فهرس سلسلة من وحي الخيال القصصية

من وحي الخيال ( 10 )

الجزء الأول :

مبارك هذا شاب فيه نفس ( يعني فيه حالة نفسيه ) ، أبوه ما خلاّ مستشفى إلاوودا ولده له .. وما ترك دكتور إلاّ وعرض ولده عليه .. ولا طبيب شعبي إلاّ وراح له .. بس ما فيه فايده ..
في مرّة من المرات جاء لبيت أبو مبارك واحد اسمه ( أبوعلي ) وهذا من خويا أبو مبارك القديمين.. وخويَّه هذا من زمان ما شافه .. وبعد مادخل أبو علي في المجلس وجاب أبو مبارك القهوه .. وهم جالسين يتقهوون ..
أبومبارك : الله يحييك يا أبو علي هذي والله الساعة المباركة إللي شفناك فيها .. وينك يا أخوي من زمانك ما شفناك .. إنقطعت أخبارك مرّه ولا عاد لك حس أبد ..
أبو علي : والله يا أبو مبارك مشاغل هالدنيا .. إللي ما لها أول ولا تالي .. الله يعين عليها ..
وهم قاعدين يسولفون ..دخل عليهم مبارك علشان يسلّم على أبو علي ..
أبو مبارك : هذا ولدي مبارك ..يا أبو علي ..
أبو علي : ما شاء الله .. يالله إصلحه ..جعله أخير من أبوه ..
أبو مبارك : مبارك .. إدخل يا وليدي شف وشيبون أهلك ..
دخل مبارك للبيت .. لاحظ أبو علي إن مبارك عليه قلّ صح ..
أبوعلي : يا أبو مبارك .. خير وش في الولد عسى ما شر ؟!! .. كنَّه تعيبان شوي ..
أبو مبارك : والله يا أبو علي .. هالولد مريض شوي .. فيه نفس ..
أبو علي : طيِّب عالجه ؟
أبو مبارك : والله يا أبو علي .. ما خلِّيت دكتور إلا ورحت له ومافيه مستشفى إلاّ وله فيه ملف ..
أبو علي : أنت قريت عليه .. جبت له عزايم وقرايه؟
أبو مبارك : مير قوارير العزايم في البيت واجده وأكثر ما كثَّر الله هي ..
أبو علي : شف يا أبو مبارك .. أنا عندي لك شور ..
أبو مبارك : عطناه .. شورك وهداية ألله .
أبو علي : فيه عندنا في حارتنا شايبٍ يقرأ .. وتراه مجرَّب ..
أبو مبارك : يا أبو علي .. الشفا من الله .. وهذا لا هوب مقدّم ولا مأخر ..
أبو علي : ما يخالف إنت إعمل بالأسباب والباقي على الله .. أقول لك هذاالرجّال يقرأ في قوارير الموية .. وهو ما ياخذ على القراية شي .. بس أنت جب له قارورة الموية وهو يقرأ فيها.
أبو مبارك : ما يخالف .. على الأقل ( نبري الحسوفة ) و هي إن ما نفعت ما هيب ضارة إن شاء الله .
أبو علي : خلاص إنت مرّ علي باكر عقب الأخير " يعني عقب العشاء " .. وعسى الله ينفع به .. لإكمال القصة

من وحي الخيال ( 11 )

الجزءالأول :

في مكتب التحقيق ..
الضابط : تراك تعبتني يافيصل ،، اعترف و ريحني
فيصل : ياطويل العمر أنا اعترفت لكم بأني انا اللي قتلتها
الضابط يضرب الطاولة بيده ويصرخ: أووووف .. أدري أنك معترف بأنك قتلتها ،، طيب ليييييييش قتلتها يا فيصل ؟
يصمت فيصل وعيناه غارقتان بالدموع وقال : ارجوك يا حضرة الضابط إعفني من هالإجابه
يغضبالضابط : وش اللي إعفني ؟؟ تحسب إنك في بيت أمك ؟؟ ترا هذا تحقيق في قضية قتل ولازم نعرف الأسباب والدوافع لقتلك لزوجتك سلمى يا فيصل ..
فيصل يبكي ويترجى الضابط : تكفى يا حضرة الضابط أعدموني وريحوني من هالعذااب اللي انا عااايشه ..
وأخذ فيصل يبكي بكاءاً مريراً حتى أصيب بنوبة التشنجات التي أصبحت تأتيه بين كل فترة وأخرى منذ دخوله السجن بتهمة ( قتله لزوجته سلمى ) ..
وإضطر الضابط إلى تحويله إلى مستشفى السجن وتأجيل التحقيق إلى وقت آخر ..

