,, من سافرت ريم الفلا صديت عن كل الدروب ,,

السلام عليكم ورحمة الله وبركاته




يالله ان تحيي الجمييييييع ..

أن شاء الله كلكم بخير وعافية ..

قصيدة راقت لي فنقلتها لكم لتشاركوني فيها ..

.
.
.


وعيني اللي كل ما ذعذع من الغرب هبوب
يحلا لها لون الغروب اللي يذوب قبالها


ويا ويل حالي كل ما يحلالها لون الغروب
تطري لي الريم اللعوب وسالفة ترحالها


وعز الله اني كل ما تطري لي الريم اللعوب
حرمت امد ايدي على حاجة وانا ما اقوالها


من سافرت ريم الفلا صديت عن كل الدروب
ما هو قصور بالعذارى بس ذيك لحالها

من فارقتني ما خطف قلبي من الحور محبوب
ولا لقيت الجادل اللي تستحق احيالها


لأن القلوب ان ما وفت لأحبابها ما هي قلوب
والعشره اللي ما ترد الروح ما نسعى لها


إما الوفى اللي يستر الرجّال من كل العيوب
والا الجفى اللي يستر عيوب العرب في رجالها


ما اقسى من فراق الجنوب الا فراق اهل الجنوب
ويلي على اللي كل ما تزعل تشد رحالها


اللي مذيره العتب لا شبت بصدري شبوب
عييت اراضيها وهي عيت تطول بالها

كانت معي مثل النصيب يحدني من كل صوب
كانت دروبي من متاهات الظلل لظلالها


كانت هروبي لا شعرت اني بحاجه للهروب
كانت سماي اللي ليا ضاقت علي ألجالها


ليه اتحداني وانا في كل الاحوال مغلوب
ليه حرمتني من قهر عذالي وعذالها

ليه اتجاهلني وانا لاني جبان ولا كذوب
ليه ارخصت دمعي وانا اللي ما بكيت الا لها


ما ترحم اللي له سنه كأنه على النار محطوب
ما هزها دمع الفقيد اللي بكته أطلالها

ما خافت تهدم السنين اللي بنتنا طوب..طوب
ما فكرت تشفق على حالي وترحم حالها

قولوا لها لو ما تذوب انا بخليها تذوب
قولوا لها لو ما عنت لي مستعد اعنالها




(( أتمنى أن تنال على إعجابكم ورضاكم ))


..........................

تسلم يمينك بن عمي على القصيده والى الامام

قصيده روعه
تسلمْ آخوي على الآختيآر

اقتباس: المشاركة الأصلية كتبت بواسطة الغالي فهد    تسلم يمينك بن عمي على القصيده والى الامام

من قال سالم وغانم ياولد العم ..

الف الف شكر لك ..

لاهنت على المرور ..

.
.

.................

اقتباس: المشاركة الأصلية كتبت بواسطة الراقيه    قصيده روعه تسلمْ آخوي على الآختيآر

من قال سالم وغانم يالراقية ..

من ذووقك ..

تشرفني متابعتك الدائمة ..

الف شكر لك ..

.
.

.............

قصيدة روعة
أستمتعت بقرأتها
فلة ، شمعة ، منورة . . .

اقتباس: المشاركة الأصلية كتبت بواسطة لمسة حنان    قصيدة روعة أستمتعت بقرأتها فلة ، شمعة ، منورة . . .

الأروع مرورك يا لمسة حنان ..

الف الف شكر لك على مرورك وحضورك المميز ..

منورة الموضوع ..

لاهنتي يالنشمية ..

.
.

................