جــــذّاب

يا قلبي اللي كل ما قلت انا طاب=جنه صواديف الزمن واجرحنه
صدوفٍ تلاعبّه عل كل الاقطاب=بين الرجا والياس ويلوّعنه
لهن ذهاب الصبح والمغرب إياب=لا قلت انا قفن .. سطن واشبكنه
ان جيت ابا اخذ طب من طيف الاحباب=جنّه مقادير الشقا واجدعنه
ان جيت ابا افتح باب من ضمن الابواب=هبن نسانيس الهوى واقفلنه
اليوم اشوف الحب مبداه جذاب=بين الغلط والصح كنه وكنه
اثر الهوى همّ .. ومعاناة .. وعتاب!=وميعاد .. واشواق اللقا .. يخلفنه
لا تنشدون اللي من الحب منصاب=الحب يا العشاق نارٍ وجنه
يا حايره في دمعها بين الاهداب=سود العيون يعالكن الأعنه
اسرج خيوله وارسل سهوم الاسباب=وابشرك بجرومها المستكنه
حرب الهوى ما يقدره كل حراب=وكم عاشقٍ تخلف لياليه ظنه
ليت الغلا والشوق يلعب بالالباب=قبل الهموم بخافقي ينتلنه
ما يستوي فالحب صادق وكذاب=الفرق واضح والجرس لا ترنه
ان مت عاشق جددوا نوت وعقاب=والا انت موتك موت والموت سنه

مختارات عهود

صـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــح السانك
وشكرا على الابداع المتجدد
jeep

صح لسان الشاعر على الابيات الجميله وشكرآ عهود على النقل ،، أتمنى التواصل ..


تحيااااااااااااااااااااتي

جيب
و

السنــــافي

شكرا لمروركم العذب

ودام تواصلكم الرائع

تحيتي لكم