه مــحــاره






حص فلق عنه محار !!!!!!!!!!ياسلام عليك يا انيق.
والا يقول الشاعر الاخر/
لاتبسم باللي كما صافي اللول ،،،،،،،بين الشفايا والكلام معسولا .

وش بقي من الزين علمني ؟
الانيق والله اني تبت عن هالكلام لكن حديتني عليه .

[قالب ثلج]

عاد لونها يحددها لنا المهند هو اول من ادخل الوزره لتمير خخخخخخخخخخ
ولان الوانها تجي غريبه

[نسيم]

عاد لونها يحددها لنا المهند هو اول من ادخل الوزره لتمير خخخخخخخخخخ
ولان الوانها تجي غريبه
المهند هو من ادخل الوزار على هذا البلد الطيب ،الله يهديه سن سنة ماله داعي .
الوزرة لها استخدام معين بس حنا ماعرفناه، ولها سنع والظاهر ان اسمها يدل على السرعه في الحركه والانجاز .المهند يلبسها وهو لابس بنطلون طويل!!!!يعني اساء استخدامها.

[المهند]

والله يا مسكت لك تمساح يالتمساح ...

أنا أحسب أنه قوي .. وأثر ما عندك أحد ..

http://www.up-tumaer.net/tumaer/download.php?img=2239

أثر الضب أشر منه .. لكن توه مدروخ ومطلع من الماء ...

على طاري الوزره ... لقيت أنها يمنع استعمالها عند اللي يلبسونها .. يعني يوم لبستها في سيرلنكا .. .قاموا يناظروني بعين تروع ..

[الأنيق]

ياعاذلين الشجي خلوه
الله يرشد بهم نوه

قل للهباسين لاسالوه
يخفي هوى مي ويموه

دليت باب ولا دلوه
فيه العجاريف ومروه

وارخيت دمع عليه اغلوه
كنه على وجنتي فوه

[نسيم]

ياعاذلين الشجي خلوه

الله يرشد بهم نوه

قل للهباسين لاسالوه
يخفي هوى مي ويموه

دليت باب ولا دلوه
فيه العجاريف ومروه

وارخيت دمع عليه اغلوه

كنه على وجنتي فوه

هذا النوع من الشعر يسمى الزهيري يالانيق ،واكثر من يقوله اهل البصرة في العراق.

وفيه بيت جميل يقول فيه

نفعك لغيري وهمك بس انا شايله

[نسيم]

والله يا مسكت لك تمساح يالتمساح ...


أنا أحسب أنه قوي .. وأثر ما عندك أحد ..

http://www.up-tumaer.net/tumaer/download.php?img=2239

أثر الضب أشر منه .. لكن توه مدروخ ومطلع من الماء ...


على طاري الوزره ... لقيت أنها يمنع استعمالها عند اللي يلبسونها .. يعني يوم لبستها في سيرلنكا .. .قاموا يناظروني بعين تروع ..

بالله عليك اجل التمساح شكل بس؟وانا احسبنه خطير ،ايه يالمهند لاتغرك الاشكال .
الضب الضب يروع وبعض الاحيان تخف منه لو انه هاجد تخاف يتكلم ،خصوصا الى من نزل راسه ويناظرك من تحت ،لكن الى من صار هايش ماعليك منه .
اكيد تجي في ديرة ما يلبسون الا وزره ويمكن الوزره عندهم رمز ولبس رسمي تجي انت وانا نتعبث فيه ،اكيد بيقولون هذا يستهتر بنا.

[نسيم]

النفوسَ آلوآفيهْ : رغمْ آلمصآعِب مآتميل
،،،،،،،،،،،وآلسمآ ، كِثر آلسحبْ مايغطي نورهآ. !

