فطاير جنان رح تاكلون اصابعكم وراها يمي

اليوم يبت لكم فطاير غير عن الفطاير العاديه تعجنينها بالجبن وممكن تحشينها وممكن لا انتي وذوقج ممكن تقدمينها فاضيه مع اي نوع صلصه اتفضلين لان اصلا طعم العجينه ابروحه حلو المهم نبدأ بالمقادير:
4 اكواب طحين ابيض
2 كوب جبن عكاوي مبشور ( لازم اتكونين غاسلته زين بالماء والي تبي اتنقعه وتشطفه اكثر من مره احسن لان الجبن مالح انا نبهتكم موتقولون)
3 ملاعق كبيره سكر
ملعقه كبيره خميره فوريه
1/2كوب كرفس طري مفروم
1/2كوب بقدونس طري مفروم
1/4كوب زيت اي نوع تحبين
كوب ماء للعجن(لا تحطينه مره وحده صبي وعجني لما تحصلين على عجينه لينه نوعا ما الين من الفطاير العاديه)


تخلطين كل المقادير مع بعض حتى الجبن بعد غسله جيدااااااااااااا
تعجن وتخمر لمده ساعه تقريبا ثم ترق وتقطع حسب الحجم الي تبين قطعيها بالكوب مثلا المهم لا تكون رقيقه لا خليها اشوي سميكه شوفي الصور


رصيها بالصينيه وخليها ترتاح اشوي ممكن نص ساعه ثم دخليها الفرن وحمريها من تحت وفوق يمكن تاخذ عشر دقايق او اكثر اشوي تحت




شوفي السمك اهنيه بالنسبه للقلم تقربا نص سانتي هذه بعد الرق واتقطيع مباشره


بعدين حمريها من فوق بس خليج يمها ترا ابسرعه تتحمر





وهذه بعد ماحشيتها الصينيه الاولى حشيتها بجبن اقلاص وقطعت كل جبنه من الاسلايس الى 4 قطع وحطيت في كل صمونه ربع فوق الجبن الاقلاص وحطيت شرايح خس
والصينيه الثانيه فاضيه ممكن تتقدم مع اي صوص اتفضلينه وصلصتي عباره عن ( روب قليل و2 ملعقه ماينيز وجبن اقلاص ملعقه كبيره وملعقه ليمون وخل قليل ورشه اوريغانو )وبس


وهذا عن قرب




اشرايكميالله السلام عليكم

ياسلام ع الفطائر ..
يعطيك العافيه ..

واااااااو
والله رووووعه الطبخه
الله يعطيك العافيه

الله يعطيك العافيه

روعه آشتهيت اصلح فطآئر ..
عوآفي يالغلآ

الله يعطيك العافيه
صراحة اشتهيتها

روعه تشكراتي لك يالغلا

ياسلام عليك

تسلمين والله

تسلم ايدينك اختي

.يعطيك الف عافية