يااهيــه

يا هيه ياللي تحسب إني من عقب زدت الصدود
**************أبا اتبعك هذي ترى ماا هي لعلمك ممكنه
عيبٍ على سلم العرب لا قفّت ركاب الجحود
**************أطرد وراها لو غدى ليلي من الضّيقه سنه
لكن ترى بكره ليا منّه نوى قلبك يعود
***************اعلم ترى قلبٍ جفيته فالسّعه ماا تضمنه
عامين أبنّي فالعمار اللي على الدرب مهدود
***************لين استوى وأنت الوحيد اللي تشرّف واسكنه
يواليوم هديت البني لين انشقر شدق الحسود
********************يالله دخيلكمن شماتاللي تلوك الألسنه
حاولت أجنبك الخطاا لكن تعديت الحدود
*******************أمدّ لك كف الوفاا وأنته تظنّه مسكنه
روّح فمان اللي نزل مكره على عاد وثمود
*******************اللي سواتك سيته عندي تجازى بحسنه
وأنالي الله والصبرقالوا هل الدين محمود
******************بأصبر على مرالزمان اللي روى قلبي منه
وأباانتظرصبح الفرج وارقى على العزّه سنود
********************موتة عزيز ولا حياةٍ من يعزّك تحزنه
وأبا انتظر ضمّة دين اللي فرش دربي ورود
********************غروٍملك قلبي قبل لايعرفك واستوطنه
غروِلياا منّي زعلت وضاق بي كل الوجود
*****************سريت له ليل الدجى كن المشاعر تزبنه
ومن زود شوقي و الغلا قاام الوهم جمّه يزود
****************واتخيله طيفٍ على حدب المحاني واحضنه
وأشعب ركايب خافقي يمّه ولا تبرك ياا كود
*****************أحفي قدمهاا والحشا مبطي وهو محفي منه
وأنشد عنه كل العرب وإليا بدى الحاال امهدود
******************أسامر نجوم السما لا بينت وأنشد عنه
محبته ماا هي ترى علمٍ على بالي يرود
******************ولا هي محبّة منطلق تاابع رصيدي واشحنه
محبته فوق الغلا جملة مواثيق وعهود
****************مضمونهاا من يطعنه غدر الزمن لا يطعنه
والله يالولا إن الحياا في حده الرجل امحدود
****************إني لسولف للعرب عما جرى لي وأعلنه
مار أرجي الله يا عسى وقتٍ جمعني به يجود
****************ويجود لي باللي سبا قلب الهواوي واسجنه
وأنته فمان اللي نزل عفوه على عاد وثمود
****************روّح واخذ معٌك الغلا ميتٍ غشى الدّم اكفنه
واعلم ليا منه نوى قلبك عن الصدّه يعود
*********************الميسره بالميسره والميمنه بالميمنه
تحياتي

ابيات في قمة الروعة يعطيك الف عافية
لاخلا ولاعدم

اقتباس: المشاركة الأصلية كتبت بواسطة ولتمير انتمي    ابيات في قمة الروعة يعطيك الف عافية لاخلا ولاعدم

يعطيك العافيه على المرور

أبيات قمة ..

سلمت يالذيب ..

عز الله صدق الشاعر وهذا الكلام وبس ..

لاهنت يالغالي ..

.
.

...............