دخيلك لا تناظرني تــرى بعض العيــون خبال

أدور في مجاهيم القصايد مايثير البال
عساني لاوصفت اوصف حلاك وأكسر وثاقي

أنا لاشفت هالكحل بطرف عينك ازيد هبال
وأزيد من الجنون اكثر جنون وانثر اشواقي

دخيلك لا تناظرني ترى بعض العيون خبال
دخيلك لاتزيد الطين بله وانت فاعماقي

طفح كيل القصيد اللي نزفته وابتدا الموال
وأنا لازلت ادور لك كلام(ن) يستر أوراقي

دخيل أجمل عيون اللي شقاوتها تهد جبال
دخيلك لاتجنني بها ثم تنوي فراقي

دخيل أحلى عيون اللي بها سحر وشموخ رجال
تخليني معاها ارحل بعيد وتوسع افاقي

دخيل اجمل جديل(ن) طاح من عالي مثل شلال
على خصر(ن) نحيل(ن) فوق صدرٍ(ن) كمل الباقي

دخيلك والهوى لامن تحرك ثم جديلك مال
يميل القد مع ميل الجديل ومعه خفاقي

دخيل اجمل حرير اسود سواده فاق اسود شال
تخليني على صدرك انام وأغمض احداقي

دخيل الجيد والعاتق دخيل النحر والسلسال
دخيل الشفتين اللي تضيع هقوة لهاقي

دخيل الخال في صدرك دخيل اجمل صدر به خال
دخيل الضمتين ورجفة الخفاق وعناقي

دخيل السلسبيل اللي بصدرك والعرق لاسال
تخليني وسطه اغرق ألين اوصل لترياقي

وانا لاقلت بغرق بك ابغرق ماعليها جدال
ابغرق لين يذبحني ضماك ويتعب الساقي

دخيلك يوم انا جيتك وجيت بشيطنة اطفال
تخليني على الفطره كذا لاتنوي اغراقي

دخيلك لا طفح كيل القصايد مانتهى الموال
تخليني ادور لك كلام ٍ يفضح اوراقي ..

-

الله , الله
قصيدة غزلية من الدرجة الأولى , شآعرهآ ماخلى شئ مآوصفه ,
كلمآتهآ جداً عذبه , وقوية , وخيالييه ,
شكراً لك َ على الذوق



" العنوآنَ مآتحسَ دآخلَ عرضَ "
.
.


()

كلمآت عذبه ورقيقه..آبدعت بـ آلآختيآر ..
دآم لنآ ذوقك وآحسآسك

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    - الله , الله قصيدة غزلية من الدرجة الأولى , شآعرهآ ماخلى شئ مآوصفه , كلمآتهآ جداً عذبه , وقوية , وخيالييه , شكراً لك َ على الذوق " العنوآنَ مآتحسَ دآخلَ عرضَ " . . ()

هلا والله بالوفاء وراعية الوفاء
يشرفني ان يروق لك اختياري
شكرا لحضورك

اقتباس: المشاركة الأصلية كتبت بواسطة الراقيه    كلمآت عذبه ورقيقه..آبدعت بـ آلآختيآر .. دآم لنآ ذوقك وآحسآسك

هلا بالراقية
دام لنا حضورك المميز
شكرا من القلب

يعطيك الف عافية على الموضوع الاكثر من رائع

الله الله ...

نص وجداني فائق الوصف ..

سلمت على النقل ياجار القمر ..

الف الف شكر لك ..

لاهنت ..

...................