جيت أتكلـم بـس عيـا لسانـي

البارحة مدري وش اللـي خذانـي=يوم أجنبوا عني من الضيقة أشملت
جيت أتكلـم بـس عيـا لسانـي=ما كني إلا مرتكب ذنـب وأخملـت
الله يسامح مـن ذكـرت ونسانـي=وأنـا أدري اني لاذكـرتـه تجمـلـت
عانيت وأدري كـل طيّـب يعانـي=وعلى حساب طعوني الخضر جاملت
يا ما خذوا منـي ولاحـدٍ عطانـي=من طيبتي في حق نفسي تساهلـت
عـزاي لا منـه تجّهـم زمـانـي=يممت وجهـي للكريـم وتوسلـت
واللي يبي قربـي وبعـدي لقانـي=أمشي على وضح النقـا ماتختلـت
مرات أحس أنك معي شخص ثاني=ومرات أحس أنك حبيبي ومازلـت
لا تفرح أنك دجـت بيـن المحانـي=لو ما تخون الذاكـره مـا تسللـت
عشان ماضيك الجميـل وعشانـي=حاول تشيل من الوفا ربع ماشلت
ماني على خبرك حبيبـي ترانـي=حتى عن صغار الأمانـي تنازلـت

قصيده في منتهى الجمال والروعه ويقول ذلك كل انسان يفهم فنون الشعر شكرا لك عهود ........واصلينا بروائعك .

قصيده في منتهى الجمال والروعه ويقول ذلك كل انسان يفهم فنون الشعر شكرا لك عهود ........واصلينا بروائعك

مشاء الله عليك عهود
الحقيقه اتحفتينا بالمشاركات الاخيره الف شكر على هذا التواصل الرائع فى الساحه
شاكر لك ومقدر لك هذا المجهود
اخوك
النادر

شكرا للجمــــــــــــيع

مع التحيه