تعلمت الصبر لكن بدا في داخلي ينهار , ).....

غصب أضحك غصب أفرح ولكن الجرووح كثار
أحاول ابتسم أمرح وصوت الحزن يرثيني

تهيج بداخلي عبرة أعالجها مع الأسحار
أمد كفوفي لربي وسواد الليل يخفيني

تعلمت الصبر لكن بدا في داخلي ينهار
سقا ذاك الزمان اللي دموعي تحتضن عيني

تصب مجرى الدموع وضاق صدري والسنين أقدار
كفايه من جروحي بس ودمعي اليوم يعصيني

أنا يا صاحبي ما جيت أبث الهم والاسرار
ولاني قادرة أحكي وش اللي هو مضايقني

خذيت العهد من نفسي أموت ولا أقول اش صار
تعلمت أكتم العبرة ولله أرفع يديني

تعلقت برجا رب عزيز قادر جبار
وعانقت الرضا لكن مع ضيقة تلازمني

ألا يا صاحبي بالله لا تزعل ولا تحتار
ولا تنشد من أحزاني ولكن لا تخليني

طلبتك كان لي خاطر دعاء بحزة الأسحار
أنا أشهد بالدعاء والله أحس انك تواسيني

منقوووووووووول