((عطوني حب إنسانه )) قصيده لوارث الطيب

سلاااااااااااااام ياكرااااااااااام

هذي القصيده لمنتدى تمير الراااااااااائع أتمنى تحوز على رضاكم

رماني حظي العاثر وجيته أشتكـي الحرمـان= لقيته يشتكي مثلي جروح الحـب وحرمانـه
تعاهدنا على النسيان ونسلى والهوى سلـوان= نعيش الحب لاجل الحب نروي قلوب ضميانه
خطينا الخطوه الأولى ورسمنا للأمـل ألـوان= وتعثرنا بخطوتنـا.. وأملنـا ذابـت ألوانـه
وضاع الحلم ياوجدي وجود المعدم العطشـان= يظن أنّ السّراب أنهار تروي قلوب عطشانه
نهاره يركض ويعثر بصحراء مابهـا غـدران= يجيه الليل ويزيده عـذاب الوجـد وأحزانـه
ألا ياقلبي العاشق متى تصفـي لـك الازمـان= متى ياقلبي المحروم تعيش الحـب وأزمانـه
أنا ماعاد لي شي ( ن) بدنيـا كلهـا أحـزان= أنا بموت أحسن لي من الحرمـان وأشجانـه
أنا أرتجـي ساعـه دقايقهـا صفـاء أذهـان= تجي لحظاتها متعه وأهيـم بحضـن هيمانـه
تدلّهني وتحظنّـي وأذوب بحضنهـا الولهـان= تسمّعني كلام الحب وتعـزف أحلـى ألحانـه
على وضح النقى ماهو على فعل الردى وطمان= أنا نفسي تعاف الشين وتعاف الغدر وأوطانه
خذو كلّ ما أملـك وعطونـي مثلهـا أنسـان= خذو دفّتر الشيكات وعطوني حـب إنساانـه

حقوق النشر محفوظه للمؤلف
وارث الطيب

بيض الله وجهك

وصح لسانك

والله ابيات زينه

مشكووووور على وينك يا وراث الطيب لا تغيب عنا

مشكووووووووووور


سلام

وارث الطيب صح لسانك على هالقصيده الجميله

على وضح النقى ماهو على فعل الردى وطمان= أنا نفسي تعاف الشين وتعاف الغدر وأوطانه

وكما قيل حب(ن) على غير الشرف لي مذله




تحيااااااااااااااااااااااااااااتي

هادي


وجهك أبيض ياالغالي هلابك ومرررحبا


لكن أنا لي ملاحظه على منتدى الشعر وين مشرفينه ؟؟ لابد له من مشرفين شعراء
ومتمكنين لكي يحركون المنتدى ويجيبون شعراء وتشتعل الساحه

لأن الساحات الشعريه من اهم الساحات التي تحرك المنتدى بشكل عام

أتمنى لكم التوفيق

وارث الطيب

مشكور ونتمنى المداومة

قصيدة تستحق التقدير

وعتبك في محلة

ونتمنى تزويدنا بملاحظاتك لمصلحة المنتدى

السنافي


هلابك وغلا وصحححححححح بدنك


صادق حب على غير شرف أشهد انه مذله


تسلم على مرورك

أخوي المدرس

المراقب العام

لاهنت على إهتمامك وهذا مو غريب عليك
أنا بس أتمنى وجود أكثر من شاعر لإدارة منتدى الشعر كمشرفين
لان لكل فن أهله الذين يبخصونه

وكذلك لاجل أن يدعو بعلاقاتهم شعراء آخرين لانني أكثر ماارى في المنتدى مشاركات منقوله
وتمير وسدير مليئه بالشعراء الافاضل الكبار

شكرا لك مرة أخرى وأسف على تأخري في الرد وذلك لإرتباطي بكمنديات شعريه أخرى

وتسلم ياابن الاجواد

صح لسانك يا وارث الطيب..
ماشالله ابيات راائعة وعذبة..
ننتظر منك المزيد..

وعليكم السلام ورحمة الله


أنا أرتجـي ساعـه دقايقهـا صفـاء أذهـان
تجي لحظاتها متعه وأهيـم بحضـن هيمانـه



القصيده جميله في مطلعها

ولكن هذين البيتين من الأئق ان لاتذكر

تمشيا مع ديننا الحنيف وعاداتنا كما في التحذير اعلاه

هذه المره لن احذفها ولكن يجب مراعاة ذلك بالمستقبل

شكرا لك وارث الطيب