بيووووت الطين ... !!!

19 / 02 / 2014, 33 : 07 AM

بيووووت الطين ... !!!
قمت بزيارة مع الأصدقاء لمدينة شقراء ومدينة اشيقر الجميلتين بعد ماسمعنا عن وجود ترميمات لبيوت الطين ووجود متحف وبعض الأشياء التراثية القديمة فيها وبعد جمع معلومات عن الطريق والمكان اتفقنا يوم الخميس صباحا لطول الوقت التقطت بعدستي صور كثيرة اخترت لكم منها 226 صورة اتمنى تحوز على رضاكم
محافظة شقراء
تابعة لإمارة منطقة الرياض ، وتقع على بعد 190 كلم شمال غرب العاصمة الرياض وهي عاصمة إقليم الوشم وقد كانت شقراء تاريخياً أهم وأكبر بلدان إقليم الوشم في نجد وما زالت حتى الوقت الراهن. يحدها من الشمال محافظة الغاط ومن الجنوب مركز مرات ومن الشرق محافظة الغاط ومحافظة المجمعة ومحافظة ثادق ومن الغرب محافظة الدوادمي . تبلغ مساحتها 4110 كلم2 وعدد سكانها 34543 نسمة (2004 م)

التقرير يتكون من من أجزاء

الجزء الأول / الطريق وزيارة بيوت الطين في شقراء مع معلومات عن المدينة ووصف الطريق
الجزء الثاني / تكملة ماتبقى من الصور للجزء الأول
الجزء الثالث / زيارة بيوت الطين في مدينة اشيقر مع معلومات عن الطريق لها ومعلومات عن المدينة
الجزء الرابع / البقالة القديمة مع الذكريات هذا الجزء والجزء اللي بعده للناس اللي تحن للذكريات
سوف يتم طرح الأجزاء بشكل يومي بأذن الله على حسب الحضور والمتابعة
يرن التلفون ...
عمر / هلا وليد كيف الحال
وليد / الحمدالله تمام وانت شلونك
عمر / تمام الحمدالله .. يوم الخميس عندك شي مرتبط بشي
وليد / لحد الآن لا ماعندي شي < مووهم رجل الأعمال قم بس قم ^_^
عمر / جهز نفسك نبغى نزور شقراء واشيقر سمعت من زميلي بالمكتب يقول عندهم أماكن تراثية بيوت طين ومتحف وبقالة قديمة تنفع لك ماتبيع الا المنتجات القديمة وفيه أماكن تستاهل زيارتها نطلع يوم الخميس الفجر لان الطريق شوي بعيد نحتاج وقت وبالنسبة لأغراض الطبخ والشاهي جاهزة وبكلم سليمان الحين لأجل مايرتبط
وليد / اوكي معكم والأربعاء يكون بينا تنسيق
صحيت الفجر وبعد الصلاة تم الاتصال على الشباب والكل متحمس وجاهزين أخذت بعض الأغراض التكميلية وأخذت الكاميرا مع بطاريات إضافية وتوكلت على الله مريتهم وطلعنا وكان الجو شوي غبرة ترددنا بالبداية ولكن العزيمة كانت أقوى واستمرينا بطريقنا رغم سوء الأحوال الجوية
طريق الدائري العالم صاحية من بدري مشاء الله

بعد مامريت الاصدقاء توكلنا على الله وفي الطريق وقفنا عند هالمحطة ناخذ بعض الاغراض

الطريق مازال غبار ولكن العزيمة اقوى من اليائس

طلعنا مع مخرج بنبان ومن فوق الكبري اخذنا يسار

بعدها انتهى الشارع واتجهنا يمين الطريق متجهين بنفس الطريق الى محافظة حريملاء
وهذي لوحة توضح المحافظات اللي بنمر عليها

اول محافظة هي حريملاء دخلناها مرورا

بعد محافظة حريملاء الطريق تكثر فيه المنحنيات

بعد الوصول لمحافظة شقراء لم يسفني الوقت ان اخذ صور لمعالم وجمال المدينة وكان كل همنا هو الوصول للمكان المقصود وهو البيوت القديمة الطينية
وعند الوصول اذهلنا الجهود المبذولة في ترميم وتنسيق البيوت القديمة

