مسيلمة كذاب ومحمد نبي

يا صاحبي في الناس معطى ومحروم=من عاد خلق الله في غزو وسبي

واليوم نفس الحال والحكمه تدوم=من خالق الدنيا على ما هو يبي

الشيخ يبقى شيخ .. حاكم ومحكوم=والا الصبي طول الزمن يبقى صبي

ولا صرت من ناس يسدون اللزوم=لا تنخضع لاهل المشالح والعبي

ارفع مقامك لا تشبّه بالرخوم=الطيّب اتعب معه واللاش يهبي

ولا تحسب اني من رديين العزوم=اللي على درب الوفا تحبي حبي

الكسب من يمناي والعز محسوم=والحمد لله ورث من جدّي وابي

ولا شكيت من الزمان ابا الهموم=ولا ذرف دمعي ولا بل هدبي

ولاني باطوّف كل ليل وكل يوم=ايات كلمه طايشه من صاحبي

الاوله من صاحبي عنها بشوم=وماهو على شانه على شان شنبي

به شاربٍ لازل ,, غالي ومحشوم=وبه شاربٍ ماهو بكفوٍ لتعبي

والثانيه والثالثه لاجل السلوم=وان طوّلت بشب ناري بحطبي

يعني العلوم اللي تقفاها علوم؟؟!!=تعمي عيوني خص لا ثار غضبي

وما عاد اميّز في الدفاع وفي الهجوم=لا جات كورة لعبهم في ملعبي

اشوتها قدام والقايم يقوم=اليا وصلت الظاميه قلت اشربي

والا انت مدري وش تبيع و وش تسوم؟=من يوم خليت الذكي مثل الغبي

راحت عليك ام المخابي والكموم=واليعربي يعرف كلام اليعربي

واليا بغيت تعرف تفسير الحلوم=مسيلمه كذاب ... ومحمد نبي
منقول( مبارك بن خليفة )

لاهنت العالمي على هذي الابيات الرائعه
والله يعطيك الف عافيه

صح لساَن الشاعر وسلمت يدين ناقلها..عطاك الله العاَفيه..

اقتباس: المشاركة الأصلية كتبت بواسطة همس الجفاء    لاهنت العالمي على هذي الابيات الرائعه والله يعطيك الف عافيه

الله يعافيك وهذا من ذوقك

اقتباس: المشاركة الأصلية كتبت بواسطة هيّاف    صح لساَن الشاعر وسلمت يدين ناقلها..عطاك الله العاَفيه..

تسلم يمينك ياغالي

الله عليييييييك ..

صح لسان الشاعر ملايين وتسلم يمنااااااك يالعالمي ..

إنتقاء واختيار مميز وجزل ..

الف الف شكر لك ..

أبيات فالصميييييييييييييم صراحة ..

لاهنت ولاعدمنا جديدك ..

تقبل مروري ..

..............

انت مقبول
كيف مانقبلك وانت المشرف
وبعدين مشرف كلك ذوق
منك نتعلم ياحبيبنا