|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
آخر 10 مشاركات
|
|
|
أدوات الموضوع |
03 / 11 / 2010, 57 : 02 AM
|
#1 | |
|
مشرف سابق
|
نبذه عن متنبي عتيبه الشاعر بندر بن سرور وبعض من قصائده
الشاعر بندر بن سرور هو بندر بن سرور بن خضير القسامي العتيبي ولد وترعرع في القراره بمدينه الدوادمي سنه 1360هجري توفي والده وهو صغير السن وعاش مع عمه بعد زواج والدته من رجل اخر. عاش الحرمان منذ صغره وربما السبب فيما وصل اليه بندر من موهبة شعريه فذه درس حتي المرحله المتوسطه وتوظف في الجيش السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي قال بيت له عندما اتاه احد الدائنين يطالبه بماله الدين واجد و الوظايف تعيسة والعسكرية خلت الراس شايب من اشهر قصائد بندر ابن سرور علي الاطلاق والتى يرددها الجميع ( ياسخيف الذرعان) وحكايتهاعندنا قام بندر بن سرور بطرق باب الامير تركي بن ربيعان في وقت متأخر وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج واخذت كلمتها تلك موقعٍ من الاسيءفي نفسه وكان بندر معروف لدي الجميع وقد انشد قصيدته تلك ياسخيف الذرعان مانيـب مرجـوج رجتنـي الأيـام غــدر وحيـلـه يابنت لولا اللي على تاسـع الفـوج تركـت نجـد وعــزوة بالقبيـلـة لاشك حاديني علـى نجـد هـادوج مسقي الفيافي ليـن يـدرج مسيلـه تركي ليا من الليلـي غـدن عـوج حملـة عتيبـة كلـهـا ماتشيـلـه يرسي كما ترسي البواخر على الموج ومنيـن ماصـك البحـر يرتكيـلـه مـادام تركـي حـي مـاودي أدوج وإن غاب غبت من الرجوم الطويلـة كانت هناك قصيده لبندر يهجو بها السديري وعندما سأل السديري عن عدم رده علي بندر قال هذا شاعر بيوته ابكار اي بكر لم يسبقه احد علي قولها. وله بيت يؤكد ما قيل عنه أنااليا مني نويت أفتل البيت فتلت والشعار ما ينقضونه صدق متنبي عتيبه وله قصيده مشهور ايضا قالها عندما كان في الامارات وهي طويله لكم منها تلك الابيات متى يجي في نجد بعض التدابير حتى يجي للصابريـن انفراجـي يالله ثبتني على الارض لا اطيـر لين اشرب الشاهي واكل علاجي علاج راسي حبتينـن بقصديـر اللي عليهن رسمهن بزدواجـي ويامنير اخذ الفرت واخذ الفواتير واحرص عليه ودخله بالكراجي ان كان يبغى زيت عب المواصير وان كان يبغى نار غير بواجـي واليا استعد وضخر البعد تصخير تصخير شيهانن لفرخ الزراجـي عده على اللي مايعد المخاسيـر ركاز عمدان الخشـب للنعاجـي تم قل لبو ماجد ترى وقتنا غيـر واتبدلت سحب المطر بالعجاجـي والباقي رقابه من قصايد بندر بن سرور (في الصبر) أنا الذي ما ابدي على الناس سرّي من خوف سودان الوجيه تحكي به أصبر على ظيم الدهـر و التعـرّي من شان من يرضى عليّ الغليبـة و ابعد مجالي عن عيـال التـزرّي من لا هـوى قلبـي دواه المغيبـة واخاف لي من مجلسٍ مـا يـذرّي في جانبه بـومٍ حساسـه صليبـه و سوالفٍ مابين بحـث و تحـرّي يجرح فؤادي عيّـه و ابتلـي بـه يرضيني المقسوم خيري و شـري سبحان من لا تعلم النـاس غيبـه أحدٍ علـى ربعـه يحـب التحـري