بعد الدخول دخلنا هذا المجلس الجميل الوجار والكمار كانه ترك من الامس على حالة

من زاوية اخرى

بعد خروجنا من هالمكان طلعنا للدور الثاني

اتقان في الترميم مشاء الله

من الغرف بالدور الثاني

منور يطل على الدور الارضي

اطلالة من احدى الغرف

بعض الغرف بالطراز القديم

من الشباك (الدريشة) اطلالة ترد الروح

تصميم الابواب متقن

نظرة من السطح كأنه لم يتغير

دقة في الترميم

اطلالة على الحوش

مرزام لتصريف مياه الامطار

جمال التصميم

بعد التجول
البئر (القليب)

بيت للطبيبة

من جهه اخرى

ممر الحارة

توقفنا بجانب المدخل وصرنا نتجول على انه بعد هالجولة نزور المتحف القريب والبقالة القديمة
بداية دخولنا مع هالممر (السكه)

كاني اتخيل مكان هالمدخل مزحوم بالمارة في وقته السابق

الاعتماد في بناء الاسقف على جذوع نوع من الاشجار على مااعتقد الاثل

احدى الممرات

بساطة التصميم

ممرات جميلة

احدى البيوت

من جهه اخرى

السراج
موصل بالكهرباء

من داخل احدى البيوت

نظرة جانبية

المسجد

جمال بالتصميم

مدخل المسجد

صورة بانورامية

من زوايا متعددة

مدخل من جهه اخرى

شموخ المنارة

وقت التجول في المسجد
لاحظنا باب مفتوح وفيه درج ينزل على تحت في القبو وكان مظلم ومن حب الاكتشاف نزلنا على نور الجوالات حتى تعركل بعضنا ^_^ لان الدرج غير مستوي ولقينا غرفة مظلمة ظلام دامس
وفيها فتحات صغيرة جدا يدخل منها الضوء وعجبني شكلها في الظلام وصورتها

فوق سطح المسجد

مرزام لتصريف الامطار

كانها تتامل في الاطلال

زاوية اخرى

درجات الخروج

من جهه اخرى بالمسجد

ممرات الحارة

احدى البيوت

من جهه اخرى

حنين الذكريات

ممر جميل

من بيوت الحارة

من البيوت الجميلة

من بعيد

زاوية اخرى

من داخل الممر

لمحه من الحارة قديما والدكان (البقالة)

من داخل احد البيوت

في احدى الممرات

طلة تامل

باب بحلته القديمة

مكان اخر

مزارع من بعيد

عن قرب

ياحلو هالبيت ياليت من يعيش فيه

دقة في الترميم

عمر / تعبنا وحنا نتمشى وش رائيكم نختصرها ونمر البقالة والمتحف ونرجع نشوف لنا مكان نطبخ الغداء ونرجع للرياض

وليد / ايه والله من الفجر مافطرنا الا فطيرة اللوزين وعصير هالربيع طيب نريح شوي في هالمكان وبعدين نكمل لاخر الطريق و نمر البقالة وش رائيك سليمان
سليمان / في زاوية بعيده يسمع الكلام ويقول معكم معكم لاي مكان

بعد هالجولة الطويلة وماباقي على اذان الظهر الا لحظات اتجهنا للبقالة على عجل وبعد مادخلنا فيها صابنا شعور غريب الكل صمت بالبداية كاننا نسترجع الذاكرة واحد يقول تذكرون هذا والثاني يقول تذكرت جدتي كانت تعطينا من هذا وانا حسيت بغصة بقلبي ذكرتني دكان الحارة بزاوية احد البيوت وكاني ماسك الريال اقول لعيال الحارة شوفوا ريالي رايح البقالة ويوم نعطيها الشايب حق البقالة كاني معطيه شيك بمية الف اقعد ادور واختار واعبي كيس واخرها ريال

