صدناهم بطرقتنا الخاصة وشهد شاهد من دارهم

بسم الله الرحمن الرحيم
السلام عليكم ورحمة الله وبركاته

أبو مشعل بما أنك عاقلهم وفاهم وسبق وأن قلت لي حنا فالحين في المهايط وأنتم في بطولات الى بطولات صح تراك صدوق
عندي لك موقف مع مجموعة نصراوية في أحدى الآستراحات
بالمجمعة وهم زملائي من التعليم وسبحان الله كنت الوحيد بينهم هلالي وعددهم 5 ههههههه ماتلاحظ يبو مشعل الرقم مميز
المهم هم لا يدرون أني هلالي قلت في نفسي لقيتها فرصة
السالفة دار الحوار عن النصر هذا يقول كذا وهذا مثل سألني
واحد منهم قال ميولك قلت نصراوي الله لا يوفق من وهقنا في
شي أسمه كوره المهم دار الحوار بينهما الا أن توصل النقد الى إنفعال المهم قلت بصراحه ويش الفائده
من كلامكم قال واحد منهم
وصل عمري 30 عام ونحن نشجع فريق متهالك وغيرنا أعمارهم 10 سنوات
وكلها بطولات قلت على هونك أبني هلالي عمره 9 سنوات وكلها بطولات وأنا عمري 52 سنه مير 21 بطولة نصراويه هههههه هين العب عليهم قال واحد منهم كلمة لا أحب ذكرها قلت تعوذ من الشيطان يجي يوم ونصركم يكون بطل قال هذا في
حلم الضبعة سألت أحدهم قلت بالله عليكم أنتم مقتنعين بالعالمية
قلت لهم أنا شايفها لعبة تظلل علينا من إعلامنا والسبب فشلنا في البطولات المحليه صح
قالو صدقت حنا خذناها ذريعة للهلالين ولا نعرف أن نادينا تأهل
فضل من الله ثم فزعة فيصل بن فهد قلت ماتلاحظون موال العالمية دبلت سبودنا قالو صدقت قلت على سبيل المثال الآتحاد
لعب بالعالمية بعرق جبينهم ولا قالو حنا حنا ومع هذا يحققون
بطولات و الهلال تأهل للعالمية ولا قالو عالمية
ومع هذا يلهم في البطولات وحنا من جفره لدحديره وأعلامنا حاط حيله التحكيم الجان ووووو مولات وبيانات لا تنتهي دائما
بالمهايط قالو لي صدقت يبو عبدالله كلامك في محلة قلت لهم هل العالمية نفعتكم بشي قالو
مالحن كفو عالمية قلت لية قال تخيل الي يلعب في العالميه يعجز أكثر من 16 سنه مايحقق الدوري هل يعقل قلت لا بد فية
لغز قال واحد منهم أنا أعرف الغز شنهو قال الظلم ظلمات
تذكر كيف تأهل النصر قلت لا قال من المفترض الي يمثلنا
في العالميه الهلال وليس النصر قلت لية قال لآن النصر بطل
1998 والهلال 1999 والفيفا طالب أبطال 1999 لكن فزعة
فيصل وميولة النصراوية الله يرحمه حرمت الهلال من المشاركة
ماهيب ظلم أه هذا مربط الفرس لقيتها طيب قلت وبعدين قال أي
بعدين يبو عبدالله أقول ظلم بعينه تقول بعدين يله خل ولد فيصل
ينفعنا أه غيرنا يتهنا بالبطولات وحنا نردد العالمية ماطولك ياليل
الله يلعن عالمية لعبنا فيها ماصارت عالمية صارت حالمية شف
الهلال لديه رجال أوفياء مخلصين قلت و النصر قال أمحق رجال تنهب وتسلب حقوق لاعبينهم والدليل فيصل بن تركي يطالب بالغاء فكرة مخالصة الاعب مع ناديه ليه يبي يكمل على الباقي
قلت لا لا خاف الله لا تتهمه وأنت ماشفت بعينك قال ماجد عبدالله صرح بأن له 6مليون ريال وعليها شهود من إدارته
قلت والهلال عليه حقوق لسامي 2 مليون قال رجال الهلال يتعاملون مع لاعبينهم بمصداقية ولم يجحدو ريال لسامي المهم في النهاية قلت الآن أول مره أجد نصراوية صادقين الآن ثبت أن الهلال هو العالمي صح البعض قال نعم
ومنهم قالو صادنا لوالله أنه هلالي حكرها قالو بالله عليك أنت هلالي قلت نعم وصميم قلت لهم بصراحه صدناكم صيدة سمكه
بعد هذا الحوار هل أنتم جادين بكلامكم قالو نعم قلت لهم فيه منتدى تميرفيه ناس متعصبين والبعض
متخلف لا يفهم في الرياضه شي أبيكم تسجلون فيه وتقولون الصراحه قال تم الوعد خلال أيام بس لا تفضحنا بالي دار بينا
قلت هين يكون خير مادرو أني أدورها من زمان
بو مشعل أنت دائما معي صدوق يومنك صغيرقل الصراحه عن
الي دار في الحوار بين أبناء جلدتكم هل هم على حق
أن قلت لا فصلناك من الخدمه نهائيا
ختاما تقبلو تحيات زعيمكم
( الوهبي )

