قصة وابيات .........من قصص التراث المجيد!!

قصة محمد بن فهيد الروقي مع زوجته مطيره الشمريه

وهذا القصه تبين اختلاف النسـاء

تـوجه محمد بن فهـيد الروقي العتيبي الى قرية قصيـبه ليحضر بعض الغريـس وبعض انواع النخيل وفى الطريق جلس هو وأخويـاه لتناول الغداء وكان غداهـم عباره عن قرص مـدهون بالـسمن وكان بقربـهم إمرأه ترعى بغنـمها لايعرفونهـا قدمـوا لـها قطـعه من القرص ولكن رفضتـها فتـركوا لهـا القطـعه على الشـجره وذهبـوا وبعد شـهر رجـعوا من نفـس الطريـق ووجدوا قطـعة الخبـزه فى مكانـها لم تلمسـها فتعجب ابن فهيـد من أمرها وكيف شـامة نفسـها مما يدل على انهـا من بيت رفيـع فسـأل عنهـا فـأخبروه انهـا بنت بن سبيـله من عبـده من قبيلـة شمر فخطبها وتزوجهـا وبعد الزواج ولاها كل امور الطعام والضيافه...وفي يوم من الايام لفـى عليه ابن سلـيم من عـنزه ومعه خمسين رجال فجلس معـهم طيلة الوقت لم يتحرك صاحب الدار من مكانه حتى قلط الغداء... وبعدعامين مر ابن سلـيم ومعه خمسـه من الرجال على ابن فهـيد ولـكن ابن فهيد على غير عادته فكان يجلس عندهم ثم يذهب الى داخل الدار ويرجع يجلس شوي ويذهب الى داخل الدار وبعد ان اكرمهم قال ابن سليم يابن فهيد انت مختلف عن أول كنت فى السابق تجلس ولا تقوم من مكانك حتى تقلط ضيوفك والان كل شوي تدخل وترجع وش السبب..قال ابن فهيد أنا اقولك زوجتي السـابقه توفت وزوجتي الثانيه ما تعرف تدبير البيت الا لما اقولها سوي كذا ومن ثم انشد هذه القصيده :::::

اطلب عسى الجنه منازل مطيره = حيث ان بها طبع على البيض ماصار
ما معجبـــن زينـــه ولـو هي نظيـره = قصدي تنومسني الــى جــون خطــار
مع زينهــا الوافــي بهــا زود سيــره = دبــره وعرف وكــل شــي بمقـــــدار
لاجو علـى هجـن من ارض الجزيــره = تعومسوا عنهـــم ردييــــن الاشـــوار
ان جييــت للمطبــخ ايــلا فيــه نيــره = تلقى الحطب عنده تقل شغل نجار
ماهيب مثل الدعلة المستديـــره = يجي العتيــم وطامــي القـدر مافـــار
يدلاك ويــن اللـــي خطاهــم قصيـره = من جيتـه مـا قــط طلعـت مــن الـدار
.يــاعنــك مايسمع نبـاهــا قـصيـــره = ولاقط شفـت الغيــض منــها والاكـدار
الا ومــع قصــرة اخطــاهــا ستيـــره = جتنا وراحـت ماسمـع صوتهــا الجــار

للاسف...

طلعت القصة لكن القصيدة ما طلعت!!!!!!!!!1

ع العموم مشكور يا صدوق..اكيد كل قصايدك ومواضيعك حلوة..

تحياتي,,,,,,,,,,,,,,,,,,,

تسلم اخوي صدوق على هذا الاختيار والقصة الرائعة والابيات الاروع والاجمل
شكرا مرة اخرى وراحن حريم قبـــــــــــــــــــــــــــــــــــــل