للشـر بـلاس و خيـره بجيـبـه هذاك يالربـع انـا منـه متبـرّي لو عضّني ناب الدهر ما انتخي بـه من خوف يضحك لي و هو يستغرّي يفتل حبال السّوْ مـا ينـدري بـه يفـرح علـيّ بكـل شـيٍّ يمـرّي وان شاف يمّي خير عنّـي نهيبـه من قصايد بندر بن سرور الا وا وجودي وجد من صك دونه بـاب بقفـل اعجمـي مغلقـات مسامـيـره عَدَو به على اللي كنه النسر بالمرقـاب على الجمس الأصفر كاملات شراشيـره معه فرت خمسة طن ياخذ مية ركـاب مـن المـال عيّـن ينقلنّـه تغايـيـره دخل هو و حِمله للحكومة بغير حسـاب و راعيه عشر سنين و يعـاد تقريـره على اللي كواني كيّة العظم بالمشهـاب على أقصى عراوِ القلب محمي مناشيره عشيري ورا الكوده وانا من ورا مشعاب بعيد قريب تعيـب يـا هـون تيسيـره ولا يوصله كود " فرت " عليه اسطـاب ليا حاسـب السـوّاق تقـدح مواخيـره صنايع بياطير الكفـر لابسيـن الكـاب عصاة اليهود اللـي مشاريبهـا البيـرة ألا يا نديبي فوق فرتٍ ورد من شـرق علـى راس قيـره للعليمـي تعاشيقـه من الوارد اللي جمركه عند راعي عرق على المطرق مجبـور ياخـذ قماريقـه من قصايد بندر بن سرور مـن بـلاد الشـام جينـا بالمكينـة فـوق فـرتٍ مـا تخثـع بالطمانـي يحتدي مثل الجمـل تسمـع رطينـه مع طمـان القـاع مثـل الثعلبانـي والشُفير مـن المـدارس مطلعينـه عن ظـلام الليـل شـب الكهربانـي كل مـا جـاه تـل يلعـن والدينـه باليمين اللـي علـى كـل اليمانـي ما تجيه يسار رجلـه شـوف عينـه غير يسرى الطـار شـيٍّ بالامانـي يوم قال له الخـوي عاشـت يدينـه شد رجلـه للكمـك واحـد و ثانـي يالله انك تنصـره مـن نصـر دينـه إن عطى لـه مـع غبـا ولا بيانـي قلت يالمطنـوخ أنـا عينـي حزينـه من شراب اللف أبيه و عنـك كانـي قد رمى بالكيس قدمـي قـال وينـه دوك ما بالجيب عـن شـيٍ لهانـي قلـت ثالـث قـال يالله لا تهيـنـه قلت خامس قال يطلـب نقـل ثانـي قال واحد و الكمـك واسمـع حنينـه كيف مـا ترضـى عليّـه بالهوانـي قلت واحد و الكمـك ضـام المكينـة قال لي من يرحـم القاسـي ليانـي قلـت والله يرحمـونـه صانعيـنـه قد زعلت من اللهيـب اللـي حدانـي قال مـا ناثـق بمـن هـم متقنينـه عن مشاور غير عرفي قـد كفانـي قاطع عرقين مـادري ويـن وينـه قد وصلت الأرض و اسمع صوت ثاني قلـت دوك اللـف خابـوا شاربينـه غطّني عن شوف شـي مـا خفانـي // راكب اللي مخ رجليه خنزير و هـوا أشهب في مقدمه باقين و عكس تاج متر في مترين مستبرم كلـه سـوا حايفه حطاب ما سمكره راعي الكراج إن نعشته بالثلاثة مـع اللفـة عـوا عوي ذيب محتدينه مربيـة النعـاج ثابت ما يختلـف كلمـا لـف إنـزوا و ارتفع ثم ارتخى مثل طايرة المراج كن ضرب المرو في الويل قدام و ورا ضرب هملول البرد و ان تقفاه العجاج منوة اللي مشفقن لهله و لهـم نـوا من بعد طول المسافة يبي فلّة الحجاج
// يتبع .. |
|
|
|
03 / 11 / 2010, 59 : 02 AM
|
#2 | |
|
مشرف سابق
|
رد: نبذه عن متنبي عتيبه الشاعر بندر بن سرور وبعض من قصائده
من قصايد بندر بن سرور( القصيده هذي جبل من المعاني والمفردات والحكم والعبر)
