صار عند "الطفلة " طفلة ..

مِنْ يصـــدّق تِكبرينْ !
وتحمِلي بيدّك جَنينْ
وهالعبــاةْ اللي لبستِ
لفَّتْ أزكــى ياسمينْ

رَدَّتْ :
اسكتْ! انتظرتَكْ
عيَّا إحساسكْ يلينْ
انتظرتَكْ
وانتظرتَكْ
لِينْ ما أدري وشهو لينْ ؟
( ماني طِفلة)
( ماني طِفلة )
قِلتهالكْ ما فَهمتْ؟!
كانْ معناها " حَنينْ "
,
قِلتهالك ْ
مرّتينْ
ومرّتينْ
ومرّتينْ
قِلتهالك ْ لَجل تقطفني زَهرْ
قِلتهالك ْ لَجل تَسرقْنِي خَدِينْ
قِلتهالك ْ مِنْ هَوايْ ومــِنْ قهَر ْ
جِبتهالكْ مِنْ يسار ومِنْ يميــنْ
,
كُنتْ طاغي في شبَابَكْ
ما يِهمْ إلّا جَنابَكْ
وكُنتْ قاسي حَبّتينْ .

مِنْ طَغاوتكْ اللعينة
جِيتكْ بيوم " ن " حَزِينة
قِلت لَكْ : ( ماني بطِفلة )
قِلتْ : يَعني وش تبَين ْ؟
,
ياخي حِس..ياخي إفهَمْ
كلُّني غَاد" ن" مُحطَّم
ياهي حِلوة لو تِقدَّم
قِلت ْ : أتقدَّم لِوين ؟
,
ما فَهمتْ؟!
أنت ب " الطفلة " حكمَتْ
من بعيد " ن" انفطمتْ
ما هو توّي ياسمينْ
,
وجاي مِن عُقبْ الدَّهرْ
تَوْ تشبّهني ب "زَهرْ"
حِيل بدري يا سنين!!
,
يا حبيبي والله بدري
خذْ عُمري
"الزَهرْ ماهو بزهرِي "
صار عند الطِفلة " طِفلة "
خلِّي غزلَ العاشقِينْ .
,
خلَّني " طِفلة " بظنونكْ
وكذِّب اللّي في عُيونكْ
صِرت مُحتاجة " الطُفولة "
وحُولي رَبعْ وحارسِينْ
,
قِلتْ:
آسفْ يالبتولْ
هذا مِنْ فرطَ الذُّهولْ
ما كِنت أشوف العُمرْ يمضِي
ولا أظنّك تكبرين .

كتبها / سهيل عُمر عبدالله سهيل الشريف

طرح رآئع
تسلمين يالغلآ على الآختيآر

كلماااااات رررائعه

شكرا لك

تحياااااتي

الله يسلمكم من كل شر ..

تسلمين,,
<<>>

يسلمو عالطرررررررررح الرائع