قهوتي سكر زياده ..والجريده أخبارها ساده ~

قهوتي سكر زياده ..والجريده أخبارها ساده

صباحكم / مسائكم .~

سكر زياده ..

.~ جريدة الصباح ~.

~ جريدة ~

في كل صباح .. تحمل العالم يديني
أخبار .. مآسي .. حروب
أقرأها في طي الجريدة

قهوتي سكر زيادة

والجريدة .. أخبارها سادة











في الزاوية آخر خبر ..



واحد في الانعاش ..والثاني انتحر ..!



وبجانبهـ إعلان :




الليلة حفلة يحييها فنان !!

وفوقهم مجرم على كتفه حمامة .
.
قالوا: هذا " صانع سلام "

بعدها بصفحات .. صورة مدينة

و مباني حزينة ..
وحشية و دمار ..

ياحلوها الاخبار ..!!



قهوتي سكرها زيادة ..

والجريدة أخبارها سادة ..

إعلان : ضاعت كلبة فلان .. واللي يلقاها له جائزة مليون



إعلان : ملايين البشر من جوعهم يشكون .. !



حادث: في تمام الساعة الفاجعة من منتصف الويل ..

حادث اغتصاب .. طفلة يعتدي على عرضها شاب ..

و القهر .. ماتعدت من عمرها الاعوام ..



و الحكم .. عشرين عام.. وبالتمام ..



بين قوسين.." كلها سنتين وياخذ افراج"

حسن سيرة و سلوك ..!

قهوتي سكر زيادة ..

و الجريدة .. أخبارها سادة ..

وبعدها صفحة ملونة ..

وحدة قرعة .. ماتدري ليش ..
كأنها واحد داخل الجيش ..

و الثانية شتان .. شعرها واقف طويل ..

تحسب انه مهرجان ..

و فوضة مابعدها فوضة ..

ولما تمعنت و قريت .. عرفت انها الموضة ..

انقر على هذا الشريط لعرض الصورة كاملة.





أبراج .. قلت أنا بقرأ الأبراج

يمكن ألقى لي خبر .. يطيب الخاطر ويعدل لي المزاج

الحوت : انت مريض و جايز تموت .. !!!

كذبت إحساسي .. وقلت في نفسي ..

أكيد أنا ناسي ... مو هذا برجي ..

أكيد ذا برج العدو .. قلت أنا بقرأ " الدلو "

قهوتي سكر زيادة .. والجريدة .. أخبارها سادة ..














سكرت الجريدة مثل ما كانت .. ورحت أدور ..

وين الذي باعها وين ؟!
ولما لقيتهـ ... رجعت الجريدة
وأخذت [ الريالين ^_^ ] !!

دامت أيامك سعاده

موضووع جميل
سلمتِ يالغلآ على الـأختيآر ..

الارووووووووووع تواااااجدك ياقلبي

ودي لك

طرح جدا رائع ومتميز

سلمت أناملك ع هذا الآنتقاء