يابنات انتبهوا واتعظوا وادعوا لساره ولبنات المسلمين بالستر يارب

بسم الله الرحمن الرحيم
السلام عليكم ورحمه الله وبركاته
يابنات بقولكم سالفه صديقتي والله
انها تقطع القلب راح اقولكم ومااطوول عليكم
صديقتي اسمها ساره وعمرها 22سنه
ساكنه بالرياض.... المهم ... كان فيه يوم من الايام
دق جوالها رقم غريب وساره ردت المهم طلع
ولد يقوول انه غلطان وصار يدق كل شوي
ويقول ابي اتعرف عليك ومن هالكلام قامت
ساره تهاوشه وهو ماعليه يدق ويقول كلام حب
وبالنهايه لعب عليها الشيطان وكلمته
وتعلقت فيييه بسبب كلامه اللي يقووله له
وانتم تعرفون قلب البنت ومشاعرها وعلى
طوول تتعلق .... وبعد فتره صاار يحلف انه
يحبها وهو اصلن كذااب حسبي الله
علييه والله يكشف ستره
المهم قعدوا مع بعض سنتين السنه الاولى
احلى الكلام فيها وارسل لها صورته واللي خلى
ساره تثق فيه انه يرسل صور
خواته وصور بنات اخته وارسلت له صورتها
وهوكان يلعب عليها بالكلام
وهي صدقته يابنااات لوتشووفون حلفه بالله
كيف وآثاريه اصلن مايخاف من ربه وساره
على نياتها صدقته....وفي البدايه قالت له
اسمها مستعار وبعدين قالت له اسمها
الحقيقي حتى اسمها بالكامل قايلته له
وهو بعد قايل لها كل شي يخصه اسمه بالكامل
واسماء خووااته
وساره احسن شي سوته ماقالت اسامي
خواتها الحقيقيه قايله له اسماء مستعاره
بس اسامي اخووانها الكبار قايلتها له
وهو ولا في حيااته شافها وجه لوجه بس
بينهم صور وهوساكن بالشرقيه
وعمره 27 سنه على قولته الله لايسعده
ويتعذر بالظروف يقول والله مااقدر اجي الرياض
وهواصلن يكذب لانه بس بيسوي سواته الشينه
وحتى رقم اهلها الثابت يعرفه لانه سبق ودقت
عليه منه وهو كان يمثل عليها ويقول لاعاد
تتصلين منه ماابي اكلف علييك
وهو كان يقول كذا عشان يبيها تثق فيه
اكثر المهم لما بدت السنه الثانيه لهم
وهم مع بعض قام يتهمها بأشياء ماسوتها
وهي اصلن ماسوت اي شي من اللي
قاعد يقوله وهو كان يكذبها بس عشان
يسوي اللي برااسه الله لايوفقه
المهم صااااار اللي ماتتوقعه في حياتها
وهو انه يهددها بالصور تخيلو يابنات بعد
الكلام اللي يقوله لها هي مااستوعبت
الصدمه ... قالت ليه تهددني ماتوقعتها منك
قال:: اصلن من قال لك اني احبك انا كنت
العب علييك قالت له:خلاص اتركني وامسح
صوري واعتبرني مثل خواتك
قالها:على كيفك اتركك كذا لازم افضحك
عند اهلك واخليهم يذبحونك ذبحة الشاه
وبعدين افتك منك قالت له:استرعلي
ولاتفضحني ............. يابنات والله انها تبكي
وتترجاه وهويقولها:لوتبكين ليووم الدين
والله مااخلييك لين افضحك وحتى الثابت بدق
عليه لين اهلك يردون واقولهم انا فاعل خير
وصو ر بنتكم عندي واذا انتم مو مصدقيين
عطوني رقم جواال وانا ارسلها على طوول
.................................................. ........
يابنات الله لايسعده يقول انه بيسوي كذا
وساره خلاص رااحت فيها من الخوف
وصارو خواتها يقعدون عند الثابت عشان
مااحد يرد ع الثابت غيرهم لانهن هم عاارفين
سالفه هالنذل وماتوقعو انه بيسوي كذا
وبعض الاحيان يفصلونه عشان مايدق
واحد من اهلهم يرد والله انهم عايشين بخووف
وحتى يابنات يقذفها في عرضها وشرفها
يقوول لها كلام انا استحي اقوله لكم بس ان
الله كرريم رااح ياخذ حقها من هالواااطي
المهم وعلى هالحال صارلهم6شهور
وبعدها ماقدرو يتحملوون تهديد هالحيوان
قامت وبلغت اختها الهيئه وماقصروا الله يوفقهم
ساعدوهم طلبو تسجيل لصوته وهو يهدد
واخذو صوورهالكلب وقالو ان شاء الله بيمسكونه
يكفي ان معااهم كل الادله اللي تثبت ادانته
وهم صار لهم من يوووم بلغو اسبوع ولحد الآن
ماردو خبببر بس دعوواتكم ان الله يكشف ستره
وانا اي جديد يصير على سااره راح اكتبه لكم
وانا والله يابنات كتيت سالفة ساره صديقتي
عشاان تتعظون منها وماتصدقووون اي احد
من هالذئاب البشريه الله يستر على بنات المسلمين
واللي ابيه منكم تنتبهوون وتعلموون كل غافله
لعب عليها الشيطان وكل وحده تمشي بها
الطريق اقولها والله ماوراء هالكلاب الاالفضاايح
الله يستر عليكم يابناات ابيكم تدعوون لصديقتي
سااره ان الله يسترعليها ويفكها شر هالكلب
ويكشف ستره عاجلا غير اجلا وان شاء الله
ابشركم قريب انهم قبضوا عليه وساره صح
انها غلطت بس والله الحيين لوتشوفونها
ندماانه على كل شي وتابت لربها واخذت
على نفسها عهد انها تبتعد عن هالطريق
والله يقبل منها توبتها بأذنه قادر على كل شي
دعووواتكم يابنات لها الله يسترعليكم ويرزقكم
بالازوااج الصالحه
.................................................. ..............
اللهم استرني في الارض وتحت الارض
ويوم العرض وفي الدارين دار الدنيا ودار الاخره
.................................................. .............
اللهم اغفرلي ولجميع المسلمين والمسلمات
الاحياء منهم والامووات
.................................................. ..............
اللهم صل وسلم وبارك على نبينا محمد
صلى الله عليه وسلم