[نسيم]

هل الفشل له علامات؟
هل فيه احد يستطيع ان يحدد وقت زمني لفشل عمل ماء؟او يملك الشجاعة في اصدار حكم نهاية امر ماء ؟
مثال بسيط على مصنع كان له دور وانتاج!
هل الادوات او الاشياء المستخدمة القديمة والمتهالكه لها دور في فشل مصنع، مع العلم ان المصانع الجديدة تملك احدث الالات والعماله مهندسين يحملون مؤهلات دراسية ؟
هل التقنية الحديثة مغيبه عن هذا المصنع؟

[» اِلـَوَفْآءْ بـِنْـتْ]

مسآء الَخيرَ : نسيمَ
متآبعة لـَ مدونتكَ المختلفة والرآئعة , فـَ لـآتحرمنآ هطول حروفكَ هنآ ,
آحترآمي |http://www.5foq.com/vb/smail/rose.gif

[نسيم]

مسآء الَخيرَ : نسيمَ
متآبعة لـَ مدونتكَ المختلفة والرآئعة , فـَ لـآتحرمنآ هطول حروفكَ هنآ ,
آحترآمي |http://www.5foq.com/vb/smail/rose.gif
مساء النور والسرور.
متابعتك وحضورك واشادتك ترجح الموازين ،وترفع المعنويات لان حضورك مع اي عضو يعتبر مكسب وانجاز يختصر الطريق نحو النجومية والظهور.بغض النظر عن مكانتك الرفيعة في ادارة المنتدى.
تحياتي لك
نسيم

[نسيم]

اعذروني عن القصور في التعبير لاني مزكوم ولا اقوى احكي .

[نسيم]

وان كان قصدك تغلي مر لو بالشهر
.............. ارتاح لاشفت انا عينك وحجانها

[» اِلـَوَفْآءْ بـِنْـتْ]

تسلمَ يَ نسيمَ , شهآدة آعتز فيهآ , يَ جعلي َ مابكيكَ ,
وسلامتكَ منَ التعب ,
آشربَ كآس ليمونَ معَ 2 حبة فيفآدولَ وقدآمكَ العآفية أنَ شآء اللهَ | http://www.5foq.com/vb/images/smilies/CE_DP_Stealer.gif http://www.5foq.com/vb/smail/119.gif

[النادر]

عافاك الله اخوي نسيم
وخل عنك البارد
كلمة حق نسائمك اصبحت مرعى خصب لكل متذوق
لما تحتوي من تنوع المواضيع والامثال الشعبيه
واصل والله يوفقك

[نسيم]

تسلمَ يَ نسيمَ , شهآدة آعتز فيهآ , يَ جعلي َ مابكيكَ ,
وسلامتكَ منَ التعب ,

آشربَ كآس ليمونَ معَ 2 حبة فيفآدولَ وقدآمكَ العآفية أنَ شآء اللهَ | http://www.5foq.com/vb/images/smilies/CE_DP_Stealer.gif http://www.5foq.com/vb/smail/119.gif

شهادتي تعتبر ولاشي بالنسبة لك ولمكانتك العالية لكن هذا اللي نقوى عليه مافي يدي حيله غير الحكي .

يعني الفيفادول غير البنادول (بيني وبينك هذا علاج ضعوف).
والليمون والله ماله سنع يحرق الكبد ويجيب الحرقان .

[نسيم]

عافاك الله اخوي نسيم
وخل عنك البارد
كلمة حق نسائمك اصبحت مرعى خصب لكل متذوق
لما تحتوي من تنوع المواضيع والامثال الشعبيه
واصل والله يوفقك
اليوم امي داعية لي .
الادارة بكبرها عندي!!!!!!!
النادر قل امين جعلي مفقد زولك وجعل من جابك للجنة .حقيقة اني علاج تو ماصار، واعتبر اني ماكل كرتون بنادول .
شهادتك والله مقدر اصفها ابد ،وش اقول يالنادر ؟يكفي كلامك انت والاخت الوفاء بنت.

الله يوفقك قل امين

[نسيم]

عز الله انه صار نومي تقاطيـع
،،،،،،،،،،،،،،،،،،وانا الذي كــــنت ارقد الليل كله

لانمت ليله تسهر العين اسابيع
،،،،،،،،،،،،،،،،،،،والوقت يمضي ماقدرت استغله

مره من الاوهام نبني مشاريـع
،،،،،،،،،،،،،،،،،،،،ومره تهدمها الحياة الممله

[نسيم]

على ذكر الايام القديمه وعهد فات
،،،،،،،،،،،،،،،،،اقوم اتذكر ماطوت صفحة الماضي

واكرر عبارات الندم وانثر العبرات
،،،،،،،،،،،،،،، هموم على قلبي طويلات وعراضي

ويا ونتي ونه تعادل عشر ونات
،،،،،،،،،،،،،، ويادمعي اللي من على وجنتي فاضي

على واحد لا هو بحي ولا هو مات
،،،،،،،،،،،،،،،،،،،، ادوره في كل المواطن والاراضي

ولا راحت الدنيا بمثله ولا قد جات
،،،،،،،،،،،،،،،،،،،، كريم بخيل عنه ماني بمعتاضي

[نسيم]

