وقف على قبر زوجته فقال هذه الابيات المؤثره!!

قصيدة شاعر في زوجته وهو يقف على قبرها بعد ثلاثة ايام من وفاتها!!

طرت لي ثروةٍ حلوٍ ثراها=عسى ربي من الغيمه سقاها
طرى لي قبر مجمول التهايا= الا وويل .. روحي .... من غثاها
تزول جروح قلبي يوم اجيها=واقبّل.... رملها .... ويا .. حصاها
اكلمها ولاتسمع كلامي=ولاتدري .. بروحي ... وش بلاها
لفاها هم هوجاسٍ وعله=وحتى العين .. خايف من عماها
الا وشلون نسلى كيف نسلى= وجرح .. الروح .. مفقودٍ .... دواها
الا وشلون ننسى كيف ننسى=وروحي .. زايدٍ .. فيها .... شقاها
هي اللي دايمٍ تتبع رضايه=وانا ... صافيتها .... واتبع .. رضاها
ولكن القدر لابد منه=اقول اللي خلقها ... هو ... خــذاها
بقى تذكار حبي في رحيله=ثبت ... بالقلب ... مايرحل .. معاها
بقى ذكرى عيوني في عيونه= حشى .. لله .. قلبي .... مانساها
الا ياقبر ماوالله ابنسى=لو ان ام الولد ....... تنسى ضناها
الا ياقبر .. لاتجرح جسدها=طلبتك .. لاتسبب .. في .. غثاها
حسايف جسمها الناعم حسايف=حرام الدود يمشي في حشاها
ترفق زينها حذري دماره= الا ياقبر ........ لاتنفذ حـــــــلاها
يقوله من فقد كل السعاده=على .... فقدانها .... يكتب رثاها
ذكرت اللي جرالي بالقصيده= لجل يدري بحالي .... من قراها

اكلمها ولاتسمع كلامي

ولاتدري .. بروحي ... وش بلاها

ولكن القدر لابد منه

اقول اللي خلقها ... هو ... خذاها

بقى تذكار حبي في رحيله

ثبت ... بالقلب ... مايرحل .. معاها
-----------------------------------------------------------------------
قصيدة رائعة و مميزة و تستحق التقدير والشكر فشكراً عزيزي صدق المخايل
تقبل تحياتي