اللي يحب القبابيط او ( المطازيز) ....... يدخل //

بسم الله الرحمن الرحيم


المقادير :

انا ماعندي مقادير كل شي علي كيفي ..
بصل / ثوم
طبعا حطيت قطع لحم صغير وخضار ( بطاطس / جزر / كوسه / فاصوليا ) كل وحده ورغبتها ..
ملح / بهارات مشكله / فلفل اسود وكمون ومعجون طماطم ..


الطريقه :

احمسي البصل والثوم في قليل من الزيت ثم اضيفي اللحم والبهارات وحركي ..
ثم اضيفي معجون الطماطم واتركيه يتسبك ثم اضيفي الخضار ولمدة عشر دقائق وماءً حار واتركيه يغلي ..

بالنسبه للعجينه يكون الدقيق البر المقدار اللي انتي تبغين ..
ومقدار الماء انتي تحددينة تكون العجينة اقسى من عجينة الفطائر ..
نقطعها على شكل كورصغار وتفرد على راحة اليد ..
او انك تفرديها بحيث تكون لا سميكه ولا رقيقه وسط وقطعيها دوائر بواسطه كاس ..
توضع المطازيز في المرق ..
اتركيه يطبخ من ثلث الى نصف ساعه ثم قدميه ..

والف هناء وشفاء
وهذه صورتها







من قريب ..

ماشاء الله ورا ما عزمتيني شكله مغري

بالعافيه على قلوبكم

الله يا ام منى انا من عشاق هذا الطبق

تسلم أيديك يا قلبي

من زمان عنه ..
تسلم آيدك يآآم منو ومن آيد مآنعدمهآ يآرب ..

اقتباس: المشاركة الأصلية كتبت بواسطة طفولة تمير    ماشاء الله ورا ما عزمتيني شكله مغري بالعافيه على قلوبكم

تشرفينا في اي وقت ..
والله يعافيك ..

اقتباس: المشاركة الأصلية كتبت بواسطة قصائد    الله يا ام منى انا من عشاق هذا الطبق تسلم أيديك يا قلبي

يسلمك ربي من كل شر ..

اقتباس: المشاركة الأصلية كتبت بواسطة الراقيه    من زمان عنه .. تسلم آيدك يآآم منو ومن آيد مآنعدمهآ يآرب ..

الله يسلمك يعافيك ..

-
ماشاء الله تبارك الله
يشهي يمي يمي
والله من زمان ماكلته قليل نسويه

ما شاء الله عليك ام منى شكل قبوطكم مشهووووي ولذيذ

تسلم اديك وعسانا ما ننحرم من حضوورك وتواجدك..

ماشاء الله عليك يَ آم منى
مره لذييذ شكله
الله يعافيك