ماااااايكـ المنتدى ....

(انقطاع صلة الارحام والسبب عزايم الحريم)

بقلم الدكتوره امل الحمادي

في اللآونه الاخيره الناس صاروا مايطلعون ولا يجتمعون مع بعض ..
كلهم مسكرين على انفسهم بهالبيوت بين اربع جدران والسبب ؟؟؟

للأسف راحت أيام البساطه والجمعه على قهوه وتمر وشاهي وكيك او نوع واحد حلى..
واذا ماجتهدتي وتكلفتي في عزيمتك طلعتي بخيله أو مو مقبوله عندهم وينفشون راسهم على اساس هم المتميزات ..
الخطيرات .. اللي يعرفون كل شيئ ..
لما تفكرون بالعزيمه شوي ترا الهدف منها الجمعه والسواليف اللي توسع الصدر ..
مو المغاير والمكايد والتنافس.. يعني الناس مو ميتين جوع أو مايعرفون شي او ماعمرهم شافوا شيء ..
لكن للأسف راح زمن أول زمن البساطه والولفه والمحبه ..
من اول تدق الجاره ع الجاره وتجي بنفس اليوم بدون ماتكلف على جارتها ..
والحين جاراتي وصديقاتي مايعلمون
ع العزيمه الا قبلها بأسبوع عشان يبدا الاجتهاد والتكلف والمبالغه وعزميتي أنا احلى !

للأسف صار استقبال الناس صعب جدا في بيتك بهالزمن .. لازم تسوين خرابيط كثيره ..
طبعا الناس طايحين اول ماتدخلين عصير معه حلى او كابتشينو بعدين قهوه ومعها مية الف نوع حلى وحلويات بعدين شاهي مع معجنات ومقالي من كبه وسمبوسه و ..... الخ
.. بعدها عشا بوفيه مبالغ فيه من جميع الأصناف .. طبعا غير التفنن في اشكال الصحون والمواعين والأكواب .. اللي يشترونها بألاف الريالات
يعني هالعزيمه كلها خساير في خساير .. وبعدها الحرمه تسكر بيتها ولا فيه اجتماع الا بعد سنه ! ..
واللي اشوفه الحين جاراتي كل وحده قطعت العلاقه او هربت عن طريق غير مباشر وسكرت على نفسها وعيالها في البيت عشان ماتعزم احد وتتكلف ولا احد يعزمها ..

بالنسبه لي كنت اسوي نوع حلى واحد مع القهوه وخفايف بسيطه مع الشاهي بس بطلت غصب عني لأني مجبره أجاري حريم المجتمع ولا بيقولون عني بخيله وانا هدفي كله عشان ماأسد انفسهم ع العشا وياكلون..

وطبعا بعد ماتكلفت واجتهدت زيهم صرت معد اعزم احد الا بالسنه حسنه وهم برضو كذلك والعلاقه صارت شبه منقطعه بعد ماكنا على قلوب وحده ونضحك ونسولف ونغير جو للأسف ..
اما الرجال ماشاءالله علاقتهم مستمره ومافيها رسميات وماعندهم شي اسمه
( انا عزيمتي احلى ) او مبالغات .. وموسعين صدورهم ويجتمعون على دجاجه ورز بخاري او شاورما وبروستد وهم مبسوطين

الله يعين الحريم على انفسهم في الدنيا والاخره

زوجة ضاعت من زوجها في الحرم نشوف ردود أفعال الأزواج؟

المصري: الحمد لله على سلامتك ياألبي خضيتيني عليك أنتي كويسه

السوري: ألف سلامه على روحي شو صار لك ألبي وقف عليكي من الخوف تأبريني شو بحبك

السعودي: وين أنقلعتي جعلس معاد تعودين لكن الشرهه علي يوم خذيتس معي علي الطلاق ماعاد تطبينها

وهي الضعيفه كل عمرتها تدعي ان الله يسخرهـ لها !

ههههههههههههههههہَ هُ

أشكرك. مرة أخرى أخي عساف وأتمنى اني قدمت شي جميل
تحياتي
،
،
،

اقتباس: المشاركة الأصلية كتبت بواسطة ❤صعبة المنال❤    أشكرك. مرة أخرى أخي عساف وأتمنى اني قدمت شي جميل تحياتي ، ، ،

العفوووو أختي الكريمة بل نحن من يجب أن يشكركـ على إبداعكـ وتميزكـ وعلى جميل ماطرحتيه لنا
لقد أبدعت خلف الماااايكـ فنحن كنا بالقرب منكـ وبصمت نتااااابع نثرحرفكـ الرااائع
تحياااتي لكـ وكووووني بخير
أنتظروووا ضيف الماااايكـ القادم قريبآ
تحيااااتي لكل من مر من هنا