قصيده للشاعر محمد جارالله السهلي

لاصرت بايعني اشوفك على خير=مع السلامه دام مابه سلامه
قلت انتهينا قلتلك خير يا طير=ماني بأول شخص يخسر غرامه
محذرك من قبلها الف تحذير=لاعفتني بيعيف قلبي هيامه
مانيب ميت لاولا احتاج تبرير=صح الله لسانك ووفر كلامه
بأسمعك حبكه وفكره وتصوير=وافهم عدل يا مدعي بالفهامه
وجه الشعر ابيض ويحتاج تغيير=ودي تزين هالقصيده علامه
ماضيك الاسود با اذكره دون تقصير=كذا يكون بخد هالشعر شامه
يصدق معي تعبير ويخون تعبير=يا ضيعة الشاعر بوقت انسجامه
يمكن خطا ادونك بالشعر مير=لو ما احترمتك للغرام احترامه
ما كان حبك غير بس طعنتك غير=علمتني معنى الندم والندامه
ماجاك مني اي زله وتقصير=كل ما خطيت اعاتبك بابتسامه
حسبي على الذكرى اذا هبت عصير=ما عاد تنفع شرهتي والملامه
البال ظامي وقتها والحزن بير=والهم انا اول من كسبت اهتمامه
والليل فازع لك كذا جاني مغير=ظلمتني واكثر ظلمني ظلامه
لا اقبل علي اوحيت صوت المسايير=وفزيت كل ضيف(ن) اقوم بمقامه
وليا عزم هالليل ضيقه وتفكير=قلي بربك كيف بقدر انامه
مافيه داعي للعتب والمعاذير=الغدر خال الجرح واطيب عمامه
اما يجيب الله مطر تالي الخير=والا السلامه (ماااش) مامن سلامه

الاخ/ الدبلوماسي يقولون الرجال اللي شرواك القصيد يامن قولك او من منقولك وانت اخترت قصيده من منقولك واجدت في اختيار قصيده لشاعر معروف وقد تستغرب عدم الردود على المشاركه لانك ربما سمعت القصيده على شريط واعجبتك ونقلتها مشكورآ هنا وكما تعلم فالإستماع غير القراءه اتمنى منك المزيد فليس الجميع من الذين يسمعون فقط ،،،،،،،،،،،،،



تحيااااااااااااااااااااتي

لاوالله القصيدة روعه للغايه وفي منتهى الجمال

شكرا ً اخي السنافي
مرورك و تعليقك احيا الامل لدي ولازلنا في طور البدايه واعدك بما هو افضل باذن الله


اخي طش السحاب الله لا يهينك اعتز بمرورك والله يعطيك العافيه
والهدف وانا اخوك مو التثبيت المهم الماده المطروحه تكون جيده

وسع صدرك وانا اخوك