يمه بقولك شي بس لاتعصبين ..!!

يمه بقول لك شي بس لا تعصبين..// يمه كتابي بالمدرسه نسيته..! ونسيت الالوان ودفتر التلوين..// و دفتر الأملاء بالغلط شقيته ..! وانا مع صاحباتي المزايين..// يمه صبعي بالمقص جرحيته ..! بس صدقيني ترى مايعورالحين ..// لاني في المدرسه بالماي غسلته..! و نشفته وحطيت صبغة الايدين ..// وبلزقه الجروح و الكلينكس لفيته..! اكلت العلكة وجبنه ولوزين ..// و العصيرما عجبني طعمة ورميته ..! ايه يمه ابله العربي الي تعرفين ..// يمه الجوال منها سرقته ..! قريت الرسايل ا لمرسله و الجايين ..// وفيها كلامن كثير ما فهمته ..! بس والله يايمه تصدقين..// بسرعه وبدون ما تحس رجعته ..! يمه وبقول لك شي بس ابوي لا تخبرين ..// شعري امس بالمكوى حرقته ..! و روجك الوردي الي تحبين..// يمه خذته معي و في الباص ضيعته..! يمه اسناني تعورني من الصبح للحين..// وضرسي الي يتخلخل بالغصب قبعيته ..! و غسلت فمي و بالماي وللحين..// القطن بفمي من الصبح ما شلته ..! يمه حصة القران تدرين..// والرياضيات والعلوم ما حظرته ..! جلست العب في الساحه مع صابرين..// وضيعت شرابي وللحين ما شفته ..! ورحت مع احمد للمدرسه تصدقين..// وكل الي نسيته من هناكجبته ..! ردفني بالسيكل وسرعنا مثل المجانين..// و شرابي الوردي وربي لقيته ..! وفي طريقنا واحنا ع المحل مارين ..// وقفته و من يده للمحل نزلته ..! وهذا الكتكات و السنكرس لا تزعلين ..// و االببسي والبونتي لك شريته ..! وترى نص الكتكات لي لا تفرحين ..// و البونتي والسنكرز لك مابغيته ..! وهذي هي اللصقه و غرشة الايدين..// وترى من غرفة الارشاد سرقته ..! يمه تعبت من الحكي وبنام هالحين ..// وبكره اكمل لك الي سويته ..! اووه صحيح الحليب الي شريتين ..// تراه انكب بالمطبخ ما غسلته ..! و صج الكريم و علبه الفازلين..// و المشط و الشرايط بالكبت خشيته ..! واخوي الصغير يبكي من جيت للحين..// مو راضي يسكت بالعصا طقيته..! يمه تكفين بالزعل لا تعاقبين ..// لان ابوي توي من شوي راضيته ..! هذا يايمه الي صار لا تكفين..// لا تزعلي ترى الزعل عمري ما قويته ..! ودخلت الطفله في عالم الحالمين ..// والدموع الي بعينها ما نسيته..! نامت الطفله و هي تتمتم الى الحين..// يمه السمك ترى للقطو حطيته ..! يمه المريول اغسليه لا تنسين ..// و علي واجب لبكره ما حليته ..! اخذت يمه نجمتين بالدين ..// واختفى صوتها والباقي ماسمعته..! مسحت دمعتهاو قبلت الجبين ..// و شعرها المنثور بيديني جمعته ..! طفلتي جننت من البشر ستين..// و الميه الحين اتوقع وصلته ..! ● ● ● كل ذا ولاتبي امها تزعل

كان سميتيها حوسة افضل
الف تحية وبالتوفيق

قصيده رائعه وجميله وفي نفس الوقت ظريفه

أهنيئك ع هذا الذوق يارائعه

ودي ووردي لك

اقتباس: المشاركة الأصلية كتبت بواسطة العالمي    كان سميتيها حوسة افضل الف تحية وبالتوفيق

هع وش دعووا حووسه الشعر انواع ياخووي
ويكفي انه معجبني حيييل
منور

اقتباس: المشاركة الأصلية كتبت بواسطة ملامح صادقه    قصيده رائعه وجميله وفي نفس الوقت ظريفه أهنيئك ع هذا الذوق يارائعه ودي ووردي لك

الارووع طلتك ياقلبي
وزين اعجبتك مومثل العالمي هع
منورة وبقوووة

كل هـالأشيآء ولآ تزعلين !
وربي روووعهَه .. يعطيك العآفيه يَ لميـس
دوْم مبدعهَ , مآشآء آلله مآننحرم منك يَ رب
دمتِ بود

الظاهر ان العالمي صادق يا لميس ههههه
بس بقول لك حاجه ،، اقرب ما له شعر النثر ..
وشكرآ على مجهودك وتسلم ايدك ..

حتى شعرك حرقتيه
طيب بالاستشوار او بالفير
او بالسراميك او بالمجفف
او بالكبريت او بالولاعه
هعععععععععععععععععععع

اقتباس: المشاركة الأصلية كتبت بواسطة مزاجية تمير    كل هـالأشيآء ولآ تزعلين ! وربي روووعهَه .. يعطيك العآفيه يَ لميـس دوْم مبدعهَ , مآشآء آلله مآننحرم منك يَ رب دمتِ بود

الآآروع طلتك
وزين آعجبتكم هع هع
مششكورة على روعة طلتك
منورة يآآبعدهم..~

قصيده راااقت لي كثيييييييير

يثثثثثثثثثثثثثثثثثلمو

ودي لك