بليز عاجل ضيافة بنات

بنات بيجوني صديقاتي العصر
وحابه ابيض الوجه (عشان يخطبوني)هههههههههههه امزح
وصراحه اول مره ادخل المطبخ (لا تفهموني خطاء)قصدي اسوي ضيافه
لان الوالده الله يحفظها مسافره
وحابه حلى نوعين بس يكونوا سهلين وكشخه
ومع الشاهي مدري وش اقدم نفسي بشي غير الفطائر لاني ماعرف اسويها
والعصير ايش اقدم معه
وكيف استعد لضيافتهم يعني وش اقدم اول (طبعا عزومة بنات)
الله يفرج عنكم

آهلين صبآح الخير ..
عآدي حطي آي ضيآفه انتم متعودين عليهآ ..
قهوه مع حلى
شآي مع موآلح ..
عصآئر..
عندك عجينة البف باستري تقدرين تسوين بها اللي تبغين حلى آو مآلح
وعندك قسم الحلويآت هنآ فيه آشكآل حلى سهل وسريع آختآري اللي يعجبك ..

اقتباس: المشاركة الأصلية كتبت بواسطة الراقيه    آهلين صبآح الخير .. عآدي حطي آي ضيآفه انتم متعودين عليهآ .. قهوه مع حلى شآي مع موآلح .. عصآئر.. عندك عجينة البف باستري تقدرين تسوين بها اللي تبغين حلى آو مآلح وعندك قسم الحلويآت هنآ فيه آشكآل حلى سهل وسريع آختآري اللي يعجبك ..

صباح النور
تسلمين غلاتي على نصائحك
والله ودي بشي سريع
طبعا انا مو متعوده اشتغل لوحدي الوالده الله يجزاها خير كانت تفصل وانا استخدم
ودي انكم تقولوا اي حلى متعودين تسوونه يكون سريع

اهليين فييك قلبو وحنا تحت آمرك وتحت الخدمه طبعاً مع القهوة تمر حطيه اشكال يعني جيبي تمر وصفيه بصحن الي مقسسم
وكل قسسم حطي فيه شيء قسم كبي عليه طحينه بعد ماتحطين عليه لووز وققسم حطي عليه سمسم وقسسم حطي عليه جوز هند من باب التغير
والحلى عندك هذا
http://www.tumaer.com/vb/showthread.php?t=87523

انا مجربته مرة طعمه رهيب بس انا حسته شوي وكثرت بالخلطه الي فوق طلع شكله غبي هع

والشااي مولازم تسوين معجنات جيبي معجنات جاهزو وشعبيات

والعصير قدمي معه قاتوهات وبالعافيه عليكم

وتراني بجي لعزيمتكم هع

وسفرة دايمه ان شاءلله والله الله بالتصوير نبغى نششوف آبداآاعتك

ووودي لعنونك الحلوة

مثل مآقلت لك عجينة البف باستري تقدرين تسوين بيهآ حلى ومآلح ..
اكتبي بقوقل حلى بعجينة البف باستري سهل وسريع .. وايضآ بيتزآ البف بآستري ..سريعه ومآتآخذ وقت ..
هذآ آحسن حل لك مآدآم مآتعرفين تسوين العجينه بيدك .
وبالعآفيه عليكم ..

صح تذكرت شيء عندك حلويات سنابل السلام فيه عندهم تمر مشكلينه بالي قلتلك ومرتبينه لك

حتى حاطين معه صوص بالشوكلاته والنسكافيه مجربته مرة يجنن وشكله تصليح بيت

[ البيتزا السريعه ]

المقادير
مقادير العجينه ./
مقادير العجينه
بياله زيت
بياله دقيق
بياله مويه
فنجال حليب بودره
وملعقه بكنج بودر
وبيضتين
ورشه ملح


مقادير الحوش./
زيتون شرايح .. اربع حبات جبن كيري مقطع قطع صغيره / واثنين فلفل رومي مقطع قطع صغيره / شوي زعتر


الطريقه
تخلط هالمقادير بالخلاط وتصب في قوالب ورقيه داخل صينيه الكوب كيك
وتوضع في كل وحده قطعه من جبن كيري وزيوتنه قطع فلفل رومي وقليل زعتر ع الوجه
وتدخل الفرن لين تستوي

سوي الكنآفه سريعه مرره ومقآديرهآ سهله ..
ولميس مآقصرت جآبت لك مقآدير العجينه جربيهآ الحين ..

بطاطس مسلوق
جزر مبشور
ملفوف مبشور
بصل مفروم
لحم دجاج اوتونه
جبنة مازرولا
مايونيز

الطريقه

نحضر قطاعات الفطائر ثم
نهرس البطاطس المسلوق مع زبده وملح
ونجعل القا عده في القطاعه البطاطس المسلوق




ثم ندهن طبقة البطاطس مايونيز




بعدذلك نضع اللحم او الدجاج انا وضعت دجاج




ثم البصل المفروم




بعد ذلك نضع الملفوف المفروم




ثم نضع الجزر المبشور




نرش على الوجه جبنة مازرولا




ثم نشيل القطاعه وتكون بهذا الشكل







ثم تقدم وبالهناء والعافيه

















وهذي شكلها حلوووة ووبس ان شالله افدناك والله شايله همك يآقلبي هع
وتصبحون على خيير

بيتزا بالخبز الصآمولي سريعه وسهله لو بغيتي تستبدلينه بخبز التوست


المقادير:
خبز صامولي يقطع إلى قطعتين
زيتون أسود مقطع إلى شرايح
فطر مقطع إلى شاريح
بصل مقطع إلى نصف حلقات
فلفل أخضر بارد مقطع إلى شرايح
جبن مازرولا
زبده



الطريقة:
- الكشنه (يحمس البصل على النار ثم يضاف إليه الفلفل البارد) .
- ندهن على كل قطعة خبز زبده.
- ثم نضع فوقها الكشنه.
- ثم نضع فوقها الزيتون والفطر.
- ثم نضع فوقها جبن مازرولا.
- ثم تدخل الفرن.
- وتؤكل وهي حاره.
وبالهنا والعافيه