صدق من سماة متنبي عتيبه يالله يـا جـال الأمـور المهـمـة .... تجلى وهق قلب برى حـال راعيـه البر دجتـه و البحـر رحـت يمّـه .... أدرج سبب حظ على الله مساعيـه يوم إن ولد اللاش رزقه على أمـه..... رزقي على اللي ميّت القشع يحييـه مانـي وانـا بنـدر ببيـاع دمـه ..... يقطعك يـا بيّـاع دمّـه و مهفيـه اللـي يبيّـع لابـسـات الأزمــه .... ثور يبي بيـض العماهيـج تغنيـه يزعل ليا جـت ليلـة الـدول يمّـه ... يرضى بسوق المال بأخيـه و أبيـه خطو البخيـل اللـي يكبّـر معمـه ... يقرا الكتـاب و واجـب الله مخليـه أما هرج لـه فـي رفيقـه بنمّـه ..... والا عطا و أمـه تضيّـع هقاويـه يا مل قلب كـل مـا مـات همّـه .... دارت دواليب الدهـر ليـن تحييـه فرّاق شمـل النـاس عيّـا يلمـه ..... وقتن يشيب الراس من شاية فيـه أحدن ينـام و حـط راسـه بكمـه .... و أحد تخم النوم عينـه و تخطيـه و أحدن يحاول بالردى بنـت عمـه .... و أحدن يحاول ستر عذرا عوانيـه تخالـف الأنظـار شرقـن و يمّـه .... كلٍ هدف رايه من الناس مرضيـه أنشـدك ياللـي كـل شـي تتمـه .... تقرا الكتـاب كـل فـرض تصليّـه ويش القليب اللـي عميـق مجمّـه ... ما سرّ غرسه ماه عطشى سوانيـه سم السبب يا عارفن عنـه سمـه .... سم السبب يا عارفه قبـل اسميـه والله يـا لا لا كلمـة قيـل ذلّيـت .... لاترك مقاصى اللاش نقص و مهونة لا شك ضرّاب المثـل بـه تقدّيـت .... من حرّك المجنون ناطـح جنونـه // من قصايد بندر بن سرور يا رشيـد يـوم أتعبتنـي بالتناشيـد .... خذ لك من الدرويش زبـدة قصيـده ليا عبـدت الله ولا أشركـت تعبيـد ... ترى محمـد صفـوة الخلـق سيـده و ترى أبرك الحاجات يوم صدف عيد .. جمعة اسبوع و صادفت يـوم عيـده و اذكر لك الاجواد صـد و صواميـد ... و ؟؟؟؟؟ لا صدت ولا مـن صميـده و اذكر لك اقشر ما على السيد و البيد ... اللي طمـع بنـت القصيـر الحديـده فضح قصيره عنده انـه كسـب فيـد ... سولف بهـا للنـاس خطـو البليـدة سولف بجرحٍ مـا لجرحـه تضاميـد ... زوّد لجرحه جـرح ينـزف صديـده ليـا وطـاك اللـي وطانـي تراديـد ... رد الـسـؤال ولا تخـبـر بـريـده اضرب ثلاث بعشر و اجمـع تفاريـد .... و فرق على العشـر القليـد بقليـده واللي بقـى لـو تفرقـه للمواديـد ..... كم تفرقـه بيـن الوديـد و وديـده أنا الذي قـد مرنـي سلـك تجنيـد .... خـدمـت بــه سنـيـن عـديـده مرحول هم و كـل شـي لـه أجيـد ... اجيد زين و شيـن و الهـم اصيـده اسمع صرير القلـب بيـن الجواريـد ... حدّنه الاضـلاع و اسمـع صريـده صرير فـرخ حـده اقطـم صواريـد ... اول طـرد قرنـاس ثانـي حـريـده هذا و انا شفـت الـوزا و التزاهيـد ... لا اقول حـي ولا تحـت قبـر ريـده والله ما أهني قاضي العمـر ترغيـد ... ابـن اللئيـم اللـي حياتـه رغيـده أهنّـي القلـب الخطـا بالمراقـيـد .... و ضـب الخـلا لـو ياكـل رديـده // ما يطلع القرناس من عش بطّه و الجبو ما يحيي النوامي شفيطه ليا صار من ربعك اقيشر و نِطّة هزّ المحالة لين يفرط شريطـه تراه ما ينفـع عساهـا تلطّـه خيال دجل و مثل عنـزٍ ربيطـة // وهاذي بعض المقاطع يا بنت ياللي عينها عيـن شيهـان حـرّ قطامـي فعولـه عطيـبـه والقرن ذيل اللي تشعشع للاكـوان بنت الاصيل اللـي طويـلٍ سبيبـه و الردف يطوي الثوب و العود ريّان و الخـد بـارق مزنـةٍ مستجيبـة أسايلـك بالله خـلاق الانـسـان الله عليتس انتي من أيّا عتيبة ؟؟؟ // يا زين فنجال علـى نومـة النـاس زرع اليمن و اللـي مسوّيـه عيـده يبري العماس اللي فضى خوتة الراس روابـع يقفـي و يقـبـل بـريـده // يا بنت ياللي عمرها صدر و ردوف بيض محاجرهـا و حلـو نباهـا ودي بشوفك مير يوم اقصر الشوف عيني بعد هاك الرمـد قـل ماهـا // ماني وانا بندر بهيسن ولد هيس هيسٍ يدنع عند حرمة قصيـره ليا بغيت اجلس ترى لي مجاليس وليا بغيت انهج دروبي عسيـرة // ماني وانا بندر بهيتٍ ولـد هيـت هيـت مقابـل خمّـةٍ يكرهونـه من كثر ما جرّبت وأقبلت و أقفيت قولة هلا من لا يـودّك مهونـة ماني وانا بندر على درب الأنجاس اللي قريبٍ تفلهـا مـن لحاهـا أنا بدرب الصيرمي عدم الأجناس زيزوم روق ليا تنصّـت عداهـا ماني وانا بندر بنصّـاي جابـان شوخ الجموس مناقرين الحليلـة ليا صار لي لازم نصيت ابو فيحان شيخ الشيوخ مكمّليـن الجميلـة ماني وانا بندر براعٍ ولـد راع انا الحصان اللي طوالٍ حبالـه إبن سلايل خير من شالت القاع المصطفى الهادي وديع الرسالة صوتي وانا بندر طويل ليـا بـان إن ما خشيت الرب ويش اختشي له ما ينرمي قولن على غير نيشـان و من لا يثبّت حجته ويش هي لـه وهذا احدي ابياته التي قالها في الكويت عندما شاهد فتاه في الصف الثاني اعداداي يا بجاد لو صادفت وِرعٍ صدفناه على طلوع صفوف ثاني إعدادي ابو جديل يـوم تدلـج زوايـاه سبّاح غبّات مع الموج غـادي يمكن يصبّون الذهب من شفاياه والا بخده يزرعـون الزبـادي إلى ان توفاه الله عندما كان متجها الى صديق له , خارج مدينة الدوادمي , حيث أحس ببعض الالام و توقف على الطريق ليرتاح , و كانت هي النومة الأخيرة رحمه الله .. وكان مواعد اخته من اسبوع يوديها الىالبر في اليوم الذي توفي فيه ولكن مشيئه الله كانت هي الاقرب |
|
|
|
|
03 / 11 / 2010, 31 : 07 AM
|
#3 | |
|
تميراوي فضي
|
رد: نبذه عن متنبي عتيبه الشاعر بندر بن سرور وبعض من قصائده
شكرآ طير شلوى على جهودك...
|
|
|
|
|
03 / 11 / 2010, 57 : 08 PM
|
#4 | |
|
تميراوي برونزي
|
رد: نبذه عن متنبي عتيبه الشاعر بندر بن سرور وبعض من قصائده
أنااليا مني نويت أفتل البيت فتلت والشعار ما ينقضونه
تسلم على هاالابيااااااات |
|
|
|
|
05 / 11 / 2010, 59 : 06 PM
|
#5 | ||||||||||||||||||||||||
|
مشرف سابق
|
رد: نبذه عن متنبي عتيبه الشاعر بندر بن سرور وبعض من قصائده
العفو اختي روح الورد . |
||||||||||||||||||||||||
|
|
|
05 / 11 / 2010, 30 : 08 PM
|
#6 | |
|
ضيف تمير
|
رد: نبذه عن متنبي عتيبه الشاعر بندر بن سرور وبعض من قصائده
مشكور يا طير شلوى على هذا الموضوع الجميل..
