أحاول أكتم أنفاسي أعدّي ضيقتي وأنام

أحاول أكتم أنفاسي أعدّي ضيقتي وأنام
ــــ أباعدهم عن عيوني يجون ف مُعظم أفكاري

أناديهم تعبت أقسى أجامل وأحترق أيّام
ــــ يطول الوقت وأتناسى من البايع من الشاري !

بحاجتهم أنا وأدري نسوني من قبل هالعام
ـــــ ضمايرهم قست باعت وتاهت فيهم أعذاري

نخيت الطّيب بعروقي يلاشيهم كما الأحلام
ـــــ عشان أعيش مرتاحه أنا مابي لهم طاري

تحمّلت الجفا منهم تعب هالقلب ماينلام
ـــــ طعم هالمُرّ في حلقه يذبّل كلّ أشجاري

صرخت بصوت متجرّح ياغيّابي كِفى أوهام
ـــــ كِفى هالصّبر حطّمني كسرني في وسط داري

قويت الهم لكنّ الغياب أقوى من الآلام
ــــــ ومن كثر القهر فيني كتبته حزن ب أشعاري

أشاكي الليل خلّوني أهذري والجروح اقْيام
ــــــ ملامحهم تناديني وأحسّ الشّوق بي عاري

يطلّ الصّبح أستنجد بقاياهم وأجرّ أقدام
إلين أوصل مراسيهم أبيّح آخر أسراري

فقدت الفرح إحساس الأمان ومابقى أقلام
ــــــ أخط فيها تناهيدي طعوني طيحة أسواري

يهون الجرح لامرّوا بعيني وأنطق إستسلام
ـــــ تعالوا ضامني هالبُعد كفاية لعب ب أقداري


ممآ رآق لي ^_^

كلام جميل من أنسانـــه في قمــة الروعـــــــه♥♥

اقتباس: المشاركة الأصلية كتبت بواسطة صـدى الحـرمان    كلام جميل من أنسانـــه في قمــة الروعـــــــه♥♥

من ذووقك ..
الاروع مرورك يآلغلا..

ابيات جميلة وانتقاء اجمل
شكرا همس

اقتباس: المشاركة الأصلية كتبت بواسطة جار القمر    ابيات جميلة وانتقاء اجمل شكرا همس

الاجمل مرورك ..
حيآك الله

آبيآت روعه
شكراً لهذآ الـأختيآر والذوق آلعآلي
آحترآمي

اختيار موفق ورائع
بالتوفيق

كلمآت رائعه
تسسلمين يالغلا
وددي لك

حيآكم الله ومنورين الموضوع بطلتكم ^_^

نص جميل رووعة
تحايا