( فتّش جيوبك ) ...!

:


شِرَق هذا الفراق اللي كِسَرني حزَّة غروبك
________ بغيتك وإستحَت عيني من الغلطات صدقني !

كتبتك من قبل لا تجرح الكلمات مكتوبك ..
________ إذا عندك عذر باقي على التقصير إعذرني !!

كثير الهَم متعوِّد علي .. وإنت يا دوبك
________ وكافي الحزن لو عنَّه أغيب أيَّام " يفقدني " !

حبيبي ليه متضايق وعلي متغيِّر إسلوبك ..؟
________ يبيِّن لو سِكت قلبك .., بأنْهَا ضيقتك مني

غيابي كان مو بيدي خذاني الحظ من صوبك !
________ وقلبي هذا هو حظه غريبٍ , من صغر سني ..

أبيك وما أبي غيرك .. وتأكد قلب محبوبك
________ جبره الوقت يتناسى لأجل بالخير تذكرني

إذا ردَّت علي أبقى معاك وثوبي من ثوبك
________ ولكن [ الزمن ] .. لمَّا أقرِّب يبعدك عني !

غصب رايح ولا برجع لأني أبرز عيوبك
________ حرام إنَّه يجي واحد يلومك من كثر " حزني " !

ترى ما رحت من كيفي عشان أتحمَّل ذنوبك
________ أنا شفت الزمن ناوي علينا وقلت له : خذني ...!

واذا قالوا : رَحَل عنِّك حبيبك ، فتِّش جيوبك
________ تطمَّن قلبي ب جيبك حبيبي لا تدوِّرني !

لذلك قلت في نفسي أبي أبعد عن دروبك ..
________ تأكد غيبتي هذي عشانك إنت ... صدّقني !

إنتقاء مميز منك يا انثى ..

أبيات جزلة ورااائعة ..

وصح لشان الشاعر أحمد وأعتلا شانه ..

وتسلم يمناك على النقل ..

الف شكر لك ..

عافاك ربي ..

.
.

..................

سسلمتي وسسلمت يدآك ع النقل,,

آبيآت روعه ..
سلمتِ على الآختيآر

منووووورين
لاتحرموني من هـ الطله الحلوهـ