فكره..؟!

سلام عليكم ورحمة الله وبركاته

اول شي ياجماعه

اكيد كل واحد من الاعضاء يحب ديرته ويفتخر ايذا سمع اسم ديرته برا سدير وتشتهر

الحين انا لاحظت بكل اجازه يجون ناس من برا يمرون على تمير

انا حبيت اعطيكم فكره وابي رايكم ليه البلديه متخصص موقع او ساحه يكون فيها عرض عن ماضي تمير وماضي سكانها

يعني معرض... كل من يجي على تمير ويمر عليها يشوفه ويتعرف اكثر على تمير ويكون ماخذ فكره عن اهلها صح ولالا..؟

احب يكون اسم ديرتي على كل لسان يكون فيه على الاقل بالاجازات الصيفيه وغيره مهرجانات عن ماضي تمير او غيره
يكون فيه معرض صور لتمير على الاقل الي مايعرف ماضي اهل ديرتي يعرف وان شاءالله كلنا نعرف

انا ماطرحت عليكم ها الموضوع الا ابيكم تفكرون معي وتعطوني رايكم انتم شوفو المناطق الثانيه زي شقرا واشيقر وغيره

ليه تمير ماتكون من ظمنهم ؟
اخواني تكفون انا بس ابي ادخل ها الفكره عليكم وياليت اعرف رايكم


وألي عنده وجهت نظر او فيه ملاحظه يطرحها ...

تحياتي لكم... ^_^

فكرة حلوووه مرره ..
مشكور ع الطرح ..

فكرة رائعة ... ولو أنشيء بهذا الماضي متحف متكامل ستكون اروع

فكره حلووووووووه
ياريت تطبقها البلديه

يالليت والله
وبتكون واجهه لمدينة تمير
ويكون فيها تعريف عن تمير وماتحتويه ..
مشكور على الفكره

فكرة والله حلوة ان شاء الله تنفذ ؛

كلامك عين الصواب

يعطيكم الف عافيه على الردود...

اتمنى ومن قلبي ها الامنيه ان الموضوع محد ينساه لان هام جدآ
وياليت البلديه او اي جه خاصه بالموضوع هذا ماتخليه :(
الشي هذا ماطرحته الا ابي ماضي تمير محد ينساه ويكون له ذكراء

او له مقر خاص يحمل كل ذكريات اهالي تمير..

تحياتي لكم~~~ ^-^

فكرة حلوة وتستاهل ديرتنا الحلوة انا نحافظ على تراثها انا اتمنى انه البلدية تقيم مهرجان للتراث ويكون في الديرة القديمة (بيوت الطين)وتجمع فيها التراث القديم وتقام فيها عروض للالعاب الشعبية والمأكولات الشعبية ويكون هذا المهرجان على الاقل لو مرة في السنة ............................وش رايكم؟

والله فكرة حلوة يارب يسونها يازين ديرتي بس