قصائد اعجبتني والزعل ممنوع

يـــمـل قــلب (ن) بنات البدو تلنه ... وأنا على دربهن سرداد مـــــردادي

أحب بنت (ن) تسوق السكس والدنه ... وليا غداء الذود جات تصيح وتنادي

مطنوخة (ن) تقنص الضبان بالكنه ... يـــاجعل يفــــدا البنيه كل صيادي

يازينها لا دخلت الخدر والعنه ... وأمسيت بين الخدود وغض الانهادي

تسوى بنات الحضر والي يحطنه ... ترى بنات الحضر من حبهن غادي
======================================
رد احد الشعراء عليها :

يامل قلب (ن) بنات الحضر شلنه ... وانا على حبهن ولهان و مزدادي

وعزي لقلب (ن) سبب فرقاهن أشقنه ... وأنا أشهد إن شوفهن هو غايت إمرادي

أهوى هواه (ن) واعز اللي يعزنه ... وعلن حروبي على من كان قوادي

واغلي غلاه (ن) واسب للي يسبنه ... واتبع خطاهن وأشوف للي يبن عادي

ياماحلى شوفه (ن) بالسوق لاجنه ... تعجب إخطاهن وتسحر كل مرتادي

وشعوره (ن) سود مثل الكحل يذرنه ... وعيونهن عين حر بالسماء غادي

وخصوره (ن) تعجب العاشق ويدعنه ... يمسي ويصبح بهن منصاب منصادي

الله عليه (ن) لاشفت الخد واكنه ... مزن تلامع بروقه يرجد إرجادي

وأنفاسه (ن) كنها الريحان لامنه ... فاحت عطوره وجامع جوهن هادي

واصبر على حبه (ن) ودراه واكنه ... واكتم جروح ونار العشق تزدادي



و اخيرا ردالشاعره عليها :

هو ليه يا شاعرٍ في لكنتك غنه ... تنسى بنات الحضر يا تايهٍ غادي

تسقيك لا جيتها من تالي الشنه ... والحضر تسقيك من ثلاج برادي

تعال عند الحضر للذوق والقنه ... خل البدو ما يثيبونك من الزادي

تلقى دلالٍ مبهرةٍ بها البنـــــــه ... والمطبخ اللي به الترفيه وقنادي

خل البدو خدرهم ورياح يسفنه ... البال عطاشا وراعي زملهم غادي

ان جيت عند الحضر تلقا لهم رنه ... ترحيب ومقلطٍ لفراش ووسادي

ترى الذهب في عتاق الجيد يزهنه ... وان شافهن مثلكم بالخشم ينقادي

البدو والحضر اخوان اكل فيه حقه لكنها قصائد اعجبتني اتمنى ان تروق لكم

قصآئد رآئعه لكن قويه شووي :)
عوآفي اخوي ع الططرح