و جدي اللي راح مانيب ناسيه

رثاء في الفقيد الغالي / مفرج بن مانع المفرج " رحمه الله "

رحـــل و هـــــذي صـــورته في خيالي
و جـــدي اللـي راح مــــانيب نـــاسيــه

تــــجيبــه الايـــــام دايـــــم قبـــــــــالـــي
و شـــــلون يـا باسل ليا حـــل طـــــاريـه

عصــــر الثـــلاثاء وســط قبــــرً هــيالـي
اعــــز ربـــــعـــه و الاقــــارب تـــواريه

عـــزي لحـــــال امـــي وعـــزي لحـــالي
مقـــوى اتـــحمــل شــوفـها يــــوم تبكــيه

الـــــوالـــده يـــا ناس هـــي راس مـــالي
اليـا ضحكت يضحك وجـــــودي و مـافيه

يجبـــر عـــزاك الله فــ اعـــــز غـــالــي
مــــن كــــل قلبـــي يشــهـــد الله مغليـــه

جــــدي و عــــم ابـــوي وابـــو خــوالــي
لــو ينفدى بــ الـروح لأجــــل امـــي افديه

يــ الهـــم مــــا تـلقـــى خــــويً بـــدالــي
وش لك بــ ناصر مــــن زمــــان متــــبليه

اليــــوم فـــي جـــدي جــرى مـا جرى لي
و حــــالي اللي اســـأل الله يعــــــافــيـــه

اسئلك يـــــا ربــــي سحـــــاب متــــوالي
يسقـــــي القبــــر مــن رايح الخير يسقيه

يـــ الله يــ المعبود يـــــا ذا الجـــلالـــي
انــــك يــــا رب بجــنة الخـــلد تجـــزيـه

تمـــــت و صلــــوا عـــد وبــــل الخيالي
علــــى نبــــيً طـــيب الله مـمـــاشــيـــه

للحفظ

للشاعر / ناصر بن ابراهيم المفرج " ابو باسل "

صح لسآنك آخوي آبو بآسل على القصيده المؤثره ...
الله يرحمه ويرحم آموآت المسلمين جميعآ ويجمعنآ بهم في الفردوس الـآعلى من الجنه ..

ابوباسل صح لسانك وعظم الله اجرك ورحم جدك وجميع اموات المسلمين

صح لسانك ابو باسل

والله يرحم جدك ويسكنه الفردوس الاعلى

كلمات مؤثره وصوت جميل الله يعطيك العافيه

لاهنت

صح لسآنك آخوي آبو بآسل على القصيده المؤثره ...
الله يرحمه ويرحم آموآت المسلمين جميعآ ويجمعنآ بهم في الفردوس الـآعلى من الجنه

اقتباس: المشاركة الأصلية كتبت بواسطة الراقيه    صح لسآنك آخوي آبو بآسل على القصيده المؤثره ... الله يرحمه ويرحم آموآت المسلمين جميعآ ويجمعنآ بهم في الفردوس الـآعلى من الجنه ..

صح بدنك ولاهنتي

اللهم آمين

الشكر لك