||تمخطر بالحشا لبى حشاي وكل مافيني ||

12 / 02 / 2012, 51 : 01 PM

تفنّنت بغرامك والغلا هو سيّد فنونك
تمكّنت بغلاك وصرت تمشي في شراييني

وش إللي صار فالدنيا ليا ناظرت بعيونك
إنا في حلم وإلا علم!!.. إليا شافتك عيني

غرقت فموج بحرك ماوصلت لسر مكنونك
تساهلتك مع أنك صعب وأنت إللي معنّيني

عشقتك من ضمير ٍما يساوم فيك ويخونك
رغم كل الظروف إللي تجي مابينك وبيني

وعاهدتك عهد ماغيرك أحدٍ يقرب حصونك
معك طال الزمن وإلاّ قصر ياشمعة سنيني

عسى الله مايوريني فراقك وأعطش مزونك
تحريتك تجي في يوم تنعشني وترويني

عليك الله وأمانه كيف أعيش العمرمن دونك
وأنا إللي لا تذكرتك نسيت إللي يحاكيني

( أحبّك ) كلمةٍ تكشف غلاك وتطرد ظنونك
وترضي خاطرك وإللي يجيني منك يرضيني

تقرّب من حبيبك والعواذل لا يهمّونك
وأنا لا همني غيرك ,, ولا غيرك بيعنيني

مدام انّك ملكت القلب وعروقه يلبّونك
تمخطر بالحشا ( لبّى ) حشاي وكل مافيني...

رآقت لي جدا هالقصيدة
آن شاءالله تعجبكم
لميس