الله يعطيك العافية والله يرحم بندر بن سرور تحياتي لك |
|
|
|
|
05 / 11 / 2010, 08 : 10 PM
|
#7 | |
|
تميراوي عريق
|
رد: نبذه عن متنبي عتيبه الشاعر بندر بن سرور وبعض من قصائده
شكرا ياطير شلوى على هذه المادة الدسمة
وبندر علم على راسه نار رحمه الله رحمة واسعة قال قصيدة جزله وعمره 16 سنه وهي ماجعلت قومه يلقبونه بالمجنون وهي يالله ياجال الامور المهمــــــــه = تجلا وهـــــج قلب برا حال راعيـــــه البر دجته والبحر رحت يمـــــــه = اطلبك ياحظ على الله مساعيـــــــه يوم ان ولد اللاش رزقه على امه = رزقي على اللي ميت القشع يحييـه يامل قلب كل ما مات همـــــــــه =دارت دواليب الدهر لين تحييــــــــــه فراق شمل الناس عيا يلمـــــــه =وقت يشيب الـراس من شاية فيــــــه احد ينام وحاط راسه بكمــــــه =واحـــد تخم النوم عيـــنه وتخطيــــه واحدٍ يحاول بالردى بنت عمـه = واحدٍ يحاول ستر عذرى عوانــــيــه ماني وانا بندر ببياع دمــــــه = يقطعك يابيــــاع دمــــه ومهفيــــــه اللي يبيع لابسات الازمــــــــه = ثور يــبا بيض الرعــــابيب تغنيـــــــه يزعل ليا جت ليلة الدور يمــــه =يرضى بسوق المال فخوه وفابيـــه خطو البخيل اللي يكبر معمــه = يقرا الكتاب وواجب الله يخليـــــــــه إما هرج لك في رفيقه بنمــه =والا عطا وامه تضـــيع هقاويــــــــه أنشدك ياللي كل فرض تتمـه = تقرا الكتاب وكل فـــرض تصليـــــــه ويش القليب اللي غميق مجمـه = مافاد غرسه ماه وعطشى سوانيــه تخالف الانظار شرق ويمــــــه = وكل هدف رآيه من الناس مرضيـــــه سم السبب ياعارف عنه سمعه =سم السبب ياعارفه قبل اسميــــــه |
|
|
[flash=http://www.albargsh.com/up//uploads/files/domain-3d0c23372f.swf]WIDTH=550 HEIGHT=320[/flash]
|
|
07 / 11 / 2010, 44 : 11 AM
|
#8 | |
|
مآيشبهونكِ「يالوفآاء
|
رد: نبذه عن متنبي عتيبه الشاعر بندر بن سرور وبعض من قصائده
بندر بن سرور شآعر لن يتكرر " رحمه الله "
عوآأآفي يـ الطير على هـ الـ نبذه والقصآئد لشآعر الجزآله والتفرد  |
|
|
|
|
07 / 11 / 2010, 08 : 12 PM
|
#9 | |
|
تميراوي فضي
حفظه الله ورعاه
|
رد: نبذه عن متنبي عتيبه الشاعر بندر بن سرور وبعض من قصائده
الشاعر بندربن سرور
من الشعراء الذين يحملون الجرئة وهو شاعر سياسي من الدرجة الأولى وله قصائد كثيرة في ذلك ولكنها "ممنوعة " وله ابيات أحفظها لو ذكرتها لما وجدتوني بعدها . ومن ممتلكاتي الخاصة شريط قديم بصوته لكنه غير واضح .. اتوقع أن شعره الآن غير متقبل إلا لهواة ذاك الشعر .. لأنه يعايش فترته الزمنية بكل قصائده طير شلوى شكرا لهذه الإلتفاته لمتنبي عتيبة بن سرور |
|
|
|
|
07 / 11 / 2010, 24 : 01 PM
|
#10 | |
|
المستشارة والقآئمه بشؤون العنصر النسآئي
|
رد: نبذه عن متنبي عتيبه الشاعر بندر بن سرور وبعض من قصائده
يسلم ذوقك على النبذه والقصآئد للشآعر بندر بن سرور
عوآفي |
|
|
اللهم صل وسلم على نبينا محمد♡
|
| مواقع النشر (المفضلة) |
| الكلمات الدلالية (Tags) |
| متنبي, الشاعر, بندر, سرور, عتيبه, نبذه, وبعض, قصائده |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
