الايا وجودي وجد عود طريح فراش

الا ياوجودي وجد عودا" طريـح فـراش=ولاله من الشغلـه سـوى جـر وناتـه

غزوه العرب غفله وغاروا على الادباش=ولاعـاد بـه شـده يــدور لمنجـاتـه

وصوت على ربعه ولكـن ربعـه مـاش=ومـن حـر مابـه بـل خـده بدمعاتـه

طرى له زمانا" فيه ياما غبـش مغبـاش=وياما حمـى ذوده مـن القـوم لاجاتـه

وثم جرها ونـه لـو انـه سمعهـا لاش=تعزوى وركـب الخيـل ثـم رد نوقاتـه

وياوجد حالي وجد شيخـا" غـدا فـراش=كريم البـلا منـه ومـن طيـب مداتـه

جفوه العرب كلا"وحتى القريـب انحـاش=وهو خابـر انـه قـد نفعهـم بوقفاتـه

الا يا حظـوظ الطيـب لقينـي مقفـاش=ترى الزين قفـى والسهـر ذي بداياتـه

يقولون لي اصبر ترى من صبر يعتـاش=واقول البلا في اللي قطـار الفـرح فاتـه

ويقولون لاتبكي علـى واحـدا" غشـاش=واقول الزمن غشاش والكـذب مشهاتـه

يقاصدني الفرحه وهمـي يجيبـه كـاش=ونوبا" يطـوف قصـد ويشـح فرحاتـه

ترى ياعيوني مايفيـدش كثيـر بكـاش=علـى واحـدا" قفـى وقطـع علاقـاتـه

والا يا قدم سيري عساها تفيـد خطـاش=على ديرتـا" فيهـا هـي آخـر ملاقاتـه

ترى القلب ماينبض ويحتاج له ( أنعاش )=يجـوز اصدفـه والقـاه وتزيـن دقاتـه
منقول

كلمااات رووعه

تسسسلم ياخوووي على الانتقاء

اقتباس: المشاركة الأصلية كتبت بواسطة سكايب الجود    كلمااات رووعه تسسسلم ياخوووي على الانتقاء

الله يسلمك
هذا من ذوقك الرفيع

صح لسآن الشآعر على هـ الرآئعه الجميله
والأجمل ذآئقتك المميزه
تقديري

كلمات القصيدة رائعة
و الأروع أختيارك
تسلم أخوي

الله ,
أبيآتَ فيّ قمة الروعة والآبدآعَ
لاهنت

اقتباس: المشاركة الأصلية كتبت بواسطة الراقيه    صح لسآن الشآعر على هـ الرآئعه الجميله والأجمل ذآئقتك المميزه تقديري

اللهم ارو والدتها فرحا ياسميع يامجيب
تحياتي

اقتباس: المشاركة الأصلية كتبت بواسطة شجون الليل    كلمات القصيدة رائعة و الأروع أختيارك تسلم أخوي

ذوقل الاروع ولقبك الاجمل
تحياتي

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    الله , أبيآتَ فيّ قمة الروعة والآبدآعَ لاهنت

يسلم ذوقك
شهادتك موضع اعتزاز
تحياتي

صح لسان الشاعر
يسلم ذوقك
لاهنت