اخوي الدوهبي او القصبي ماقلت لك انك فلتة بس ماتوقعت انك ممثل الى هالدرجة تصدق قريت مقالك مرات وكل ما ازيد يزيد غموضا مرة تكلمهم على انك نصراوي ومرة هلالي وانت منسجم وطايح تمثيل عليهم وعلى نفسك والربع كأني اشوفهم حاطين شمغهم في أفواههم وهات ضحك المهم اللي تبي توصل اليه التشكيك في العالميةوسويت هالموال كله وانا اقول عمرك اكثر بكثير مما ذكرت انت من ايام الملك عبدالعزيز واللي مايعرفك يدري انك هلالي من شكلك ( يخرب شكلك). وستايلك هلالي ( ستايل مثل فنايل)وشلون اللي يعرفك مايدري (الظاهر من اندماجك في الدور صدقت) على ا لعموم احسن لك استمر في تمثيلك وحلمك الين تصير عالمي بالتمثيل اوالحلم مادامك مبدع كذا وجب لك رز ابوكاس وقل هذا كاس العالمية وكلما خلص جب اخر( بطولة وعيشة) وان بغيت جب صحن مرقوق وقل هذا كاس احسن لاعب وبادية جريش لأحسن حارس وبيالة شاي لأفضل ممثل بس انتبه لاتزغل على روحك في الحلم لأني عملتها على روحي من الضحك حسبي الله عليك ماتخلي علومك """"""" تصدق دخت مرتين وانا اقرأ مقالك الا ماتخبرلي ددسن غمارتين أبا أسوقه وانا في غمارة ورى ( ياهيش جيبو لي ملابس داخلية) ملاحظة ودي بعض الاخوان مايعتبون علي أنا والوهبي لأننا نمون على بعض ومارستها اكبر وللجميع احترامي الا الوهبي احترامي وحبي

الله علييك يالوهبي


والله اذا العالميه بتحرمني من البطولات 16 سسنه فـ طزززززززززز في العالميه مابيهاا

عزيزي twix هنيئا لك بطولاتك وموفق لكن فهمت أنكم تاركين العالمية عشان ماتنحرمون من البطولات صح؟ وبعدين أنا ماعرفت لقبك بس كتبت مثله لكن ودي أسالك هو جوال والابسكويت ولك الف تحية وشكر

العالمي وين جيت منه أه ذكرت أثرك جاي من مزرعة الفايزيه بالسودان يقولون أن فيها برشوم لونه أصفر وطعمه فول سوداني على طاري الفول يقولون أن الفول
يداوي الي في كبده مر وحروره من عزاف سنوات الضياع

خلصنا من التونة للفول من سوداني البر الى السودان ماخلاك ماجد تقر قر قرالله بطنك والفول نعمة يابوبيض عيون تاكله على انه مندي أنا هاليومين مشغول خل أفرغ لااحلم لك حلم على راي حسين عبد الرضا يخليك تهجد على طاري حسين وش اخبار الدعيع الله ياهو ماعين خير عقب ذيك المصعة حتى في التحليل مايتعرضه وتحياتي للجميع

اهلا اخوي الوهبي
تصدق تصلح ممثل مع القصبي خاصه ان الشبه كبير جدا
تصدق حتى انا جلست مع هلاليه وسالتهم عن لقب نادي القرن قالوا خرطي بس بيلعبون علينا بالالقاب عشان ننسى العالميه
طبعا انا قايل لهم اني هلالي والله من الشي قالوه بس ابستر عليهم
ويمكن يدخلون هاليومين خخخخخ

الوهبي كم انت ممتع في حوارك تصدق صارت مواضيعك وجبه افطار لي كل صباح تذكرني بابو حديجان اذا جاء كل صبح

شكرا لك عزيزي

نشكرك يابومشعل لكن الرجال ناوي يحولها مسلسل وانا شجعته على الفكرة وجالسين نبحث عن دعم وش رايك تساهم معنا الكاميرا عنده والفرشات عندي طربال وشعار الزعيم كم خيشة شعير ونصبغها ازرق ومعشش ابو شامان وكم عنز خابرها قريبة وبيوك الرجال لنقل الممثلين وعمال المستشفى نصفهم ونلبسهم شالات وكم لقطة عند الشلال وفي ظهرة الشعب نقول لقطات لزيارة النادي العالمي الهلالي للبرازيل ونمربهم على ملعب بوضاء ونصور تدريب الفريق الخ الخ بس وش رايك نسمي الفلم طبعا العالمي صعب أنا اقول نسميه جار العالمي ويخب والا *: وش رايك يابومشعلt32:

هههههههههه الله يرحم حالكم بس للحين مصدقين باالعالمية ؟؟؟؟

اخوي الزاحف حياك الله وشلون تصدقون بالقرن من اتحاد الشغالات ولانصدق بالعالمية اللي ابدع فيها النصر امام العالم ولك خالص محبتي