مابي اطول عليكم بكثرة كلامي
بعد مادخلنا البقالة لقينا راعي البقالة ومعه العامل
انسان جدا خلوق مشاء الله عليه جلس يوضح لنا ويشرح ويذوقنا من كل نوع انا طحت في حلاو الطحينيه واخذت منه كم علبة ^_^ وواحد منا راح عند ثلاجة العسكريم < مكتوب كذا والثالث ماسك قارورة ببسي يشرب يبرد ^_^
البقالة من الخارج وبجانبها محل تابع يبيع اواني منزلية قديمة يعني اللي بيروح يجيب معه جدته او امه اذا كانت كبيرة بالسن

بعد مادخلنا وعلى يمين البقالة لقطة من اعلى

لقطة من اسفل

ياسلام ياسلام كانوا عيال الحارة اغلبهم معه اما هالبالونات (التفافيخ) او الخفاسة ولخفسة بريال او خفستين بريال وكانت تختلف كشكل عن هذي كان اذكر فيها صور ابوروسلي المشهور بالكارتيه او صور اللاعبين القدام او ستيف اوستن الشخصية القديمة المشهورة والتفافيخ اذكر كنا نختار من لسته فيها دوائر صغيرة تجي معها نقشعها واذا طلع رقم ندور الحظ بين هالبالونات اما تطلع كبيرة او صغيرة يعني شختك بختك ونترسها من حنفية (بزبوز) الموية وترطيش على بعض بالذات في رمضان مافيه رومنسيه مثل الحين ينفخونهم بدلع واشكال ولا يختارون الا احمر ووردي ^_^ حتى الاسم تغير بعد ماكان تفيخات صار نفيخات بعدين تطور وصار بالون

تنسيق صاحب البقالة رهيب
الرفوف خشب
الجدار طبيعي بدون بويه
الارضية بعد بدون تكلف
اغلب الحلويات في علب نفس النظام القديم
عند الباب فيه ثلاجه مليانه ببسي قوارير نظام قديم
في اخر البقالة فيه ثلاجه فيها ايسكريم (عسكريم مكتوب عليها زي ماكنا نبلع الحروف اول )
فيه معاليق حبال معلق فيها بعض الاشياء
حلاوة الكور وين اللي سالوا عنه ^_^ وهو معروف انه اغلب الحريم المسنات كانوا يوزعونه على الاطفال عند الزيارات او بالمناسابات وصارت عادة حتى ان الوالده الله يشفيها ويطول عمرها الى وقت قريب كانت تطلب منا نجيب لها هالنوع بالذات
وبجنبه حلاوة العسل يالها طعم رهيب
وبجنبه حلاوة سكر يمي يمي
اخذت من كل نوع علبه

علك ابو طبعه وبجنبه بسكوت مدور كان يجي باكياس زمان

من على اليمن بسكوت ياكنت احبه اللي هو بسكوت الموز اللي باللون الاخضر
وجنبه البنتليز يامعلم وفيه اللي متعلق بالمسار الحلاوة اللي بمغاط على شكل قلادة الله يالدنيا

بداية اليمين بالرف الثاني حلاوة البقر ياسلام على طعمه واللي جنبه العلوك القديمة الحار الابيض معروف وكانوا الشياب يحبونه واللي ملون عليه طعم رهيب وجنبه حلاوة مصاصه اللي مرسوم عليها بنت ^_^ كلها اثرية هالمنتوجات واللي بجنب حلاوة المصاص حلاوة حلقوم هههههه مليانه سكر مطحون يازينها اذا كانت لينه واذكر كانوا يحرصون قبل ياخذونها اذا ماصارت لينه ماتنفع

هذا الحلقوم والحلاوة المصاصة مقربه

بعض انواع الشواهي القديمة
ولو تلاحظون معي شوي تحت في اخر الصوره موجود علبة فيها شي ابيض هذا حلاو البرميت قديم جدا على عهد اجدادنا طبعا طعمه زي حلاو الفكس قوي مره يوصل للمخ وبجنبه علبه دققوا فيها تذكرون هالعلوك القديمة طعمها رهيب
وبجنبها العلك الاصفر الحار
يقول صاحب البقالة بعض المنتجات نجيبها من برا مثل الكويت والاردن ومصر

