قصيده لـ الخوي

انا خويك اللي ليا طحـت شالـك
لاضامتك دنياك والوقت بك مـال
أنا يمينـك شدنـي فـي شمالـك
يمنى بلا يسرى ترى حالها حـال
أنا عزاك وعزوتك لاجـرى لـك
من تاعس الدنيا هواجيس واهـوال
ماني من اللي لا اغتنى ماوفالـك
لو لك عليه من الجمايل والأفضال
وماني خويك كان وقتـك صفالـك
أنا خويك لادبرت فيـك الأحـوال
خذني عصا موسى اذا كنت هالـك
امسح لك بحور القهر قول وأفعال
بالك يجي في خاطرك يـوم بالـك
انك تغيب ولا تجي لي على بـال
لا لا تفكر انت فـي مثـل ذلـك
ان اتخلى عنك لو الزمـن طـال
مااقول أنـا ياعـم مالـي ومالـك
ماترخص العشره ولاتغني أمـوال
اسمع جوابي قبل مااسمع سؤالـك
خارج حدود التغطيه وارسل ارسال
على محيط السالفـه حـط دالـك
اجيك رجلي كان ماجيـت خيـال
أنا ليا شح الزمـن فـي وصالـك
تمدني النخوه على وصلك حبـال
أنا عمى عين العدو لانـوى لـك
انول روحه قبل ما روحـك تنـال
بينك وبين الشمس شجرة ظلالـك
ماللشجر قيمـه اذا مالـه ظـلال
والليل لو الليـل مظلـم وحالـك
ترسمني الظلما على صدره هـلال

كفو القايل والناقل
الله يحفظك

اقتباس: المشاركة الأصلية كتبت بواسطة العالمي    كفو القايل والناقل الله يحفظك

ويآك
مشكور اخوي منور الصفحه

اشكرك على النص
يستاهل بعض الاخو ان هذا واكثر
مع التحية

اقتباس: المشاركة الأصلية كتبت بواسطة كلي هم    اشكرك على النص يستاهل بعض الاخو ان هذا واكثر مع التحية

منور الموضوع بردك ..