ارجوك جفت دموعي (http://www.z60z.net/vb)لاتبكيني
،،،،،،،،،،،،،يكفيني ياللي من الهجران قاسيته

ياما من الدمع من اجلك هلته عيني
،،،،،،،،،،،،،،،لوحيت طاريك غالي الدمع هليته

متدري انه عليك الوجد طاويني
،،،،،،،،،،،،،،وماتدري اني عليك الليل ماامسيته

ماتدري انك بنار الحب كاويني
،،،،،،،،،،،،،،،،وماتدري اني عليك الشوق غنيته

[نسيم]

دخيلك تخلي ضايـق الصـدر فـي حالـه
،،،،،،،،،،،،،،،،،تـرانـي عـلـى حـــد الـبـكـا لاتبكـيـنـي

[نسيم]

من روائع الشاعر الامير سعود بن بندر بن محمد ال سعود الله يرحمه ،امير بكل معاني لامارة لمافيه من الخصال الحميده .شاعر من الطراز الاول احتل القمة الشعرية في تلك الفترة ولايزال شعره موجود يتناقله الرواة.
وهذه القصيدة تعتبر نموذج فقط من قصائده الله يرحمه رحمة واسعة .

لاتعتذر ذي غلطتي ليش حبيتك ..........
..........الله ولا حبً على الذل يحداني

خيبت ظني فيك ياما ترجيتك..........
..........حطمت قلبي حسبك الله يا الجاني


أحسبك لامن جيت تفرش لنا بيتك..........
..........واليوم أشوفك صار همك تحداني


يا ما أحتملت اللوم دونك وداريتك ..........
..........حتى خطاك أرفاه وأسترك برداني


رفعت عند الناس لجل الهوا صيتك ..........
..........خلدت يالمغمور ذكرك بالألحاني


كم غالي ضحيت برضاه وأرضيتك..........
..........وسهرت لك ترتاح في نومك الهاني


ومنين ما لقيت وجهي تمنيتك..........
..........وأحسبك مثلي في غيابي تمناني


أنا أحمد الله بان عيبك وخليتك..........
..........وطيت حبك بالقدم قبل ياطاني

[» اِلـَوَفْآءْ بـِنْـتْ]

والليمون والله ماله سنع يحرق الكبد ويجيب الحرقان .


صبآحكَ خييرَ يّ نسييمَ ,
دآمَ الليمونْ يجييبَ لكَ حرقآنْ ويحرقَ الكببدَ , آشربَ لكَ زنجبييلْ بس أخآفَ يجييب لكَ مرٍ فيّ سبدك http://www.5foq.com/vb/emoticons/20.gifhttp://www.5foq.com/vb/emoticons/20.gif
بسَ عسآكَ آحسنَ الييومَ http://www.5foq.com/vb/smail/sm/dry.gifhttp://www.5foq.com/vb/images/smilies/CE_DP_Stealer.gif

[الأنيق]

الوفاء ترى نسيم يبي يقول من عقب سؤالك وأنا بزود عافيه

[» اِلـَوَفْآءْ بـِنْـتْ]

ههههههههههههههههههههههههههه
والله مآهقيتهآ يَ الآنيقَ , نسيمَ شرسَ , وشوفتيّ تمرضة أكثرَ | :tongue:

[الأنيق]

أمحق شراسه نسيم شكله مانقصه إلا لين الكلام

نسيت لا أصبح عليك
أسعد الله صباحك

[نسيم]

صبآحكَ خييرَ يّ نسييمَ ,
دآمَ الليمونْ يجييبَ لكَ حرقآنْ ويحرقَ الكببدَ , آشربَ لكَ زنجبييلْ بس أخآفَ يجييب لكَ مرٍ فيّ سبدك http://www.5foq.com/vb/emoticons/20.gifhttp://www.5foq.com/vb/emoticons/20.gif
بسَ عسآكَ آحسنَ الييومَ http://www.5foq.com/vb/smail/sm/dry.gifhttp://www.5foq.com/vb/images/smilies/CE_DP_Stealer.gif

صباح النور اختي الوفاء بنت .
يقول المثل على المرء شرب الدواء لو كان مر.الليمون حامض والزنجبيل حار والكبد فيها اللي مكفيها من الحروره .
لكن الليمون والزنجبيل مايجي احر من غيره وصبرت عليه .