في منزل أهل فيصل ..

كانت أم فيصل أصبحت أشبه بالمجنونة وطول الوقت تنوح وتبكي ،، وهديل أخت فيصل تحاول تهدئتها ..
هديل تبكي : يا أميمتي إرحمي نفسسسك ،، أن شالله أبوي بيكلم أبو سلمى الله يرحمها وبيتنازلون عن فيصل ..
أم فيصل بحرقة : آآآآه لهم ست شهور يا هديل وما تنازلوا وولدي منطول في السسجن ..
هديل : لايا أميمتي هذا ابوي رايح الحين لأهل سلمى وأن شالله هالمره بيقدر يقنعهم بس أنتي هدي نفسك يا عمرري ..
الأم بغصةوبكاء شديد : ما أمداني أفرح بـ ( حملها ) وبشوفة ولد ولدي ...
ثم تبكي الأم بكاء شديداً على ماآل إليه مصير إبنها و زوجته و جنينها ..

في منزل أهل سلمى ..

أبو سلمى بأسى : لو اللي ماتت بنتك وهي حامل بشهرها الثاني يا بو فيصل كان سويت مثلي وأكثر ..
أبو فيصل : حاس فيك يا بو سلمى وعاذرك والله يلوم إللي يلومك ..
أبو سلمى : أن كانه شايف عليها شيء في شرفها ليش ما يتكلم .. أن كانه شاك في أن اللي في بطنها مو منه ليش مايقول ؟؟!!
أبو فيصل : لا لا يا بوسلمى فيصل يقول إنه ما شاف عليها شيء وأنها شريفه وطاهر و عفيفه ..
أبو سلمى يلوح بيديه بأسى وعينيه تغرق بالدموع : طيب ليييييييييش يقتلها وهي مثل ما يقول طاهره وشريفه وعفيفه؟؟
يحتار أبو فيصل ويصمت قليلاً ثم قال : والله حتى أنا مثلك يا أبو سلمى محتار ما أدري وش السبب و كل ما سألت فيصل عن السبب يقعد يصيح ألين يتشنج ..
أبو سلمى : أنا مستعد أتنازل عن القصاص بس بشرط ...
تلألأ وجه أبو فيصل إستبشاراً وقال : أبشررر يابو سلمى كل اللي تامر فيه أنا حاضر ..
أبوسلمى : كل اللي أبغااه أن فيصل يعترف بالسبب الحقيقي لقتل بنتي سلمى و مستعد أتنازل عن القصاص

عاد الإحباط مرةأخرى لأبو فيصل فهو يستطيع تنفيذ جميع ما يطلبه أبو سلمى من أجل أن يتنازل عن إبنه فيصل ،، إلا هذا الطلب لأن فيصل لم ولن يصرح أو يعترف بالسبب الحقيقي الذي دفعه لقتله لزوجته سلمى ..لإكمال القصة

من وحي الخيال ( 12 )

الجزء الأول :

عاد إلى أرض الوطن بعد خمسة سنوات قضاها في بريطانيا لدراسة الطب ... إستقبله الجميع بحفاوة وترحيب


إستقبلته والدته بالدموع والأحضان . . و إستقبله والده بالفخر والإعتزاز بإبنه ( الدكتور عادل )


وأقام والده وليمة بهذه المناسبة دعى إليها أقربائهم أهل حيهم وجميع من يعرفونه


كان عادل في غرفته في مغرب يوم الوليمة ...


دخلت عليه والدته وهو واقف أمام المرآة يهندم نفسه و يمشط شعره ..


