الزين ماهو من شروط الرجوله...قصيدة رائعة !!

قالت ترى منت بحلو قلت رجـال = والزين ماهو من شروط الرجولـه
الزين يلقـى عنـد لباسـة الشـال = والرجل زين ان كان زانت فعولـه
قالت علامك تلبس شماغ وعقـال = انت بدوي؟قلت بدوي من حموله
ماالبس بناطيل لها الوان واشكـال = وامتر الشارع بعرضـه وطولـه
قالت اجل راعـي معاميـل ودلال = شرب القهاوي تحسبونـه بطولـه
كيفي يابنت الحضر دلـه وفنجـال= وحليب خلفـه بالمـراح معقولـه
وحب الكرم والجود وعلوم الابطال = مغروس فينا من زمـان الطفولـه
قالت ترى بنت البدو حظهـا مـال= قلت احذري حذرا تكوني جهولـه
بنت البدو يابنت مضرب للامثـال= فوق الجمال وطاعـة الله خجولـه
ماحطت اصباغ ولا حطت ظـلال= ولا سيرت بالسوق سيـر مهبولـه
هي مهرةٍ تصعب على كل خيـال = وانتي ومثلك عسفهـن بالسهولـه
قالت تغزل بي وشف حبة الخـال= ناظر عيوني والرموش الكسولـه
قلت العفو مايجتمع حـب وهبـال= ولكـل ذوق فالمزاييـن جـولـه
قلتي وقلت وكلمة الصـدق تنقـال= الزين ماهو من شروط الرجولـه

الشاعر/مجهول (لاأعرف اسمه)

بسم الله الرحمن الرحيم
السلام عليكم
إلى الأخوين صدوق المخايل والسنافي مشرفي هذه الساحه
أوجه لكما هذه الرساله وأتمنى منكما الإجابه
فلقد تكلم أهل الباديه عن بناتهم في الأخلاق الرائعه والشيم الشامخه
فأين أنتم ياأهل الحاضره عن بناتكم بنات الحضر فهن لا تنقصهن الأخلاق والشيم
فهناك نساء في بيتهاكما قال تعالى (وقرن في بيوتكن ولا تبرجن تبرج الجاهلية الأولى)
وهناك من هي في مجال التعليم تربي الأجيال
وهناك الكثير الكثير
والكمال لله عز وجل
وأشكركما جزيل الشكر

تسلم يا صدوق المخايل على هذا النقل الجيد

وكلامك صحيح يا بيت الطين وابشر بالخير ان شاء الله ،،،،



تحياااااااااااااااتي