[نسيم]

الوفاء ترى نسيم يبي يقول من عقب سؤالك وأنا بزود عافيه


ههههههههههههههه.الانيق انت مبدع .

[نسيم]

ههههههههههههههههههههههههههه
والله مآهقيتهآ يَ الآنيقَ , نسيمَ شرسَ , وشوفتيّ تمرضة أكثرَ | :tongue:
الا اهقيها ، واهقي اكثر منها بعد !!!!!!!!!!!

[نسيم]

أمحق شراسه نسيم شكله مانقصه إلا لين الكلام


نسيت لا أصبح عليك

أسعد الله صباحك

عز الله انك صادق ،انا مثل العشب والزهور اذا فقد الماء يذبل وييبس لكن كل مامنه جاني رشه خفيفة انتعشت وزنت.

[نسيم]

قلت آه عود الموز بيـدي لويتــه
،،،،،،،،،،،،،،،،،،،،،قالوا تزوج كود تدلـــه وتنســـاه

قلت آه لو اخذت اربعٍ ما نسيتـــه
،،،،،،،،،،،،،،،قالوا من اقصى الناس وين انت واياه

قلت آه ما آنسى يوم جاني وجيتــه
،،،،،،،،،،،،،،،،،،،،،،قالوا نشوفـه عنـد هذا وهـــذاه

قلت آه عمره ما عقب حجر بيتـه
،،،،،،،،،،،،،،،،،،،،،،،،،،قالوا عليــلٍ ناقـــلٍ داه برداه

قلت آه باقرابي وروحي فديتــه
،،،،،،،،،،،،،،،،،،،،،قالوا نشيــر ولا نفـع ما حكينــاه

قلت آه هراج النمايم عصيتـــه
،،،،،،،،،،،،،،،،،،،،،،،،قالوا كثــر شيبـك وقلبك بعميــاه

قلت آه لو قلبي غريرٍ نهيتــــه
،،،،،،،،،،،،،،،،،،،،،،،،،،،مطاوعٍ قلبــي بعجفــاه وقــداه

والى عطى منهاج دربٍ عطيتــه
،،،،،،،،،،،،،،،،،،،،،،،،،،ياناس خلوا كل وادي ومجـــــراه

قلتوا كثيـر وقولكــم ما لقيتــه ...........................................

[نسيم]

