بعض الناس أنهبلو ههههههههههههههههه....

18 / 11 / 2011, 29 : 11 PM

بعض الناس انهبلت والا هي منهبلة خلقه

طلعت من هايبر ماركت قبل شوي وانا بركب موتري إلا وأشوف هاك الاعلان
على قزاز الهايبر ماركت بيت للبيع وقرية كاملة للبيع
لظروف السفر والابتعاث ؟!!!
وبسعر مغري بترافيان
وحاط رقم جواله
المهم وأنا أدق عليه قلت غديه بيبيع ومحتاج ونستفيد كم قرش بعد ترميم البيت
وجلست أفكر وين هالحي فيه الي اسمه ترافيان
مايهم يمكن من الأحياء الجديدة وطقتها
وانا اللي أدق
عاد هو حاط صدى أغنية طلال مداح كنغمة رن (مقادير ياقلب العناء (
قلت شكله عنده ظروف قاهرة والرجال غرقان لشوشته ويبي يبيع باسرع وقت
وأرجع ريوس وأشق الاعلان قلت لا أحد يشوفه ويخرب علينا البيعه ويسبقنا
المهم
رد مرحبا
قلت السلام عليكم
وعليكم السلام
كيف حالك أخوي إن شاء الله تمام
قال الحمد لله
قلت شفت اعلانك لبيع البيت
البيت جديد ولا قديم ؟
قال جديد من بدايات 2009
قلت كم سيم وحدك يالغالي
قال منيب طماع
وتراي سمح
وأنا اللي أقول بقلبي غدي الدرج مفصول أرغب له وفيه مسبح وبايكة وبيت شعر
ومكيفات اسبيلت والبويه فيلفت
المهم قلت وش المواصفات
وهو اللي يقول
أخوي من جد فرصة لا تفوتك قال اسم الولد الله يسلمك قلت محمد
قال هذي الموصفات يا بومحمد
قريتي في ترافيان
وأنا اللي أهوجس وأقول شكله مطنوخ راعي قرى وشاليهات ومنتزهات
قلت الله يزيدك من نعيمه
شوي ويقول
عدد السكان 4077
لها 6 قرى فرعية
قلت ما شاء الله تبارك الله
اشتراك قوي 20 على السيرفر
ترتيب القرية 1250
فيها320 ذهب (قلت شكل البير الارتوازي يسمونه ذهب من زود غلاه (
والمطلوب 1500 ريال يالشيخ
قلت وش اللي ب1500
قلت بقلبي شكله مكثر اللبن أو إن البيت فيه إنَّ وش هالسعر
أكيد إنه مهوب صاحي لا بالله 1500 أكيد مهبول ولا يحسبني با ستاجر يومي
وانا الاي أسئله
بكم
قال 1500
وانا اللي أصرخ وأقول أنت صادق ولا تمزح
قال جاد يابو محمد ولولا الظروف قسم بالله ما أبيعها ؟؟؟
وأنا الي أسئله الصك بسمك ؟؟ البيت عليه مشاكل أرث او غيره ؟
الحي معتمد من الأمانة ؟؟؟؟؟
الخدمات واصله ؟؟
قال ياخوي إنت وش فيك أي إرث وأي مشاكل وأي خدمات وهو اللي يحطه على السبيكر
قلت شكلي أحرجته والرجال حساس
قلت له
والبيت وينه فيه ؟؟؟؟؟؟
قال بترافيان
قلت وترافيان بأي مكان ؟
قال أيش ؟
من قال أيش قلت شكلي غلطت قلت يالشيخ
الله يطول بعمرك حي ترافيان وين مكانه فيه ؟
قال تستهبل انت ؟
قلت لا والله منيب استهبل أول مرة أسمع بالحي
قال أي حي قلت اللي انت باني فيه حي الترافيان
وهو يضحك واسمع ضحكات من حوله اثره حاطه ع السبيكر
قال انت ماعندك كمبيوتر قلت الا
قال ولا عمرك دخلت ترافيان قلت أبد
حدي منتديات الأسهم ؟
قاحدي منتديات الأسهم ؟
قال ترافيان لعبه
واشتراك السيرفر33

قلت وشو !؟
وأنا اللي أقطع الخط
ويجلس يدقدق وأنا اللي ما رديت عليه
وأرقام غريبة تدق
وتاليها حسبي الله ونعم الوكيل
هو اللي يرسل لي رساله
(( حياك الله يابو محمد على النزالة حاطين عشاء في بيتنا الجديد بترافيان ((
وحاطط ههههههههههههه

يضرب ترافيان وتضرب سنينها هبلت بشبابنا هالألعاب
ههههههههههههههههه.منقولللللللل لللللل هع هع هع