قصيده مختاره

صباح الخير

هذه القصيده تجسد معانات الشاعر بشير اللويش مع ظروفه القاسيه

اترككم معها امل ان تحوز على رضاكم ،،

أوذانــي الـجـوال بكـثـر الفواتـيـر=وانـا رصيـدي للأسـف كلّـه أصـفـار
والبـوك حتّـى البـوك مـابـه دنانـيـر=مابـه سـوى الإثبـات وأوراق الاشعـار
غلبـان .. والغلبـان مـن ويـن مايسيـر=يسـرح خيالـه بالعنـا ويــن مـاسـار
جتنـي الرسايـل واضـحـه بالتقـاريـر=تطلبنـي آســدد .. وتنـذرنـي إنــذار
ويـن المصـاري ؟ هاتهـا دون تاخـيـر=والا فصلنـا هاتـفـك عـبـر الاقـمـار
ونـدّون إسمـك بالسـجـلات وتصـيـر=ف..بلاك لسـت وعقبهـا مامـن اعـذار
وآقـول ياعالـم .. ومـاهـي معـاذيـر=اقـسـم قـسـم بالله عــلاّم الاســرار
لـو عنـدي الامـوال مثـل الهوامـيـر=لآخـذ علـى نفسـي تعـهـد وإقــرار
إنـي لسـدد كـاش .. مـن دون تقصيـر=وأمشي على ماريـد فـي كـل الاقطـار
أبي مـع الصحـرا علـى كفّـي الطيـر=فـي نزهـةٍ مابيـن عذفـا ... وسـنّـار
مستانـسٍ فـي روض عشـب ونواويـر=هذا هـواي .. وموتـري جيـب فكسـار
لكن ظروف الوقـت .. والراتـب يسيـر=أقصاط فـي أقصـاط .. ورويتبـي طـار
بين الهمـوم .. وبيـن ظـروفٍ طوابيـر=والـلـي بـقـى مافـيـه يــنٍ ودولار
اللـي بقـى معـروف فـي قاعـة البيـر=للموتـر اللـي عادتـه وقـفـت الـقـار
المـوتـر الـلـي بلّـشـن بالمخاسـيـر=فـي كـل مـرّه لـه مواقـف وتـذكـار
مرّه من الكهـرب .. ومـرّه مـن القيـر=ونوب .. يتهزهز .. تقل يرقص على الطار
لامن نويت الدرب وقّـف .. كمـا العيـر=تشهد لي السـطحـه لياقيـل " كومـار "
هـذا نصيـبـي بـيـن هــم وتفاكـيـر=ياويل حالـي ... آآآه مـن هـم الافكـار
كنت أتصل من شـان ماضـرب مشاويـر=واليـوم لازم اطـوي الـدرب مـشـوار
وش..حيلتي ؟؟ والوضع ماعاد بـه خيـر=وش..حيلتي ؟؟ مادام صـار الـذي صـار
وش..حيلتـي ؟ والوضـع يحتـاج تغييـر=آنـا بـدار ... وصاحبـي دونـه ديــار
ومادامنـي فقـري .. وماملـك دنانـيـر=ماملك سـوى الاثبـات وأوراق الاشعـار
مابـه ورى الجـوال كـود المخاسـيـر=هـذي الحقيقـه ماتبـي كثـر الاشــوار

بشير اللويش

مشكوووره على اختيااااااارك

والقصيدة رووووووعه

ربي يسلمك


سلام

بشير مالك في كثير المخاسير .............. انحش عن الجوال يانسل الاحـرار

انا مثل حالك كلتني الفواتير ............... وطلّعت من زود الفقر صك الاعسار

عسى تزين لنا صدوف المقادير ............... ونصير انا وياك يالقــرم تجــــار



تحياااااااااااااااااااتي

مشكووووووووووووووووووره اختي عهوود










تحياتي
الغربي

	لـو عنـدي الامـوال مثـل الهوامـيـر لآخـذ علـى نفسـي تعـهـد وإقــرار إني لسـدد كـاش .. مـن دون تقصيـر وأمشي علـى ماريـد فـي كـل الاقطـار تشكرين عهود على اتحافنا بها

.

الله يغنيه ويزرقه من صافي حلاله

وصح لسانه

وسلم ذوقك الرائع

وشكرا لمجهودك

ولا يهون السنافي على مشاركته الرائعة

وتقبلي تحياتي

.

شكرا جزيلا لمروركم الكريم

السنافي يعطيك العافيه

لهذه البيات الجميله ..



تحيتي للجميع

مشكورة يااختي عهود على اختيارك

العفوو يابن غانم

والرجاء عدم تكرار ماكتبت

اذا عندك قصائد فبلاش لوي اللسان والحال المايل

وعدل نفسك بنفسك

تم التعديل على ردك

شكرا

[[اشكر الأخت عهود على المشاركه الجميله ، اما السنافي فرده مناقض للواقع ومخالف للحقيقه فله مني ولجميع الاخوان توضيح الحقيقه وكشف الشبهات/

لاتدعي بالفقر ياسالـــــم الزيــــــــــر
لاتدعي بالفقر وتمسك النـــــــــــــــار
لاتشتكي حالك ولاتعكس السيــــــــــر
ترى الزمن ياولد الاجواد غــــــــــــدار
كانك سنافي فاشتر الجيب والطـيـــر
واقنص بهن يامال قصاف الاعمـــــــار
والاالتشكي لاتشكى على الغــــــــير
ابوك تاجر وانت من ساس تجــــــــــار