بــــخـــاطــري كـــلـمه

.

.

.

.

.

نفض رمشي نعاسه واعذرت في نومها الاحداق=وأنا والله عيوني بالسهر ما كنت ناويها
وعوى ذيب الضلوع اللي على رجم المواجع واق=عوى واثر الذيابة طبعها تقنب لعاويها
ذبل ورد الغرام اللي بصدري قاعة الخفاق=ونشف دم الليالي من عنـا البعد وتحريها
كفوفك يالسراب اضمت عروق .. ويبست الأوراق=صحى جمر الحقيقة والمشاعر وش يهديها
عساني ماصغر بعينٍ لها ركب الغلا ينساق=يصبحها من الود المعطر ما يمسيها
عساني من غروب الشمس اليما حزة الاشراق=بكونه نجمة تسهر لياليه وتضوّيها
مصيبة كان هذاك الغلا ماحرك الاشواق!=وغفر ذنبٍ كبر في عينها وابعد خطاويها
عسى نزف المشاعر لاوقع في سمعها تشتاق=قبل لا يلفظ الصبر النفس ويبان خافيها
يا صدرٍ لو تضيق صدورهم ماكن صدراً ضاق!=ويازولٍ لو تغيب ازوالهم ماني بشاكيها
سجينك جنته سجنك وفكره يمكم سراق=يلومون المشاعر والمشاعر عند داعيها
تعال نجرب الضحكة عذاب البعد ما ينطاق=تعال بـنفـتح الدنيا على الدنيا وما فيها
تعال بخاطري كلمة تقال لمثلنا بعناق=يروح ابها النفس لاقصى ضلوعك .. ثم تحييها
الك زفرة من اعماقي .. وابي زفرة من الاعماق=عروق الدم مركبها وخفاقي موانيها
ابيك من الوله جنبي ابي وصلٍ بدون افراق=ابي اللحظات بغيابي حزن وآلام تقضيها

مختارات عهود

يعطيك العافية اخت عهود

اختيار موفق ورائع ليس بالجديد فانت مصدر ابداع فريد

بس ياليت لو اتحفتينا بالقائل فالقصيدة فعلاً رائعة

تحياتي

صح لسان الشاعر وشكرآ عهود على التواصل



تحيااااااااااااااااااتي

اهلا بك اخي الحصاد

وشكرا لكلماتك الجميله

الشاعر سعود بادي

شكرا لمرورك الكريم

ودمت بخير

مرحبا السنافي

وشكرا لمرورك الكريم

دمت بخير