◄♥♥ زمن قاسي..زمن قاسي..أخذ مني أعز ناسي ♥♥►

يبه شلونك ...رائعه الشاعر:مسفر الدوسري ** يبـه شلـونك يبه شلونك...ملل هالــكــون من دونك .. يبه شلونك وتمضي رحلة الدنيا.. بليا طلة عيونك..!! يبه شلونك وشلون المرض وياك بعد ماهدك بدنياك..عساها تغمض جفونك تبي تدري عن احبابك عن عيون تغنا بك عن قلوب دفنها الشوق..واذا جاها الغفا جابك .. يبه امي تخيلك دوم...تغني لك .. يبه واللي خذاك بيوم...... خذا.. وياماخذا.. وياما..خذا ناس يحبونك يبه حنا صرنا كبار..توفقنا وتخرجنا.. يبه ماعاد فيه صغار..يموج بهالزمن كل شي.. وحنا ماتموجنا..على ذاك العهد نسري.. نبيع العمر والدنيا..ولا تخلف بنا ظنونك ** يبه شلونك تبي تدري عن اخباري...؟؟ عن افكاري.. وتذكاري..!! اشيلك داخلي جمره ..وبعيون الحزن عبره..تغرقني .. وتحرقني.. اشوفك نجمة تجبر..مراعيها .. يراعيها.. واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !! يبه تذكر زمان مر.. يبه تذكر مجالسنا .. مقلطنا ومجلسنا.. وحارتنا ومسجدنا.. يبه تذكر هدايا العيد.. صلاة العيد وبشت العيد.. يبه تذكر سوالفنا ..؟؟ لاجل هذا .. وكل هذا .. اقول اليوم يايبــه .. ملــــــــــــــل هالكون من دونك... ** يبه وينك .... ولهت لنظره من عينك .... يبه وينك ...؟؟ اشوفه طوّل غيابك !! ... و من ودّاك .... ما جابك !! قالوا ما يدوم !! ... و انا عندي امل للحين .. و لكني اعرفك وين !! يبه وينك ..؟؟ عسى الداعي يبه بس خير !! عساك بخير .... مداين تكرم لعينك ... بس ارجوك علمني ... علمني .. يبه وينك سألت امي عن رجوعك ... ولا كني اعرفك وين !! و قالت .. ما يدوم !! ... و انا .. عندي امل للحين .. في رجوعك !! .... يبه بس تكفى علمني .... متى رجوعك .... يبه بس تكفى علمني . وش احلى من طلوع اثنين طلوع الشمس .... و طلوعك يبه وينك...؟؟ سألت امي ...... غيابك طال ولا كنّي اعرفك وين !! و قالت مثل ما قالت .. حسافه ... ما يدوم ... مع كل هذا صدقني .. انا عندي امل للحين !! سؤالي عنك يالوالد .. صار كما الموال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه .. ارجوك علمني ... تشوف اللي انا اشوفه انا اشوفك نهار و ليل ... في وسط المجلس تصلي .. و تدعي الرب ييسر لي .. ** يبه .. ما عاد بي من حيل .. وين الحيل و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !! يبه .... وينك و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !! ** يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! ... و لا كنّي اعرفك وين !! يبه .. ذكراك تفرحني .... في نفس الوقت تجرحني !! ... لا من جبت في طاريك ... دموعي غصب تفضحني .... يبه .. تذكر ليالي الصيف عرس الحي .. و رقص السيف و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه ... اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! يبه وينك تعال و شوف ... كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين !! ... و لا كني اعرفك وين !! يبه تذكر شطانـتـنا انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!! يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ... في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار نحبك يا يبه ... ارجع .. مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع !! .. يبه ارجع !! ... اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم !! يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !! اذا فكّر يجي باكر ..!! .. و برجع اسألك وينك !! بس لازم تجاوبني .. ترى عندي امل للحين !! .. و لا كني اعرفك وين ..!! يبه شلونك ملل هالكون من دونك يبه شلونك وتمضي رحلة الدنيا ... بليا طلة عيونك ..... **** __________________

ابيات حزينه بكلماتها الجميله

تسلمين يالغلا

على ذوقك للنقل الرائع

كلمآت روعه وبالصميم ..
الله يرحمك يآبوي وينور قبرك ويرزقك الفردوس االـاعلى من الجنه..
ويخلي لك آبوك يآلموس ..
آبدعتِ بـألـاختيآر ..

اقتباس: المشاركة الأصلية كتبت بواسطة نبرة فرح    ابيات حزينه بكلماتها الجميله تسلمين يالغلا على ذوقك للنقل الرائع

الله يسسلمك يآآقلبي
مآآنحرم من طلتك الروعه
منورة

اقتباس: المشاركة الأصلية كتبت بواسطة الراقيه    كلمآت روعه وبالصميم .. الله يرحمك يآبوي وينور قبرك ويرزقك الفردوس االـاعلى من الجنه.. ويخلي لك آبوك يآلموس .. آبدعتِ بـألـاختيآر ..

الله يرحم ابوك وموتى المسسلمين
اللهم اميين وطول بآآعمار الجميع
مآآنحرم من طلتك الروعه
منورة

ابيات جميلة وحزينة <--- خنقتني العبرة !!

الله يرحم اموات المسسلمين
وخص والدي بمزيد رحمته

شكرا لميس ويعطيك العافية

✿ ,





اللهَ , الله
على الجَرحَ , تسسلم لنا ذآئقتكِ , صح ذوقكِ و نبض الشاعر
لـآهنتيّ

بجد آبيآت حزينه
مشكــــووووره ودي لك

أبيات روعه تسلمين على هالذوق الرائع

ودمتي بود وحب

اقتباس: المشاركة الأصلية كتبت بواسطة جار القمر    ابيات جميلة وحزينة <--- خنقتني العبرة !! الله يرحم اموات المسسلمين وخص والدي بمزيد رحمته شكرا لميس ويعطيك العافية

آسسفه جداً آذا ضايقتكم بموضوعي بس آعجبني ولطشته
والله يرحم آبوك وموتى المسسلمين
منور خيو