تواســـــــيني

يواسيني ونا الميت وحالي يجبر الدمـــعات
تسيل من الذي فيني ويبكي وهو يواسيني

وانا ابكي واتنهد وارسم بالحــــــــزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحـــــب والرحمات
حرمت النفس من حقها وانا ابكيـــها وتبكيني

وكنه حلم قدامي يقيدني من الصـــــــرخات
ابي اصحى ولكني عجزت القى الي يصحيني

فداك القلب يايمه ومهما قلت من كلمـــــات
صغيره في كبر حقك بس اتمنى تعذرينـــي

نهبت الفرح من بيتي صحيح اني خسيس الذات
صحيح اني ولد طايش وكل ما أسمــــعه فيني

تجول عيونهم فيني تفصل مني قيــــــــاسات
وتشيح وجوههم عني وكني غيــــــرت ديني

يظنوا حزنهم اكبر وهم اصحاب هالــــمأساة
وانا اتحدى اذا فيهم ربع ما يحترق فينــــي

نقص قدري بعد موتك وغابت نشوة الــلذات
وصار الهم عكازي اباكيه ويباكينـــــــــــــي

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفينـتـــــي

يايمه ارجعي كافي ابجلس معك لو لحــــظات
واقبل ايدك ورجلك وافرش لك رمش عينـــي

يايمه ما تحملهم يقولوا فات ما قد مــــــــــات
تعالي غيري هالقول واطيعك باقي ســنيني

واترك عادة التدخين وانفذ ما تبي بســــــــــكات
واصلي الفجر في المسجد قبل منتي تصحيني

يايمه ارجعي تكفين وطفي شمــــــــعة الآهات
ابيك انتي ولا غيرك على موتــــــــــــــك تعزيني

وضميني وداويني مثل ما كانت الهقــــــــــــوات
ما ابي احدن يواسيني ابيك انتي تواســـــــيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكــــــــــــــــــيني


منقولة من الايميل

مشكور على التميز في النقل

رائعه هذه الخاطره



سلام

يعطيك العافية الهادى
عساك عالقوة

رائعه اخي
تلك الكلمات
نقل رائع........
والاروع اخي هو ذوقك الجميل
تقبل اعذب التحايا والمنى اخي

اخوك

تقاليد

يعطيك العافية
على المشاركة
يسلمووووووووووووووووووووو