قصيده للبنات اللي يبن يعرسن..

السلام عليكم ورحمه الله وبركاته ..
مساكم الله بكل خير..

هذا اول موضوع لي بالمنتدى (الا ثاني مشاركه لي بالاصح ) الله يستر لا تحطمون تراني رقيقه :Redface:
هذه قصيده للبنات اللي يبون يعرسون وطايرين عليه >>> لاحقين على الغثى
.
.
.اخليكم معها



لاتحسبين العرس توفـي وكتكـات ولا تحسبينـه تويكـس والا بونتـي
ولا تحسبين العر س كيكة وطرطات وصلـة قطعتيهـا ووصلـة بلعـتي
ولاتحسبين العرس تصفيق واصوات وانت عللى صوت الزغاريد همتي
ولاتحسبين العرس كوشة ولمبـات وانت كما الطاووس فيهـا جلسـتي
ولاتحسبين العرس احلام في الشات يامـا بنيتيـهـا ويـامـا هدمـتـي
ولا تحسبين العرس روحة وجيـات هيا اقضبي بيتك عسـى مانهبلتـي
ليلة سعيدة وانت احلـى الجميـلات تشخص عيون الناس اذا حضـرتي
(واللاينر)حطيـه بـلا زيــادات لا يخـرب المكيـاج اذا دمـعـتي
(والمسكرة)تحتاج لطف ومـدارات حتـى يبـان ازيـن اذا غمضتـيي
(والاسبريه )رشيه حتى البصيـلات ينسك شعرك زين ولـو كـان زدتي
وترى(المحدد)فن يحتـاج رسمـات يبـان رسمـه زيـن اذا ابتسمـتي
العـرس يابنيـة ماهـو شعـارات تفنـى مراسيمـه وتبقيـن انــتي
ويبقى شريك العمر راعي الطويلات هذا هو العرس الحقيقـي عرفتـي؟
اول نصيحة لك حفـظ الصلـوات صلي العشا والفجر في كل وقـتي
وفي ليلة العرس الموفق وبالـذات ادعـي الكـريـم الله اذاسـجـدتي
والتعري لاترضين عند الكوفيـرات ولبسـك يملـي العيـن اذا لبسـتي
واللي على زوجك تحرضك مرات ارجـوك شوتيهـا شوتـت بلنتـي
والصبر في العشرة حتى على فتات ياماحـلا فعلتـك يومـك صبـرتي
واذا حفظت السر مـع المـدارات زوجك ترى في عيونه انت كبـرتي
والسوق يعني هاه وقت الضرورات والاتـرى زوجـك يـدور لمفتـي
زيدي الغطاية وكثري في العبايـات والله يرضـى عنـك اذا سـتـرتي
اوصيك بالكبسـة وكثـر اليدامـات حتى لوانـك مـن سببهـا متنتـي
وخلي الرجيم اللي فشلت في مرات سويـه مـرة واحـدة لا ولــدتي
اوراق شاعر يرسل ازكى التحيـات خصيـه بالـدعـوة اذا دعـيتـي



وسلامتكم ..

منقول للوناسه : :almee3-19

أهلين أختي Heart Beat

وأن شالله تستمتعين معنا ^^ ..

ههههههه قصديتك كيووووت ..

مشكورة حبوبة ^^ ..

أختك ..

A N G E L

أوه اللون الي تكتبين فيه مره كيوت ^^ حاولت أدوره بقائمة الألوان ما لقيته .. إذا ما فيه تعب عليك ~_^ ممكن تشوفين ايش هي واجة محرر النصوص عندك ^^ ..

شكراً ..

الأخت الشاعرة /القصيدة جيدة من حيث الفكرة والمعنى فقط تحتاج إلى بعض النظر في الوزن {في نظري المتواضع}
وإلى الأمام

شكرا لك اختي Heart Beat...

قصيدة رووووووووووعه...

لاتحسبين العرس توفـي وكتكـات ولا تحسبينـه تويكـس والا بونتـي>>>>شهيتيني....بس ما فيه سنكرز ليش؟؟؟

بس حاولي المرة الجاية تغمقين اللون لان عيوني حولت وانا اقراها...

يسلمو ع الموضوع...

تحياتي,,,,,,,,,

هلا وغلا بنبض القلب


منورتنا

وش هاالقصيده الروعه

خلاص مابي اعرس هونت

بس

ابي
ابي
ابي
ابي






باونتى

هلا بك اكثر A N G E L ..

تسلمين والله..

نورتي الموضوع وربي ..

عوافي اختي ..
.
.
.
.

العالمي

بس انا ما كتبت القصيده ..

مشكور اخوي على المرور..

الله يعطيك العافيه ..
.
.
.
.

رقه الماضي

اهلن يا الرقـــه كلها..

اجل شهيتكم ..

اقتباس: بس حاولي المرة الجاية تغمقين اللون لان عيوني حولت وانا اقراها...

:Rolleyes:

انتي الاروع وربي..

مشكوره عالمرور اختي ..
.
.
.
.

تمــ قمر ــير

هلا بك والله ..

منور بوجود يالغلا..

اقتباس: خلاص مابي اعرس هونت

خرّبت البنت..

صراحه انا غلطانه المفروض اجيب معي كراتين وأوزع ..

اخجلني اطرائك ..

يسلمو عالمرور..