كبري الوسيعة وأباخسيفة في الأنتظار

كبري الوسيعة الجديد وكبري أبا خسيفة الجديد تم الأنتهاء من العمل منذ فترة وأصبح جاهز للأستخدام ولم يتم تحويل المسار له لماذا كل هالتأخير يابلدية هل ننتظر أن يقع حادث شنيع لاسمح الله نرجو الأهتمام وشكراً

أضف على ذلك ... بداية الدخول في الطريق المزدوج من بعد كوبري أبا خسيفة ... والذي لايعلم عنه إلا من حفظ الطريق في النهار ...

لا عيون قطط ... ولا تنبيهات ولا تحذيرات لضيق الطريق أو ازدواجه ... ناهيك عن الخطوط الموضوعة والقديمة التي تتداخل مع الطريق المعاكس ...

قد تكون الحسنة الوحيدة التي أجاد فيها المجلس البلدي الحالي إيجاد هذين الكبريين ... واللذيّن تُركا ليحتفل به المجلس القادم بافتتاحه فظل حبيساً بعد الانتهاء منه .. أكثر من وقت العمل فيه ...

الصدق شغلهم بكبري اباخسيفة مش حالك الخط من عند الصناعية يزدوج بعدين ينفصل بعدين يزدوج بعدين ينفصل هي لعبة والا وش السالفة
يعني لوجي احد من براء الديرة والله ان ياكل خابور الله يستر بس علينا وعلى المسلمين

المفروض مايفتتحون خط كبري اباخسيفة الا لين يحطون سيدين من عقب الصناعية الى اباخسيفة يعني ماسوينا شي على ذا الموال ينفصل يزوج ينفصل يزدوج بيصير خطرة اكبر ولازم لوحات إرشادية وعيون خطط على الاقل مثل ماقال اخوي المهند لارشاد المار على الطريق..

وكل المسافه كيلو الي تبي زفلت بين الخط المزدوج والمنفصل..

والله يكون العون وان شاء الله يلبون الطلب البلدية المحترمة..

الله يعجل به ان شاء الله ..

والله يستر بعد ..

سلمت ..

.......................

لاحادث ولاشى ماعمر سمعت احد جاي من الوسيعه جاه حادث وسعوا صدوركم بس حارقين دمكم

الله يستر على المسلمين يارب
والله الطريق مخيف بالليل وكيف باللي يجي من خارج الديره
نرجوا من المسؤلين عن الكباري انجاز عملهم باسرع وقت ممكن
لحماية المواطنين من مخاطر الطريق والله يحفظنا وياكم وكل مسلم

والله يالطريق لححححححسه مخ

تم افتتاح كبري الوسيعة اليوم بعد الأنتهاء منه
عجلين أهل تمير الكبري لم يتم الأنتهاء منه إلاقبل أيام مشكلكم حسبتوها من يوم تمت السفلته الشركة المنفذة تتبع وزارة النقل يعني تسلم المشروع لوزارة النقل وبعد الأستلام والتأكد من مهندس وزارة النقل من مطابقة المواصفات واستلام المشروع من الشركة بشكل نهائي يتم السماح للسيارات بالعبور