قصيدة بنت في شايب عمرة 90

هذه قصيده تحكي عن بنت احبت رجل في التسعين من عمره

وفاضت قريحتها بهذه الابيات::

حبيت شايب لاتقولون لي ليه
لقيت عنده ماابي العز والجاه

ولقيت عنده حب من قلب يعطيه
هوحبي الاول والاخر وانا افداه

قرب على التسعين ولاشي يشكيه
مهما طلبته قال حاضر ولبيـــــه

يركض على شاني ولاهمه شراه
لو هو لبن عصفور لابد لاقيـــــه

يفرح اذا من قلت يارب تجــــــزاه
وان ضاق صدري بان حزنه بعينه

ورحت اتمشى فالبساتين ويــــــــاه
يجمع لي اجمل ورده من نقوة ايديه

والشوك عن دربي يشيله بيمنــــاه
واذا رجعنا البيت فالانس يحييـــه

شال الهجيني والرقص دوم يهــــواه
وان كان ابي" ديسكو" فلا هو بخافيه

"البريك داون " يضبطه ماتعنـــــاه
يابنت خوذي شــــايب لاتعديـــــــه

خاتم بيدك والمخـــــاليق بحمـــــاه
وش لك بورع ٍ تايـــه في مفاليــــه

اما سهــــر والا دشاره وبـلــــــواه
والا فقيــــر ٍ راتبــــــك مايخليــــه

والا غني والبخــــل دوم بخطـــــاه
والا مطـــــوع وحـــدة ٍ ماتكفيــــه

ولو هي وحيده تنتهي من سوايــــاه
حتى ايش لو دينه عن الغي ينهيـــه

سيارته من كثر كرفـــــه تشكــــــــاه
ولاتاخذي شاعر ترى العشق يغريـه

ياسرع مـــــايقلب لحــــب ٍ تحـــــراه
ولاتقبلي راعي "تداول" وتشريــــــه

فكره مع الاسهـــــم عشيق وليـــــلاه
فالشايب اللي كــــبر جدك تمنيـــــــه

لو قدر الله مات فالـــــــورث ذكـــراه
من بعدها تشرين زوج ٍ وتغنيــــــــه

دام الشبـــــــاب اليوم فقره توطــــــاه
ويصير لك ظل ٍ وتـيــــــس تربـيــــه

برويتب ٍ مثل الموظف ولااحـــــــلاه





راقت لي ونقلتها ..

ماشاء الله
قصيدة جميلة واصابت الهدف !!
شكرا ابوشادي

قصديه جدنا روعه بس مهوب كل الشيبان مثل بعض
تحياتي لك ..

ورحت اتمشى فالبساتين ويــــــــاه
....................يجمع لي اجمل ورده من نقوة ايديه

الله يسعدهآ مع هـ الشآيب !
صح لسآن شآعرهآ و تسلم على الأختيآر ..

-



اجل ندور لنآ شآيب ههههههههههههههه
لآهنتِ

.
.

()

قصييييييييدة جمييلة
لكن فيها بعض المبالغات في المدح فالشيبان موب واحد والشباب ايضا موب واحد ..!!!