قدر قيمتهم قبل مايروحو عنك...وبتشوف الخير

30 / 05 / 2011, 34 : 10 AM

السلام عليكم ورحمةالله وبركاته
كل واحد منا احيانآ تتسكر ابواب الحياة بوجهه او تصير له ضائقه اويتمنى الارض تنشق وتبلعه من كثر الهموم
بس مشكلتنا تعرفون وين.....اننا شاطرين نشتكي بس؟؟
وهذا خطأ
لازم نحدد المشكله اول عشان نعرف حلها
مثلا
لو شخص مرض وراح للدكتور اول شي يسويه يشخص الحاله عشان يقدر يصرف له العلاج الناسب
واحنا كثير مانمرض بس مانشخص الحاله
وفيه اشياء موجوده بحياتنا بشكل يومي بس احنا مو مقدرين قيمتها
واكثر شي ينولك البركه ويفتح قدامك باب الرزق
هو بر الوالدين
سبحان الله شي عجيب
امي كل يوم اتصبح بوجهها هي باب الجنه قبل كل شي
والله وصى فيها وقرن طاعة الوالدين بعبادته سبحانه

ووالله لو ان كل شخص حزين جا لامه وقبل رأسها ويدها وجلس عند رجليها وقال لها يمه يالغاليه ادعي لي
قسمآ بالله لاشاف التوفيق بحياته لان دعوة الوالدين مستجابه
انا استغرب من البعض يقابل امه وابوه بالصد والعقوق
هذا جزاهم ربوك وكبروك وتعبو عليك وتقابلهم بالنكران
قمة الجحود
اعوذ بالله نلاحظ العاق دايم فيه كآبه وحزن لان محروم من بركة الوالدين
وقصص سلفنا الصالح في البر بوالديهم كثيره
ويكفي ان الرسول صلى الله عليه وسلم وصى..امك ثم امك ثم امك
سو اي شي يرضيهم
فرح امك بهديه
اجلس معها وسولف واضحك ترى والله العظيم ماحد يحبك بها الدنيا كثرها
لوتطلع دقايق مايهنا لها لااكل ولاشرب حتى ترجع
المشكله اننا مو حاسين فيهم
تغطينا حب وحنان ورعايه واحنا مانحس بها الشي لانه صار روتين تعودنا عليه من سنين
بس لوتغيب امك عن البيت بالله كيف يكون؟؟؟
تحس ان البيت ميت ويفتقدللحياة وكل شي ملخبط
نصيحتي لكم اخواتي واخواني
الي عنده ام واب يحمد الله ويراعي حقوقهم ترى والله انتو بنعمه عندكم بابين للجنه زي ماقال الرسول..فيما معناه
الاب والام بابين للجنه فأذا مات احدهم تسكر هذا الباب
بروهم واطلبو رضاهم وراح تشوفو التوفيق بحياتكم
والله غيركم يتمنى امه او ابوه يرجع من قبره لحظه عشان يقوله سامحني او يقبل رجوله
الله يطيل في اعمار والديكم ويرحم الميت منهم
ويتجاوز عنا التقصير في حقهم
لاتنسوني من صالح دعائكم

__________________

تدرين يـمــه وش حصل لبنتك بعدك؟؟؟
الحزن سكن قلبها..والدمع مافارق العين..
يمـــه انا مشتاقه لحضنك شوق الارض للمطر