لاآآآ حووول ولاآآآ قووة الاآآآ بالله
الله يستر عـ جميع المسلمين
ويكشف هالنذل عـ حقيقته وتمسكه الهيئه

قصص كثيرة ... تمر أحداثها علينا بنفس هذا القالب ...

ولكن من اللي يتعظ ...

انا معك ان قلب البنت رقيق ... وسهل اصتيادها ...

قال تعالى (( إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ ))

ولكن اهى غلطانه ... ماراح انبها لان الله غفور رحيم والله يقبل توبتها ...

أسال الله العظيم أن يهدي شبابنا وبناتنا ...

لا حول ولا قوه الا بالله
اللهم استرني في الارض وتحت الارض
ويوم العرض وفي الدارين دار الدنيا ودار الاخره

أأأأستغفر الله

الى متى البنات مغفلات !!!

الله يعين بس

الله يفرج كربتها ويصبرها
واتمنى من كل فتاة ان تنتبها لنفسها
والله يستر علينا وعلى بنات المسلمين

اسئل الله العظيم ان يفرج لهااا قلبي قووولي لهاا تكثر من الاستغفااااار اقسم لك بالله فيه العجب العجاب الله يخليك قووولي لها تستغفر كثييييييير بلا عدد بعد كل فرض صدقيني الله بيفرج لها بس قولي لها تعزم وتعقد النيه انها ماعاد ترجع ل هالاشيااااء وصدقيييييييني الله بيكووون معاااها وتكثر من قول
اللهم استرني تحت الارض وفوق الارض ويوم العرض واللهم استرعوراتي وامن روعاااتي واحفظني من بين يدي ومن خلفي
وتكثر من قول لاحولا ولاقووة الا بالله العلي العظيم
ودعاء الكرررررررب ظروووووري
لا اله الا الله العظيم الحليم
لا اله الا الله رب العرش العظيم
لا اله الا الله رب السموات ورب الارض ورب العرش الكريم
الله ربي ولا اشرك به شيئا لا اله الا انت سبحانك اني كنت من الظالمين
وكلما تذكرت هالموظوع اتقول هالا شياء الي سبق وذكرتها وكمان اتقول فوضت امري الي الله الذي لا اله غيره
والله يفررج لها صدقيني مريت بضروف صعبه جدا والي يعرف الله تهون مصيبته

لا حول ولا قوة الا بالله
أسأل الله الستر والعآفية في الدنيآ والأخره
جزآك الله خير الجزآء أختي الكريمه

لا حول ولا قوة الا بالله ..
اللهم اغفرلي ولجميع المسلمين والمسلمات الاحياء منهم والامووات ..

لا حول ولا قوة الا بالله
هذا السيناريو يمر على كثير من بنات المسلمين
كلام معسول .. نهايته علاقة غير شرعيه .. ثم فضيحة !!!
ألا من متعظ ..
نسأل الله الستر والعفاف والحشمة لبناتنا وبنات المسلمين
شكرا