وش عاد لوني تجرعت الامرار

ياللي هجرت القلب مـاتـفـيـِـد الأعذار
ماانته على مافات بيني وبينك

اول بدايـــــة حـبـنـا عـهــد واقــرار
والـيـوم ودعـنـا نهايــة حنينك

نـسـيـت حـب ٍ صـار مابـيـنـنا صار
واغليت منهم بالغلا خــادعينك

مـاكـنـت احـسـبـك للمحبيـن نكّـار
بـس الـزمـن طلع خفايا كنينك

حب ٍ غـرسـتـه طلع ازهـار واثمار
واليوم قطعت .. زهور كانت بيدينك

واثـمـار حـبـك قطعه حــد منشار
منشار هجرك والتغلي وشينك

حـق ٍ عـلـيّ لاكـون عـــازم وصبّار
وانسى حنينك يامجـافـي ضنينك

اصـبـر لـو إن القلب بــه واهجْ النار
واقول يـاقـلـبـي عسى الله يعينك

وش عـاد لـو جرحك على قلبنا جار
اضمد جروح ٍ جرّحه رمش عينك

وش عـاد لـو قلبي على واهج ٍ حار
مـوتـك عـزيـزه ولاحـيـاة ٍ تهينك !


لاتـحـسـب إنـك صـرت للـحــظ عثّـار
انساك وانـسـى كل حـبـك وزينك

إبـقـى عـزيـِــز الـنـفـس عـن كل غدار
حـقـك عـلـيّ ماقول يازيـنْ وينك

لابـــد مـاتـمـضـي والايـــــام تـنـدار
تـنـدم وتصفق فــي شمالك يمينك

يـجـفـاك خـلك ثـــــم تــنــدم وتحتار
زهـرة غـلانـا ؟ لازم انـه تـديـنـك

حـقـك عـلي يـازيـن يـاظـبـي الأقـفـار
إنــي اقــول الله يـسـعـد سـنـيـنـك

ماارضى لك الصادوف ياهاف الأخصار
يـسـتـاهـل الـتـوفـيــق غـرّة جبينك

وش عـاد لـو انــي تـجـرعـت الأمرار
وجعلتني بأسباب هجرك سجينك

يـبـقـى لكم نصحـي مـع الوقت تذكار
قلبـي حنون ٍ وبالدعاء ذاكرينك

إبـقـى عـزيـِــز الـنـفـس عـن كل غدار
حـقـك عـلـيّ ماقول يازيـنْ وينك

آبيات رائعه
وذآئقه جميله :)
ابدعت يآلغلا

وش عـاد لـو جرحك على قلبنا جار
اضمد جروح ٍ جرّحه رمش عينك
ابيات مميزة
ذوق مميز

مـاكـنـت احـسـبـك للمحبيـن نكّـار
.....................................بـس الـزمـن طلع خفايا كنينك



صح بوح الشاعر ,
و صحت الذائقه يّ َ دروَبكَ يّ الَسهرَ

صح لسآن الشآعر

وسلم ذوقك في الـأنتقآء...

اقتباس: المشاركة الأصلية كتبت بواسطة همس الجفاء    إبـقـى عـزيـِــز الـنـفـس عـن كل غدار حـقـك عـلـيّ ماقول يازيـنْ وينك آبيات رائعه وذآئقه جميله :) ابدعت يآلغلا

شكر على حضورك

لاهنتي

اقتباس: المشاركة الأصلية كتبت بواسطة العالمي    وش عـاد لـو جرحك على قلبنا جار اضمد جروح ٍ جرّحه رمش عينك ابيات مميزة ذوق مميز

اشكرك على حضورك

لاهنت

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    مـاكـنـت احـسـبـك للمحبيـن نكّـار .....................................بـس الـزمـن طلع خفايا كنينك صح بوح الشاعر , و صحت الذائقه يّ َ دروَبكَ يّ الَسهرَ

شكرا على حضورك


لاهنتي

اقتباس: المشاركة الأصلية كتبت بواسطة الراقيه    صح لسآن الشآعر وسلم ذوقك في الـأنتقآء...

لاهنتي على حضورك

شكرا