قصيدة القهوة لعبدالله بن عون ،وتعتبر رائعة

مع هجعة اللي يختفون أول الليـل
.................الغايبـه دايـم يغيـبـون معـهـا
النفـس تاقـت للسمـر والتعاليـل
...................والعين أشوف النوم خالف سنعهـا
وطاب الجلوس بجانب النار ياشعيل
.......................وحط الحطب في ترعت من ترعها
وإليا استوى للجمر فيهـا تحاميـل
.................وأقبـل تواهجهـا وقفـى ولعـهـا
درج على المحماس من غير تعجيل
...................بريـة دوب اليمـانـي قطعـهـا
أول قطاف سفـوح شـم الأكاذيـل
....................اللي جذعهم الوحش مـن فرعهـا
شـم يساقيـه السحـاب بهماليـل
...................لين يتحـدر سيلهـا مـع ترعهـا
وترى لحمستهـا نظـام ودواليـل
......................وشريعة يمشى بأثر مـن شرعهـا
أول بدايتهـا مـدافـع مخالـيـل
....................ومسرى جماميـل بغالـي سلعهـا
وسوقن كما سوق الجمال المحاميل
...................مازال حموى النـار ماقـد لذعهـا
وإليا تطلق من شذاهـا زعاجيـل
....................وبشت عرق واللون الأشقر نشعهـا
فالحال سهلها عـن النـار تسهيـل
.........................حتى لظى المحماس مـا يدّرعهـا
وغير لها يا شعيل مسرى الجماميل
.......................بطراق زلبات(ن) تزايـد فزعهـا
تدريجة الحيران ومطـارد الخيـل
......................هـذي طريقـة حمسهـا واتبعهـا
وعقبه تميلها علـى النجـر تمييـل
........................جذاب روس القوم مـن منتجعهـا
عوايد له من على سالـف الجيـل
.......................ماهـي حديثـه تونـا نبتدعـهـا
ومن يوم تنعمها فـدوك الدعابيـل
........................فوق أصهب اللون الربيب تهزعهـا
وتضبط قياس الماء لها بالمكاييـل
...........................ضبط الخبير لصنعت(ن) مخترعها
ومن يوم تقطع خلها مثل مـا قيـل
..........................ترخي على هدفى السبيل مخذعهـا
مبهارت(ن) تذعر بغالي التشاكيـل
.......................طب العمـس إليـا تيسـر تبعهـا
صفرا كما القنديل حسنـا تعازيـل
..........................من صنعة الرسلان الأول صنعهـا
إليا دارها اللي يعتنـي بالمعاميـل
.......................وفاحت وبالفنجـال الأول ردعهـا
وفيها تساوت خنـة البـن والهيـل
.....................والنفـس دافعهـا عليهـا دفعـهـا
قم صب لي ياشعيل منهـا فناجيـل
.......................على سنـا ضـوء تهـادى ولعهـا
أظنهـا يامـال طـول التماهـيـل
......................تقلع همومـي كـان ربـي قلعهـا
وتفتح لها أبواب بصـدري مقافيـل
.......................وتجمع لي أفكار(ن) تشتت ضيعهـا
وآخذ بها عن ضيقت البال تبديـل
........................وصروف دنيا ما مشت مع سنعهـا
دنيـا تصيـد بالشبـك والمحابيـل
.......................نـاس تسايرهـا ونـاس تخدعهـا
أحد تجي له بالرضـا والتساهيـل
..........................وهو لو تعب في جمعها ما جمعهـا
وأحد ركابـه مقفيـات(ن) مقابيـل
........................ولابـاب ولا نافـذة مـا قرعهـا
وتعطيه قاف إليا طمع بالمواصيـل
......................وينكف معيف وسامح(ن) من طمعها
دنيـا تقـذل سبـق الحـر تقذيـل
.........................وتوهنه في ربعة(ن) مـن ربعهـا
لو قد مضى له من شقاها غرابيـل
......................يوم الحرايب مظلمـات(ن) قطعهـا
يوم الطلوع بها على الهجن والخيل
........................ما قد فهق عن طلعت(ن) ما طلعها
ويوم استقرت وأغدقت بالمحاصيـل
.......................صـارت منافعهـا لمـن لا نفعهـا
عقبانهـا تمسـي قوايـا مواجيـل
........................والمستفيـد غرابهـا مـع مرعهـا
واللي مسـار أمورهـم بالأباطيـل
........................واللي متى ما وافقـت لـه بلعهـا
ومن ذاق در المرزمات الأباهيـل
......................أمـا حلبهـا حلـب وإلا رضعهـا
وحصنيها يرقص على هزت الذيل
......................ولو يجتمع قدمه سبـاع(ن) سبعهـا
ولا عندنا ياشعيل للعـوج تعديـل
........................مازال ممشاها على العـدل أطعهـا
ون شفتها قامت تجانف على الميل
........................بأردى ثمن عند أول السـوم بعهـا
واستثن منها قومت(ن) بآخر الليـل
......................في حزة(ن) كل(ن) يحب يهجعهـا
إليا جاء لثلث الليل الآخر تراتيـل
.......................وقامت ملائكة الرضا قمـت معهـا
في ساعة(ن) تكبيرهـا والتهاليـل
...........................يجنى ثمار عذوقها مـن زرعهـا
وخل اجتماعك بالرجال الحلاحيـل
..........................اللـي خيـار المجتمـع مجتمعهـا
ولا تبدي الشكوى ولو ضامك الشيل
.......................إلا علـى رجـل يحـس بوجعهـا
رجل إليا التفـت عليـك النشابيـل
........................أمـا شبرهـا شبـر وإلا ذرعهـا
واختار مفتاح(ن) للأرياء المقافيـل
.......................روس العلا يرقيـك فـي مرتفعهـا
ومن الزمان اخذ العبر بالرحاحيـل
.......................اللـي منازلهـم تهـاوى بقعـهـا
يافجعتي لاجيت بعـض المداهيـل
.......................ولا شفت فيها عقب حـي رثعهـا
إلارسـوم دارسـات(ن) مساميـل
.......................وخرايب يزمى السـراب بشمعهـا
بلاقع(ن) شهب(ن) تهاوى زهاليـل
......................الظّاهر أن اللـي فجعنـي فجعهـا
من عقب أهلها لو سقتها المخاييـل
.....................مالله نفعهـا وبركتـهـا نزعـهـا
لاجيتها جضيت مـن قلـة الحيـل
.......................ودنياي عندي ضاق بـي متسعهـا
على حلاحيـل تضـد الرجاجيـل
.......................حصـن ماعـاد إلامقالـع شيعهـا