الأم : عااادل ؟؟ ما بعد لبست وانا أمك ؟
يبتسم عادل ثم تقول الأم : يالله يا وليدي البس عشان تروحون الإستراحة لازم تصير أول واحد يحضر عشان تستقبل الضيوف ..
عادل وهو يهندم قميصه : وكذا يعني مو كويس ؟
اخذت الأم تنظر إلى ذلك الجنز الضيق الذي يلبسه عادل وإلى ( التيشيرت) الذي يوضح معالم جسمه وقالت : بتروح كذا ؟
عادل : إيه عادي يا يمه وش فيها ؟
الأم بإستغراب : وش اللي عادي وأنا أمك ؟؟ عمانك و خوالك و الشيبان كلهم بيجون للعزيمه
عادل : طيب واذا بيحضرون خير يا طير ؟ أنا تعودت على هذي الملابس و اعتقد إنها Personal Freedom
الأم : تكلم بالعربي ما ادري وش تقول
يضحك عادل ويقول : يعني هذي حريتي الشخصيه ...
الأم : ما يخالف يا وليدي حريه شخصيه .. بس وش بيقولون الناس إذا شافو عليك هالخلاقين
يضحك عادل : وش علي من الناس ؟؟ هذي حريتي الشخصية وما أسمح لأي أحد يتدخل فيها ..
يدخل الأب وينظر إلى ملابس عادل وقال بإستغراب : وش هاللي لابسه يا عادل ؟
يتأفف عادل ويقول في نفسه : يوووه خلصنا من هالعجوز جانا هالشايب
الأم : شف ولدك بيروح العزيمه بهالملابس ...
الأب بذهول : نعم؟؟؟
ينظر إليه عادل بطرف عين ثم يصد ..
الأب : مهوب عشانك درست لك كم سنه في بريطانيا تحسب نفسك صرت بريطاني ؟
تبدأ أعصاب عادل في الإنفلات وقال : أنا تعودت ع التيشيرت و Jeans،، وبعدين إلى متى تظل Customs and traditions ( العادات والتقاليد ) المتخلفه تسيطر على حريتي ؟؟
الأب : أسمع عاد .. أنت في السعوديه مو برا ... البس ثوب وشماغ ولا تتأخر .. وتكلم عربي وخل عنك الفلسفه اللي مالها سنع
صرخ عادل : مو لازم هالعزيمه كلها ... لإكمال القصة

( من وحي الخيال 13 )

الجزء الأول :

منذ طفولتها وهي تملك صوتاً رائعاً و حنجرة ذهبية ..
حينما تبدأ بالإنشاد بين صديقاتها فأن عذوبة صوتها و إنشادها يشدّهن
وحينما تشارك في الحفلات المدرسية الختامية بفقرة إنشادية فإن فقرتها تبهر الحضور و يبدين إعجابهن الشديد بهذه المنشدة الصغيرة ..
كانت موهبة سمر في الإنشاد محط أعجاب الجميع و حينما تغرد بالإنشاد فإنها تأسر الآذان و تملك القلوب ..
فأصبحت سمر هي ملكة المسرح في الحفلات المدرسية الختامية كل عام منذ المرحلة الإبتدائية و حتى السنة الأخيرة في المرحلة الثانوية ..

في المنزل

سمر تعود من المدرسة وما أن تدخل حتى تجري بفرح إلى أمها وهي في المطبخ وتقول بفرح : ماما .. اليوم عندنا حفلة في المدرسة وأعطوني شهادة وجائزة
الأم تشجع إبنتها : ماشاء الله يا سمورتي .. وريني الهدية !!
تأخذ الأم الهدية و الشهادة تقرأها وهي تبتسم فرحاً ..
بينما تبدأ سمر الصغيرة بسرد أحداث الحفل : و لما جت فقرتي وطلعت على المسرح مسكت المكرفون وبديت أنشد .. كل الأبلات و صديقاتي و اللي جو الحفل صفقو لي كثير و لما خلصت الأنشودة طلبو مني أقول غيرها ..
الأم : ماشاء الله عليك يا سمر .. أنتي ممتازة و صوتك حلو في النشيد والقرآن ..
تعيد أم سمر الهدية والشهادة لسمر وهي تقول : خذيها خبيها عندك إلين يجي أبوك عشان تفرحينه مثل ما فرحتيني ..

