لقيـــت الناس مامنهم سلامه !!

من روائع الشاعر / ابراهيم بن مزيد رحمه الله


وهو شاعر معروف بالكرم ولم يقفل باب مجلسه


يوم من الأيام توفي قبل عدة سنوات


أترككم مع القصيدة الإبداعيه وهي في كشف وذم


حال كثير من الناس وتبصيرنا بمعادنهم الحقيقيه .. !!








لقيت الناس مامنهم سلامه .. لزومٍ(ن) يلحقك منهم ملامه



ولاتحسب مالك لو تبيده .. يبي يفداك عن هرج الفدامه



بذرت الجود في من لا جزاني .. سوى ذم إذا هبت ولامه



حقود القلب نقال الوشايا .. هذور سهمته نقل النمامه



إلى من طرى له ما طراله .. تكلم ما يثمن وش كلامه



يقوله يزعم أنه مازح به .. وهو ينقض ويفتل في عدامه



ألا ياليت ربي يوم سوى عبيده .. حط للطيب علامه



لجل منهو بالناس جاهل .. يعرف الحر من برق الجهامه



لجل بالناس شيطان ملبس .. ولو لوى على راسه عمامه



يغرك بالسلام وبالتحفي .. وهو شيحٍ وجثجاث طمامه



مثل هاذا تحذر منه جدا .. ولا تدني منامك من منامه



وبعض الناس في ممشاه رافض .. يختل الناس في قل اهتمامه



يحني لحيته كنه مطوع .. ولا يفرق حلاله من حرامه



حذارك لاتحطه له ظنينه .. ترى ذاك الطمع منه السلامه



وبعض الناس يبديلك نصيحه .. ولكن ما تعرف وش مرامه



وهو ما مقصده نصحٍ ولكن .. يبي يلبسك للحاجه خطامه



وبعض الناس يوريك المحبه .. وأرق من البرسيم في تمامه



إلى قام يتمسكن بالتلفظ .. تقول أطهر وأصح من الحمامه



وهو (......) عزك الله .. ينجس من مشى حوله رشامه



وبعض الناس محمود السجايا .. رقى العليا بعزمه والتزامه



إلى منه بدى لك فيه لازم .. قضى لازمك ما ثمن حطامه



كما أنه وافي في كل خصله .. عريب الجد خيلانه عمامه



أسأل الله يرفع كل خير .. عن الخذلان لا يهفي مقامه



قضا نحبي وما لاق بضميري .. حلات القيل مبداته ختامه



أقول الناس مشكاهم على الله .. لزومٍ(ن) يلحقك منهم ملامه



وسلامتكم

يسلمووووووو
دي,,,

يسلمو ..

آبيآت روعه
سلمتَ على الآختيآر المميز ..

ابيات تسلم عليها.