وانتثر حبر الحكاية

10 / 11 / 2011, 27 : 10 AM

بعد مامرت سنين ..

وزاد في دمي الحنين

قلت : أبمر الأماكن ..!

أشتهي غبااار المساكن

كانت اللحظة جنون ..

وكان فيني الشوق ساكن ..!!

.

.

ورحت لملمت البقايا

والشظايا

بكتب آخر فصل تحويه الحكاية ..

.

.

وفي مسافات الطريق

كنت في الذكرى "غريق" ..!

.

.

وانتهت فيني المسافة..

وابتدت غربه ومخافة ..!

.

.

جيت حييت المدينة ..

اللي عنها رحت طفل ايدي في ايدين أمي

جيتها وفي يديني همي ..!

.

.

وللأسف كل شي خذلني ..!

المكان اللي حضني ..

هو نفسه اللي رفضني.. !!

.

.

ليه تنسى يااا مكان ..؟!!

خفت

ضيعت الأمان ..!
.

.

صار اللي ماهقيته ..

وين بيتٍ وآنا طفل قد بنيته ؟!

وين إحساس زرعته وماجنيته ..؟!

تهت .. ضيعت الهدى

صحت فيهمـ ..

" منهو فيكم شاف بيتي ؟؟ "

ومايرد إلا الصدى ..!!

وتمتماتي : " ليتني ماجيييييت ..

ليتي !! "

.

.

(( وشهو جّ ـابك ..؟؟!!! ))

.

هالسؤال اللي صفعني ..!!

ابتسمت له بثقل ..

وقلت: أوراق وشغل

ورحت أمشي بكل ثقه ..

.. كني أدري لوين أمشي

والله .. مدرررري ..

.. انتظرته يقول .. "بدري" ..!!

.

.

بس راااااح

ونصل حرفه في الجراح

.

.

اختلط حزني وفرحي ..

همس صوته هد صرحي

وتوهـ يذكرني المكان ..

.. وتووهـ يرجع لي الزمان

وتوووها تحلى الحكاية ..

وابتديت أكتب بداية فصل عنوانه (النهاية) ..!

.

وانتهت فيني المسافه

وكل شي أعلن جفافه

وانتهييت ..

وأنا تووووي ما ابتديت ..!

.

.

وانتثر حبر الحكااااية