تأخذ سمر الهدية والشهادة وتغادر المطبخ وهي تنشد وتصدح بأروع إنشاد و أعذب صوت ..

تذهب سمر إلى غرفة أخوها ( عبدالعزيز ) الذي يدرس في المرحلة المتوسطة لتريه الهدية و الشهادة بفرح

عاد والدها الذي يعمل على سيارة ( أجرة ) من الصباح الباكر إلى المساء و لا يلتقي مع أبنائه إلا وقت الغداء ثم يخرج مرة أخرى للكدّ وكسب قوته وقوت عياله إلى المساء ..
تركض إليه سمر بفرح وهي تمد إليه الجائزة والهدية : بابا بابا .. شوف المدرسة أعطوني جائزه عشان قلت أنشودة في الحفل اليوم ..

كان والدها منهكاً من عمله طيلة الصباح تحت اشعة الشمس و من مكابدة مشاكل الركاب والزبائن ومن طول المسافات التي يقطعها في توصيل الزبائن ،، لذلك إبتسم لها إبتسامة عابرة ثم ذهب إلى غرفته ..

في الغرفة ..

الأم : حرام عليك يا أبو عبدالعزيز تكسر خاطر سمر
الأب يتأفف وهو يبدل ملابسه : مانيب رايق لها انا تعباان بأرتاح من المكدة تحت الشموس ..
الأم : ولو عاد على الأقل جاملها شوي ..
يهز الأب رأسه لإنهاء النقاش فوضعه لا يسمح له بالحديث .. فوضع رأسه على الوسادة و غط في نوم عميق من كثرة إجهاده وتعبه ..

مرت السنوات ..

حينما وصلت سمر السنة النهائية في المرحلة الثانوية ..و في الحفل ا لختامي للمدرسة ..

كان مسرح المدرسة يكتظ بالحاضرات من الأمهات و وليات الأمور وبعضاً من الموجهات و المسؤلات في الوزارة اللاتي قدمت لهن إدارة المدرسة دعوة لحضور الحفل الختامي للمدرسة وأيضاً من طالبات المدرسة وضيوف من خارج المدرسة أيضاً ..
أعلنت مقدمة الحفل عن فقرة إنشادية تنشدها الطالبة : سمر
وما أن نطقت مقدمة الحفل إسمها حتى علت القاعة بالتصفيق الحار و التصفير
و حينما صعدت سمر المسرح إزدادت موجة التصفيق الحار وأخذ أغلب من في المسرح بترديد إسم سمر بشكل جماعي ومتواصل لإعجاب الجميع بصوت تلك الطالبة .. فقد علا صيتها و ذاعت شهرتها في حفلات المدرسة في السنوات الماضية ..
وما أن بدأت سمر بالإنشاد بأنشودة حماسية حتى تفاعل الجميع معها و بدأو بالتصفيق إلى أن أنتهت سمر من فقرتها و بدأت صرخات التشجيع والتصفيق الحار في الإزدياد طرباً بصوتها الشجي وحبال صوتها الذهبية بل وأجبرت الحضور على الوقوف وهن يصفقن لها بحرارة وهي تنزل من المسرح و السعادة الغامرة تملأ قلب سمر بهذه الجماهيرية المنقطعة النظير ..

بعد أن نزلت سمر من المسرح جاءت إليها صديقتها ( هند ) بسرعه وهي تضمها و تقول : والله كنتي روعه على المسرح يا سموره ،، شفتي كيف الحريم كلهم وقفوا ويصفقون لك ؟
هزت سمر رأسها مبتسمة وخجلة و أكملت صديقتها هند : شفتي وكيلة الوزارة بكبرها تصفق لك وهي واقفة وتكلم المديرة وتأشر بيدها عليك وتبتسم ؟؟
أحاطت الطالبات والمدرسات بسمر لإبداء إعجابهن بفقرتها الأكثر من رائعة .. لإكمال القصة