بسكوت الميزان وبسكوت المداح
مع بيالة شاهي وعلى العصر وقدام التلفزيون وافتح ياسمسم ابوابك نحن الاطفال

حلاو كور وجنبه حلاو ابو نظارة كنا نحلل ام القرطاسه حقته وكان يجي معها مغاط ونلبسها مثل النظارة اللي يشوفنا يقول هنود حمر واللي جنبه العلك الاصفر الحار اللي قلت لكم عليه وبجنبه من بعيد حلاوة الجلي اللي كانت تجي بعلبه صغيرة كانه جلي
اعتذر على ردائة الصورة

صورة وداعية للبقالة
كل الوووود لكم
عسااااف الأصااايل كااان هنا ومضى

19 / 02 / 2014, 59 : 07 AM

تقرير ممتع ,, جميل ,, متعوب عليه

يسلمك ربي عساف تمتعت بكل مارصدته عدستك ...

19 / 02 / 2014, 56 : 08 AM

اقتباس:

المشاركة الأصلية كتبت بواسطة مهرته

تقرير ممتع ,, جميل ,, متعوب عليه

يسلمك ربي عساف تمتعت بكل مارصدته عدستك ...

الله يسلمكـ مهررررته ومن دوووواعي سروووري أن التقرير استمتعت به وحاز على إعجااابكـ
وكان بوووودي أن التقرير بعدستي الخااااصة لكن للأمانة الموضوع أعجبني كثيرآ ونقلته لكم
تحيااااتي لكـ على مروووركـ وإضااافتكـ العطرررة وكوووني بخير أينما كنت

19 / 02 / 2014, 01 : 09 AM

ماطلع عندي صور
لي عوده بأذن الله

19 / 02 / 2014, 05 : 09 AM

الف شكر لك اخوي على التقرير الجميل والرئع
يازين ايام زمان ليتها ترجع

أحلى تقيم لك

19 / 02 / 2014, 11 : 10 AM

ياسلآ م ع التقرير آبدعت اخوي عساف بالاختيار الرآئع تسلم اناملك
يازين البقاله ياليت من يروح لها ماشاء الله مليانه من كل شي
ياحلو الحلقوم احب اكله طعمه رووعه ..
عوافي ع الاختيار ..

20 / 02 / 2014, 25 : 06 AM

اقتباس:

المشاركة الأصلية كتبت بواسطة جروح الوفا*

ماطلع عندي صور
لي عوده بأذن الله

أأأأأأأأأفا يياذا العلم ماطلعت الصوووور ليش ...؟؟؟
ماحد اشتكى حاوووولي مرة ثانية وإن شاء الله بتنجح معكـ المحاوووولة
والله يحييكـ اخت جرووووح في كل ووووقت
تحياااتي لكـ وكوووني بخير

20 / 02 / 2014, 29 : 06 AM

اقتباس:

المشاركة الأصلية كتبت بواسطة توليب2

الف شكر لك اخوي على التقرير الجميل والرئع
يازين ايام زمان ليتها ترجع

أحلى تقيم لك

العفو والله أخت تووووليب2
وإن كان هناكـ من رووووعة فهو مروووركـ الذي تعطر به متصفحي المتووواضع
واشكركـ على التقييم
وتحياااتي لكـ وكووووني بخير أينما كنت

20 / 02 / 2014, 40 : 06 AM

بيوووووت رووووووووعه ماشاء
كم مره زرنااهاا ذا الاماكن تجنننننن
تسلم الايادي ويعطيك الف عافييه ع التقرير الرائع

20 / 02 / 2014, 46 : 06 AM

حلوه بيت الطين وليت والله يزينون الي عندنا ويحيووون تراث اهلناااا قبل ان تنتهي

شكرا عسساف

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق