مجرد قصة حدثت لي ( الحصاد )

بسم الله الرحمن الرحيم

هالقصة صارت لي وانا رايح اليوم للرياض



هي قصة طريفة و مزعجة في نفس الوقت ( عارف تقول هذي اشلون تجي )



طبعاً



راح اجاوبك واقول تعال معي من البداية



كنت مجلعد ( ماشي ) إلى الرياض ؛ فاذا بي الساعة 7 عند محطة البنزين ؛؛



ايه اصلي هنا المغرب والعشاء واتجة لشغلي مباشرة ( كذا قعدت افكر )



وقفت الساعة 7:06 ( ماشاء الله مركز )



توضيت و بسرعة رحت للمسجد حق المحطة



ماشاء الله الصف بادي يكتمل



صفيت مع الصف الأول ( مسجد محطة اكيييييييييد الصف الأول )



والا هاك اللي يصلي بنا ( الله يجزاه خير ويغفر له ويرحمه )



يقراء سورة ( تبارك ) ؛؛ كمل السورة في هالركعة



الركعة الثانيه ماشاء الله سورة ( نوح ) كااااااااااااملة



اما الركعة الثالثة ( والله اني ماقدرت اكمل قراءت الفاتحة ) والسبب ان الاخ متحمس و مسرع عشان يصلي بنا العشاء ( شكله ماقد صلى باحد ؛؛ و جت فينا يالمسافرين )



من يوم سلم



وهو يطمر ويروح قدامنا هناك >>>>>>>>>> قدام



ويقيم عشان يصلي العشاء



رحنا وراه



الركعة الأولى قراء سورة ( طويلة مرة )



جت الركعة الثانية واثر الرجال توه ينتبه أو انه قصر وتعب ( قراء سورة التكاثر )



تصدقون (( ولا واحد فاته الصلاة )) ونصف اللي في المسجد جوالاتهم ترنن



المهم



والله اني يوم ركبت موتري واناظر الساعة 7:36 غريبة



بس نصف ساعة ؛؛؛ مومعقول



المهم اني وصلت شغلي وانا مأتش و باغي اصدم خلق الله



و ياصبركم اللي تحملتم ووصلتم معي لين هالسطر



تحياتي للي مابعد قام يدعي علي



وللي دعا

ماعليش ياالحصاد انا كلما دخلت الانترنت لقيتك متواجد معنا في المنتدى وهذا شي يشرفنا بالعربي تجلس على الكمبيوتر بالساعات وعسل على قلبك ومستخسر نصف ساعه امام ربك ليش كذا والله انت انسان رائع وطيّب ومؤدّب وخلوق المفروض ماتجي منك ماعليش تحملني لو مااحب لك الخير ماقلت لك كذا .

هههههههههههههههههههه

والله جبتها صح يا صدوق المخايل...

فعلا ليه بعض الناس تتضايق لو الأمام اطال الصلاة , وهم بالساعات متسمرين عند المباريات والأفلام .!!...

بعدين يالحصاد ... صليت صلاتين في نصف ساعة ,,وقت قصير ...عندنا أمامنا الصلاة الوحدة ثلث ساعة ....بس كلما سمعته ,,تمنيت اني رجال حتى أصلي في المسجد ...........

وتسلم على هالقصة ....

اخوي العزيز صدوق المخايل
الاخت المحترمة صمت المشاعر

تحيه طيبة لكما

بالنسبة اني استخسر هالشي فاقول (( لا )) والحمد لله ؛؛ لكن هناك عدد من الامور ودي اوضحها :

1- هناك حديث عن الرسول عليه الصلاة والسلام ( مشكلتي ماحفظته ) يامر بعدم الاطاله بالمصلين اكثر من اللازم0

2- لقد كنا مسافرين ( لذلك رخص لنا بالجمع و القصر ) فلماذا الاطالة؟

3- وقت المغرب قصير ؛ و انت في مسجد على خط كل الناس الي فيه ماجوا الا ولهم شغل يعني محتاجين للوقت وماتدري عن احوال كلاً منهم0

4- وبصراحة لم يكن هناك مقارنة بين طول صلاتنا او الصلاة في المدينة المنورة ( اللحن اطول )

5- كلامكم اكثر من رائع و يدل على غيرة دينية والله يجزاكم خير ؛؛ بس وش رايكم ( ليش يسمح لنا في السفر بالجمع و القصر ؟ )

تقبلوا تحياتي

الحصاد ..

اقتباس: والا هاك اللي يصلي بنا ( الله يجزاه خير ويغفر له ويرحمه )

ليش .. هو مات ..

مشكور على السرد الرائع ..

أخوي و أختي ..

لماذا هذا الهجوم على الأخ الحصاد ..

الأخ كان مسافر .. والمسافر يجوز له الجمع والتقصير ..

فالمفروض على الإمام ..انه يعرف ان معظم المصلين مسافرين .. لا زم يقصر الصلاه مو يطولها ..

A N G E L

الصلاة الصلاة

الالتزام بالعبادة والطاعة وادائها على اكمل وجه يكمن في النية والحضور المعنوي لاالمادي شكلا وفعلا فقط

والمصطفى عليه افضل الصلاة والتسليم امر بالتخفيف في صلاة الجماعة في المساجد فكيف بمن على سفر

المسافر له رخص واحكام كثيرة -- تخفيفا عليه

هدانا الله الى طريق الحق والهداية

اخوي الحصاد تسلم على سردك للقصه

ثانيا اهم شي الله يتقبل هاالصلاة الله من ناس تصلى وتروكع الليل والنهار ويروح كل صلاتهم مثل الرماد والنيه الحسنه اهم شي وصف النيه وامش

ثالثا كل شي باجره

وشكرا
اختكم قموره الاموره

اختي العزيزة angel

اخي العزيز هيمان

اختي العزيزة قمر تمير

مروركم و مشاركتم تشرفني و تسعدني

بالنسبة

لاستفسارك اختي angel

ليش قلت الله يغفر له ويرحمه وهل هو مات ( اقول الله يغفر له ويرحمه حتى وهو حي ويغفر لنا اجمعين ويرحمنا )

تحياتي

من نعم الله وفضله على عباده ان جعل لهم رخصا كثيرة ومنها القصر والجمع في الصلاة للمسافر تخفيفا.........

ولا أعتراض على ما شرعه ربي أو تشددا فيه ,,لكن تذكر أخي .....

حديث الرسول عليه الصلاة والسلام ..(أغتنم خمسا قبل خمس ..(وذكر منها :شبابك قبل هرمك ,وصحتك قبل سقمك..))

فان لم ننتفع بشبابنا وصحتنا في القيام بالعبادات والتزود من النوافل والطاعات الآن ,فمتى ؟؟ هل اذا شاب الرأس وعجزت القدمان عن الوقوف امام رب العباد ومرض العبد هل لنا من نشاط وقوة تعيننا عند ذلك؟؟

لما لانجعل كل صلاة نصليها كصلاة مودع ؟؟ فلا ندري ...هل بعدها نصلي ,,أم يصلى علينا !!
عندها لن نشعر ابدا أن صلاتنا طويلة أو متعبة ,, جرب وسترى....


بارك الله فيك اخي على تقبل ما قلناه ,, ولا حرمك الله الأجر ....

اشكرك على كلامك الطيب اختي صمت المشاعر انتي باالفعل انسانه رائعه بس شكلنا طولناها انا وانتي مع اخونا الحصاد تلقينه يتمنا انه ماكتب شي بس اقول لك شي حقه وماجاه من قايل له يعلمنا ههههههههههههههه .