الرجل يــذكر لو عليــه النصايـب

اهدي جميع محبي الشعر قصيدتي المسماة التبيان

الطيــب من ربي لخــلـقـة وهايـب === واللي عطاه الله ماهوب مجـــــحود
كم واحــدٍ للمال يحـسب حســايـب=== لو هو ولد شيخ ٍ عريب له جــــدود
وكم واحــد بالمال يعـطي نجايـب === لوهو من أقصى الناس بالطيب مشهود
وكمـن كريــمٍ راح ماله عـــقـايب === خلف وراه رخــوم وعــــقولهم زود
وكم واحد يفخــر وداخــله عـايب === والناس تدري ما يخفى من ســـدود
مكبر راســه بكـــذب ونهــــايـــب === يعد نـفـــســه بالفعل صار مــعدود
يقول أنا مثلي يخــوض الصعـايب === صـــوايـةً باللــــيل لاشــاف مسعود
كل ضحك عدوا هروجه عجـايب === مسكيــــن لا مكسب ولا زايد فـــود
الرجل يــذكر لو عليــه النصايـب === ذكره يخلــد لا حصل طاري الجود
وأنا ولـــد عثمان والقول صايــب === افخر بربعـــي لابتي هــم لي سنود
وافخـــر بكل اللي يسوق الركايب === في المرجلة لوكان من خارج حدود
والعنقـري قاله تــــــــراها هبايب === كلن عطـــاه الله والــــدون مـنقــود
هذا وأنا لا قلت ما نـيــب هايــب === اكتب من أفكاري ولا نـيـب محدود
وترى المواقف تختبرلك صحايب === وتبــيـن العدوان وقلوبها السـود
ومـــني ترى للي يبيــها حرايب === راعي النمــايـم في جهنم لها وقـود
واللي يبــــــي الجنة يبيله حسايب === الكبـــــــــر لو ذره يخليـك مقــرود
وأختامها يا عــــــالم ٍ كل غايــب === انــك تخلي الشــــر له بـاب مسدود
وصلوا على المرسول سيد الحبايب === اللي دعا للحـــق حــذر من الـــزود

الشاعـر حـمــد بن إبــراهيم العـثـمـان

صح لسانك اخوي المدرس ؛

هالبيت بالقصيده كلها
والــلــي يــبــي الـجـنــة يـبـيـلـه حـســايــب == الــكــبــر لــــــو ذره يـخـلــيــك مـــقـــرود
كلما اتحفتنا بحرفاً و ابداع ؛ كلما كنا باشتياق في لحظة جديدك ؛؛ فلا تحرمنا تواجد جديدك نصب اعينا

تحياتي

_مآآآطلعت عن،دي القصييييييدة !!!

الف شكر اخوي ابو ياسر وكلماتك بمداد الذهب على قلبي

صح لسانك يابوعاصم واعتلا شانك , جزل ماتجيب الا الجزله ,

واللي ماتطلع له القصيدة يالربع يدخل بمتصفح الوندوز انترنت اكسبلور .

صح لسآنك آخي المدرس على هـ الرآئعه الجميله
وصحْ نبضكْ ..

اخي العزيز راعي الراية
الف شكر على مرورك وكلماتك الرائعة

اختي الراقية تشرفت بمرورك وكلماتك العذبة
الف شكر

قصيده تعانق السحاب .. عذب في كل حرف ..!
لله دركَ يّ الطيبَ ..,

وتــرى المـواقـف تختبـرلـك صـحـايـب

==وتبـيـن الـعـدوان وقلوبـهـا الـسـود

ومـنــي تـــرى لـلــي يبـيـهـا حــرايــب

لاهنت يالطيب