[نسيم]

ابيات معبره
لاجيتها جضيت مـن قلـة الحيـل
.......................ودنياي عندي ضاق بـي متسعهـا
على حلاحيـل تضـد الرجاجيـل
.......................حصـن ماعـاد إلامقالـع شيعهـا

[نسيم]

كن على حذر من الكريم إذا أهنته، ومن اللئيم إذا أكرمته ،ومن العاقل إذا أحرجته، ومن الأحمق إذا رحمته.
ضع هذا الكلام امام عينيك لكي لاتنصدم .

[الأنيق]

كيف ياسيد العذارا المحصنات
ياغضيض الطرف يانور البنات


كيف تزهد بي وحبك مبتلين
لك علامات بقلبي واضحات


مابقلبي لك وزينٍ بالعباد
والعذارى دون زولك قاصرات


وبالحشا لك منزل صعب حصين
مع غروس ناعمات دارسات


في قصور الحب شامخ باعتقاد
عاليات بالضماير زاميات


مبهمات غير من صاف المحول
مبهمات بالمجاري مغلقات


هاض سدي واضهر القيل النظيف
من صناديقٍ بقلبي مقفلات


لاتلوموني ترا جرحي خطير
داويٍ بقصى الحشا كيف السوات


ان اخذته زاد حره بالتهاب
وان رفعت الصوت بانت للوشات


احرقن هجر الغضي مالي مطير
جددن مافات صافي المرهفات


عقب ماني ناسين كم عام
مانويت القيل خصٍ بالبنات


ناسيٍ طرق الهواء قلبي مريح
مايهوجس في طريق الغاويات


ذكرن للغي مجمولٍ كحيل
كاملٍ من كل جيله بالصفات


طاغيٍ ببحور عجات الشباب
في بروج الغي ماله بي شفات

[الأنيق]

عز الله انك صادق ،انا مثل العشب والزهور اذا فقد الماء يذبل وييبس لكن كل مامنه جاني رشه خفيفة انتعشت وزنت.

ماعليك انت أنشاء الله يانسيم
انت مثل نبتت الوسمي فيك فود

[نسيم]

تسلم على الابيات الرائعة يا انيق

[نسيم]

ماني من اللي يقبلـون الاهانـه*** دون الكرامه ماعليه من الغيـر
ان كانها جتنـي كـلام ولعانـه*** والله لسعرها على الغير تسعيـر
وان كانها وجهاً لوجـه وبيانـه*** رديتهـا رد البـدو للمضاهيـر
كلٍ على ماقيل يعـرف مكانـه

[نسيم]

نشوفكم على خير لأني ماشي الفجر للساحل ؛ابوحمد عازمني على قميري والصيد واجد،احسبو لنا يومين ثلاثة ايام ان شاء الله وجايين

[أبـوحـمـد]

نشوفكم على خير لأني ماشي الفجر للساحل ؛ابوحمد عازمني على قميري والصيد واجد،احسبو لنا يومين ثلاثة ايام ان شاء الله وجايين


نسيم تبين نروووح ثاانيه بس هالمره مااافيه اكل سمك وقميري ..
اختر وحده منهن ...

http://www.up-tumaer.net/tumaer/download.php?img=2395 (http://www.up-tumaer.net/tumaer/download.php?img=2395)

[أبـوحـمـد]

ماعــاد بالـنـت غـيـر الهـــم والضـــيــقــــه

ومجـــامل الناس مـن حالــن لـيا حالــي

ايميــلي . المنتــدى . واللاب ما اطيـقه

مــن يــوم ماغــاب عنــي صاحبــن غالـــي

[أبـوحـمـد]

ودك تعرف كم لك من الشوق فيني ؟!
إسأل شايب مآت آطيب عيآله . . http://www.7belk.com/vb/images/smilies/frown.gif