ارفع مقامك كنك الجدي وسهيل...

سبحان محصِ الناس جيل بعد جيل
وأرزاق خلقه بين... خلقـه قسمهـا ..



وأرسل لهم فالكتب قرآن وإنجيـل
وسيطر على كل الأمـور وحكمهـا ..


ياللي تخيل الناس قلي وش إتخيل
النـاس مولاهـا... يراقـب ذممهـا ..


مانته معدلهم على الكيـف تعديـل
خل العظام كسارهـا فـي لحمهـا ..



ورفيقك اللـي مايراعيـك بالحيـل
جرب حقيقة رفقتـه مـن عدمهـا ..



حده على بعض القصا والغرابيـل
يبيـن لـك منهـا قفاهـا وفمهـا..


إن كانها رفقـة مجامـل وتمثيـل
جرت بعيرٍ جاء الرشاش ودهمهـا ..



إعرف ترى مالك وراها محاصيـل
وأبرك لك إنك طالعٍ مـن غسمهـا ..


ولاتستمع في تاجر القـال والقيـل
ناسٍ تبيع بـ(سوق قالوا)ذممهـا..



حسـاد والحسـاد دايـم مغاليـل
عين الحسد ماوفـق الله سهمهـا ..



الحاسد النمـام مقهـور وخبيـل
عقرب وضم تلدغ وتزبن وضمهـا ..



وراقب ولي الكون بالصبح والليـل
اللي حصد روس الطغاه وصرمهـا ..



ترى الغرور أكبر مرض للرجاجيل
ليا حل بالنفس الشجيعـه هزمهـا ..



لك موعظه في سورة العصر والفيل
أصدق من الأبيات ..واللـي نظمهـا ..



وإجلس مع ثقاة الرجال الحلاحيـل
جلسة حلاحيل الرجـال إغتنمهـا..


تلقى مجالسهـم مـزوح وتعاليـل
وسوالف ماهيب يسمـج طعمهـا..



تاخذ بها حكمه وعـرف ودواليـل
ويبعد شقا روحك ويبـرد نسمهـا..



إرفع مقامك كنك الجـدي وسهيـل
وناس تبادلـك إحتـرام إحترمهـا ..



المرجله تقسيـم بيـن الرجاجيـل
ماهي مطيه من شراهـا وسمهـا ..



هاذي مثايل شعـر مثـل القناديـل
تجلا ظـلام القلـب للـي فهمهـا ..



من هيض هاجوسٍ تدفق كما السيل
تجي لـه الأبيـات لـو ماعزمهـا..

كلمات جميلة يّ الغلا
لكِ

ورفيقك اللـي مايراعيـك بالحيـل
جرب حقيقة رفقتـه مـن عدمهـا ..
كلام يوزن بالذهب
اهنيك على ذوقك
تحياتي

آبيآت رآئعه
يعطيك الف عافيه

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    كلمات جميلة يّ الغلا لكِ

مشكوره من ذوقك

اقتباس: المشاركة الأصلية كتبت بواسطة العالمي    ورفيقك اللـي مايراعيـك بالحيـل جرب حقيقة رفقتـه مـن عدمهـا .. كلام يوزن بالذهب اهنيك على ذوقك تحياتي

مشكووور يسعدني تواجد من هم من امثالك

اقتباس: المشاركة الأصلية كتبت بواسطة همس الجفاء    آبيآت رآئعه يعطيك الف عافيه

الله يعطيك العافيه من ذوقك

ما شاء الله امووره قصيده روعه واعجبتني كثير

شكرا على الانتقاء..

قصيده اكثر من رائعه
تسلمي على روعة الانتقاء يا الغلا
لاهنتي

نص جميل ورآئع
سلمتِ يآقلبي على آختيآرك وذآئقتك ...